阿四車仔麵 (Closed)

車仔麵真係香港特式，鋪頭入黎食麵既係咩人都有，有一家大細，上班族，大學生情侶…餐廳係旺角鼓油街街尾，裝修似cafe，賣既係港式小食同車仔麵。麵要自己寫紙仔，好多選擇，自己揀埋配咩醬撈麵添。小食都有好多款，可以無限加餸😌識食梗係揀淨餸菜底，可以試多兩款餸麻😆，蘿蔔係必定要叫，好大舊好入味，一啲根都無，入口即淋，做招牌菜都得呀！其他丸呀魚蛋等大大粒熱辣辣唔錯。魚皮都好脆卜卜，又係必叫。另外男朋友叫左牛腩豬大腸肉食大王，佢話撈埋沙嗲醬好濃味幾過癮。

同朋友行街購物成大半日，滿載而歸🛍，差唔多六點，朋友話不如食碗車仔麵後返屋企，佢帶我嚟呢到，冷氣開放，招呼周到，一坐低，舒服晒😆。我要咗：咖喱魷魚🦑$12、豬腩肉🐷$12、油菜🥬$9、辣豬皮$9、粗面$12，咖喱汁。朋友就有就要咗：午餐肉$10、菜心🥬$11、瑞士雞翼🐥$10、牛腩🐮$12，烏冬$15，佢再加咗杯熱奶茶$10。全部食物基本上都幾好味，特別係豬腩肉肥瘦適中好甘香；咖喱魷魚🦑 口感爽脆好美味；特別一提係嗰一湯羹嘅咖喱汁✨，出奇地濃郁美味；朋友就話佢嘅午餐肉煎得好香口，外邊仲脆脆哋，佢話好正😋。每張枱都有自家製辣菜甫，讓客人隨意添加，辣辣地，好惹味。

食得車仔麪多數就唔會要求環境，因為好多面檔大多係好逼，亦唔會有咩裝修。但阿四就唔得，有裝修且枱與枱之間都隔得開，唔係侍應都要就住行個種，所以整體比我感覺好舒服乾淨。 餐牌上面有好多野食揀，唔止傳統既餸，仲有額外既日式小食同埋飯揀。如果唔想食面，仲可以食下港式小食，都好多選擇下。 我地叫左碗仔翅、生菜，碗仔翅好食，值得一讚下會連埋紅醋一齊上，唔洗自己再叫 車仔麵就叫左兩碗，我覺得味道都幾好食，蘿蔔清甜。瑞士雞翼好食，不過正常好少難食。整體上都唔錯，加上環境舒服，價錢合理，會再去一試。

收到消費券後，自不然蠢蠢欲動想買點心頭好的東西，專誠出來旺角逛一轉，看看有沒有收鑊。看過幾間店，已鎖定了目標，不過，待吃完午餐才下單入貨，不用雙手拿着一堆東西那麼不便。來到豉油街一帶，有超多食肆，最後，選了「阿四車仔麵」，因為一個人吃車仔麵就最方便，又可以選多一點食物。由於鋪面是落地大玻璃，可以看到內裡環境，感覺地方四正，不會過於擠逼，加上此時此刻，客人又不是很多，可以更安心用餐。 在門面貼有大大張餐牌，所以，進入前早已想好了吃甚麽，還有下午茶供應，可惜只限星期一至五。選了幼麵配沙嗲醬，餸料就要豬紅、蘿蔔、魚皮餃3款，合共$43，再加配一罐「玉泉忌廉」（+$10），既然有消費券墊底，財爺說要推動經濟，就加多一客「南瓜薯餅」（$26），組合為甚豐富的午餐。沙嗲醬未知是否自家製，但十分香濃，很有花生香，蘿蔔亦十分清甜多汁，難得魚皮餃沒有過鹹的狀況。而南瓜薯餅非常好吃，外脆內軟，每一口也是南瓜香味。 吃得出小店的出品有質素，雖然，以車仔麵而言，一般都沒有甚麼招呼不招呼了，但店員都很有禮貌，多謝前，「唔該」後，感覺都不一樣。希望大家出來多消費，不只帶旺經濟，更幫到多一些小店，但記緊注意防疫喔！

小弟嘅職銜叫主管，實際工作範圍喺阿四，即喺乜都做，乜都話關你事，其實，呢個都喺好多香港打工仔嘅寫照。今日出到旺角睇睇波難，格吓價，見到呢間「阿四車仔麵」特別有感，幫襯吓，支持吓，反正都好似好耐無食過車仔麵。 依家啲車仔麵店已經唔哋以前嗰啲地方淺窄，坐得唔舒服嘅鋪頭仔，其實，晌門面都睇得出「阿四」都花咗啲心思晌裝修上，入到去，環境比預期大，一室暗灰，水泥牆，少少粗獷，又有啲格調。 不過，由於近門一邊都哋落地大玻璃窗，採光十足，所以，唔會幽幽暗暗。而最緊要，都喺夠乾淨企理啫！ 入得嚟，都喺食車仔麵架啦，不過，原來，點菜紙顯示仲有特色小食、大大大碗飯、特餐……等等，飲品就有跟餐優惠。剔好點菜紙，交俾店員就可以喇。 枱上放有自家製菜脯同美極，喜歡嘅就加番啲，不過，麵餐已跟一款自選醬汁，夠晒味。 河粉、咖喱汁、雞腎、芝士腸、溏心蛋 $42友人嘅口味都算傳統，佢就話對食要求唔大，最緊要飽肚，咁個河粉底佢實滿意啦，望落去啲河粉多到呢，而且，佢話幾滑溜；雞腎幾入味，帶點爽口感，芝士腸就都喺咁上下啦，溏心蛋亦唔錯，蛋黃真喺做到有點流心嘅質感，當然，香濃嘅咖喱汁亦記一功。 紅豆冰 +$16大大杯嘅紅豆冰中

車仔麵好有本土地道特色，可以任各人口味，選擇唔同嘅麵底、醬汁及配料最鍾意💕呢間，就係因為佢有勁多種類嘅配料供選擇，有辣魷魚🦑、辣豬皮、豬紅、炸豆腐、豬大腸、雞翼尖、滷水腩肉、龍蝦丸等等除咗配料，仲有多款小食瑞士雞翼、碗仔素翅等。 唔想食麵，仲有大碗飯提供喎我就揀咗蘿蔔、牛腩、芝士腸、菜心，腩汁粗麵😋 ✴️牛腩切得細細粒好易食，又夠腍。 蘿蔔爽口又清甜，完全無渣，好味到不得了。 腩汁香濃惹味。加上自家製咖哩汁及菜甫，更加無得頂🥰✴️瑞士雞翼一碟都有成5隻咁多，瑞士汁好入味，雞翼保持肉汁✴️紅豆冰😍紅豆香甜大大粒，椰奶仲好順滑香濃。車仔麵配紅豆冰最正😆呢間店仲好大，坐得好舒服😌

行過旺角，好想食車仔麵，不過要係旺角鬧市中搵的確唔易，好彩我係豉油街搵到一間車仔麵，佢名店叫阿四車仔麵，一聽就知係主打車仔麵，呢樣野已經係信心保證。入到去，我就叫左牛腩、蘿蔔、魚蛋粗麵，仲加左惹味沙爹醬，另外我仲叫左蠔油生菜、豉油皇雞脾，再加埋杯凍奶茶。呢D簡直係香港地道的推薦食品，係呢度，一叫就齊哂，如果我係遊客，我應該幾開心講返食物，牛腩入味、蘿蔔夠甜，魚蛋同麵夠彈牙，豉油雞脾入味，生菜都夠新鮮，不過蠔油再多D就仲正。凍奶茶茶味夠，炎炎夏日飲都唔錯。

星期六瞓醒，已經下午茶時間，哈哈，肚餓又要快，即刻諗起車仔麵，車仔麵即刻諗起旺角阿四，即刻飛身落去。一碗叫了辣魷魚，辣豬皮，猪紅，炸皮頭油面，跟辣醬及麻辣醬，另外一會就變了招牌面，招牌面跟米粉，在跟腩汁及辣醬，裏面就係乜都有，辣魷魚咖喱味好濃，蘿蔔爽口冇渣，猪紅夠實唔會一夾就散，雞翼尖夠入味，豬大腸夠爽口，咖喱魚蛋好入味。小食就叫你炸墨魚卷同蠔油生菜，麻辣牛柏葉，再加一杯凍檸茶少甜，性價比高， $200唔使食到飽飽，最重點係食完之後唔會口乾，唔係味精車仔面。

經過開旺角就粗粗地食個車仔麵做晚餐，呢間之前有食過，今次諗唔到食乜嘢餸好就試吓點左佢哋嘅招牌麵試吓，貪佢夠多餸又唔使自己諗😆個招牌面裏邊有辣魚蛋 辣魷魚 豬皮 豬大腸 雞翼尖 蘿蔔 滷水蛋 瑞士雞翼 豬紅，都算係大大碗又多嘢食。朋友就揀咗一碗有豬紅、豬皮、魷魚、炸魚腐嘅粗麵，我哋兩個都鍾意食辣所以都另外加咗辣汁同辣醬。而小食點左佢哋嘅麻辣牛柏葉、腩汁西生菜、炸墨魚卷。整體感覺係最鍾意食都係佢哋嘅麻辣牛柏葉，今次係第一次試，相比起西生菜都係20幾蚊，覺得麻辣牛柏葉性價比更加高！

今日要0係旺角搵食SEARCH到呢間車仔食過覺得OK既今次再來呀點左~西生菜豬紅尤魚米粉(腩汁)西生菜好青綠咬落好爽脆豬紅有SURPRISE幾入味WOR又滑呀尤魚就正常呀米粉好大個呀食極都有咁~西生菜冬菇辣魚旦油麵(麻辣汁)試左少少麻辣汁又幾香WOR朋友話食完碗麵個咀唇都仲係麻呀幾堅呀冬菇都煮得入味又唔會過淋魚旦係偏大粒SIZE咬落還好未係好突出油麵底一樣好大份呀整體以車仔麵黎講算不錯呀下次可以再試其他餸

今日要OT🥲收工同同事一齊去左食個車仔麵呢間阿四車仔麵我地已經食過幾次😋大份夾抵食唔洗等就入左座lu~我就叫左個粗麵，沙嗲加麻辣醬佢有多款醬可以自選同埋溝架 仲全部都唔洗加錢添個沙嗲醬夠香我次次都必點但今次想試下新野就叫埋麻辣嘩 真係唔講得笑架佢個麻辣程度同出面啲四川麻辣火鍋有得fight🔥🔥我叫左三個餸：西生菜、瑞士雞翼、溏心蛋，total先$42好平🤤個西生菜份量算多有成棵架瑞士雞翼有兩隻大大隻嘅 瑞士汁甜甜地夠入味🤤溏心蛋就不過不失😛食蛋達人表示滿意朋友叫左個粗麵加腩汁叫左牛腩同魚皮餃、total $36咋另外我地仲叫左個小食係滷水豬大腸（$22）個滷水汁好入味 豬腸夠唸👍🏻😋好味

天氣酷熱，無乜胃口食飯，反而想食湯粉麵...車仔麵係唔錯嘅選擇配料太多款式，樣樣都想食😋「招牌麵」大大碗...有9款唔同配料，乜都有d👍🏻油麵嘅麵質好滑，好香蛋味，車仔麵湯底係精髓，呢個湯底唔味精，而且有幾款口味，揀咗辣汁，唔算太辣，幾惹味。(辣魚蛋．辣魷魚．豬皮．豬大腸．雞翼尖．蘿蔔．滷水蛋．瑞士雞翼．豬紅）「樽仔奶茶」味道超濃郁，好香滑，似以前細個時大排檔飲到絲襪奶茶嘅味道😍餐廳唔係舊式up dup舖，坐得幾舒適，下次嚟旺角又多一個選擇喇🤗

好耐無食車仔面，今日自己黎食別有一番風味🙈試左咖喱魷魚，鹵水蛋，豬紅三餸配油麵，惹味咖喱醬汁非同凡響😌配少少辣夠香口！豬紅入味得黎又爽☺️怕唔夠飽就試埋碗仔素翅，好大碗啊🤣絕對唔係稀水，用料新鮮，有木耳絲，腐竹絲，冬菇，粉絲，勁足料！一試返尋味。

近年車仔麵越出越多花款，但係我最鍾意食嘅都係傳統懷舊車仔麵。喺旺角俾我搵到一間好傳統嘅港式車仔麵，價錢都幾抵，嘢食唔錯，最緊要係食到以前細個車仔檔嘅嗰一種風味。面底有選擇粗面，麵質爽口彈牙，唔會太硬。湯底揀咗麻辣味，餐廳好細心咁將辣椒油用匙羹裝起，客人可以按照自己食開嘅辣度去加入辣椒油。辣汁麻味十足，十分惹味，唔會得種死辣搶喉味。配料揀咗蘿蔔、豬腸、豬皮和雞翼尖。蘿蔔入味不過略嫌有渣；豬腸醃得夠味，亦都好夠肥，味道不錯，不過口感就硬身咗少少；豬皮夠林、雞翼尖的滷水汁香口，整體來講唔錯。凍檸茶茶底夠曬濃味，唔會太苦澀，甜度亦都適中

阿四車仔麵真是一間好味的新派車仔麵，環境乾淨，座位舒適，服務好，餸菜入味，吸引，我們都喜歡吃。今日我又去吃，叫了4款餸，包括西生菜、炸片頭、魚皮餃和滷水腩肉，叫了油麵和凍奶茶。我朋友叫了菜心、炸魚蛋、雞腎和粗麵，她又叫了凍朱古力。大家交換餸菜，款式更多，可以有很多款餸食。我最喜歡食滷水腩肉，好入味，炸片頭和炸魚蛋好脆，再加上2款菜，既健康，又美味。這間車仔麵與其他的車仔麵不同，款式多，味美，價錢平，值得推薦。