A8's Cafe (Closed)

位於大埔美新里1號安樂樓地下A舖的A8’s Cafe, 是一間頗為精緻的多國菜餐廳。餐廳的裝橫頗有特色，而且吊燈的設計也十分時尚，燈光柔和，整體感覺舒適。餐廳在午市和晚市也會提供套餐，午市的約為五十至七十元，每星期餐牌也略有不同。晚餐方面，有一人套餐或二人套餐，二人套餐會奉送前菜和甜品，頗為化算。今次點了一客法式錫紙焗野生鱸魚柳（Pan-Fried French Wild Seabass Fillet）。這款鱸魚是餐廳的廚師推介和呃like推介，看菜單上的賣相，好像十分不錯。今次用膳加配了餐湯和飲品。餐湯是薯仔雜菜湯，味道天然清新，不會加了很多味精而會太頸渴。這款雜菜湯沒有加蕃茄，所以味道也不會過酸，頗有驚喜。隨湯奉上的還有一件蒜蓉包，包的形狀一口一件，份量剛剛好，而且哄得熱騰騰，脆脆的，蒜蓉味頗香濃。主菜來到了，鱸魚用一個錫紙包著，十分神秘，稍候便會揭開了。配菜則有新鮮出爐的炸薯條和半個蕃茄，長長的薯條炸得香脆，炸的時間不會太燶。打開錫紙便是令人口水長流的鱸魚了，去了骨的魚口感頗嫩滑，而且用錫紙包著，可以避免魚肉的水分流失，魚仍然能保持濕潤。法式忌廉醬汁的味道不會太搶，蓋過了魚的鮮味

首先，環境、門面係唔錯，今次第一次去試，入到去，竟然無冷氣，冷氣壞左，成餐食到身水身汗！壞冷氣食到個人忟忟憎憎叫杯薄荷朱古力，難飲到完全唔飲得，一拎到出黎，杯野飲既色水已經嚇窒大家，飲.一啖，嘩！ 淨係飲到糖漿味，極度甜，完全飲唔落口！涷檸茶，啖而無味，水吧真係要改進一下。再黎牛角包，軟林林，凹晒，又無焗熱，毫無誠意。 好在個主菜，意粉同飯，夠晒熱，中規中矩，不過都算不上高質。 同朋友食完，一致認同，無下次。

提早興祝母親節去食飯。見到間野出面都幾靚既。價錢有番咁上下。諗住食得過。點知一入去叫餐就中伏啦。一開頭入去見到d人大多數都已經叫左野食到左。我地跟隨後既兩枱叫餐（排第三叫）叫左個漢堡 一個類似海鮮繪飯套餐 同一塊牛排 先唔講好唔好食。等左大概20分鐘先黎左個湯仲要凍既。我心諗你個湯即煲都唔洗咁耐啦。仲要凍既。等多幾分鐘先黎多個牛角麵包 我個時既心情已經係等到想走。但最後都等左。到個主餐黎左。心諗應該都會好食。等都已經唔係一個問題。正常個飯繪出黎應該係香噴噴有d煙。一食落去個飯都係完全唔熱。隨後既食品都唔例外。（薯條/牛排）除左漢堡個塊手打牛肉。我諗佢放左係廚房一直都無令出黎。我同樓面投訴。佢答我再整比我。我話唔洗啦。我都係想你清楚有咩問題要改進。我知道唔關樓面事。最主要都係廚房問題。其實價錢多少同等耐小小唔係問題。你都要人食左你間野既食品。口服先得架。希望你地改進下。我相信老板都唔希望每個客食完唔會返轉頭再黎。 其實食客都要留意番評論真假

A8’s Cafe環境：👣👣👣👣食物：😋😋態度：😊😊😊性價比：👍👍👍德國鹹豬手：～148蚊帶子燴飯：～80蚊轉套餐：+15蚊（餐湯，牛角包仔，餐飲，轉特飲再加錢）埋單大概280蚊環境方面，木系裝修，好多有特色既（美式？）擺設，感覺舒服既。食物：餐湯好有麵粉味同比較鹹既雞湯味，有待改善。帶子燴飯⋯⋯exac7ly係鮮茄乜乜飯，d汁偷走去d飯到，相擁一段時間既口感，但味道比較淡，有幾片菇，幾點洋蔥，幾條火腿絲夾雜住咁。帶子就似烚熟，然後煎一煎（過一過油？）鹹豬手，佢皮既底層係炆煮左好耐而變稔既肥膏，外面係夾硬炸硬左既皮，炸乾左既肉，好難切，𡁻得好辛苦，同埋鹹豬手唔鹹囉。巨峰提子特飲，似糖漿加水，或者加無味既茶態度，不過不失。整體，有進步空間⋯⋯

今日同老公去大埔探朋友，探完朋友之後去咗大埔安樂樓的A8’s Cafe 食晚餐，見到門口的餐牌好吸引，所以就入去試一試😋我和老公見到餐廳嘅晚市套餐好抵食，所以我哋決定叫晚市套餐，我哋叫咗香蒜蜜糖燒豬仔骨配羊架和炭燒紐西蘭頂級肉眼扒配香煎大頭蝦🦐仲有英式炸魚南瓜燴飯😻首先嚟咗個餐湯羅宋湯，好香濃蕃茄味🍅🍅都幾好飲👍🏻頭盤我揀咗芝士烤大啡菇🍄好多芝士🧀都幾好味👍🏻另一個頭盤揀咗煙鴨胸田園沙津🥗煙鴨胸煎香咗，但沙津菜得好少。主菜我揀咗炭燒紐西蘭頂級肉眼朳(6oz)配香煎大頭蝦🦐大頭蝦好大隻🦐都幾新鮮又彈牙，牛扒比較薄，如果細塊啲厚身啲會更加好食，但都算有牛味，薯角外脆內軟超正👍🏻另一個主菜我叫咗香蒜蜜糖燒豬仔骨配香草烤羊架，羊架啲肉好嫩滑多汁，豬仔骨都好淋好Juice，非常好食😋我哋見到餐牌張相好吸引，所以叫咗英式炸魚南瓜燴飯，賣相相當靚，吉列魚柳都好大塊，超級脆，啲飯係用珍珠米，每粒飯都被南瓜汁包住，真係好好食😋落單嘅時候問餐廳職員甜品係咩，職員話係提拉米蘇蛋糕，我滿心歡喜和超級期待我嘅提拉米蘇蛋糕，點知嚟咗呢個，職員話提拉米蘇蛋糕賣曬，但我食完甜品後，見到個職員送緊提拉米蘇蛋糕去後面張枱

今晚同d 朋友見面，想坐得舒服又唔嘈，就入左呢間餐廳。我地揀左卡位坐底，店員都好好笑容，同遞左份餐牌比我地。好多野食揀，有飯，有意粉，有漢堡，有pizza，有豬手，仲有唔同既飲品。轉餐既話，加$15蚊就有湯，面包同野飲。我嗌左焗龍利柳飯，朋友嗌左帶子燴飯同安格斯漢堡。呢個南瓜忌廉湯，幾好飲，唔太結身，又唔咸。個牛角包好足料，裡面唔會係空心，但外面唔夠脆。店員仲提醒問我要唔要多汁，好體貼呀。好多白汁既龍利柳焗飯到左，好足料，龍利柳幾大塊，d 飯仲好多，一定夠飽，結果我最後係食唔晒，哈哈。朋友話呢個帶子燴飯都幾好味，但食到尾就覺得個汁偏咸左少少，但都算唔錯。另一個朋友嗌左呢個安格斯漢堡，個漢堡大過隻杯呀，好誇張，哈哈。朋友話，個包幾軟身，但塊牛唔夠味，如果加d d 汁會好好多，同冇咁乾身咁囉。但大致上都唔錯既。不過佢都係一樣食唔晒。如果細食既朋友，建議可以嗌d 餐share 食，咁就唔怕會太飽或者食唔晒。嗌野飲個時，我嗌左荔枝特飲，朋友佢地就嗌左阿華田脆脆(聽落個名幾特別)。店員好細心問我地要唔要少冰。真係再次因為佢既服務加分。哈哈我既荔枝特飲，正常冇咩特別，唔算太甜。朋友既華田脆脆，幾特

2個人食左💲163有湯有餐飲店員態度很好飲品很快上怡湯好濃，好味食物都很好食pizza 味道都很好食肉醬意味道淡D，但都很好味仲有得儲印花，下次用抵食下次再惠顧

路過幾次望到裝修幾靚都想試下，終於一試店內位置不算太多，是晚都爆場，諗住唔會中伏啦，點知。。。首先加錢加左餐包同湯餐包係牛角包，反正都係叮返熱，唔特別評論雜菜湯，其中一碗有隻黑色飛飛，都幾意外，又唔係茶餐廳，甘都注意唔到，細細聲同待應講有隻野係入面想換，佢即時係話果啲唔係黎架。。。哦，即係我眼花？有翼架禾(我見有甘多客人都廢事同佢爭論，吃虧的不是我)Order左大蝦西班牙飯，冇錯，西班牙飯係偏硬，不過未免硬得好似生米，可能自己食唔慣硬飯，我亦唔係奧客，所以都冇出聲既另外點左扇貝併西冷，Order叫7成熟，因為圖片只供參考，menu塊扒厚厚大大，黎到時係薄扒，都ok既，一切開紅紅血水，嗯，我都鐘意食生野既，但我叫7成熟呢塊睇怕5成吧，所以麻煩待應幫我煮熟啲。。。味道唔差既，只係偏咸(利申我好食得咸)另外仲order左個小食set，雞翼勁乾身，炸蝦係佳x十幾蚊一盒既貨，薯條變薯角總結甘既價錢，甘既質素，一定唔會再黎，浪費左我一餐既quota

同兩個朋友係附近做完瑜珈鬼咁肚餓，行過畀呢間cafe個霓虹燈招牌吸引住，一於入去試下望一望個餐牌，好多選擇，我地又想食 burger 又想食pizza，見到意粉又想食，why not all?😂😂前菜點咗煙三文魚田園沙津，正路嘢，食材新鮮，加埋個芝麻醬好醒胃😋之後黎嘅係蝦汁海鮮意大利粉🍝蝦同青口雖然都知係冰鮮海鮮，但出奇地爽口鮮甜，蝦汁撈落啲意粉度，酸酸甜甜真係好好食Pizza 我就發板叫咗 Parma Ham pizza, 由於個人好鍾意食 Parma Ham, 所以我對呢個pizza 係有私心嘅！😂😂佢個餅底係薄身個隻，又脆又唔漏，正🤤🤤食Burger 就緊係要揀牛啦。呢個安格斯牛肉Burger 真係冇得頂！舊牛勁juicy, 芝士同菜一啲都唔嗇色，一啖咬落去勁滿足！佢啲薯條仲要係有誠意，入面係有薯肉架！😍😍三個人食咗都幾多，好滿足。相信呢間cafe將會變咗我飯堂之⼀😇😇

被這Cafe門外的餐牌吸引了，便決定在於享用午餐。座位尚算舒適，但座位之間太過狹窄，像是與鄰桌一同用餐似的。餐廳的裝潢有格調，這是值得欣賞的。Order了一個串燒帶子燴飯，同行友人order了一份公司三文治、海蝦番茄忌廉汁燴飯、卡邦尼意大利粉。串燒帶子燴飯賣相不錯，混入了紅黃椒增加口感和顏色，至於sauce是帶點鮮味的，不太吃得出是什麼。比較出色的是帶子，很厚肉，表面燒得剛剛好帶點微焦，裡面沒有過熟，咬下去很有口感，很新鮮。唯一較遜色的是米飯，明顯飯粒較長身不是意大利米，米飯的口感因而比期望中的差。淺嚐了友人的食物，不過不失。雖然食物質素尚可，但店員服務真的令人感到失望。店內只有兩位店員，一個滿場跑，而另一個留守Cashier，只在有客人下單的時候才會走出來。下單時是Cashier的店員替我們下單，目無表情語氣無禮，友人本想order一份焗薯，換來店員一句「無焗薯」，當友人在scan餐牌看看改叫什麼食物時，店員更顯出不耐煩的樣子，如果當時店內很多客人的話也可以體諒體諒，但明明當時店內只有大概三分二的座位上有客人用餐，實在有點難以理解，甚至連到櫃檯結賬時，店員仍然是態度惡劣的⋯⋯幸好有另

之前見佢聖誕開張睇落人流唔錯今日去食生日餐諗住之前聖誕節咁多人食應該都唔會難食得去邊點知真係食過先知有幾咁極品一入到去就叫我地隨便坐坐左五分鐘到未有餐牌俾我地望之後叫左晚市二人餐，開始黎料前菜正正常常，看咩好講明明個餐有跟湯，到食完都冇黎過個餐有牛扒同豬手只可以用一個字形容咸同勁咸牛扒勁「梅」勁咸豬手食過無數間店真係未食過有豬騷味真係好難食，食得一兩啖真係食唔到落去原因真係好咸，咸到真係驚到食完會有腎病最後只好埋單，連甜品都唔要埋單時同收銀反映食物好咸及漏左個餐湯個收銀原全冇反應，聽完就算既態度真係去食個譚仔服務仲好過佢價錢其實算平，但老實講咁既質素同服務真係唔值食過大家樂可能仲好佢想挑戰一下有幾難食就去試下不過午市去試好啦，價錢平過夜晚少少!

某日朋友們想試呢間A8’s Cafe, 仲好好咁book埋位點知去到，店員同我地講記錄上應該係2位唔係4位，咁岩又撞正所謂繁忙時間，所以都擾攘左一陣先可以安排我地入座, 好彩都算快手嗌左煙三文魚田園沙律🥗，意大利風乾火腿薄餅，海鮮意大利粉同埋安格斯牛肉漢堡包 + 野飲4杯 share 食☺☺☺沙律比想像中出色 讚👍🏻薄餅就見仁見智，因為有啲人唔太好風乾火腿既味，我呢就對風乾火腿情有獨鍾，所以佢點整我都會話好食💕意大利粉不過不失因為4個人share 既關係，所以大部分野食都係同一時間送上👍🏿👍🏿👍🏿👍🏿🍔 的牛肉到我試完沙律薄餅意粉再食牛肉既時候都仲好好食

由頭到尾樣樣都錯。個餐湯淡得黎有怪味跟餐4個前菜份量少，個白酒青口極腥主菜有羊有牛有豬仔骨有豬手， 我諗4碟加埋落咗一袋鹽， 咸到苦。啲肉全部乸到一個質地，豬仔骨散過煲湯湯渣，咸豬手都幾脆，但係個味係怪加極咸。試咗兩個pizza都唔好味又唔脆。個番南瓜燴飯個南瓜唔熟，飯得奶粉味， 質地淋到似糊最慘簡簡單單幾個餐茶都可以做到好難飲， 檸茶有五花茶味， 朱古力係甜水。最後送咗個甜品都好精彩，睇落似窩夫但係其實係麵包質地，唔香又唔脆，加個死甜汁， 食咗一啖放棄咗。成餐招呼唔係特別好， 坐落又多蚊， 杯水入面都有黑色粒粒， 最後7個食咗9百幾， 食老麥我會開心好多。啲野食全部係俾人影相打卡無預過人食落口， 一個字-伏!

偶然在大埔看到這餐廳 ，看到下午茶都幾平就入去睇下。 同老公叫左兩樣野食，見到旁邊有人叫左帶子飯 ，自己好為食想食。 雖然下午茶餐唔包，不過都好好咁免加錢直接升級做套餐 有飲品同湯。 個飯好creamy ,高質，不過帶子帶雪味，飯粒都略為不較軟身。 期望再進步。 老公個漢堡飽好差，薯條唔熱 ，包皮烘過，但感覺太乾身，成個包都好麻麻。如果個包有汁或個漢堡扒多點肉汁會更佳。 同埋野食選擇唔太多，惟價錢也算公道，環境也屬舒服讓人慢慢傾計的地方 。

不時會在大埔覓食，今晚突然想起這所開業一段時間但仍未試看的西餐廳，誰知便中伏了﹗環境其實不錯，座位空間合適，不會感到擠迫，情人節前夕，店內有氣球佈置裝飾。平日晚上六時左右只有我們和另一枱客人。主餐牌上附有晚市套餐餐牌，需加一服務費，與朋友點了兩個廚師精選，套餐包含主菜、餐湯、牛角包及餐飲。上菜很快，牛角包暖暖的，夠軟，有一陣牛油香。餐湯可選紅或白湯，我們都選了紅湯，很多蔬菜，味道不俗。飲品點了熱華田，味道偏淡。主菜海鮮意式燴飯，燴飯味道不太濃，還算可以，但青口略為太乾。本來想選脆雞巨漢堡，但待應下單後再回來告知沒有。於是改點焗茄汁豬扒飯便中伏﹗飯上面的是蕃茄膏﹗「醬」裡完全吃不到沒有蕃茄粒，整個飯只有一片新觧蕃茄；豬扒可入口，些微偏咸；飯不是炒底已有點失望，而且有部分更是軟爛質地。真的覺得自己在吃罐頭食品，要比較的話，大家樂一哥焗豬飯簡直是天堂級。付六十多元吃的是茄膏撈飯，完全感受不到餐廳對煮食的誠意，非常令人失望﹗