A-1 Bakery & Cafe (Closed)

炒魷魚後就開始周圍去見客人交待工作，於是就去土瓜灣了，我從來都唔熟呢頭地方，對我來說搵食好艱難，前往工作途中見到呢間餐廳，我曾經在堅尼地城多次幫襯，質素心裏有數，所以做完野行幾條街都回來食晏。一到門口，咦，原來是開放式餐廳，望望門口的大餐牌，再望望出面的下雨天，就不作他選了，再睇真，原來是排隊購票，叫了燒汁牛肉定食，自己取餐，唉，見到紙碗紙碟已唔開胃，忌簾湯不過不失，牛肉真係唔太得，樣貌似廉價雪藏肥牛，成品卻連吉野家也比它好(真心認為吉野家幾好味)，沒有肉味都預咗，最慘係有筋𡁻唔開，加埋碗飯好痴住個紙碗，成件事令人好灰，於是我就做了大嘥鬼，食唔曬。正面啲諗，唔關食物事嘅，係我被人炒魷魚心情唔好啫。