阿一豬扒酸辣米綫

Open Now

Now Closed

今次去東大街,諗住試下依家朋友讚到天上有地下無的豬扒米線。我地一行六人3點去到，見要等位又多人買外賣,更滿心期待！先來炸韮菜餃,幾好味喎！六碗麵陸續上桌...其中三碗食米線的都話d米線好硬...一個話豬扒好咸、一個話湯汁好咸、好在我食上海麵，但就覺得無酸味,唔夠辣,倒有點麻..兩位男士竟然食唔完d粉...個人認為豬扒同韮菜餃其實OK,但湯底,豬膶,手撕雞都唔夠味。

每次返柴灣開小組，呢間可算是不二之選。挑戰自己可以叫麻辣米線，想食粥既又可以揀蠔仔及第。今次係我第一次叫野食，唔食番茄又唔食麻辣既我叫左清湯豬扒上海麵，點知都見到少少紅油，唔緊要啦，少少辣我又唔會死既，反而到左中間愈食愈開胃喎=)之後食左炸雲吞同炸水餃，雲吞我感覺唔似豬肉餡，反而個水餃太多韮菜，受唔到。btw，兩個小食都油左少少。至於個主角豬扒呢，醃得入味，炸得鬆軟。同埋叫凍野飲，都係叫冰類好，凍柚子蜜真係要不停攪先有柚子味。

原本打算到安利吃魚蛋粉，但到達時安利已打烊了。左看右看，最後轉戰這家米線店。點了豬扒酸辣米綫，豬扒不錯，醃得夠入味，不會"鞋'的感覺，米線也算彈牙。可惜酸辣湯味道不夠濃，酸味和辣味均不夠。份量適中，價錢合理，服務一般。

三月中旬將日常吃到的平民菜式，在材料質素每下愈況的情況下，願以花些心機作調味，令質素只得C的食材味道提升到C++，就是好的店子了。廚友介紹的阿一豬扒，普通的炸豬扒醃得夠味，雖是肉鬆的冰鮮豬，但香脆少油，加上自家醃製的酸菜，收$28左右，吃得出是良心出品，酸辣米線小店，其實也可以做出自家風味，這裡的手撕雞、雞肝餃子也有特色，詳盡小店風情不日於《惡男的廚．宴光影事》公映＠http://foodxfile.blogspot.com 。

食物先唔講, 講左服務先, 真係唔多得叫外賣可以一個鐘都唔到, 仲可以話你張單"飛走左", 捉唔住, 所以唔見左無送比你, 真係匪夷所思駭人聽聞.....食物, 都ok啦, 但係永遠唔夠辣, 你堂叫加辣要加幾次先夠辣, 送外賣要講好多次好多次先肯比多d辣油你, 辣油有無咁貴呀? 唔捨得辣油係做唔到麻辣食品生意架bor.....不過少有地方有蠔仔辣粉食, 所以都會幫襯, 蠔仔幾飽滿, 但...小心, 係有殼的....幾次差d咬爆牙......至於佢鎮店豬扒, ok啦~算係咁~可能香港太多地方煮豬扒煮得好了, 唔覺得話好驚喜囉~啊, 不過水晶粉幾好食, 加2蚊轉都ok~仲有, 你堂食食完, 會有一身豬扒味....好耐先散的~所以我後來咪叫賣~

間唔中都係想食佢d豬扒今次黎食酸辣豬扒米線,男朋友食左清湯牛肉米線酸辣豬扒米線 叫大辣, 但係辣唔覺好辣, 我諗要好似之前果次咁叫加辣先得; 豬扒係的確唔錯 清湯牛肉米線 牛肉不過不失,湯畀我男朋友飲晒,係咪應該唔錯呢,我冇試過但係最大o既問題係食完出黎好臭油煙味,食左一陣咋嘛. 好似食完一餐韓燒咁 lee方面完全唔掂服務態度ok以後想食佢o既豬扒米線要外賣喇

雖然公司在附近，但平時出來lunch冇乜必要我都唔會去食。原因係：1. 等位耐，上得慢東大街平時一到lunch就已經人滿為患，0個日同3個同事0係外面企左好耐先有位，入到去等到成1點半都未上到碗米線，而2點就要返工! 原來逐碗煮…… 但其實間間都係逐碗煮，唔知點解呢間勁慢，真係甘「用心」？怪不得外面要等甘耐……2. 店內唔通風 店內冷氣真係唔多掂，已經坐0係個部冷氣下面，絲毫感覺唔到一絲涼意，同阿姐complain，話已經開到好低…… 轉身望望個「廚房」，救命，d煙「攻」晒出來，想唔熱都唔得，根本冇咩抽氣效果…… 其中一位同事起身就走，寧願自己過對面鋪覓食。 食完出來，成身味，件衫吸晒油煙味。開張甘耐，油煙味依然冇減。雖然d豬扒係唔錯，但其他野食就麻麻地了…… 野飲方面，除左紅豆冰，其他都係唔敢恭維。

之前食過一次, 感覺普通, 可能本人的是蓄茄湯底吧, 不過這個湯底用料足, 係不錯的!今次再食, 感覺好多了, 係幾好味的, 令人有吃下去的衝動...可是豬扒本身不夠鬆化, 但味道夠! 不過本人有些疑惑的是....本人叫的是酸辣豬扒米線, 但為何吃下去的感覺似麻辣多於酸辣呢...唔緊要啦, 覺得好味便可!

我睇飲食雜誌話呢度係長龍店咪黎試下. 兩個人叫左:1) 酸辣豬排米線 ($28)湯底唔得, 唔好味, 咸, 係有香料味既, 但真係好咸, 塊豬排就ok既, 但下面d食評又話走辣會無味, 想點?!2) 麻酸辣蠔仔撈 (水晶粉定唔知薯粉, 忘記了) ($32)無湯既情況下更加不堪設想, 極咸! 碟野一黎到見到好多蠔仔, 本來係好開心好興奮! 但食多兩啖就知唔對路, 頭一啖都仲有蠔仔本身既鮮味, 食多一啖就無晒蠔味! 蠔仔鮮味被香料蓋過! 我當時既味覺除左咸, 麻, 小小辣, 根本就唔知自己食緊乜!當晚既招呼係ok既, 阿姐主動拎碗清湯黎俾我"沖水"....先可以繼續食落去....3) 生菜蘿蔔 (用湯浸住)普通啦, 但已經算係3碟野之中最好食....不過發現有幾粒發泡膠粒喺d菜度....我或者會黎多次試下其他野既....不過酸辣就no way....

今朝去筲箕灣找朋友,咁我上OPENRICE睇下筲箕灣有咩好食,見到E個好似岩岩新開又食評OK好,他的朋友說GOOD...咁就試下...去到就好期待我就叫左個豬扒酸辣米線(28蚊)我朋友叫左個豬扒酸辣上海麵(28蚊)1.賣相係唔差2.第一啖飲湯,很失望,感到好普通,好唔MATCH...佢的酸與辣,真是分開的味道,正如雞有雞味(姐係真係有酸味,真係有辣味),講唔出有香味,好飲,講合併令到湯變成一陣怪味...3.米線食到沒有過冷河的味道...有一陣粉味...唔知有冇過到...4.我朋友叫上海麵,竟然出來是烏冬,上海麵沒有咁白咁粗了...呃不到我們...5.豬扒打左鬆肉粉,見到豬扒粉紅色...6.正常一碗酸辣米線,係要加芽菜...可惜沒有,失望....7.28蚊好唔值,好貴...人地23蚊都有一碗有豬扒的粉,仲好好食添....

這間阿一酸辣米綫，竟然選擇開設在遠近馳名的安利魚蛋粉旁邊，很是夠膽，想必一定有一定實力，才敢如此公然「挑戰」安利吧？昨天一試，叫了一碗豬扒酸辣米綫味道實在平平無奇，酸確是酸、辣也算是辣，但其湯底實談不上可口而且湯底較偏向辣，更是奪去其鮮味呢，可算是失敗！米綫的確算滑、也夠彈牙，但豬扒的份量唔夠多整體而言，對其酸辣米綫有點失望雖未至於難吃，但實難以吸引我下次再光顧了

本來呢日係去荃灣食野架但係點知天要下雨所以只係黎左呢度食呢度最出名係佢個麻辣湯啦不過我係一個唔食得辣既人走辣之後成碗野係同清湯真係冇乜分別囉..我細佬佢果碗佢就話好OK不過佢食得好辣都話碗野真係太過辣@_@佢既豬扒就須係好好味我自己其實都好鍾意食架但整極都整唔到呢種食感另外一樣野食係佢個炸雲吞呢個係飲茶既時候食得多不過佢就多料D唔係得D脆脆

東大街除左安利要等位外, 阿一豬扒酸辣米綫竟然都要等位............真係要試下係唔係咁正 柑桔蜜 : 跟粉叫加$7, 味道酸酸甜甜, 不錯 九菜餃粗面(中辣) $23 : 豬生叫既, 很大碗面, 有六隻九菜餃, 豬生話唔辣, 但見佢一路食d汗一路滴 阿一豬扒米綫 (清湯) $28 : 我叫既, 因為我唔食得辣, 所以叫清湯, 一樣係好大碗米綫, 豬扒鬆軟, 有4小件, 但未算好好味如果肚餓就唔好去食, 因為要等好耐架!!!!!!

食左碗招牌豬扒米線, 等左十五分鐘, 等唔緊要, 服務態度差唔緊要, 去食粉, 無所謂啦.但係碗米線真係好咸, 又唔夠辣, 又唔夠酸. 豬扒都好咸同"林", 好唔好食. 可能係好大期望啦, 因為店主在牆上寫到自己好有性格, 對食好有要求, 所以真係好失望, 食完成日都好口乾, 真係唔覺講得咁好.

We read the article and went there and found out the noodles were not great as we wanted or expected. It was just far too spicy and the pork chops were not great as the others.