87 Coffee

Open Now

Now Closed

復活節假期，訓到晏一晏，skip左早餐，直接出去食lunch！又可以慳返一餐🤪想搵間可以坐得耐啲嘅餐廳慢慢hea，上網睇呢間餐廳好多好評，於是就試吓有冇實力先！餐廳座位唔多，勝在夠闊落，夠舒服！每張枱有一樽玻璃水，方便自己針！今日假期都有午餐套餐，款式都好多選擇，有牛角包，有意粉，有全日早餐，送黑咖啡！太后簡左份大盤子全日早餐，貪佢乜都有！而我就揀咗個G餐-香濃意大利飯紐西蘭肉眼!食物一上，果然係名不虛傳，真係好大盤子！喱份全日早餐總共有12款食材，牛角窩夫，巴馬火腿，煙三文魚，牛乳炒蛋，煙肉，兩款德國腸，炒菇，煎蕃茄，茄汁豆，沙律！一睇個樣就知豐富！食落味道都好唔錯👍炒蛋好滑，煙三文魚同沙律都好新鮮！食完呢份早餐，飽到今晚都唔使食！到我嘅意大利飯，啲飯粒粒分明，食哂都唔會濟！肉眼扒份量好多，有成六塊！我要七成熟，整得恰到好處，唔韌！另外，我哋兩個都加咗$25轉特飲！太后飲玫瑰鮮奶咖啡！太后話好香玫瑰花味，咖啡唔會好濃！我唔飲咖啡，所以叫左杯蘋果檸檬玫瑰花茶！飲完一杯花茶，叫侍應加多一次熱水，都仲好夠味！唔經唔覺喺間餐廳hea 咗成兩個鐘！😜整體嚟講，食物同環境質素一流！冇得輸！仲要免

餐廳位置在元朗，我和朋友叫左個二人晚餐，包括沙律、餐湯、餐飽、主菜、飲品和甜品，好抵食。藜麥田園沙律菜：以多種新鮮蔬菜加入藜麥，食得更健康。南瓜忌廉湯：南瓜香甜，味道濃郁，口感綿滑，配埋熱辣辣既麥飽，完美組合。黑松露牛肝菌意大利飯：飯煮得粒粒分明有嚼勁，加上黑松露的獨特香氣，尤其精彩。紐西蘭一級肉眼黑椒汁跟烤新薯及時菜：肉眼扒好厚身，肉質嫩滑，色澤紅潤透亮，脂肪比例剛好；配埋薯仔、脆玉瓜和車厘茄，令成個餐食落一點都唔覺得油膩。朱古力慕絲蛋糕：朱古力蛋糕好有層次感，十分誘人。藍莓芝士餅：芝士味道濃厚香醇，面頭的不只是藍莓醬，而是一層藍莓碎，好驚喜。熱桂圓紅棗茶：個店員話可以refill熱水👍🏻柑橘士多啤梨梳打：味道好清新，甜度適中。總結，餐廳環境氣氛輕鬆，食物用心製作，店員服務態度誠懇，值得回頭的小店。

今日去元朗買野，買完就係附近搵食，路過見到有間新開cafe好靚就入左去試入面裝修好靚，最吸引係佢上面吊左啲植物係到，成個感覺好清新好舒服野食方便有all day breakfast、意粉同比較特別既牛角包炒蛋煙三文魚炒蛋牛角包，炒蛋加左牛奶，淨係望都知一定勁滑配埋個鬆脆牛角包食一流菠菜蟹肉寬條麵，醬汁唔會太多太水，份量岩岩好，而且每條麵都索到汁，食落好濃味，酸酸甜甜一食就停唔到口！值得一提係呢到啲咖啡都整得勁有心機，平時啲cafe拉都係中間拉個心就算，呢到仲有幾個款式，最中意佢個旋轉形既拉花，超靚即刻打返個卡先最後試埋佢個tiramisu，甜度適中，而且唔會太creamy變到一pat野咁，中間有層蛋糕，食落好有口感，好食！

係元朗水車館街巷仔依邊開左間cafe，都係之前行過先知開左間新餐廳。今日去到餐廳十分爆場，原本仲有樓上座位可以坐，幾舒服幾愜意😌😌🍳大盤子全日早餐all day breakfast份量十足， 好少餐廳會提供牛角窩夫，牛角窩夫烘得熱辣辣又脆身，仲有三文魚、parma ham、炒滑蛋、煙肉、豬肉腸、炒蘑菇、薯寶、茄汁豆、蕃茄同沙律菜。真係超大份，食到最後都有啲濟，男仔都一定夠食🤪🤪🍔安格斯美式漢堡包伴有皮粗薯條漢堡包咬落啖啖肉，牛肉唔乾又好juicy，加啲芝士、生菜、蕃茄，口感更加豐富，粗薯條已經加左鹽作簡單調味，唔洗加茄汁已經好夠味😊😊🍵日本抹茶鮮奶加左錢叫杯咖啡飲下，抹茶味好重，啱哂我依啲鍾意飲抹茶嘅人😚😚☕️玫瑰鮮奶咖啡拉花拉得好靚，加左玫瑰花瓣令玫瑰味更加突出，再飲多少少就飲到咖啡嘅香味😋😋

今日好開心，同屋企人去咗元朗嘅一間Cafe度食飯，經過呢間餐廳，簡直係人世美食餐廳，住喺元朗嘅朋友一定要黎試吓，呢度環境優美寧靜舒適，好適合一家人或者朋友嚟聚會，同埋呢個坐得好舒服，好文青，真係好想出嚟再嚟啊，而且多個食物都好豐富，好多特色小食，仲有花茶，仲有好好食嘅全日早餐，價錢經濟實惠，所以呢度嘅嘢食真係好大聲，好掂呀，頭先呢一間餐廳位置於元朗站，一行兩至3分鐘，就話呢一間餐廳真係好容易搵㗎，而且呢度嘅食物都好多選擇，好豐富，有安格斯牛扒，有漢堡包，有薯條，再加全日早餐，佢哋個窩夫真係好大聲，又脆又香，而且呢度嘅飲品都好好飲，特別係個薄荷朱古力鮮奶，全部都係好大杯，好好飲，而且嗰個侍應都好有禮貌，全部都係有招呼主動斟茶遞水，解釋比客人聽，所以要再嚟啊❤️❤️

今日同朋友喺元朗覓食，見到呢間cafe個樣好似唔錯，就決定入去試下。下午時間去，都坐滿咁制，不過我地好好彩都順利入座，唔使等位以下係lunch menu:以下係drinks menu:都幾多款揀以下係是日甜品櫃:都幾吸引一坐低已經有曬水，餐具同手杯幾好幾好坐嘅位置都好舒適，環境幾好以下係ordered food:Cappuccino 跟餐+$25啡底唔錯，係我鍾意嘅口味，個拉花都好靚Brown sugar latte 跟餐+$25 呢個latte甜甜地，有黑糖味，我鍾意！我5分鐘就飲曬了香煎西班牙豬梅頭伴菠蘿 $93個pineapple超級好食，超甜超juicy嗰豬梅頭都好大份，下面張近鏡都見到唔只大份，仲好厚身添！而且肉質鮮嫩多汁！另外沙律菜都好新鮮唔錯！All day breakfast $148呢個all day breakfast超級推薦！份量十足，超級足料，仲要有牛角包窩夫食！個窩夫脆得黎，好鬆軟好好食一個男仔食都夠飽！抵食！最後黎張大合照！好滿足的一餐！一定會再黎encore!!!

元朗水車館街小巷開左新Café，以清新簡潔的裝修風格為主，店內擺放有許多綠色植物，讓人感受到大自然的氣息，好適合放鬆身心，享受美好的時光!推介😋意式菠菜蟹肉闊條麵 $98豐富蟹肉鋪得滿滿，味道豐富，有鮮甜蟹肉夾意粉軟硬適中，條條都痴滿蟹肉蕃茄汁，好濃郁，好滿足！大盤子全日早餐 $148經典英式早餐進化到超重量級配搭🍳 沙律菜、炒滑蛋、煙三文魚、茄汁焗豆、肉腸、烤厚切蕃茄、炒蘑菇、煙肉、薯寶、窩夫烘得香脆放滿滿大盤子，食完全日都充滿Energy呀🤩鮮薑汁焦糖鮮奶咖啡(套餐+$25)薑辛味第一時間先激到味覺，入口之後配合香濃嘅咖啡，它是你杯醒神咖啡呢☕Flat White (套餐+$25)

只要有好吃的，無懼山長水遠也願奔赴而去😅健身夥伴小仙女對元朗熟悉特地開車接我來尋找美食兩款食物➕兩杯飲品已是很飽黑松露炒滑蛋牛角包🥐三樣分別都吃過，但是這樣搭配在一起我還是第一次這配搭絕了👍😋意式菠菜蟹肉寬條麵平時不太吃主食的我吃了半碟，柔、勁、綿，香氣令人垂涎🤤望及舔唇乾咽😋小姐妹點了一杯「日本抹茶鮮奶」🍵我一如既往愛咖啡☕️今天點的是「鮮薑汁焦糖鮮奶咖啡」第一次喝這種口味的，口感極好👍顏值自然不在話下啦😍店內環境不錯，乾淨整潔，洗手間很寬大店員服務態度很好👍👍👍

位於元朗一條小巷入面，隱藏左呢間高質小店cafe，就入去chill一chill😊- 成個裝修都好文青、好用心，店內靜靜地，每檯都係屬於自己既小角落👍🏻- 安格斯美式漢堡包伴薯條🍔💲108超超超大一個😵好厚肉，而且夠林👍🏻芝士溶出來，好和美😍薯條好脆，食到停唔到🙈🙈🙈仲配埋沙律菜，中和返油膩感，配搭剛剛好，呢個餐超抵呀👏🏻👏🏻👏🏻- 意式菠菜蟹肉闊條麵🦀 💲98蟹肉都幾多，但蕃茄味較重，有少少蓋過左蟹肉既鮮味，少少可惜，但成味係好味既👍🏻都係食到一條都冇😝- 菠蘿蜂蜜花茶🍍菠蘿乾係壺底，茶隔入面超多料😍飲落既果香同花香、紅棗香有齊，整體就係好清香！最讚既係可以免費refill，fill左兩轉只係淡左少少，好抵飲🥰- Mocha好正拉左個打卡花😆🌸比例剛剛好，飲落係享受😊整體黎講，食物質素、店內環境同店員態度都係好好，性價比高，非常值得支持同埋值得再去既小店！🥰👍🏻

創辦人 Nikkei 小姐一直在元朗、天水圍用心經營此小店，去年從天水兩個店整合成現在元朗店，從精致咖啡小食至現在精品西餐。第一次到元朗店支持吓(搵咗幾次先搵到😅)，正藉黃昏人流較小叫了個牛柳意大利飯下午茶餐，即叫即造時間耐了點，但勝在質量到位。不論意大利飯或是牛柳(五成熟)都達星級酒店水平。意大利用姑菌、忌廉炆煮入味中間仲實實哋，比較是配合香港人口味，但又不失正宗風味。牛柳選用美國安格斯用味較濃，五成生熟度控制得非常好，中間粉嫩又收乾血水，真係望星級酒店出品一樣。加油

屋企附近開咗呢間cafe裝修幾好，環境乾淨 同朋友食咗個lunch 一碟意粉，一份黑松露炒蛋牛角包一杯咖啡 一杯熱朱古力 飲品一杯另加$25，最後埋單$220無餐湯餐包，份量小 食完都唔係好夠飽味道亦一般 性價比低 ，有其他更好餐廳選擇可能因為係Cafe唔係餐廳？所以相對價錢亦較高？同朋友嚟飲杯咖啡坐吓傾吓計OK，如果想食飽既就大把選擇 飲品亦一般食物份量同味道有待改進可能人手不足，等食物嘅時間有啲長勝在環境乾淨舒服 但應該無下次

一間位於小巷嘅小店，成間鋪都係得三個人，1個廚師，1個沖飲品咖啡，1個收錢出餐。雖然規模唔大，但食物出品嘅質素、環境都唔錯，人唔多，中午去食都唔洗等位。香煎西班牙豬梅頭伴菠蘿 $88★★★★☆2大塊豬梅頭肉，本身豬梅頭肉都偏向軟稔啲，食落都有豬味肉感重，唔太有雪藏味，而且佢地有輕輕調味醃過，煎香完幾香口唔會油膩，單食外，仲可以點佢配嘅紅酒汁。佢伴菜除左時蔬之外，仲有一個比較特別嘅紫薯蓉，好香紫薯味道，應該加左奶令佢口感細滑D，但唔會太甜，成個餐都幾好味食落輕型，啱哂減緊重、健緊身嘅朋友仔。黑松露鮮什菌偏意粉配香煎雞扒 $88★★★★☆扁意粉份量巨多，意粉口感爽口煙韌，唔會煮得太腍或者未熟，剛剛好。個汁都夠濃稠，夠哂Creamy奶味重，加上佢面頭會有黑松露醬加埋芝士粉，撈勻之後除左聞落香，食落都重黑松露味道，加埋個意粉都多菇菌，足料抵食，正！佢仲配左兩大舊煎雞扒，雞扒好滑一啲都唔鞋仲幾Juicy，但個外皮煎到好金黃香脆，呢個餐認真抵食熱柚子茶★★★★☆跟餐叫唔需要加錢，幾欣賞佢有落茶底再加柚子蜜去沖，甜度唔會過甜或者冇味，加埋個好英倫風茶杯碟，絕對係賞心悅目嘅一件事。🌟總括：雖然唔大間，

吃得出每款食物由主菜至配菜也用心製作調味，味道細緻，肉類/蔬菜也用心煮，份量配搭剛好，茶飲也有質素，會詢問客人加沖熱茶，服務細心、地方整潔。位置在小巷，比較自在舒適。

We waited 40 min. for our food when we ask the waitress why it took so long and she said they missed our order. But instead to prepare our food immediately they serve all the other guests first so we decided to leave the restaurant after 55 min. without eating anything. At least they didn’t charge our drinks.