幸福班戟 (新城市廣場) (Closed)

早就聽聞幸福班戟要排隊才有得食，今日去到沙田新城市廣場的分店，果然見到好多人排隊，咁難得來到當然要排啦。等左20分鐘，終於到我喇。嘩，每一款都好吸引，直情想試曬佢，最後揀咗熱朱古力班戟同一杯熱latte。厚身的梳乎厘班戟配上朱古力醬，賣相好吸引。第一啖食落去，嘩！軟綿綿，好香蛋味好滑，甜度啱啱好，真的有幸福的感覺，唔怪之得叫幸福班戟啦！第二啖點左熱朱古力醬，個味道即刻豐富曬，熱朱古力又香又滑有點苦味，配上呢個軟綿綿的班戟直情係好味到不得了。仲配有忌廉同一些穀物，忌廉好滑好香，就同食雪糕一樣好味。我個人唔鍾意食太甜的東西，呢個班戟所有的食材都是甜的，但甜度配搭得啱啱好，一啲都唔會甜到流。好好味，好滿意，下次一定會再試其他味。

CP值：2.5/5價錢Price: - 奶茶班戟配自家製穀麥（Pancake with milk tea sauce and homemade granola）：$98- 全麥班戟配芝士蘑菇奄列（Pancake with mushroom cheese omelet)：98環境Environment: 4.5/5尼間都係長期排長龍嘅梳乎厘pancake店咸味班戟係幾特別嘅，雖然係全麥，但都做到軟綿綿嘅口感☺️奄列都算幾滑嘅反而甜味嘅奶茶班戟就麻麻地甜得黎其實冇乜奶茶味☹️仲要啲穀麥有啲黏牙我見其他分店都係碟上但沙田尼間唔知點解就用紙碟有少少影響觀感，所以扣左0.5分😅

今次去到幸福pancake好好彩咁唔使排隊✌🏻叫左朱古力香蕉班戟($89)加一杯熱紅茶($18)，今次既pancake比起之前既好似細左少少，但依舊有陣陣既蛋香味，亦有空氣感(不過唔係好重，食落係會飽既😆)，而cream就微甜好滑。我成日都覺得pancake、香蕉同朱古力醬係one of the best combinations，所以我都會得閒就去食下。

這個是每次去日本必吃。第一次吃是在池袋，排咗超過兩個鐘，食嘅時候覺得每一口都係幸福嘅感覺，真係畢生難忘，完全理解唔到點解一個原味嘅班戟可以如此美味。自此之後每次去日本都要食，仲學識咗book定位，真係喺日本食每一次都有幸福嘅感覺。幸福班戟喺香港開咗一段時間，其實我冇去過，因為接受唔到用紙碟裝個班戟，外貌協會覺得咁樣扣咗分。今次來食主要係因為太耐冇去日本要懷念下。店舖裝修同日本一模一樣，入到店舖都幾有去咗日本嘅幸嘅感覺。我依然食我最喜歡嘅原味，軟綿綿入口即溶嘅梳乎厘班戟，配蜜糖同蜜糖味cream，我特別鍾意佢個蜜糖味嘅cream，完美豐富了班戟的味道。其實整體都係一個非常美味嘅梳乎厘班戟，香港來講已好高質，個味道都幾似日本，價錢都跟返日本唔算特別貴。但係，唔知點解感受唔到嗰份幸福嘅感覺。

係疫情前已經好想食呢間pancake 但次次都排長龍，冇試到😩估吾到今日入左沙田竟然吾洗排隊就食到😁😁叫左一份pancake &焦糖牛奶咖啡。pancake好好味，感覺自己好似去左旅行甘，係疫情時間感覺到少少幸福的感覺。下次都會試埋其他味👍🏻👍🏻

幸福班戟,一直以來都大排長龍,名氣咁勁，相信大家都唔陌生。近期少咗遊客，人龍稍為短一啲，就到時間嘅朋友，趁而家唔係咁多人，就要試試。店舖中型size ，而家排隊唔使等好耐，店舖著重環境和衛生， 每次離席，侍應都會清潔消毒，餐具用完即棄，紙盤也是環保物料，值得一讚。今天吃了朱古力梳乎厘，因為怕太甜，所以朱古力醬另上，朱古力醬有甜味亦有苦味，不會太甜太膩，味道很好，配上忌廉和燕麥，多重口感，喜歡吃朱古力的朋友，大概也會喜歡吃這個梳乎厘。

之前行過諗住食飯後甜品，點知餐廳已經過咗last order冇得食😭 今次決定提早食飯前甜品🤩🤩🤩🤩🤩每個人至少消費一個pancake或者一杯飲品，今次叫咗三個味道嘅pancake☺️奶茶班戟配自家製穀麥 $98本身以為係紅茶奶茶，點知食落發現係伯爵茶底！係想像以外嘅味道，但伯爵茶嘅香味令成個甜品冇咁「漏」🤤 pancake方面，佢比起其他pancake店嘅空氣pancake厚實少少，未至於一入口冇哂嘢嘅感覺，鬆軟得來有返少少野食入口🤣提拉米蘇班戟 $108咖啡另外放開咗可以一路食一路吱落Tiramisu度，咖啡味香，tiramisu芝士味亦唔錯，加埋朱古力醬同cream真係超邪惡😂 熱朱古力班戟配自家製穀麥 $88超多朱古力醬最邪惡嘅一款😂😂 由於朱古力醬好甜，cream都偏甜，又冇咖啡平衡返，食完一舊已經甜到有啲over咗😂 最後要食返啖伯爵茶平衡返🤣如果間唔中可以用錢同放肆吓嚟換取幸福嘅感覺，其實都幾好🤤🤤🤤🤤

梳乎厘整得好食真係一Ｄ都唔容易，呢間蛋味重，但梳乎嘅感覺不大，或者每個人口味唔同，如果喜歡蛋糕或班戟感重，呢間ＯＫ，但如果喜歡空氣感，就會有點失望。不過店員態度好好，雖然多人排隊，但入座安排都快，出餐都快！

鹹的三文魚班戟,做得不錯,出面好多時做甜的班戟出色，鹹的班戟會做得唔好。這間鹹的班戟也好味，所以不要錯過他鹹的班戟。雜果班戟亦好味，只是略為有少少普通。今天我要重點推介奶茶班戟，真的非常好味，奶茶味班戟在外面比較難吃到，他味道剛剛好，而且上面的碎碎使你有多一個口感，你一定要試，不要錯過，非常好食，奶茶味的班戟是我的至愛。

一路想試但成日都好多人排，今日見到無人排就去試下‼️🥞日本南瓜班戟配栗子葡萄 $108依款班戟係Halloween期間限定🎃果球係栗子葡萄，味道甜甜地幾好食👍🏻而啲南瓜醬同班戟都幾配合，整體黎講唔會太甜，清清地唔錯🥞提拉米蘇班戟 $108Tiramisu醬+cream+pancake，一個字—漏🤣食開甜野既我都覺得好漏，建議真係好中意tiramisu味先好試。🥞時令鮮果班戟 $108個班戟同上面果兩個一樣，只不過係配水果，感覺清清地，無咩特別。🥞全麥班戟配芝士磨菇奄列 $98以上都係甜班戟，依個係咸班戟，食落口感好似麵包，我就比較中意甜班戟。不過個磨菇奄列味道唔錯，唔會太乾。整體黎講唔算特別，價錢有小許貴，物非所值。

平時去日本都食過幸福班戟🥞 今次都是第一次喺香港食🥞 星期六早上全店完全冇人, 日式裝修與日本店近似. 本人鍾意牆上🐩圖畫🤩看完餐牌, 二人同行叫了一鹹一甜🥞 自行到收銀處落單, 付款後會派發取餐呼喚器, 當食物準備好, 需自行取餐. 今天店舖冇人 服務員送餐到餐桌上😅全麥班戟配🧀🍄芝士蘑菇奄列第一次食鹹點班戟 全麥班戟 有麥片醉 有麥味 有口感, 新鮮沙律菜再配芝士蘑菇奄列, 鹹點班戟果然有驚喜😋Tiramisu班戟☕🥞咖啡芝士忌廉好香, 有朱古力醬, 另插入一支咖啡液體, 可自行決定落多與少. 班戟蛋味＆ 鬆軟度keep住有日本水準, 就算不是立即食, 味道都不錯👍凍焦糖牛奶咖啡＆熱鮮奶咖啡☕兩杯咖啡飲品味道正常 普普通通餐桌外亦有自助式飲用水供應

鐘意食甜品嘅我緊係要黎食pancake打卡叫左個香蕉朱古力pancake同埋奶茶pancake香蕉朱古力pancake個味道就最正常，同平時出邊食嘅一樣都係好夾嘅味道，不過個香蕉唔知點解撞瘀咗🙃 依個pancake個質感都非常鬆軟奶茶朱古力個味道就唔係好夾，再加上埋佢啲蕎麥啲味都麻麻地夾，我自己就唔係咁鍾意不過賣相來講真係相當靚

或許是我對梳乎厘pancake很有要求，這裏的pancake 無論是由擺盤到味道，都未達到「幸福」的感覺，如果讓我再選擇，或者我不會再試。💔💔雲尼拿雪糕也比預期差，性價比低。💔💔點餐時職員比我們還心急結賬，我們未點齊未看完便說總額，維持了數次🙄🙄🙄同場有位男士在發脾氣，原來他等了許久餐點仍未到。我們遲他許多進場，快要吃完，他點的餐仍未到。😱😱😱觀察他服飾（制服）應該是還要在飯後趕上班的，這樣用餐時間被拖延會發脾氣我們是可以理解。😌他點的是咸pancake，一點也不便宜。看著他情況除了替他心急外，也替他覺得物不所值。😌幸福，會存在，但不會是⋯⋯😌

食完晚飯之後心血來潮想食甜品，好彩趕得切喺8:15pm last order黎到！完全唔洗等位！今次叫左個奶茶班戟，味道係ok既，但present出嚟既感覺同日本分店差d...日本既幸福班戟係用碟的，望落靚d。另外，喺日本食到既幸福班戟係會整得圓d，工整d~可以加強一下～

午餐時間來試，人不多，不用等位。點了餐才入座。抹茶士多啤梨已經our of season 試唔到，有啲失望。結果揀了奶茶味配自家製藜麥。等了15分鐘就有得拎。賣相唔吸引，因為沒有鮮果陪襯🙈第一啖食落，都幾奶茶味，唔錯。一直都以為好重空氣感，原來又唔係喎，至少食完會飽肚少少鬆軟，但食得太多，感覺奶茶味無左，反而多了蛋香味。奶茶應該源自啡色的醬。甜甜的，甜度剛好。一個人食整份有點漏，而且係貴的。如果有返季節限定，會再考慮食多次。