阿一豬扒酸辣米綫

Open Now

Now Closed

lunch來到十分多人的東大街，和同事開完會下著雨的平日，店內已經坐滿了人。阿一豬扒米線，不只食豬扒和米線咁簡單。今日同事特別點了的胡椒酸菜豬肚泡飯，本來也沒有太大希望，但卻是令人驚喜之作。湯頭鮮甜可口，胡椒有點惹味感，但不會有嗆鼻的辣，有令人一飲再飲的衝動。豬肚的份量不太多，但是我覺得是足夠的，加入大量酸菜提味，白蘿蔔又吸收了胡椒湯的精華，這個驚喜之作只是$34大元，認真抵食。夏天令人很多時也沒有胃口，間中吃下泡飯又令人有不同的感覺，正！欣賞小店的平民價錢及其人情味。雖然下午要搭枱，坐得不太舒服，不過食的同時又可以跟同坐的老顧客交流交流，又是另一番享受！

筲箕灣多野食就大家都知既呢間就係一間專食米線既店主賣既係豬扒米線,咁我當然第一次食就係嗌佢個主力推薦啦酸辣豬扒米線食評：先講豬扒，佢大塊得黎又唔會老同痴牙，雖然浸左落湯度，但係撈埋湯汁咁食反而有另一個味道，因為D豬扒會索左D湯底，係好味既！！米線彈牙，唔係D浸得太淋既米線，湯底有酸菜個D，成個味道好MATCH!!係值得推介既

鎮店的豬扒外，今次選了套餐內的套餐！胡椒豬肚雞泡飯非常足料，胡椒味道剛剛好，好在冷氣夠，唔係肯定發熱出汗！豬肚算乾淨，所以d湯都係乳白色！一個人食非常飽，所以提議同朋友share！韭菜餃米線，酸辣叫左另上，韭菜餃大大隻，好多韭菜餡！香濃韭菜味。米線偏軟身，所以分量好多，配上飲品真心飽到不能！

又黎食了今次主要想講既係小食因為本身想食蠔仔泡飯，不過佢話飯類未有，唯有試下佢啲小食，總括黎講係抵食夾大件煎蓮藕魚餅$34：一共5塊，每塊大概2／3隻手掌咁大，唔算太厚岩岩好，咬落同想像中既唔同，口感唔係彈牙果種係似係肉餅多啲，整過蓮藕餅既人都知蓮藕餅通常以爽口為主，因為多蓮藕粒粒，而我個人都係中意呢個口感多啲，但呢到似乎係多魚肉為主，所以重魚香味但無預期既蓮藕爽脆既口感，但佢又唔係鯪魚肉果種彈牙，而係真係魚肉果種較為淋身既感覺，所以唔係岩我口味，但食得出真材實料的如果您係中意食魚呢款應該幾合適，但我呢類重視彈牙爽口既人就唔太岩喇炸雲吞$29：本身叫呢個炸雲吞係諗住有5 6粒，因為呢個價錢都幾平，點知一拎上碟有差唔多成打！！！真係估佢唔到講返個味道先，食左咁多隻都係脆卜卜既！無一隻會有淋身，唔錯雖然都有啲油係個皮上面，但因為每隻其實size幾細，可以一啖食哂，唔會好heavy，而個饀就唔係想像中既蝦或者菜，而係純鯪魚肉，所以食落脆卜卜既皮入面加埋彈牙既口感都幾夾！但略嫌呢個饀會有啲單調，而且食出有少少類似梘水味，如果呢方面有啲改善下定會更好但以呢個價錢黎計絕對夠哂高質！

工作過後一夥人到了東大街的阿一午饍。東大街是東區有名的食街，應有盡有，西餐茶餐廳粉麵日韓泰，基本上去到都不會失望。阿一酸辣豬扒米線在東大街已經有三十多年的歷史，可算是數一數二的老店，作為半個食家的小妹，在同事的圈子第一次食真是慚愧。小店選擇也十分多，價錢相宜，午飯也只是三十多四十元。阿一豬扒酸辣米綫 ($36)第一次來當然要一試成名作！酸辣不是馬虎，上枱已經聞到很惹味的感覺。實在比大型連鎖店多了一份細心和感覺。湯底沒有嗆鼻的辣味，辣味在呷一口湯後慢慢滲出，愈食愈辣，十分過癮。今次還選了上海麵，似烏冬的，朋友沒有介紹錯，十分煙韌，掛汁力十足啊！主角之一的豬扒，厚切啖啖肉，而且肥瘦適中，也有不造作的味道，和酸辣十分夾。更喜歡是酸菜那份香口，和豬扒相當合襯。蠔仔粥 ($36)另外在阿一豬扒酸辣米綫，米綫好食就不在話下。同行朋友還推介又大碗又足料的蠔仔粥，是阿一另一臥虎藏龍之作。的確鮮味非常，抵食又足料，重點係蠔仔煮得剛熟！支持小店，經營三十多年，的確名不虛傳！

食了呢間多次, 今次都是第一次寫佢。佢最出名既係炸豬扒, 之前通常都會揀炸豬扒或豬膶, 今日就轉轉新口味, 叫了個腩肉。每片腩肉有65%都是肥膏, 不過每片薄薄的爽爽的, 唔會覺得膩, 亦唔會覺得好罪惡感 湯底方面, 今日揀了走麻辣的, 但仍感覺到有微微辣, 原來呢個咁既走麻係好啱我食, 好正。今次跟朋友去食, 加咗一碟炸雲吞, 雲吞饀料唔係用蝦, 而係用魚膠, 一碟有差不多16粒, 兩個人食略嫌多了一點, 但好香口好脆, 加埋茄汁又係好好味每次去到東大街, 都會諗住試唔同既食肆, 但係最後神推鬼ONG都係走番去呢間食。冇特別原因, 只因佢既出品真係好好食。

東大街美食雲集，整條街道上的食肆門前，也都人頭湧湧，但唯獨有數間特別熱鬧，‘阿一’就是其中一間！在馬路對面看到這間小店，朋友跟我說阿一的酸辣米線很不錯，問我要不要試一次，對於沒有什麼主見的我，當然就無所謂，於是我們就無視了其他美食，直接來到了阿一門前。在門前等待時，看了看裡面的裝橫，第一個感覺是環境十分狹窄，一大班人堆在這間小店吃著熱謄謄的米線，在外面看著也覺得辛苦，由其是今天天氣比較熱，令我對這間小店沒什麼好感。等了10分鐘，終於輪到我們進去了，才剛進去，剛才感到的不快全部消失了，店鋪雖然狹小，但冷氣卻很強大，冰涼的感覺令我十分驚喜。我們被安排坐在最裡面的一桌，而且要與人搭枱，不過這沒有影響我的心情，我和朋友坐下後立刻就開始選美食了。才坐下不久，朋友就選好了，但我看著餐單上一堆美食，又想吃羊肉，又想吃餃子，真的不知該如何選擇，選了一會，朋友看似等得不耐煩，不停向我推薦羊肉，於是我就選了雪花羊肉卷米線，而朋友則選了阿一真味豬扒酸辣米線，分別$33和$35，不包飲品在等待的期間，無聊地看著旁邊的侍應包外賣，侍應站在櫃枱前，馬不停蹄地包著新鮮出爐的麵食，手腳很快，特別要讚的是，當時只有2名

阿一呢間食店都開左好耐(應該都10年了...)以前20幾蚊一個米線變到而家30幾...不過味道都係不變, 都係咁好食早排叫外賣, 叫左個牛肉米線(佢呢度主打豬扒, 不過我勁憎食豬扒)睇個menu, 原來佢開左分店...好野好野牛肉米線都如以往咁好食 (可以食到牛肉的鮮味, 而唔係雪櫃牛)而湯底都一樣, 有點想知其實係咩煲? (羅白? )不過都如以往有個唔好的地方就係太辣了, 可能店鋪朋友都係慣左國內果種辣...太勁(即使係少辣都有中辣的樣子, 本身自已其實係食到辣...)不過好滿意...因為30幾蚊真係好食...

筲箕灣比較出名的食肆，飯點人蠻多，工作日中午去，下單後大概十分鐘可以做好。非常大嘅豬扒，湯味道好好，鮮酸爽口，唔辣嘅湯底裏面有蘿蔔，辣嘅就冇，不過都幾好食，價錢比較平～會再去

之前有朋友介紹過依間野好味，所以我專登去試試。夜晚差唔多8點，間舖迫滿人，但好彩岩岩有人走，所以即刻入到，畢竟一個人係易搵位d去到當依間叫豬排酸辣米線的餐廳，緊係要食豬排酸辣米線喇，本身我麻麻地食酸辣，但不過依碗個湯就勝在唔太酸，有d 辣； 個米線都彈牙，而豬排就煎得外脆內軟，確實不錯。依個價錢，有依個質素係真係唔錯。最後，建議店舖注意一下衛生環境。不過都係值得推介。

原本係約左筲箕灣之友去食安利，但朋友見我黎親東大街都獨沽一味，就介紹我試新野！佢話係筲箕灣最出名嘅豬扒酸辣米綫，當然，本住八掛又為食嘅心態，梗係試下啦！lunch time 12:30 已經開始等位，都算快，價錢都算大眾化，$30+ 就有交易。叫左最出名嘅豬扒酸辣米線，果然豬扒真係堅得， 炸得好香口，肉質適中，而且唔算好油，佢件豬扒放湯上嘅，都無浸到碗湯油曬。酸辣 湯底就重辣味，其實我覺得佢係偏麻辣，酸味只係靠湯入面放嘅酸菜。所以，如果好似我依類唔喜歡麻辣嘅人就會覺得個酸辣米線唔岩食。整體黎講， $32 有如此水準都算唔錯啦！

之前經過好次,都未試過,不過朋友就試過,話依到D野會辣成個咀痺哂，冇哂感覺，聽講好似好正咁,雖然唔太好辣,不過都想試下.所以今次就約左個位朋友黎食一次喇。佢有得揀唔同既辣,廢事食唔到太辣既關係,所以我決定叫小辣，辣既味道對我黎講就岩岩好不知不覺,朋友平時話食開中辣，叫我唔好試,我都有D驚,所以都小算數。今次食既豬扒米線，佢就有3塊豬扒,豬扒好香,如果分開上有得唔洗一齊食應該會正好多，但都依然食到佢好香好林，加埋個辣湯,都幾夾兩樣野,米線就好滑身，唔太林,好好正,朋友都係依同一樣野,不過佢就好似成日食咁,所以無咩特別。另外佢推介左個雲吞,佢話必食,同埋唔係成日有,原來有雞肝係入面,好香,果然係特別推介。佢話之前食仲正D,依家已經無之前咁夠辣同埋香,不過個雲吞水準就無變,我就覺得整體都唔錯,價錢都公道。

其實呢間幫襯過好多次,但今次經驗令我畢生難忘! 夜晚十點到,同女朋友嚟食,叫左手撕雞水晶粉同肥牛米綫。我碗肥牛米綫食左兩淡,發現D湯浮現左隻小xx,我當堂呆哂 但,在場有很多食客,心諗,大聲講既話,人地點做生意呢?之後我叫個女店員,(應該係話事人)我好細聲咁講:可唔可以換過碗俾我?(我手指住碗野入面既小xx)女店員超響亮既聲線)咩嚟㗎!! 酸菜嚟咋?!(佢隻手從我隻碗啲湯裏面"了"起粒小xx,再將隻小xx既屍體放上桌面,用食指磨碎佢 )我話:咁你食囉!女店員:食咪食囉!最後個女店員好悔氣咁換過碗俾我。。。。。總結:今次既經驗,令我十分受辱!1.碗野我只係食左兩啖,就見到有隻小xx,我仲要顧及你地仲要做生意既角度,好細聲咁,唔想俾其他食客聽到咁問,可唔可以換過碗俾我。本人認為這要求十分合理,但,這女店員仲要肯定碗野入面隻小xx係酸菜?係咪需要到真係要影相?拎去化驗?食環署跟進?2.我強烈不滿呢位女店員態度十分惡劣!成件事好似俾佢責罵咁!!碗野有問題,望完,"了完",仲要質疑!! 好似係我特登放落去咁!! 3.我寧願你話換過碗,拎去㕑房"不"走隻小xx,了兩了,之後俾返

老公說筲箕灣有間出名的豬扒米線，故特來試試，晚上9點仍然座無虛席，人流不絕  古法手撕雞酸辣米線這兒的米線比平時吃的粗壯很多，表面軟滑，口感比較煙韌、彈牙，有點像大記的攦粉，老公說爽口的米線並不是他杯的茶，而我覺得間中吃也未嘗不可，但米線較粗吸不到湯的味道有點單調，湯底是少辣，味道尚可，與譚仔或雲南的酸辣味道截然不同，雞醃製得宜夠味又不過火，肉質嫰滑，但如可撕近長條絲狀一點口感會較好  真味豬扒酸辣米線這兒以豬扒命名，豈能不試，老公點了出名的真味豬扒，豬扒醃好後，即叫即炸，但放在湯裡，頓時失色不時，幸好醃製得宜入味，肉質也鬆軟，但味道未見突出，要是再肥美一點會更好，湯底比其他店的辣，老公顯然吃得有點吃力 ，但尚算惹味整體來說，未有如傳說般的好味、特別，但以港島住宅地區有這樣一間米線店已很不錯，味道中上既相宜，我們下次會再來試試另一款豬扒及餃子的

食店林立的筲箕灣東大街, 一個黑底白字的招牌... 阿一豬扒酸辣米綫, 讓魚貫的途人注目... 更令人注目的是, 門外經常有人等候...看一看店內, 小小的店子, 客人擠得密密麻麻, 水洩不通...在門外等候了一會, 終於可以入內, 坐在人來人往的通道上, 不期然向上望, 發現懷舊吊扇和一些老照片, 很有味道...店內裝修其實不太差, 帶點中國味道, 只是當填滿了客人後, 什麼也被人海掩沒了...真味豬排酸辣米綫 ($30) -- 其他客人的豬排是用碟上, 看到這個被硬窒入去碗子內的3塊豬排, 心中有點不快, 因為實在太不美觀了... 米綫上鋪了芫茜和很多蔥段, 還下了點椒鹽花生, 儘管如此, 也不能為此碗湯底沒甚香味的米綫挽回一點分數... 很懷念以前公司附近的四川家庭式經營酸辣米綫, 多酸少辣, 很滋味... 一心想回味一下, 可惜, 這裡的酸辣米綫原來是麻辣的, 酸菜沒甚酸味, 基本上只辣到口也發麻, 但一點也不香, 汗是直標, 但有點白流, 如果是又麻又香還可以接受... 米綫更是煮太久了, 腍到一夾起便斷開, 口感很差...古法手撕雞酸辣蜆殼粉 ($34 連飲品) -- 我