Video
Read full review
2022-07-16
37 views
朋友勁愛酸菜魚，喺佢多番推介下試咗呢間叫「捌壹壹」嘅酸菜魚。朋友經常幫襯佢嘅旺角店，最近銅鑼灣店新開張，餐廳位於蘭芳道，見今日去開附近行街順便去試吓先。🐟🐟開頭擔心天氣咁熱，食酸菜魚唔知會唔會太激，原來係絕對冇問題。試咗佢嘅必食冷鍋酸菜魚（$238），味道酸酸辣辣，好開胃呀。分量十足，除咗有魚之外，仲有酸菜、金菇、芽菜同寛粉，入口好富層次感。🌶🌶尖椒皮蛋（$45）- 用咗溏心皮蛋，賣相已經好吸引，配以蒜粒同埋辣醬（唔係好食得辣嘅我哋要咗微辣），好開胃醒神嘅小食。🥒🥒麻辣海蜇（$48）- 麻辣味好香，冇尖椒皮蛋咁辣，但麻油味好出色。海蜇好爽口，仲有青瓜，好清新嘅小食。🍐🍐飲品要咗蜂蜜雪梨茶（$28），好有誠意地放咗切碎咗嘅雪梨響入面，連埋蜂蜜，好解渴同消暑。見餐廳有午市同下午茶套餐都好抵食，環境及食物質素都好好，絕對會再幫襯呀。
朋友勁愛酸菜魚，喺佢多番推介下試咗呢間叫「捌壹壹」嘅酸菜魚。朋友經常幫襯佢嘅旺角店，最近銅鑼灣店新開張，餐廳位於蘭芳道，見今日去開附近行街順便去試吓先。
🐟🐟開頭擔心天氣咁熱，食酸菜魚唔知會唔會太激，原來係絕對冇問題。試咗佢嘅必食冷鍋酸菜魚（$238），味道酸酸辣辣，好開胃呀。分量十足，除咗有魚之外，仲有酸菜、金菇、芽菜同寛粉，入口好富層次感。
🌶🌶尖椒皮蛋（$45）- 用咗溏心皮蛋，賣相已經好吸引，配以蒜粒同埋辣醬（唔係好食得辣嘅我哋要咗微辣），好開胃醒神嘅小食。
🥒🥒麻辣海蜇（$48）- 麻辣味好香，冇尖椒皮蛋咁辣，但麻油味好出色。海蜇好爽口，仲有青瓜，好清新嘅小食。
🍐🍐飲品要咗蜂蜜雪梨茶（$28），好有誠意地放咗切碎咗嘅雪梨響入面，連埋蜂蜜，好解渴同消暑。
見餐廳有午市同下午茶套餐都好抵食，環境及食物質素都好好，絕對會再幫襯呀。
Post
