A-1 Bakery & Cafe (Closed)

一直喜歡食麵包蛋糕，呢種麵包唔係所有麵包舖都有，所以一見到我都會試食。A1出嘅係酥皮麵包蛋糕,一直都考慮是否試食，因為對酥皮一般般，覺得十油膩，今日冇食晏晝，就將個quota比佢。$16一個包，確實有點貴，因為在附近有一間麵包店只售$5個，麵包體積比A1大好多.A1嘅價錢足夠食三個。食入口，酥皮果然好油，椰絲味很重，因為酥皮面就是椰絲。麵包及蛋糕質感不太分得開，食不出層次，口感一樣味道也一樣。整體而言這個麵包就如雞尾包一樣，因為只吃到麵包及椰絲。不值！

今朝行過樓下間A1, 終於俾我見到隻比利時生朱古力蛋卷!!!! 即買!! 事關行左X次，次次都賣晒或未返貨包裝好精緻，好似月餅咁😂😂😂 好細心，有個膠盤托住個蛋卷，防止變形。第一下咬落，真係yoo左一聲! 蛋糕鬆軟! 再咬，食到蛋卷的生朱古力cream, d cream夠滑，yum!! 食到中間就會有一舊大既朱古力mousse, 作為食完呢個蛋卷的完美句號😍😋😍😋18蚊一件，係比普通既蛋卷較貴，不過就一分錢一分貨，高質!

朋友搬了土瓜灣一帶，今早相約吃早餐。由於很久沒見，當然相約一個靜靜地傾到計的地方。A-1 Bakery & cafe ，早上九時許，由於時間尚早，相當寧靜，食客真的一眼睇晒。早餐只得三個選擇，A B C ，簡單直接，反正第一次到來，每款都未曾試過，但如果是常客，只得三個選擇，未知餐牌會否經常更新？經典炒蛋套餐$32~看圖見炸魚柳很吸引，還有沙律菜，決定點這個炒蛋套餐。落餐後，很快就到櫃檯取，堂食都用著紙碟盛著，感覺不太環保。望著那塊炸魚柳，相信已炸了一段日子，我想起西門吹雪那冷酷的影子⋯⋯沙律菜算新鮮，沒有苦澀味，炒蛋和番茄是和暖，相信已煮了一段日子，由於當日沒有太多食客，拎上這份早餐，帶點點失落⋯⋯幸好那杯咖啡還熱。但這裡算是一個傾談好地方。

哩個和牛漢堡包嘅包嘅味道同口感同平時食開嘅好吾同，佢嘅質地有d似麥包，配搭上好似吾多夾。和牛亦冇咩味道，肉鬆散，整體真係吾係咁好食，感覺好冇誠意。連伴碟嘅薯條都整得好吾好食，真係非常之失望單點漢堡Hkd58, 如果跟埋薯條同可樂要加Hkd14, 吾想飲可樂要轉其他野飲的話要再另外再加多Hkd12. 加加埋埋成80幾蚊，但咁嘅食物質數，午餐黎講就真係一d都吾值。Hkgalxfoodlover 回頭率: 30%

3人午餐，点餐後我們等了20多分鐘，終於食物來了，我叫左一客軟殼蟹意粉，切開中間位置有水流出陣陣臭味，拿去櫃台投訴，換了海鮮意大利飯，再等了10分鐘，飯來到，所謂海鮮只有3隻青口＋2隻蝦，咸道冇朋友，吃了兩啖飯已經再食不下！！！！另外叫左和牛漢堡，冇牛肉味，冇肉汁，醬都冇，哀過食M記仲有一個是咖哩吉列豬扒飯，一樣冇豬肉味，薄身，硬，咖哩唔香，可能有的缺點都在一碟飯內齊哂！！！！！連咖啡都差過沖即溶！！！這間地獄餐廳，今生下世唔會再食。

土瓜灣這間A1 bakery已開了一段時間，之前人流頗多，現在卻多了空位置，可能價錢偏貴吧。午餐普遍都要八十幾元焗茄汁海鮮飯：($88)海鮮有青口、蜆、蝦，茄汁味濃郁。 蒜蓉湯內的蒜蓉粒有很多，夠足料和牛漢堡扒：($58)包皮普通，夾了兩塊藩茄，和牛不錯。軟殼蟹意粉：($88) 有一隻細細的軟殼蟹，炸得很鬆脆，意粉略嫌少了些。有一點不太滿意，是餐廳全部用即棄用具，碟、刀叉都是即棄的……希望餐廳在環保方面能改善，為地球出一分力。

一早起身諗唔到食咩，就不如去附近茶餐廳食，跟住經過見到這間就嚟呢度食啦！見到餐牌揀左個經典炒蛋早餐食！份量都唔少有提子包、沙律菜、蕃茄、一塊炸魚柳同炒蛋添。提子包新鮮出爐熱辣辣，炒蛋香滑，炸魚柳無雪味都唔錯，沙律菜連酸酸地既醬幾開胃。咖啡香濃唔酸不過我鍾意多奶啲所以落左兩粒奶，不過就唔落糖平衡番啦！磨菇炒蛋。。。好香滑蛋鮮嫩唔會炒得太老簡單而豐富的一份經典早餐加一杯熱辣辣的咖啡，即刻精神晒充滿電了。咁既價錢好過去茶餐廳啦！

天氣好嘅周末，原先心情靚靚，諗住食個靚早餐🤔諗住A-1 Bakery啲麫包都算ok，係有discount即管試試😋買左我喜歡嘅egg benedict後，就發現伏左😑嘢食一般之餘，全餐廳除左飲品杯同托盤係重用外，所有餐具都係「即棄」，刀匙叉、碗、碟、攪攪棒、飲管🤦‍♀️嬲到我想即刻走😢一間連餐具都唔好好為食客準備嘅餐廳，會有幾用心為你做食物😠#請大家反省為地球出分力#唯有帶走所有餐具重用#勸大家罷買罷食呢類餐廳

I went to To Kwa Wan for brunch today. I didn’t want to take a heavy one, so I searched for something light and picked up A-1 bakery restaurant to tryI ordered the all-day-breakfast which is quite similar to an English breakfast. I ordered and waited for the “alarm” to signal me for the arrival of my order. Having waited for about 15 minutes, there came the breakfast. Basically, it was quite good. I think the most delicious one is the Croissant. It may be because it’s famous of bakery as the res

呢間A1 Bakery既麵包就食得多喇，餐廳就真係第一次試。下午4點多黎到，lunch都未食，就點左個大蝦墨汁意粉食物黎到，仲配上牛角包、沙律🥗好似唔錯喎！沙律入面仲有芝士 算係足料但隻「大蝦」就非常細隻，令人有點失望而且仲得一半咋，一啖就食左有改善空間！另外，飲品點左焦糖咖啡，幾好飲架☕️

今日要去土瓜灣嗰邊，見仲有時間就去食個早餐先，望下條街又係堆M字頭、吉字頭、老茶嗰D食肆，突然發現有間A-1 Bakery & Cafe，門口睇睇個menu好似唔差，店入面又唔係多人，可以揀位坐，所以就決定試下。叫咗個2號餐，經典炒蛋早餐配熱奶茶。成碟嘢基本上都唔熱，有麵包、炒蛋、炸魚柳、菜、蕃茄，麵包無乜味，炒蛋正常但唔熱唔好食，炸魚柳超細塊而且外皮硬嘅，菜唔新鮮似住梅菜，菜底有D沙律汁？？但好酸！蕃茄可能係最願意放入口嘅食物⋯⋯杯奶茶都預咗唔會好飲，都係奶水還奶水、茶還茶嗰D⋯⋯可能係我期望太多，失望比較大⋯⋯又可能只係哩個餐比較難食⋯⋯

之前睇過佢地嘅 Tea Menu，就諗住試下。原來個牌無寫幾時開始，問個職員佢話 1430。嗰個職員好好人，到 1430 嗰時佢提我點餐。咁我又真係等到 1430嘅。用埋之前入會送嗰張現金卷。原來呢到都用傳呼器，食物準備好就會亮燈和震。煙三文魚沙律(一片煙三文魚，可加檸檬汁，沙律菜尚算新鮮)，焗茄汁豆(無加熱)，杏鮑菇(3片)，黑松露炒蛋(好香黑松露，炒蛋滑，不過勁油)，墨西哥辣椒芝士腸(辣辣地好惹味，切嘅時候中間有芝士必出嚟，仲有少少雜菜，見到細細粒西蘭花嘅花)，卓靈亞腸(短嗰條，咸咸地)，同迷你牛角酥(剛巧旁邊麵包店牛角包新鮮出爐香噴噴，不過我嗰個諗咗，上面塗咗一層閃令令嘅糖漿)。跟餐飲熱檸檬茶，檸檬都正常嘅，無啡皮。坐嗰舖頭入面都幾舒服架，喺近門口開放式嗰邊走廊唔夠冷氣，比較焗。

位於農圃道小商場，面向大街，易找易見。對A-1 BAKERY 的印象一向都很好，除麵包出色外，餐廳亦簡單中見美味。今天路過，點了個下午茶餐，質素一如過住，keep 得住 😁All day breakfast $65All day breakfast 包羅萬有，有墨西哥辣椒芝士腸、卓靈亞腸、煙三文魚沙律、杏鮑菇、焗茄汁豆；黑松露炒蛋，竟有數片松露而不是用松露醬，有驚喜；迷你牛角酥，如能焗熱點更好；另包咖啡或茶及迷你羅宋湯。以下午茶來說，算是十分豐富。

第一次來這裡吃早餐, 除了預期中的一般西式早餐, 居然發現它有輕量級早餐, 對於早餐不能吃太飽我我, 有驚喜環境不錯, 雖然在學校附近, 但不像一般快餐店的有太多小朋友喧嘩輕盈早餐, 份量當然較少, 但對我而言卻正好可以減少浪費食物, 當然價錢亦更相宜沙律有沙律醋, 比起很多西餐廳只給菜不給任何 dressing, 不是 hea做的不過咖啡就非常一般, 用奶精, 一點咖啡味也沒有

炒魷魚後就開始周圍去見客人交待工作，於是就去土瓜灣了，我從來都唔熟呢頭地方，對我來說搵食好艱難，前往工作途中見到呢間餐廳，我曾經在堅尼地城多次幫襯，質素心裏有數，所以做完野行幾條街都回來食晏。一到門口，咦，原來是開放式餐廳，望望門口的大餐牌，再望望出面的下雨天，就不作他選了，再睇真，原來是排隊購票，叫了燒汁牛肉定食，自己取餐，唉，見到紙碗紙碟已唔開胃，忌簾湯不過不失，牛肉真係唔太得，樣貌似廉價雪藏肥牛，成品卻連吉野家也比它好(真心認為吉野家幾好味)，沒有肉味都預咗，最慘係有筋𡁻唔開，加埋碗飯好痴住個紙碗，成件事令人好灰，於是我就做了大嘥鬼，食唔曬。正面啲諗，唔關食物事嘅，係我被人炒魷魚心情唔好啫。