亞泰

Open Now

Now Closed

難得可以放低兩個BB，換來與好朋友嘅聚會😊約咗朋友喺日出康城行街，我哋就揀咗呢間 #亞泰 食飯，食返個大家都好喜歡嘅泰國菜 🇹🇭😎 正💯.餐牌上面都幾多選擇，但係一望到呢個二人餐，就感覺到非嗌莫屬！因為套裝有晒大部份我哋都兩個都好想食嘅嘢😆 另外仲單點多咗個沙律🥗.$318套裝真係太抵食！.🇹🇭泰式小食拼盤炸物又熱焫焫又脆口，最like炸蝦餅🇹🇭泰人大蝦頭冬陰湯🍲份量好大！兩個人每人都可以飲到兩碗，酸辣度適中，好似我唔係咁食得辣嘅都飲到！🇹🇭主菜我哋就揀咗「招牌蛋咖喱蟹肉枕頭包」個包好香脆，裏面裝滿香滑咖喱汁，仲有大量蟹肉，啲汁可以掛到係麵包度，唔辣仲反而係甜甜嘅咖喱味，一口接着一口要食！‼️必點‼️如果叫套餐唔好錯過升級優惠，啤酒/泰式特飲買一送一😎 同埋基本上兩個人食呢個套餐一定夠飽！不過一路食一路傾偈嘅我哋就叫埋沙律同甜品都食得落😋😋😋🇹🇭炭燒牛柳沙律牛柳好嫩，沙律酸酸甜甜，好開胃🇹🇭芒果糯米飯🍚🥭成晚坐咗接近三個鐘，都冇話要趕人走😌坐得舒服、食物美味，推介俾大家同朋友約會好地方！

超難約周末的活動 - 參觀消防及救護教育中心暨博物館，終於成行了。除了離島，真是第一次去到老遠玩。一場來到康城站，當然揀間外面未有的餐廳叫了3⃣️個餐海南雞 - 肉滑飯香，冬瓜湯清甜無骨豬手 - 不肥膩，不過略咸燒汁雞扒 - 皮香肉滑，汁都是略咸，幸好分開上。飯非常煙韌有咬口，軟硬適中，小朋友都吃到，如果熱度夠更好。餐飲正常。座位舒適。平均來講，是可以推介的

同朋友食飯揀了在將軍澳的亞泰，在康城商場連住地鐵站夠方便，附近又多特色商店。餐牌食物選擇都幾多，見到有二人餐，入面都幾多想食嘅選擇，二話不說點呢個再散叫其他小食同甜品。二人套餐有泰式小食拼盤、大頭蝦冬陰功湯、蛋咖喱蟹肉枕頭包、馬拉盞炒通菜、泰式甜品，勝師啤酒同各式特飲仲買一送一，我哋仲加咗個炭燒牛柳沙律、香辣肉碎生菜包同芒果白糯米飯。泰式小食拼盤~有香口蝦餅、肉丸同春卷大頭蝦冬陰功湯~唔算好辣，好飲蛋咖喱蟹肉枕頭包~加左蛋好香，杰身啲沾麵包好食馬拉盞炒通菜~惹味炭燒牛柳沙律~有得揀辣同唔辣，牛柳份量不少，青瓜爽脆香辣肉碎生菜包~好好食，微辣同唔漏芒果白糯米飯~椰汁好香，白糯米軟熟同朋友一路食一路傾計，食咗接近3小時，價錢相宜，渡過好愉快的晚上❤️

最近多一個朋友搬咗入去將軍澳，以前從來冇去過康城嘅我，而家已經識喺商場搵食，原來款式選擇多價錢亦比想像中便宜，逛了一個圈我們選擇了食泰國菜— 亞泰。亞泰主打正宗泰式美食，由泰藉廚師主理，店長推介不能錯過的船河及冬蔭功，看看餐牌傳統泰菜一應俱全！二人套餐 combo for 2 優惠價 $318 A.泰式小食泰式小食拼盤 一次過滿足晒幾款願望，泰式春卷、蝦餅、鳳凰丸，炸得香脆可口，泰式香草非常惹味。B.湯 SOUP泰人大頭蝦冬蔭湯Tom Yum Goong 滿滿的泰國情懷，濃郁的香茅味，大頭蝦大隻多肉又彈牙，菇菌類浸滿了冬陰功湯的精華，每一啖都辣得刺激。C.主菜 MAIN COURSES任選一款 我們異口同聲都想品嚐招牌蛋咖喱蟹肉枕頭包，招牌蛋咖喱香濃又滑，充滿椰汁香味，鮮甜的蟹肉份量也不少，枕頭包沾滿咖喱汁，越食就越想食。D.蔬菜 VEGETABLE炒通菜梗係要揀馬拉盞啦！傳統的森巴香味，充滿蒜香，熱辣辣非常夠鑊氣。火車頭雜錦船河 $78另外追加了招牌菜式，火車頭雜錦船河內容豐富，湯底濃郁好飲，肥牛、扎肉、貢丸、豆卜、魚片，吃盡所有泰式地道小食。E。甜品 DESSERT最後吃了完美的甜

同屋企人一行四人黎食晚餐，樣樣都想試咁，所以叫左九樣野，最後大家都好飽。最好味係呢兩樣💟香辣肉碎生菜包d肉碎同香料既味道調得岩岩好，生菜都新鮮。💟泰式菠蘿海鮮炒飯入面都幾多料下仲有提子乾，炒得幾好食，飯既口感都幾好。🔴呢五樣野就整得普通啦，唔差泰式炸蝦餅炭燒泰式豬頸肉泰式鹵水無骨豬手火車頭雜錦船河（肥牛、扎肉、貢肉、豆卜、魚片）飛天通菜❌但泰式海南雞同招牌蛋咖哩蟹肉枕頭包就真係失望。❌海南雞無雞味，而且食得出唔新鮮，肉質同口感都好差，加上個醬汁都調得唔好味，連我呢個中意食雞既人都放棄左佢。❌招牌蛋咖哩蟹肉枕頭包見餐牌張相幾吸引下，食落蟹肉味ok既，但咖哩味唔出，唔香口，d醬點個包都唔好食。

去唔到泰國唯有食吓泰國菜，今次已經係第二次黎亞泰食lunch啦！鍾意呢度坐得舒服唔會好迫，價錢唔貴份量仲好足。火車頭雜錦船河真係好大碗超足料！裡面有肥牛、扎肉、貢丸、豆卜、炸豬皮等，一碗有曬唔同配料，岩曬我呢啲有選擇困難症嘅人！佢嘅湯底濃郁，河粉又夠滑，正！泰式海南雞伴油飯海南雞煮到岩岩好，夠曬滑又夠鮮味，油飯粒粒分明好香口，配埋啲醬撈飯一流！泰式拼盤裡面有蝦餅、春卷及鳳凰卷，全部都炸得好脆仲熱辣辣，最鍾意個蝦餅，夠大件又彈牙！下次黎康城嘅話一定會再食！

無得去泰國🇹🇭旅行，食住泰菜先😋！主菜當中，我最鍾意就係呢客招牌蛋咖喱蟹肉🦀枕頭包！將原個枕頭包挖空中間再放入咖喱蟹肉，蟹肉份量一啲唔少架🤩個包係焗到香脆，淋上香滑咖喱汁 (少辣)，加埋蟹肉一齊食，包身索咗咖喱汁，一咬D汁係口腔流出黎，咖喱味滿滿！另外叫咗冬蔭龍蝦🦞湯河，份量絶對足夠二人享用！味道都好"冬蔭"，酸辣度突出，大量秀珍菇加埋一隻開邊龍蝦，食完一碗成身有D暖感!仲有明爐冬蔭海蜆鍋！有埋個爐🔥興住食！海蜆好新鮮好入味💦！值得一讚嘅有佢嘅海南雞🐔！用嘅係黃油雞！雞肉柔嫩多汁👍🏻！送飯🍚一流！唔要雪糕要泰式甜品，係傳統嘅芒果🥭椰汁糯米飯，芒果肉香甜糯米飯煙韌，為呢餐帶黎一個甜甜句號！

Rating: 4/5 ⭐ @ahaya.hk 冬蔭海南雞湯河($75）非常非常滑又腍嘅海南雞，個湯唔辣，好香嘅冬蔭公湯味。明爐冬蔭鮮魚片($108) 鮮魚片好彈滑，筷子拎起嘅時候見佢彈下彈下。最欣賞係佢嘅湯汁，喺泰式酸菜魚嘅味道。招牌蛋咖喱蟹肉枕頭包($138) 蟹肉多，咖喱偏甜。椰汁千層糕($35) 椰子味重，好似食緊椰子糖嘅味道，賣相就差咗啲，所以唔放出嚟嚇人啦Tom Yum Goong Hainan Chicken with Soup Rice Noodles ($75)Extremely soft and tender chicken. The soup is not spicy. It gives a strong flavor of Thai herbs.Sliced Snakehead Mullet with Tom Yum Goong Served on Stove ($108) The mullet is so fresh that it gives a bouncy texture. What I love the most is the soup. It’s s

蛋咖哩蝦球枕頭包蛋咖哩完全係泰式既風味，蛋味濃而且咖哩味好香。蝦球好新鮮彈牙而且大大粒加埋咖哩一齊食好夾!枕頭包焗得岩岩好，軟熟而且真係滲透哂咖哩味，加埋一齊食唔會太辣或者咸，真係每次嚟都必嗌!因為咖哩實在太出色，所以我地再嗌咗蒜蓉包。見到個樣同餐牌真係幾乎一樣，烘得好香而且蒜蓉味突出，就咁食都好好食，加上咖哩汁又好惹味!海南雞配滷水豬手船河呢款船河個人覺得好抵食，海南雞好嫩滑而且都冇哂骨，雞味都好濃郁又入味。豬手炆到淋哂，肉質真係做到入口即溶既感覺。船河湯底都幾濃味同埋有藥材味，下次可以再試埋酸辣湯!巴提亞燒雞呢個燒雞整得好香口同惹味，雞肉嫩滑而且香料味十足。食落好滿足，特別係雞脾位個度真係好好食!雞肉味都好濃，加埋雞醬一齊食有另一番風味!泰式奶茶好濃郁而且奶味好香濃，飲落比例幾好!

間唔中都想食下泰國菜，康城商場的阿泰平日午市和晚市都要排隊，今日趁放假跟家人去試下。天氣咁熱點可以點都要叫返杯椰青 透心涼一下。家人點的椰汁珍多冰亦是吃泰菜必點。炭燒泰式串燒有雞肉和豬肉、燒得香嫩可口、配上沙爹醬好惹味。個人更喜歡豬肉串燒、較有油香。火車頭雜錦船河好大碗、有齊貢丸、墨丸、生牛肉、扎肉、豆卜。湯底好濃郁味道不錯。泰式鮮蝦金邊粉 炒得乾爽、鮮蝦彈牙、芽菜份量十足、夠兩三個人吃！馬拉盞炒通菜都好惹味。

成日聽人講康城係一個結界，上錯港鐵去康城站會好難出返嚟，今次我就同媽咪勇闖下，入去食泰國菜！The Lohas 都幾大，搵咗好耐先到達目的地，去到餐廳又等咗10分鐘先有位，店舖細細間，都好多人幫襯！媽咪想食湯粉，我哋叫咗海南雞無骨豬手湯河，再加啲小食，香茅雞翼、泰式豬頸肉，同埋蒜蓉炒通菜，媽咪要飲椰青，我要泰式奶茶！海南雞無骨豬手湯河雞件比咗雞胸肉都唔鞋口，豬手有口感，湯底是濃厚的，仲比左幾塊脆豬皮，真係好有泰國feel香茅雞翼雞翼比較細隻，炸得好脆口，美味泰式豬頸肉肥瘦比例適中，切的厚度亦剛剛好，點埋泰式醬汁一流芒果糯米飯新鮮芒果肉，配上微暖香甜的糯米飯，係泰國的味道，好懷念呀！

又多個友人加入為將軍澳之友，參觀完新居就係佢樓下商場開餐，多間食店中今晚選擇食泰菜見佢有個二人套餐，咩都有D唔駛傷腦筋，價錢都親民喎首先出場係泰人大頭蝦冬蔭湯，份量絶對足夠二人享用，若然有埋個火"慶"住就仲好味道都好"冬蔭"，酸辣度突出，大量秀珍菇加埋一隻開邊大頭蝦，飲完一碗成身有D暖感!大路泰式小食包括: 泰式春卷/炸蝦餅/炸鷄肉丸個人喜歡熱辣辣炸蝦餅，入口幾彈牙，配以酸甜醬汁一齊食，收貨!四款主菜中，目測最多人叫嘅係呢客招牌蛋咖喱蟹肉枕頭包將原個枕頭包挖空中間再放入咖喱蟹肉，蟹肉份量唔少架個包係焗到香脆，淋上香滑咖喱汁 (少辣)，加埋蟹肉一齊食，包身索咗咖喱汁，一咬D汁係口腔流出黎，咖喱味滿滿!食泰菜就歡喜馬拉盞炒通菜，通菜切到一節節先炒，比較容易進食，味道惹味中帶點微辣，但落少點油會好D!唔要雪糕要泰式甜品，係傳統嘅椰汁粟米西米糕及千層糕，前者香甜後者煙韌，為呢餐帶黎一個甜甜句號!

今日屋企冇飯開，所以就約左朋友係屋企附近食晚飯，呢間泰國餐廳新開無耐，之前一直都想試吓，今日終於有機會喇。😋泰式生蝦 ($88) : 生蝦刺身超級正 😍 所以忍唔住叫咗兩碟過口癮。泰式拼盤 ($78) : 有蝦餅，春卷同雞棗，每款都炸到脆卜卜 😋 而且蝦餅仲要超級大件。炭燒泰式豬頸肉 ($78) : 份量比我預期中大碟好多 😋 豬頸肉表面燒至焦香脆口，肉質仍然保持到嫩滑同多汁，朋友同我對呢個炭燒豬頸肉都一致比好評。💯炭燒泰式串燒 ($62/四串) : 雞串燒賣哂，所以叫咗四串豬，豬肉都幾大塊，肉質幾嫩滑，沙嗲醬亦相當色。菠蘿沙冰 ($28)，椰汁冰 ($28) : 兩杯特飲都幾抵飲，而且味道亦唔差。

今日去咗日出康城附近行街，行到咁上下就喺商場裏面食埋飯，有啲想食泰國嘢所以就揀咗呢間餐廳。餐牌食物定價都幾合理。👍🏻泰式生蝦 ($88) : 生蝦超級高質，大隻又肉厚 😍 食落爽口彈牙，點埋個幾辣下嘅自家製醬汁，惹味到一個點。明爐冬蔭鮮魚片 ($108) : 魚肉晶瑩透亮，口感細膩柔滑，冬蔭功湯完全滲入哂落啲魚肉裏面，鮮味又香濃，瞬間震撼味蕾的享受。飛天通菜 ($68) : 通菜鮮綠爽脆，用咗辣椒蒜頭去炒，所以帶點微辣。泰式奶茶 ($30) : 難得有泰式奶茶當然要叫嚟試吓，味道同泰國飲嗰啲差唔多。😋

去咗將軍澳日出康城睇戲，睇完戲就搵嘢食，就嚟咗亞泰度食泰國菜，唔需要等好耐位，坐低咗之後就叫咗一個美國牛肉船河同一個冬陰海南雞船河，一個炸豬皮小食，一個明爐冬陰海蜆鍋，先來咗炸豬皮小食，份量都唔少，炸到卜卜脆，幾有口感，然後兩個船河都到咗了，味道不過不失，牛肉船河正正常常，湯底味道都夠，分量剛剛好一日，另外冬陰功海南雞船河湯底味道略嫌淡味，本身以為可以當冬陰功湯飲，但係因為未到比較淡，所以有啲失望，不過海南雞雞肉嫩滑，唔差，至於明爐冬陰功海鮮鍋顧名思義就係冬陰功湯底嘅蜆鍋，佢有個小型酒精爐幫你熱住個喎，蜆嘅份量都比較多，不過都係冬陰功湯味道唔夠，最後我哋叫咗個甜品就係芒果糯米飯，呢個又比較出色，糯米飯熱辣辣，再配埋好甜嘅芒果一齊食好好味👍🏻👍🏻👍🏻