87 Coffee

Open Now

Now Closed

在元朗小巷中、竟然找到一間以自然風格裝修作主題的87 Coffee，餐廳內的裝修風格非常悠閒舒服，也提供多了款精緻，以西式為主嘅美食同飲品。我和老公試咗佢哋嘅黑松露鮮什菌雞肉忌廉扁意粉、香煎西班牙豬梅頭（配菠蘿）、蘋果檸檬玫瑰果茶、凍黑咖啡同埋提拉米蘇牛角窩夫配雪糕，水準也十分好☺️☺️首先講下佢哋嘅黑松露鮮什菌雞肉忌廉扁意粉，個忌廉醬汁非常濃郁，令人流連忘返。扁意粉煮得剛剛好，彈牙有嚼勁，鮮什菌同雞肉亦都煮得恰到好處。最特別嘅係佢哋加咗黑松露，帶出一種濃郁嘅香氣，令味道更加豐富。整體而言，呢道意粉非常出色，絕對係值得一試。接著話埋香煎西班牙豬梅頭，佢哋將豬梅頭煎得外脆內嫩，肉質鮮嫩多汁，每一口都帶有微妙嘅炭燒香氣。梅頭上面嘅菠蘿片提供咗一啲酸甜嘅燒炭風味，同豬肉非常搭配。整體而言，呢道西班牙豬梅頭係一道令人垂涎三尺嘅美食。飲品方面，午餐set是附送熱茶或黑咖啡（凍飲加5元），但如配特飲，是可以把特飲原本價錢減8元享用！ 我點了蘋果檸檬玫瑰果茶，呢個係一個非常清新嘅選擇。茶飲入面有著新鮮蘋果同檸檬嘅香氣，加埋微微嘅玫瑰花味，味道非常和諧。如果你鍾意清新果香，呢杯果茶絕對值得一試。而凍黑咖啡

再次嚟到幫襯元朗呢一間有心嘅Cafe小店，今次試吓佢晚市嘅套餐。食過幾次都知佢嘅意粉唔錯，今次仲會試吓新嘢。是日餐湯拼餐包餐湯係忌廉蕃茄湯，蕃茄味相當濃郁，酸酸甜甜幾開胃。餐包有啲似某澳洲連鎖西餐廳嘅黑糖包，軟熟可口。蟹籽蟹肉忌廉扁意粉意粉口感al dente ，忌廉汁唔會太鹹，蟹肉嘅份量亦都幾多，抵食！鍾意食白肉嘅朋友唔可以錯過。紐西蘭一級肉眼扒今次叫咗七成熟，肉眼嘅肉質偏腍，油香亦都十足。旁邊嘅翠玉瓜、蕃茄、薯仔令到成個擺盤好精美。好有誠意。凍檸茶呢度嘅紅茶底相當靚，走飲管，支持環保。伯爵茶消滯解油膩。總結，係會想一嚟再嚟嘅西餐廳。主菜性價比暫時係同區之冠。

雖然Cafe位於水車館街的巷子裏，但附近交通也很方便。坐位唔多，但枱與枱之間空間夠坐得舒服，仲有樓梯可以上一層。老闆娘好親切友善，店員也很有禮，感覺很溫馨有少少Home feel 💕午餐包黑咖啡/ 茶，也可以補錢叫其他飲品。✨主菜：✨🧡香辣欖油鮮茄海蝦扁意粉🧡海蝦有5 隻咁多肉質爽口彈牙，用橄欖油炒香過的意粉吃起來帶微微的辣。🧡鮮菠菜蟹肉蕃茄醬寬條麵🧡蟹肉份量好多，還有我好喜歡吃的菠菜，蕃茄醬汁酸甜適中，寬條麵質也煮得剛好，每條麵都掛滿汁，食落去好豐富。✨Drinks:✨🔹榛子鮮奶咖啡 ☕️🔹黑咖啡 ☕️**套餐附送的黑咖啡仲可以免費添飲**✨甜品：✨💛提拉米蘇牛角窩夫配雪糕💛甜品上枱先知原來呢個提拉米蘇係好似意式甜品Affogato 咁，Espresso 濃縮咖啡+雪糕 一齊食冰火交融，感受到甜苦平衡的味道，牛角窩夫焗得好香好脆。老闆娘真係好親切友善，會同客人傾下計，又問下我地啲食物啱唔啱口味，要唔要添飲咖啡。呢度食物真的不錯，價錢也合理，值得再來。

近排好想食西餐廳， 於是想搵一搵，見到好多朋友介紹咗呢一間元朗嘅西餐廳，發現食物質素好高，第一次食，就愛上了，而且佢位置非常方便，在元朗站，係兩至3分鐘就會搵到，真係好啱一家大細，或者一大班朋友嚟聚會食飯啊，而且呢度嘅食物份量質素好高，份量十足，服務質素又好，真係一間人細餐廳，一定要介紹俾你哋食啊，呢度嘅食物入豐超級多，配菜很多，而且佢哋嘅豬扒都係幾級推介，超級多塊，每一口嘅肉質都非常鮮嫩，超級效果，好有口感，而且佢哋嘅意粉都係10分推介，意粉超級好食，加埋白汁，真係一流呀，而且呢度嘅環境都好舒服，空間感好夠，衛生程度非常好，全部都好乾淨，企理佢衛生，真係好舒服啊而且呢度禮拜鋪埋相都好靚，睇得出廚師好有心機，以客人為上，有賓至如歸的感覺勁

由天水圍搬到元朗水車館街內巷開業的小店😋 廚師很用心煮每一道菜，所以出菜會慢一點，簡單裝修配合悠閒音樂，成件事的很舒服，與朋友傾下計食下嘢是不錯的選擇😊 黑松露鮮什菌雞肉忌廉扁意粉 $98忌廉汁收得剛剛好，好creamy 條條意粉都掛上忌廉汁😋 黑松露勁夠味👍 只是雞肉有點鞋😅黑咖啡 （跟餐）堂食可以添飲👍每次食完嘢後，都會refill 多一杯這午餐的總結😊 咖啡很香烘焙味😊 店員都很樂意refill 🥰👍

元朗嘅街道轉入一條巷仔一間整體質素都幾高嘅Cafe 幾有心去經營如果惠顧套餐 熱黑咖啡 茶 以上兩樣係無限refill 呢點非常吸引 唔係好多餐廳做到飲品雖然冇之前咁抵飲 不過質素依然香濃意大利飯配紐西蘭西冷 $118濃郁忌廉 濕潤意大利飯 幫你切到靚一靚紐西蘭西冷扒裏面見到粉嫩嘅血紅色 用短粒米 相比其他米粒 短米會比較濃稠奶油般滑順口感 每粒飯都均勻地裹上濃郁香濃醬汁肉質鮮嫩 質地緊密而嫩 風味濃郁肉香挪威煙三文魚炒滑蛋牛角包 $83潛艇牛角包上面鋪滿三文魚肉以及炒滑蛋三文魚帶有淡淡煙燻風味 炒滑蛋口感柔滑鬆軟 外層酥皮金黃酥脆，內裡蓬鬆柔軟配搭芝麻醬沙律仲有幾粒薯餅仔

過左午餐時間, 想搵間有西餐食既餐廳, 於是揀左呢度。叫左個香濃義大利飯配紐西蘭牛扒義大利飯加左忌廉同芝士煮 , 味偏淡 但食完完全唔覺滯同漏牛扒份量好多, 有7-8片, 亦有牛味, 唯一唔好係比較多筋不過廚師手藝幾好 可以做到5成熟,  以$108既價錢算抵 反而咖啡就一般 有少少澀味 呢間cafe重點應該喺食物上

今日嚟到呢間店，食個午餐真係滿足到我！首先，個香辣蒜片海蝦意粉🍝真係得我心，海蝦新鮮又Q彈，那個蒜香味真係撲鼻而來。講真，我幾乎每一啖都想唞多兩下，等味道更入味！跟住，個香煎雞扒🍳滑到出奇！伴埋金黃可口嘅法包，每一啖都有種順滑嘅幸福感，份量又足夠飽肚過一個下午。話曬，甜品都係重頭戲之一嘅。當New York cheesecake端上嚟個陣，我簡直唔信自己唔喺紐約。個芝味真係咁濃，仲要啱啱好嘅甜度，係真材實料嘅享受！最後high tea當然少唔到飲品🥤，喺呢到飲到嘅榛子朱古力鮮奶仲可以話係為咗佢而特登嚟呢！真係要讚下店員嘅服務態度，今次食得好開心，下次記得再嚟試埋啲咩蛋糕呀！飲意大利嘅美食，感覺我都喺義大利某個小角落嘅咖啡廳嗰度慢慢嘆，謝謝呢個美妙嘅下午！

今日帶咗BB去咗元朗一間小店度食嘢，想講老闆娘係好好幫忙安排座位🙏🏻雖然環境唔大，但係都可以容納到BB車嘅☺️環境方面雖然比較細，但係都坐得舒服同埋就到聖誕入邊有聖誕樹，都有啲聖誕氣氛喎🎄嘢食方面，首先咖啡係偏酸味嘅豆，我同朋友都嗌咗榛子咖啡咁如果鍾意酸味咖啡嘅就可以過嚟試吓，我自己本人就一般酸味，但係我覺得都可以接受同埋都好香同夠濃☕️嘢食方面就嗌咗西冷燴飯同埋茄汁雞肉意粉，我覺得價錢合理，仲要星期六日都有lunch set都幾好，但係茄汁雞油意粉就冇乜特別嘅，但係個西冷燴飯有驚喜，我覺得係真係五成同埋整得好食。唯一要改善嘅地方就係得一個廚師出餐比較慢，但係值得欣賞係店員嘅服務態度同埋老闆娘都好細心安排，有機會係會再過嚟食😊

#pb食在元朗 #pbcafe系列 元朗自然風巷仔咖啡店☕️今次介紹嘅呢間元朗cafe係2014年開業 不過一直都冇留意佢🤪 佢位於水車館街一條巷仔入面 位置比較隱蔽👍🏻 店內外裝修以木系、自然風為主 店內唔大 只有5-6張枱🥰 .Lunch Set有9款選擇 有沙律、意粉等😋 價錢$78-$108不等 包一杯熱黑咖啡 / 熱柚子茶 黑咖啡仲可以免費添飲👍🏻 轉其他特飲就原價減$8🤪🔹海蝦田園沙律菜🥗海蝦有微微煎過 幾香、幾好食😋 沙律汁調配幾清新 酸酸甜甜 幾開胃👍🏻🔹紅酒鴨胸香草扁意粉🍝對個鴨胸好失望👎🏻 佢煎到過哂火 一上枱就已經見到好乾身 食落好鞋 冇哂鴨胸肉嘅脂肪感🥲 我見隔離枱個碟鴨胸仲要少少粉紅色肉質 可能係我唔好彩🥹 香草意粉幾好 落左大量香草 食落好濃味😋🔹香煎雞扒炒滑蛋配牛角窩夫🧇正常發揮 唔太驚喜🤪 牛角窩夫唔算特別酥脆🥹🔹日本抹茶鮮奶🍵呢杯飲品我等左30分鐘先上枱 等到我想轉其他飲品🫠 抹茶口感唔夠滑 飲落好鞋🥲 整體奶味偏重 唔太飲到抹茶味😕 呢杯飲品仲要另加$35 真係好失望👎🏻.整體✨ 呢間元朗cafe 2014年已經開業 佢位於水車館街一條巷仔入面 位置比

專程來到元朗幫襯87咖啡店，這間店舖朋友推介已久，第一次來幫襯，感覺好舒適，環境溫馨；餐廳只有十多個座位，畀人一種溫暖嘅感覺；餐牌都相當簡單，服務員嘅親切態度，使我有一種家的感覺！我和朋友各點了一個午餐，而每個套餐更無限量可添加熬咖啡！我的安格斯漢堡扒餐有熱辣辣的薯條和新鮮的雨衣金蘭沙律，漢堡包之中更有酸瓜、煙肉等等，而安格斯漢堡扒的肉汁十分濃烈，再加上脆脆的漢堡包，食落十分滋味！層次感亦都相當豐富；而朋友選的雞扒炒蛋亦都水準之上，炒蛋軟滑，雞扒面脆而肉汁豐富！再配上羽衣金蘭沙律十分醒神！而他選的桂圓紅棗茶，令人有一種十分清新的感覺！最後我們再選了 tunamisu waffle加雪糕作為甜品！剛好為這豐富的午餐或上一個完美的句號！

餐廳環境寫意簡潔，午市有西式lunch set，晚市有主菜、飯意粉、dinner set 。店舖有2層，今次坐地面一層 。小店打理，但食物質素佳，擺盤有心思，食物足料 。主食可以加錢升級做set，今日餐湯菇菌意式湯配麵包 。菇味非常濃郁及濃稠，打碎後仲有微粒，令口感更豐富，而麵包一咬，有陣蜜糖味，有驚喜 。另外再加set，沙律醋提味，特別在於灑有松子仁，更香口，芝士鹹香惹味 。主菜紐西蘭一級肉眼($168)，超大塊肉眼扒，配以薯條及煎翠玉瓜 。翠玉瓜煎完都爆汁，薯條食完冇熱氣既感覺，亦唔油膩 。香煎後邊邊位帶有少少焦脆，肉厚多汁，五成熟剛剛好，食完好有飽足感 。燒汁另上更貼心，鍾意淋上去食/自己蘸醬又得 。黑松露牛肝菌意大利飯($108)，尼個飯不得了，大碟之餘，啖啖都係菇味及黑松露味 ，愈食愈上癮 。意大利飯濕潤稠密，超香黑松露味 。飽住個肚都想繼續食～甜品香蕉焦糖牛角窩夫配雪糕，打卡一流 。切開窩夫好驚喜，超級脆 ，同焦糖食絕配 。香蕉、藍莓新鮮，必點甜品～餐後飲果茶，蘋果檸檬玫瑰果茶，加錢升級 。先焗3分鐘左右，意想不到，第一啖帶檸檬淡酸味，清新解膩 。之後有陣陣玫瑰花香味 ，估

今天放假，我和女朋友一起到了元朗的87 Coffee 🍽️☕️享受了一頓美味的午餐。這家餐廳給我們留下了深刻的印象，無論是菜品還是環境，都讓我們感到驚喜和滿足❣️首先，我們點了香濃意大利飯🍚配紐西蘭肉眼🥩。這道主菜絕對是一個美食的享受。意大利飯煮得恰到好處，口感香濃，米粒粒粒分明🌾。加上紐西蘭肉眼，肉質鮮嫩多汁，每一口都帶來滿滿的肉香🥰這道菜的味道與口感完美結合，令人回味無窮。另外一道菜是大盤子全日早餐🥪這道菜豐盛的份量和多樣的食材給人一種滿足感。早餐的要素應有盡有，有煙肉🥓雞蛋🥚薯餅🥔香腸🌭等等。每一樣食材都烹調得宜，口感鮮美。特別要提到小薯餅，外脆內軟，非常美味😋這道早餐讓我們感受到了豐盛和美味的結合，絕對是一個營養豐富的選擇。在飲品方面，我們點了一壺蘋果檸檬玫瑰果茶🫖🌹和一杯鮮橙汁🍊🥤蘋果檸檬玫瑰果茶是我們的首選，這種組合非常獨特。茶的口感清新，帶有淡淡的花香💐，蘋果和檸檬的酸甜味道與茶融合得很好👍👍加上玫瑰果的微酸，整個組合讓人口感愉悅🥰鮮橙汁則是一杯經典的飲品，橙汁新鮮純正，新鮮的橙汁解渴又美味。除了美食，我們也要讚揚這家餐廳的老闆娘。她非常熱心和善👍對待每一位客人都充滿著笑容和關

難得休息 慢慢爬下文睇下元朗有咩好野食睇中左呢間Cafe 就摸下路過黎😎雖然係元朗大 但呢個位的確係好少會行過嚟係又新街過晒所有巴士站近街尾轉入一條小巷但小巷係乾淨果種有Lunch set 都有幾多選擇午飯時間 ～5張枱都滿座 人氣唔錯原來仲有樓上雅座 同下面果層感覺完全唔同樓下casual 親民啲 樓上啱同姊妹們 tea 😍Lunch set 有優惠價配特飲 想試薄荷朱古力咖啡🤤Main揀左香濃意大利飯配紐西蘭肉眼（$108）肉眼要5成熟⋯一上枱望到就知應該唔會太伏 見得下人同埋肉眼有6大片 性價比很okay先試意大利飯. 因為我好怕有啲cafe煮生米😑有surprise ~ 呢度煮得啱啱好 味道唔會太淡 有淡淡芝士味 🉐跟住到肉眼. 真係有做到係5成熟厚薄剛好 唔太un 食到有幾粒鹽吊到個肉味出黎配埋個熱辣辣 Risotto, 一路食一路偷笑🤭好味個飯食到清碟一刻都仲係熱的整體來講水準幾高薄荷朱古力咖啡～ 啡底係帶果香味同微酸嘅咖啡食完Risotto 有啲漏飲呢個都可以清新一下滿足的一餐下次要帶屋企人黎再食其他野😋P.S.臨走見到原來跟餐咖啡可以免費添飲

今日放假入咗元朗行街睇戲,睇完戲喺附近搵啲嘢食下,朋友仔帶咗我去一間咖啡小店,食物質素好好。87 coffee ,地址喺元朗水車館街66號錦榮大廈地下,餐廳地方雖然唔大但係裝修得好整潔,感覺幾舒適。紐西蘭一級肉眼 168元肉眼扒size好大,入口牛肉味香濃,肉質嫩滑,牛扒煎到啱啱好,有入口即溶嘅感覺,旁邊有少少脂肪食落去有啲油花香味,另外配上薯條,翠玉瓜 ,薯條炸到金黃色,香脆惹味，配埋茄汁令味道更加昇華紐西蘭香草烤羊仔架 188元賣相真係勁吸引,羊架一啲騷味都冇,香料醃得好入味,肉質嫩腍,羊肉味香濃,第一次食到咁好味嘅羊架,又香又滑非常好食，主導七成熟真係剛剛好熱桂圓紅棗茶,入口清香潤喉,暖暖地真係好滋潤。凍黑咖啡,咖啡味好香濃,味道甘香,入口好順滑餐廳地方雖然唔大,食得出廚師用心製作,所有食物都處理得好好，我會再來幫襯