87 Coffee

Open Now

Now Closed

元朗一向出名幾多特色小店，水車館街嘅內街就隱藏住一間具格調嘅咖啡店，今次到訪嘅係87 Coffee☕️Lunch Set選擇都唔少，價錢合理！大盤子全日早餐  ($138)逢親去Cafe，都會好想食All Day Breakfast，今次一樣唔例外😜常見嘅配料都應有盡有，跟餐可以揀一款麵包配搭，我哋今次揀咗市面上近年大熱嘅酸種麵包，可以試一試新口味😃香濃意大利飯 配 紐西蘭肉眼 ($108)Risotto質地好滑溜，每一啖都可以食到醬汁，味道相當之濃郁😬紐西蘭肉眼口感偏腍，肉質嫩滑，肉味好濃😎Cappuccino跟餐嘅咖啡，出品製作一啲都唔馬虎，呢一點好抵讚👍🥳熱柚子茶室內佈置優雅🤪

難得嚟到元朗就梗係搵吓有冇啲隱世Cafe啦！水車館街有一間Cafe，跟着Google Maps行都唔難搵到嘅。入到去都幾滿座，幾多人食。同埋好大陣咖啡香味！見到有個手工和牛漢堡好似好吸引決定試一試！和牛好Juicy咬落好多汁，加上勁多醬係個漢堡入面，食過真係返唔到轉頭！雖然食親漢堡都好論盡，但係食得好開心好滋味👍🏻👍🏻😋😋本身套餐係有黑齋啡，好唔錯！但係今日想飲一啲特別啲嘅咖啡，見到有一個叫做桂花咖啡，決定叫來試吓飲！咖啡上面有少少桂花，見到咖啡上面反晒光肯定係靚豆👍🏻👍🏻👍🏻☕️依杯咖啡好特別，甜甜地，仲有埋拉花，打卡一流！👍🏻見到附近好多人都有食意粉，聞到勁香。奈何個胃唔夠大，唔係真係想再叫😂😂😂

連場大雨過後終於放晴，難得嘅好天氣梗係要放自己假出街行下啦，今日經過水車館街發現原來果度好多嘢食，最後我揀咗間cafe食late lunch。Lunch set同dinner set價錢相對市區嚟講好抵食，熱茶同熱咖啡仲可以免費添飲。我三點入座時都有唔好少客人，相信係熟客嚟食lunch，原來平日都好多人唔使返工。餐廳裝潢簡潔，坐位都好坐。見隔離枱食卡邦尼意粉食得好滋味我又點個嚟食下，醬汁多多賣相唔錯，未食就已經聞到濃濃芝士香味，三點幾先食lunch既我面對住呢個香色四溢嘅卡邦尼意粉差啲口水都流埋，打完卡就一鼓作氣食曬佢卡邦尼意粉意粉係扁意粉，相對圓意粉更有嚼勁，意粉掛滿濃濃嘅醬汁，芝士濃香同微微蛋香不停係口腔內翻滾，好滿足，若果煙內炸得更燶會更惹味。食完個意粉都有啲意猶未盡，思前又想後結果都係點多個甜品嚟食，其實我係好想食個tiramisu牛角窩夫嘅，但怕太晏汲取咖啡因會失眠只好叫另一款，結果冇令我失望。賣相十分吸引，牛角包嘅牛油香氣加上焦糖醬嘅甜香，美食在前，即使我剛剛食完個卡邦尼意粉都仲係覺得好餓。香蕉焦糖牛角窩夫配雪糕唔同角度睇都覺得好靚好吸引，睇得出製作者嘅用心第一次食牛角窩夫

元朗都好多café，不過呢間真係價錢相宜得黎又好食! 今日晚市時間黎到，dinner set選擇都幾唔錯。叫左紐西蘭一級肉眼，配薯蓉同埋時菜。 肉眼扒都幾大塊，而且好嫩滑，好易切開。另外，佢既薯蓉原來係紫薯蓉，第一次食! 都幾好食，比平時既薯蓉冇咁重牛油味，但係又好夠甜同smooth。之後都叫左個意粉，蟹籽蟹肉忌廉汁意粉，好香!! 同埋蟹肉份量都幾多，啖啖意粉都食到蟹肉。個忌廉汁又唔會乾，加分!甜品叫左tiramisu croffle，原來佢係用左Affogato既做法。比左杯expresso，可以淋係雪糕面。Croffle好酥脆，一啖croffle，一啖雪糕，好好食! 野飲方面，原來堂食的話，expresso係可以續杯的! 另外，比較養生既桂圓紅棗茶，呢到都有! 佢野飲既選擇都真係幾多! 位置都坐得幾舒服! 好岩過黎同朋友Chill 。

安格斯美式漢堡配有皮薯條 $108漢堡包🍔size 好巨型，餡料有新鮮的蕃茄、生菜、洋蔥、酸瓜、芝士都有兩款，仲有一塊好厚的牛肉漢堡，肉汁多牛肉味濃，再加上有一塊咸煙肉🥓。食完漢堡再食埋沙律🥗菜就岩岩好，去到油膩感。最正係薯條🍟，應該係即叫即炸，唔會太多油，又夠晒新鮮😋大盤子全日早餐 配牛角包 🥐$138超滿足的早餐拼盤，牛角包🥐壓成格仔餅，鬆脆又幾好食！滑蛋都炒的好香滑、長條形的薯粒，就好似食緊薯餅、酸酸甜甜既茄汁豆和一大塊蕃茄、仲有三文魚、煙肉🥓、咸香的Parma ham、蘑菇片，十分豐富！薄荷朱古力鮮奶咖啡 朱古力咖啡再加上薄荷味好醒神，好似飲上癮，好快就飲完一杯😂柚子紅茶飯後飲返杯紅茶，岩岩好！

正所謂酒香不怕巷子深，一間藏係大馬路旁小巷子里的coffee shop,不單是食物精心烹調，讓你感覺到溫度。更加難能可貴的是店員招呼及人情味，真正使你感受到一種自然流露熱情同用心❤️‍🔥偷偷地轉化成溫度傳入每一位客人心入邊。對我而言這才是一間真正寶藏餐廳，會使人記住，用餐完踏出門會回心微笑的。今日我哋lunch hour 去，門口都已經有人排隊，但店員都非常有禮地向每位等候客人告知等候時間👍👍結果大約等左十分鐘左右，已經可以入座。所以大家如繁忙時間去嘅，記得早少少啦🫣小店內共有兩層，店內裝修比人一種cozy、乾淨簡潔感覺。可算係小巷內小清新。食物方面今次叫左個lunch set 同一個甜品 ，兩杯特飲。最後一樣值得讚嘅係，佢地套餐會送黑唔咖啡，而且仲可以免費添飲👍👍雖然係免費添飲，但咖啡質素絕對係平均值以上☕️

🍽️食物方面：🥗藜麥田園沙律菜💲58煙三文魚+💲20 🈶羽衣甘藍同松子🥑牛油果帶子意大利飯💲128香噴噴👃Creamy🍚軟硬適中🍄濃郁忌廉蘑菇湯➕餐包 跟餐💲28🫐藍莓芝士蛋糕 偏紮實唔甜 🉑✍🏻HB🥳🍫凍薄荷朱古力咖啡 跟餐💲28 唔夠濃味🍊香橙肉桂梳打💲48 少少肉桂味唔辣menu好多嘢都sold out😕📷打卡方面：白色雲石枱 金色枱墊幾靚✨🔈環境方面：兜咗陣先搵到 比想像中大間 有2️⃣層Staff一腳踢比較忙 但都有禮貌😊唔趕客💬其他資訊：87 Coffee 📍元朗水車館街66號錦榮大廈地下5號舖⏰11am-10pm

呢間cafe 離元朗地鐵站唔係好遠，係大馬路後面嘅細街，所以環境好幽靜😌。入到去唔好以為店舖細細，其實仲有2樓，而且坐得好舒服，好適合嘆番杯咖啡☕️。香煎雞扒炒滑蛋 配 酸種法包 $78雞扒有兩塊，而且個皮都煎得好金黃香脆。肉質都好嫩滑Juicy😆。滑蛋加咗多啲奶，所以食落好滑，而且好有蛋味🍳。麵包🍞可以揀牛角窩夫🧇、酸種法包🥖、祼麥包🍞。側邊仲有三粒炸薯波波🥔，同沙律。沙律菜都好新鮮，上面仲加咗麻醬🥗。煙肉卡邦尼 $78 🍝卡邦尼意粉係扁意粉，食落好煙韌。卡邦尼醬好creamy，而且上面仲有好多煙肉。份量都俾得好多，好滿足！😋提拉米蘇牛角窩夫 配 雪糕$68 🍨牛角窩夫外脆內軟，上面有一球雲呢拿味嘅雪糕🍦。隔離仲有一杯expresso☕️。擺盤好靚，上面加咗朱古力醬同藍莓🫐 朱古力咖啡 $43 ☕️Dirty $ 38☕️跟餐可以減$8。咖啡好香，朱古力亦都唔係好甜。好味😋

餐廳位置在元朗，裝修簡潔，仲有閣樓，環境夠大，坐得舒服，開放式廚房，令沖調咖啡既香氣，直撲入鼻。餐牌有多款Lunch Set及幾款 All Day Breadfast，跟餐送熱黑咖啡或熱柚子茶，黑咖啡仲可以添飲。藜麥田園沙律菜：以多種新鮮蔬菜、松子仁及超級食物藜麥，增加飽肚感之餘，亦提供多種口感，加埋黑醋汁，清新又健康。海鮮蕃茄汁扁意粉：海鮮有八爪魚、大蝦、蜆肉，蕃茄仔色澤更紅、味道更甜，扁意粉好掛汁，煙韌爽口，軟硬適中，香濃意大利飯配紐西蘭肉眼：紐西蘭肉眼肉質細嫩，油花密集，以少許黑椒調味，香中帶辣，增添鮮味，意大利飯煮得好地道，creamy得來又有咬口，加左切碎既翠肉瓜、洋蔥粒，好惹味。總結，餐廳價錢合理，食物新鮮好味，職員有禮貌，性價比高。

梅頭豬有兩塊大大既，肉汁鮮美，很嫩！配咗沙律菜，酸酸甜甜既菠蘿，好味！漢堡很厚，餡料很豐富，新鮮既蕃茄生菜，芝士加上牛肉漢堡扒。漢堡扒厚厚既，牛味香濃；薯條份量很足，剛炸好，酥脆香口美式芝士蛋糕，口感滑順綿密，芝士味很香，甜度啱啱好柚子茶、黑咖啡都好飲，黑咖啡仲可以添飲。

小店位置比較隱蔽，環境幾大幾舒服～叫左兩個set，香煎西班牙豬梅頭（$98）同牛油果帶子意大利飯（$128）豬扒肉質食落幾軟幾好食😛，份量好足，沙律菜亦都好新鮮～另外既意大利飯整得幾正宗，飯食落偏生，口感會比較硬☺️。帶子煎得好香，加埋芝士粉一齊食好夾～ 幾好食，不過食耐左會有啲漏🤣。另外飲品叫左一杯玫瑰latte同抹茶latte🍵🤍首先賣相方面真係好可愛🥰，拉花好靚好有心思！👍🏻 見到個拉花心情都好啲😛味道亦都好唔錯，咖啡濃度岩岩好，飲落好順口。抹茶既茶味都夠，飲落又唔會太苦～ 兩杯飲品既甜度亦唔會好高，唔中意飲甜野既我覺得岩岩好🥰。睇得出小店真係好有心機，食物飲品一啲都唔求奇，推薦推薦！📍87 Coffee· 元朗水車館街66號錦榮大廈地下5號舖

比我發現左一間係元朗幾高質嘅cafe，幾啱同朋友靜靜地聚下，啲嘢又幾好味😋龍蝦汁海鮮意大利粉龍蝦汁好濃而且好掛麵，有淡淡嘅忌廉香味❤️海鮮都好新鮮下👍加38蚊仲可以轉餐，有餐湯同餐包。我地去果日嘅餐湯係忌廉磨菇湯😋味道都唔錯我地仲叫左一份紐西蘭有級肉眼扒，肉質都算嫩滑，保留到牛肉肉汁👍👍不得不提佢咖啡豆都幾好㗎，鍾意飲咖啡嘅朋友仔可以點一杯試吓🤭🍴87 Coffee (元朗)📍元朗水車館街66號錦榮大廈地下5號舖

查過元朗市中心都搵唔到常見連鎖咖啡店，之後Google map就搵到「87 COFFEE」，睇招牌見到2014年開業至今，OpenRice都係一致好評😆店舖位置比較隱蔽位於內街的窄巷，見到OpenRice嘅好評就覺得可以試試🥰店鋪有兩層，選了樓上位置比較少人安靜🤫眼見一個員工做樓面、收銀，選了野飲就落樓下落單。就咁睇menu，餐廳主打咖啡、水果茶，食物方面有All Day Breakfast、飯、意粉🍝價錢親民，但今日就只叫了一杯 #榛子朱古力鮮奶，大大杯，好夠料，朱古力味濃，落夠朱古力粉🥰 好滿意啊!! 期待下次再來試佢嘅意粉/ All Day Breakfast!! 🥰

位於元朗水車館街呢間Cafe，店舖雖然細小但都有兩層，座位相當舒服唔會擠迫易設計簡約坐得舒服，環境的確係唔錯，可以嘆番個悠閒嘅dinner，呢間係一間非常高質素嘅餐廳，我非常滿意烤鮮三文魚扒，三文魚皮煎到好香脆金黃色，證明抹得好乾水。魚扒無骨，啖啖肉好新鮮，入口魚油甘香，好香三文魚味。紅花汁甜甜地，配三文魚一齊食味道好夾，唔會蓋過三文魚既味道，令人食指大動。配菜都好好食，番薯蓉很香，好好味。牛油果帶子意大利飯，我點了一個的牛油果帶子意大利飯，想不到意外地好吃，牛油果半融於熱辣辣的意大利飯，加上新鮮多汁的意大利飯，入口軟硬度適中，有口感，香濃的忌廉味，加上牛油果香，讓人吃出驚喜，而且帶子煎到金黃色，入口先甜，啖啖肉， 十分出色。

元朗一向出名美食多多，今次就嚟到呢間位於大棠路附近嘅小巷入面，帶啲小清新得嚟又有啲格調嘅餐廳😎餐廳嘅櫥窗玻璃掛住閃下閃下嘅燈飾，店內擺放咗唔同嘅綠色植物，再配合埋餐廳播放啲好relax嘅音樂，咁舒適嘅環境真係好適合情侶或者係同閨蜜一齊嚟撐下枱腳🤤紐西蘭一級肉眼 💰HK$168我地叫咗5成熟，塊肉唔會鞋又唔會太生，肉質夠juicy！再落埋海鹽同埋黑胡椒，簡直係再將塊肉眼扒嘅味道昇華～旁邊嘅香煎翠玉瓜、紫薯蓉都好鮮甜好好味😋蟹籽蟹肉忌廉汁扁意粉💰HK$98真材實料，充滿蟹肉同蟹籽，啲忌廉汁都好多，成個扁意粉都夠濕潤！呢個份量兩個人share剛剛好～追加 是日餐湯配餐包 💰HK$28是日餐湯係忌廉蘑菇湯，食得出個湯好有誠意，濃郁嘅忌廉加上超爆多嘅蘑菇蓉，勁想外賣多碗拎返屋企飲😆個餐包都好鬆軟，就算冇搽牛油，食落都甜甜地～追加 凍薄荷朱古力鮮奶咖啡💰HK$28拉花簡單得嚟好靚，再加埋厚厚嘅奶泡，成杯咖啡嘅層次好分明，好適合用嚟打卡😚淡淡嘅薄荷味，比起一般嘅Mocha令人更醒神～熱桂圓紅棗茶 本身仲好驚係好甜嘅果種，點知原來係一個用熱水浸住嘅桂圓紅棗茶茶包，淡淡嘅桂圓紅棗味啱哂啲唔中意飲甜野嘅人