A8's Cafe (Closed)

廢話唔多講，#南瓜控 🎃，準備好尖叫未？🤣🤣🤣———🎃英式炸魚南瓜燴飯 $78上枱已經贏哂，因為係原個真南瓜🎃配南瓜燴飯！！#南瓜控 絕對會雙眼發光🤩首先，南瓜雖然不是日本南瓜種的粉糯口感，但這款中國種都夠粉腍帶微甜😋再配上南瓜燴飯，南瓜汁好足味道濃郁富奶味，包著米飯粒粒飽滿又入味，再配上不少蔬菜粒如翠肉瓜/茄子/洋蔥等增添口感！👍🏻一啖南瓜燴飯，一啖粉腍南瓜肉，份量非常大，南瓜控絕對會停唔到手🤤🤤🤤不過另一主角炸魚就相對失色☹️炸魚上枱已經散開外皮亦變腍，炸魚是龍利魚柳，看照片都知，唉呀，可以談上失敗🤦🏻‍♀️🙈🙈.🍖香煎澳洲羊扒配薯菜 $148這個羊扒有驚喜！羊架有三大支，切開微粉紅色，肉質非常嫩腍，調味剛好又吃到羊味卻不感羊騷味，正呀喂😋不過略厭肥膏有點多🤪這小店的出品，絕對有驚喜👍🏻配上不少沙律菜和薯條，沙律菜拌以胡麻醬很難不好食🤣不過略厭蔬菜未算新鮮🙈粗薯條即炸外脆內粉，掂！.🍟細小食拼盤 $68即叫即炸，份量絕不少，可謂邪惡又熱氣之選🤣值得一提，雞翼醃得入味炸至外脆內保留肉汁，不錯👍🏻.🍹凍薄荷朱古力 $14朱古力味欠濃，整體有種假甜和死甜，不太推🙈.🍹凍士多啤梨特飲 $14整

今日去太和游水，游水前當然要醫下肚！經過呢間餐廳，見到店外貼左東張西望既報道，所以決定試試佢！見佢午餐餐牌價錢唔算貴，大約$50-80，都幾抵！餐湯係羅宋湯，幾多料，味道酸酸地、微辣，飲完好開胃👍🏻紐西蘭肉眼扒配意粉，塊扒5成熟啱啱好，但我地懷疑佢畀錯扒，因為個扒既厚度似牛柳多d，個汁都麻麻地。意粉味道不過不失！另外一個係迷迭香炸雞腿配薯條，有5小隻雞腿，好入味，肉質好嫩，雖然係炸但唔覺熱氣。薯條味道正常，但有幾舊焗薯就失色左！因為雖然有迷迭香焗，但無味！其實太和都有好多餐廳，呢間試一次就可以！

因為賣哂肉眼所以要左T骨（$118）， burger ($88),味道就好似去左一間中式茶餐廳但叫左西式嘢食。Burger ’舊‘肉太乾， T骨叫左5成熟， 不過黎左全熟， 又乾又硬，。唯一雞翼算好味。 如果大家去食， 可以試下食意粉， 因為我未試過😂

終於約到齊人入大埔行下食下玩下... 首先搵左個地方醫下肚先⋯見到門口有唔少色彩繽紛既餐牌都覺得幾吸引！入到去見到有唔少悉心既佈置⋯餐廳用左木色既色調增加田園風既感覺我們被安排坐卡位挺舒服的⋯吹著涼涼的冷氣睇睇menu….選擇非常多⋯日式西式同樣吸引而且價錢亦算便宜！特別係下午茶！成餐最令我深刻的是扒大蝦！ 雖然價錢比其他的貴... 但當食物來到的時候... 卻令我們嘩嘩嘩...先來一杯凍檸茶 $15 在炎熱的夏天千萬不要小看一杯凍檸茶的魅力... 茶底不算很濃味但配上新鮮的檸檬... 倍添涼意... 而且凍檸茶的分量對比街外平常一般看到的都較為大杯...煙三文魚雜菜沙律配黑醋汁 $58雖然份量不算太多... 但煙三文魚一打開時卻是大大塊... 而且配上爽脆新鮮的沙律菜和酸酸甜甜的黑醋汁... 令人胃口大增！如此大塊的煙三文魚真的令人很驚喜...得閒不防食得輕盈一點公司三文治 $44下午茶最愛就是點這個...開心Share分了四份... 每份的餡料包括... 雞肉... 芝士... 火腿... 番茄和生菜...而我最喜愛的是他們的麵包！烤得很香脆很薄... 吃的時候不會弄到很污糟...

本身都好少寫食評今次真係不吐不快開張到而家都成日幫襯直到今年3,4月左右停左早餐之後質素開始下降，下午茶炸雞脾以前皮脆多汁。。而家好乾身，皮亦炸到黑。。，思疑同合伙人拆左伙？但由於就腳間中都會去食下，今日同一歲半仔仔去食飯嘅時候，仔仔拍打左餐廳玻璃一下，老婆已經即時制止，但餐廳老闆已經好暴躁咁指罵我仔仔，又指一塊玻璃幾十萬賠唔起。。。小朋友回到家依然驚緊。。事實上我認為過於嚴苛了吧，如果我是放任個bb一直搗蛋，被罵還情有可原🧐一間餐廳如果咁嘅待客質素，我認為有小朋友就自行考慮啦，後果真係自負。

menu選擇有好多， 太和站一出行過黎十分鐘嘅路程就到，都幾方便㗎。 而且佢位處於兩個商場嘅中間，食完飯去行街就岩哂♥️ 日式蟹柳蟹子沙律， 最鍾意佢個沙律汁係醋黎嘅，酸酸甜甜好好味♥️而且蟹子本身都好有味道夾埋啲沙律菜嚟食，特別開胃😎肉醬意粉，好豐富既肉醬，而且意粉幾彈牙😋😋胡麻醬雞扒撈烏冬，烏冬微暖，雞扒都幾大塊，如果胡ma醬再多啲就更好啦😋公司三文治，個包好脆， 而且三文治既配料都幾多，下午茶黎講都算抵食㗎😯最後呢一個大既小食拼盤，因為今次炸蝦同魷魚都冇貨，所以就換左炸芝士同埋炸洋蔥圈。 而佢哋嘅炸醬都唔會話好厚，大大分值得一試😚

朋友推薦我話呢間餐廳幾好食，今日有時間就過左黎，坐底見到餐牌好多野食，好難簡，都諗左陣先簡到。是日餐湯今日係羅宋湯，蔬菜材料足，飲落較淡味。香草燒菲律賓大蝦 $148大蝦肉質肥厚，Q彈有嚼勁，滿佈香草味，兩隻唔夠喉啊，仲想食多幾隻。蟹肉蟹柳蟹籽忌廉汁意粉 $56蟹肉多，連同蟹籽食有咬口，忌廉汁豐富，但整體食落唔會漏。香煎紐西蘭肉眼扒配薯條 $68叫左7成熟，肉質嫩度僅次於牛柳，薯條外層香脆， 而內層鬆軟。呢度多卡位，坐得都幾舒服，侍應幾好禮貌。

晏晝兩點左右去食lunch,一入到去已經有陣異味，我點個手打漢堡午餐，我老婆點青口意大利飯，漢堡餐一嚟到D薯條居然係凍嘅仲要係唔知擺咗幾耐咁樣，連個包都係凍嘅，舊肉就暖暖哋，叫佢整返熱算，而但意大利飯居然有腥味同未煮好，好老實真係無下次，如果再唔改進吓，應該好快收皮👎👎👎

太和站近大埔墟，有幾條街有好多種中，西餐的美食，晚上小街上都幾熱鬧嘅，我及好友到此找美食為樂的呀！😀恰巧來到A8s餐廳🍴大門前，比門牌燈光吸引着了，就入去一樂也！👋前的雜菜沙律🥗，我感覺有點兒像中式菜餚的，豆腐也滑，上有些酸甜味汁，沙律菜新鮮爽甜的！👍😻後的煙沙律🥗，此煙三文魚，可真不大有烟熏味的，👍👍也不咸的，更給我感覺得更有益身體的好呀！👋至於，那青翠欲滴的沙律🥗菜，更是我的最愛的！帶子南瓜湯😻👍😻黄黄的帶子南瓜湯鮮甜，裏面還帶着好多南瓜蓉，美味！黑松露野菌湯香味俱全的黑松露野菌湯，給喜歡食菌類的人們，却是種美的享受呀！👍😻👍😻黑松露野菌蘆筍意大利🇮🇹飯菌類份量十足的，黑松露香味也濃濃的，那盛意大利飯的碗，此時還是在暖暖的，令人很為窩心呀！😘菠菜煙三文扁意大利粉鋪滿碎碎的波菜蓉，那煙三文魚一點兒也不會感咸的，真的是夠健康的啊！我感特👍👍😻😻炭燒紐西蘭頂級肉眼扒有8安士大的，此肉質鮮美多汁的，有口感彈牙兼嫩滑！👋👋👋👋都是廚師精心的製作啊！👍👍👋👋

星期日入去大埔搵朋友食飯， 有限先到呢間水準唔錯， 價錢適宜嘅cafe。一般去睇過menu， 每樣食物都只係50蚊左右， 非常之抵食。 我哋就叫咗一個前菜沙律， 兩份main course, 一個小食。每個主菜都會送一份餐湯， 而我哋嗰日嘅湯就係羅宋湯， 酸酸辣辣種非常之開胃。蟹子沙律上面臨換咗芝麻醬同蟹子， 相對起來比較似係日式餐廳食到嘅沙律。 芝麻醬唐生菜嘅味道相當之match， 蟹子嘅份量亦都非常之多， 令沙律食落去帶有鮮味。小食拼盤包括咗炸薯條 ，炸洋蔥圈，炸芝士同埋雞翼， 每人都可以試下唔同嘅野食。帶子忌廉意大利飯上面有大大粒嘅帶子， 意大利粉食落去得咁相對較林， 如果煮硬返少少會比較好食。焗爐魚即係我今餐最鍾意嘅食物之一， 爐魚魚味重，有非常新鮮嘅感覺，加埋旁邊嘅忌廉汁，味道相當唔錯。

I went to this restaurant for lunch on Saturday with family. We ordered three meals which are salad, roasted chicken and beef. The waitress was quite friendly and encouraged us to order food from the menu book other than their lunch menu. Therefore, the roasted chicken was ordered from the menu book. The food was served super slow. Three meals were served separately in totally different time, one by one, we ended up watching each other finished their meals individually. I have been waiting

一行到入去有陣臭味，可能天氣真係好熱，餐廳冷氣全程都好似冇開咁，一路食一路流汗，真係食得好辛苦我地三個人，三個餐分別隔左半個鐘先上菜，d牛扒質素好差，好韌同埋冇乜味，杯特飲又太甜，整體黎講餐牌同實際情況完全不乎！至於服務，雖然個侍應都算係幾好態度，但係上菜速度真係實在太慢啦。同行既家人叫左半隻燒春雞，加左10蚊配飯。佢就咁上左碟飯，之後碟春雞等多左成20分鐘先黎，最後d飯都凍哂...總之情況說好差，一定唔會再去！

搵食星期三 Friend子剛剛搬左入大埔, 今日突登請左假陪佢執屋 ! 聽講大埔區有好多隱世美食喎… 好, 今晚就試下呢間喺朋友新居附近既A8’s Cafe.餐廳佈置很好靚, 燈光柔和, 好舒服, 好適合三五知己 / 一家大小飯聚. 一入到店內, 發現, 平日晚上都坐滿8成枱.. 店員小姐好熱情咁招呼我地… 我地揀左晚市2人套餐, 前菜: <巴馬火腿蜜瓜> 不用解釋啦, 巴馬火腿配蜜瓜真係絕配, 無得輸! <豆腐雜菜沙律> 豆腐同沙律原來可以咁夾, 豆腐又幾香口喎, 配新鮮什菜, 好清新~~ 湯: <黑松露野菌湯> 好香黑松露配又濃又足料既野菌湯, 野菌一粒粒好有咬口… 好滿足呀! 主菜: <燒雞胸伴墨魚汁意大利飯>一向都係墨魚汁控既我，點會唔揀呢個丫… 燒雞胸肉質幾嫰, 唔會乾柴柴咁, 意大利飯索晒啲墨魚汁, 飯粒黏黏地, 真係忍唔住食食食呀!<炭燒紐西蘭頂級肉眼扒>FD 子係食肉獸, 叫左5成熟肉眼扒, 廚師處理得剛剛好, 切開塊扒, 鎖住晒啲肉汁, 好JUICY~甜品: <廚師甜品>

平時最鐘意幫趁小店經過見新開張入去試下，餐牌既圖片好精美，叫咗兩個下午茶，其中一個係煙三文魚芝士牛角包，熱咖啡下單後侍應話無晒大牛角包轉細既介唔介意，我話無所謂點知送到黎個包極細，仲細過我部iphone8，個包係唔熱既，而且裏面既三文魚唔太新鮮，食得出廚師係無heart既，後悔無轉其他食物。仲有杯咖啡都唔得，淡而無味，食物無心機整圖片影得幾靚都無用...唯一可取既係餐廳裝修新坐得幾舒服總括無下次。

未食過咁L難食既野!!!!!!!凍既薯條，投訴完佢敢膽死翻炸比我;小食拼盤話無尤魚圈轉洋蔥圈，但來到係好似橡膠既尤魚圈;燒豬仔骨，豬肉乾都多汁嫩滑過佢;香蒜大蝦意大利飯，如果同蝦米比應該係大蝦，肉質當然係梅架啦，飯係茄底但得個酸字;連杯凍檸茶都可以少甜變走甜,我真係拍爛手掌;成餐飯最似係人食既就係個餐包，同一碗茶記水準既忌廉湯。但講緊佢係收緊中級西餐既價錢，同毒品一樣:不可一不可再，take呢間野衰硬。有d評論話一次就夠，我係勸大家一次都唔好試p.s. 請快L d執，唔好再害己害人