幸福班戟 (K11 Musea) (Closed)

一年四季都唔會變既餐牌！雖然最近嘅期間限定做緊栗子口味～不過我唔太好栗子所以冇叫熱朱古力班戟配自家製穀麥 $92呢個口味其實都食過三四次架啦～不過真係唔會厭，點熱朱古力漿同cream再加埋佢哋自家製嘅穀麥，同埋主菜pancake一齊食真係天衣無縫嘅配搭！芝士慕絲雜莓醬班戟 $102芝士慕絲味道唔算出～仲要佢同啲cream放埋一齊，真係唔係好分到係cream定係啲芝士慕絲！🤣Latte +$28 配埋pancake食，啱啱好！雖然係latte但咖啡味都夠濃～佢地啲pancake真係好夠空氣感！！！🤩🤩🤩———————————————————————————價錢：🎖🎖🎖食物：🎖🎖🎖🎖🎖*5🎖為最高⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰ ⋱⋰🔍#是但求其尖沙咀

其實我唔係好鍾意K11musea呢間幸福pancake嘅位置，因為如果店裏面嘅位full左，就要坐出去商場，感覺唔係好衛生，而且食得唔自然，因為啲人係你面前行嚟行去，你好似動物園裏面啲動物咁俾人係咁望住。講返嘢食今日叫咗兩款班戟，一款係芝士慕絲雜莓醬班㦸，另一款就係奶茶班戟配自家製穀麥。芝士慕絲雜莓醬班㦸 - 芝士慕絲嘅芝士味唔濃，雜莓醬就偏酸。奶茶班戟配自家製穀麥 - 奶茶味道幾濃郁，穀物裏面有啲乾果，而乾果帶有少少玉桂味，當食到乾果既時候會提升味道嘅層次。不過食過咁多次我都係覺得最好食係原味！

係我食過咁多班戟仍然最喜歡既一間佢間蛋香味真係好濃口感軟綿綿都係做得最好一份有3件真係岩岩好原味都已經好好食奶茶味都幾特別有香港既特色朱古力香蕉正常可以再蛋d朱古力醬

呢間班戟真係食過返尋味，已經唔止一次食佢，無論鹹嘅班㦸定甜嘅班㦸，一樣咁好食，班戟軟綿綿好鬆化💗味道又唔會太甜太膩，配料多👍🏻最重要係每次經過呢度都聞到好香嘅班㦸香味，真係好吸引人入去試吓💗的確冇令人失望👍🏻

假期最後一日，又係最凍一日，點都要死起身出去走一轉。唔知係大假後還是太凍，今日居然可以包場食lunch。講你都唔信🤣咁一坐低，當然order番個pancake先啦。由於無人，所以好快就有得食（約20分鐘左右）。其實又落料，煮，上碟，到送到你面前，20分鐘左右其實好合理。但係佢隻碟，係紙碟，真係有啲難接受，就算幾好食嘅食物，放係個外賣紙碟到堂食，你又會有乜感覺😅但最重要係個pancake，唔知係唔係鹹食，個cake真係有啲似cake，多過似pancake。所以過空氣真係唔多。再加上個擺盤，真係感覺麻麻。所以仍然係期待通關後，日本再拼命😋

參觀完K-11 Musea的「聖誕節村」，過了一個金光璀爛的聖誕節後，想在musea入面填飽肚子。適逢今天是我跟女朋友的一周年紀念，決定前往幸福Pancake吃飯。客人需要點餐然後入座，如果有選擇困難症的人，就需要預先揀好東西才排隊。最後點了1.熱朱古力班戟配自家製穀物$922.可樂$18小計：$110pancake繼續保持鬆軟，但有一點需要注意，就是由於疫情關係或是人手不足問題，全部餐具皆轉用了即棄的，這或許令上碟的時候不太美觀。整體感覺不錯，食物的品質固然重要，但更重要的是陪你吃的人。日期：2021.12.22

原味pancake係我哋每次試新嘢都一定會叫的，雖然幸福pancake响日本食過好多次，但香港都算係第一次，所以都係要試試佢個原味先，另一個諗咗好耐，終於要咗奶茶配自家製縠麥，本來想叫佢個宇治抺茶，但又好似間間都有抺茶無乜特別，加多杯朱古力牛奶咖啡。如果以pancake本身計，雖然都係唔差，但總覺得佢個空氣感做得無日本咁出色，始終日本人每件事都較為執著，時間方面會控制得較準確，雖然空氣感較重的話，相對會好快縮水，但口感始終係好好多，而且每人一份３件的話，空氣感重就無咁滯。幸福pancake個cream做得好滑，令人好想一啖再一啖，配到pancake度啱啱好，正。另外，奶茶醬配自家製穀麥又幾驚喜喎，味道唔太甜，啲穀麥有咬口，不錯嘅選擇。

🍵🥞宇治抺茶濃厚慕絲班戟$112大大舊班戟🤩賣相好得！中間舊慕絲我覺得幾濃，好似雪糕😆班戟好鬆軟，軟綿綿口感😍雖然佢就唔係入口即溶但整體加埋抹茶慕絲+忌廉口感豐富😋 我朋友就覺得有啲甜，但我就覺得岩岩好。食完都有種滿足感😍🌾🥞🧀全麥班戟配芝士蘑菇奄列 102一直都未試過咸款班戟，一直想試😂個奄列雖然外形睇落唔係好大，但佢都幾足料架，包住芝士同蘑菇😋班戟勁香麥味😍佢反而就無甜款班戟甘鬆軟，佢係比較綿密口感，但都唔錯😍不過我就覺得佢地呢間都幾唔環保，都係用紙兜裝住班戟🥺🧋木薯焙煎茶拿鐵 $38無唸到甘高質！！😱😱唸住試伏心態飲！焙茶味好出，木薯圓好煙韌🤩煙韌控不能錯過！！😆😆好飲😋甜度岩岩好茶底又好出😄🧋🍵木薯抹茶拿鐵 $38抺茶就比焙茶遜色！真係偏甜過頭了，無咩抹茶味，奶味重得滯🙈

仲記得初開張嘅時候，每次經過呢一間舖頭都大排長龍，而家喺平日嚟，基本上唔使點排隊就可以坐低食啦。班戟即叫即製，大約等15分鐘左右就有得食，今次叫咗一個鮮果班戟，有蘋果、葡萄油、士多啤梨，基本盤。另一款係期間限定的栗子班戟。栗子用糖煮過，咬落去已經係淋淋地，唔會好硬嗰種，好味。個cream啡啡哋色，相信都落咗少少栗子嘅元素落去，另外仲有一對不同種類的果仁，食軟鬆化的班戟同時又可以連埋十分有咬口的果仁一起吃，口感十足。另外亦都叫咗咖啡飲，可惜呢一度嘅咖啡一向比較遜色，冇乜咖啡味，希望將來會有改善啦！

我們於下午二時左右到達餐廳，當時客人只有數枱，先付款，我們要了1鹹1甜的pancake。等了約十五分鐘，第一份pancake才到。❶三文魚牛油果忌廉芝士班戟（$112）：有2片三文魚，數片牛油果，有2片班戟是全麥班戟。❷宇治抹茶濃厚慕斯班戟 （$112）：有一球宇治抹茶雪糕，十分重的宇治抹茶味，非常好吃😋，有3片班戟。餐廳可自行斟水及取紙兜，第一次吃pancake，感覺良好，但2份班戟也略嫌不夠熱。

🍵 宇治抹茶濃厚慕絲班戟🌰 日本栗子Montblanc班戟最中意抹茶班戟香濃又好味🥰班戟漲卜卜軟綿綿有幾香既蛋味加埋濃密既抹茶mousse同細滑既cream仲有粒粒合桃同pump pump楓糖漿1齊食味道同口感都好豐富好好味🐹👍🏻而適逢秋天係農作物收成既季節日本人都會用時令食物去整甜品期間限定就有栗子Montblanc口味上面除左有原粒栗子之外仲有夏威夷果仁同合桃碎連個cream都有淡淡既栗子香味入口好濃厚☺️ 仲加左小紅莓乾用酸甜味去作平衡👍🏻. . . . . .不過排隊真係排好耐...對我黎講... 如果特登去食既話就好似用太多時間想kill time果陣去排黎食都ok😣👍🏻

唔知有冇人好似我咁成日都好掛住日本嘅幸福pancake呢🥲🥲今次就非常思鄉地去咗K11 Musea食幸福pancake🤣夜晚8點半左右去到，啱啱好唔洗等位😚店內外都有位置，我坐店外，雖然係商場範圍，不過都唔會話好嘈同好多人行嚟行去～我哋叫咗最招牌嘅幸福班戟 ($84)🥞同埋芝士慕絲雜莓醬班戟 ($102)～香港嘅沙田同尖沙咀分店都係用咗即棄紙兜裝，個感覺真係爭好遠，不過好彩味道都有水準，pancake蛋味好香濃，而且想讚一讚佢個滴管好似係蜜糖😳我覺得味道比傳統糖漿好食😋而芝士慕絲都好香濃軟滑～對比之下，我都係鍾意原味多啲，可以感受多啲蛋香🤣雖然同日本嘅感覺真係冇得比，不過食吓止吓嗰股想念家鄉嘅感覺，都滿足嘅～🤗

熱朱古力班戟配自家製穀物($92)食梳乎厘當然要追求空氣感，綿花般彈性，水蛋般軟滑，但係佢只係做到一般般，我覺得沒有特別，淋上熱度一般既朱古力醬，再配上自家製穀物又有另一番風味。有機伯爵茶加購價($28)茶包伯爵茶，茶味夠濃，冇特別。📍幸福班戟尖沙咀梳士巴利道18號Victoria Dockside K11Musea 2樓233A號鋪✨評分：6/10💰人均消費：$120

食過唔同嘅pancake, 今次試呢隻令我同男朋友都不禁驚歎點解咁好食架🤤🤤1. Tiramisu pancake $112本身就咁食第一啖pancake，已經覺得好神奇，唔係咩鬆軟、外脆內軟、彈下彈下，而係佢成個味就係好好味😋，值得一試，再加埋側邊個cream，同埋出味d嘅tiramisu有d似雪糕咁嘅cream，溝埋個pancake都幾正😆2.香蕉鮮奶🍌 $38因為兩個人去食，要叫兩款，咁啱見到香蕉鮮奶就試試佢☺️，第一啖覺得正正常常幾fresh香蕉鮮奶，但第二啖開始發覺佢個奶味好香，唔係平時飲開個d鮮奶味，同香蕉好夾，未黎pancake都飲左好多🥰🥰🥰如果係其他地方食個pancake都差唔多百幾蚊，不如黎呢到食，食完好似真係幸福d🥰🥰（自己睇番都覺得自己似打手🤣）

The Japanese has cracked the code: here is a sinful dessert that doesn’t feel so.I’m not one to queue and a good place in town usually demands respect through queues. This time around I allowed myself to slow down after dinner and burn calories standing in line. It wasn’t too long until I was worrying eating too much because of the minimum spending. Good news? It’s almost all air. Knock yourself out with anything here and even it might be packed with calories but you won’t feel them.