炙・宴 (荷里活廣場)

Open Now

Now Closed

炙烤指數：❤️❤️❤️❤️❤️呢間已經開左好多分店嘅炙烤丼專門店💁🏻‍♀️外賣真係超抵食😻不過早幾日天氣凍 小編捱唔住肚餓 😳想即刻食啲高熱量暖笠笠食物 就即刻入去啦🤣1. ABURI-EN豚肉丼🍚呢碗店內人氣NO.1嘅丼飯❤️‍🔥又大又燒得好靚嘅5塊豚肉鋪左係面🐷已經相當吸引🤤仲要店中秘製醬汁都彬上每一塊豚肉上🤩配一口飯食 真係好好食❣️2. 宮崎和牛芝士黑咖喱飯🍛唔好睇佢黑蚊蚊 好似好難食咁😝咖喱嘅香味撲鼻 聞到已經好有食慾😏雖然我唔係好分得出黑咖喱同普通黃咖喱嘅分別😂但並唔似平時食開得個甜字嘅日式咖喱😃係有微微嘅辣味🤌🏻加上一粒粒好juicy嘅和牛🥩一個字 正🖤3. 火炙豬腩肉辣味噌豬骨湯拉麵🍜豬腩肉真係好肥美🐽入口即化🤗而且小編本身好中意食拉麵 所以好好食呀😚只係辣味如果再多啲就更正啦😄4. 火炙牛舌🐂其實小編唔太好牛舌嘅 因為覺得佢質感有啲奇怪😗但呢碟牛舌真係好好食😍炙烤嘅外皮微微脆🔥內裡又唔會太軟 有啲咬口😁無左我唔中意嘅質感😌所以如果本身同我一樣唔太食嘅朋友仔 都不妨黎試下😙真心推介💕5. 厚炸沖繩島豆腐🤍沖繩最出名係咩？當然係海鹽▫️脆卜卜嘅沖繩豆腐 再點少少沖繩海鹽😽咸咸香香 大人細路

荷里活新開日式燒肉丼飯！餐廳門外嘅豬仔同火焰非常吸睛，仲未禁堂食之前晚市經常大排長龍，環境闊落，不過開放式設計令私隱度減低。特上日本豚肉飯$112- 加$15 味增湯同迷你沙律，個人覺得特上豚肉同普通豚肉差唔多，仲多啲肥膏、薄少少，所以比較推薦食Aburi-En豚肉丼。Aburi-En豚肉丼$78- 推介！豚肉分量好多，有炭燒味道，脂肪唔會過厚，有淡淡油香味，口感爽口少少乾，性價比高！南蠻炸雞丼$78- 本身想食照燒雞肉丼，但係嗰日冇得賣，唯有叫另外一款雞肉，都有驚喜。雞肉醃得入味，炸漿調味啱啱好，唔點沙律醬食都好味，炸雞食落唔算好熱氣。推介！火炙牛舌$58- 牛舌口感非常彈牙爽口，黑椒同檸檬汁調味恰當，不過性價比略微低，如果多幾塊就好喇。番茄牛油果野菜沙律$68- 沙律菜非常新鮮，不過都係定價偏高左少少。

連鎖日本料理餐廳🌈人氣豬腩肉和日本第一名牌宮崎和牛為主打！✨《月見豬腩肉丼》$82薄燒豬腩肉，配上生雞蛋，加上香蔥，令豬肉的味道更加惹味！顏色也很豐富。《宮崎和牛丼》$149宮崎牛的牛肉和牛脂比例完美，口感鮮嫩柔軟，好吃！🌟🌟《火炙豬腩肉辣味增豬骨湯拉麵》$88湯底鮮味平均、質感濃厚，豬腩肉腍身入味，配上黑蒜油，味道層次感大大提升！💫《番茄牛油果野菜沙律》$68正正常常的沙律！🥗總結：連鎖店來說，也不錯！🥩

呢間係鑽石山荷李活嘅新食店 ，每次經過都好多好多人排隊，位置不算多，今次平日夜晚都要等左半個鐘講返正題同女朋友辛苦排左好耐，終於入座一嚐究竟！價錢都有少少貴！身為餓鬼嘅我梗係點和牛don飯汁醬唔算好甜好香正正常常，但和牛就非常失望懷疑廚師燒過火，和牛應有嘅油脂香同口感都冇，食落似一塊好un嘅瘦肉，柴柴地🥲，對應返相等嘅價錢可以係尖沙咀食啲更出色嘅和牛😑都算女朋友叫了一個鰻魚拼豚肉don鰻魚看似肥美，但調味十分奇怪並唔係日本餐廳食開嘅嗰種甜醬汁，反而更加似去流浮山，西貢食緊豉汁蒸鱔，滿口河鮮嘅鮮，不習慣的會覺得腥豚肉一看就見到滿滿黑色的燶邊位，太大火燒了反轉背面，一看就知塊肉的質素一般，入口都係柴柴冇乜肉汁剩下唯一比較好吃嘅係來自沖繩嘅炸豆腐，似樣的外脆內嫩滑，旁邊有少少鹽，自己添加，不錯的！總括依然，廚房火候要再控制得好少少，要靠彩數咁，唔係嘅話肉類貨源幾靚都冇用 ！希望下次光顧時有改善！

見到喱間餐牌上面既野食好吸引就入左去試下。見到一人鍋價錢都幾合理，又好似好多野食咁，就叫左個宮崎和牛併特上日本豚鍋試下，加左$10轉烏冬，但食完之後有小小失望。佢份量偏小，食完都唔係好飽，而且肉量唔係特別靚，整體感覺性價比偏低，唔係特值得試。反而佢既豚丼性價比較高，肉既份量偏多，而且都幾大塊。下次都可以試下其他味。

而間餐廳係灣仔都有, 不過lunch time成日好多人🥲見佢係荷里活開左分店, 無乜人排, 就試下啦😝------------------------------宮崎和牛·豚肉雙併飯 ($159) 👍🏻一次過試曬兩款肉, 滿足有選擇困難症既你🤣和牛肉質腍滑, 唔算好肥~但豚肉就鞋左少少🙈不過有醬汁補救😍 秘製醬汁甜而不膩~ 撈飯一流!!😋照燒雞肉丼 ($75) 👍🏻👍🏻食完牛同豬, 梗係要食埋雞啦🐔而個丼真係估佢唔到!!! 超好味!!!!😍雞肉燒得好香, 但仲keep到好嫩滑🥰同樣地配上佢個秘製醬汁, 真係好好味👍🏻👍🏻我覺得而個先應該做佢個招牌菜😂😂😂佢個醬汁真係好正 無論配牛豬雞都好味😋

呢間分店係岩岩開果時已經經常排隊懶人如我 真係唔想排😂到今日終於可以閒日食到啦今日嗌左兩個lunch set 同一客牛舌首先講左lunch set 先第一個係特選宮崎和牛飯和牛算係不過不失但我期望係生少少 覺得呢個程度太熟而個飯本身帶少少汁但濃得制蓋過牛肉既味道至於北海道帶子海鮮丼其實就整係得 帶子 三文魚 同三文魚籽因為我唔食三文魚既關係 所以比唔到食評三文魚籽一食 好腥要灌水沖走腥味至於帶子就無期望 所以無失望呢碗野最好食竟然係個飯😂最後就係火炙牛舌我諗大家睇圖都知燒到唔均勻第二塊乾成咁整體過咸 如果可以厚返少少就好至於服務方面整體係幾好好值得加分

今日同男朋友買咗戲飛喺荷里活睇戲平時好少過嚟呢頭食飯於是周圍行吓睇吓有咩好嘢食見到呢間日式餐廳門口有比較多人排隊 Check check OpenRice見到佢係新開嘅餐廳 價錢大概$80至$150個set 連埋沙律同麵豉湯 感覺性價比都尚算可以 一於試吓我哋揀咗個普通（$78）同埋上級豚肉飯（$112)試吓 等咗大約5分鐘就上枱特登叫兩個唔同等級嘅豬肉想試吓有咩分別 上級豚肉飯嘅口感比較有咬口 肥瘦分佈啱啱好 肉味亦都比較濃 相對之下普通豬肉飯就比較淋 同埋瘦 各有各千秋肉上面有特製嘅燒汁甜甜地都幾好食 不過覺得成個飯都係豬肉燒汁同埋飯 食食吓有啲滯 總括來講都幾好食嘅 性價比正常 間唔中食下都OK

🐱🐷Aburi-En❤️‍🔥次次經過佢啲分店 都係排隊排到好長龍🥲除夕早收工 見到人少少即刻衝咗入去食！呢排凍凍地 緊係食個冬日限定嘅鍋物💓佢有3款鍋 淨和牛/淨日本豚/雙拼 貪心嘅我揀咗雙拼🤣湯底亦可以揀豚骨湯/壽喜燒風 我今次就揀咗壽喜燒 仲會包埋一隻生雞蛋🥚另外都嗌咗個黑色嘅和牛芝士咖哩飯🍛隻味其實同一般日式咖喱冇咩分別🤣啲和牛對我嚟講有啲硬 如果可以再煮淋啲更好 但味道係ok的～🐱🐷總結：可以一試嘅日本豚肉餐廳～當然佢啲和牛都好味～❗️注意：可以用Guru app攞飛～咁就唔洗等咁耐

本來以為荷李活這邊算美食沙漠，純粹因為其他電影院滿座才不得不來較冷門的鑽石山，沒想到意外地找到好地方食野，以後來睇電影都打算食呢間醫肚。試了較貴的豬肉和牛套餐，最好吃的居然是豬而不是牛，薄切炙燒後一點都不老，味道濃郁帶有肉汁，非常驚喜。這價錢段未吃過比呢間更好的豬肉，又或者該說能把豬肉做得這麼好吃的店真心不多，味道上居然遠比和牛出色，在豬肉的映襯下，和牛變成普通的肉，所以決定下次來還是吃豬肉配鰻魚比較好。肉底下的洋蔥絲也很甜香。小吃點了牛舌和炸八爪魚，兩者略貴但對得起那價錢，因為又是調味一流又燒得絕頂美味。見到很多人點餃子，不過我沒有點。美中不足之處是，師傅不管整什麼都不願多落醬汁，我和朋友非常希望有更多的汁來撈一撈飯，拎開舊肉之後，真的是白雪雪的飯，半茶匙汁都可能冇流過落去。最慘是連沙律都吝嗇醬汁，牛舌下的沙律幾乎無汁可撈，實在說不過去。小食裡的沙律配菜，如果不落汁，相信有些人會乾脆不吃，之後只能落垃圾箱。

呢間炙·宴喺鑽石山荷里活廣場開左無耐，見好多人排隊就諗住試下，不過又真係等幾耐，都等左差唔多成30分鐘先入到去。炙·宴係主打北海道嘅豚肉丼飯，我就叫左月見豬腩肉丼，配一粒日本蛋。 賣相已經相當吸睛，燒豬腩肉嘅份量非常之多擺滿左成個飯面， 燒豬腩肉相當香口配埋日本燒汁香而不肥膩，而蛋汁嘅香同日本燒汁嘅甜撈飯一齊食亦別有一番風味。 一啖柔軟多汁嘅燒豬腩肉一啖燒汁蛋汁飯簡直送飯一流，食到停唔到口， 啱曬冬天嚟食。

普通 豚肉丼 無跟套餐$78紋豚肉味道甜甜地有少少肉味， 同埋一啲都唔鞋，， 都符合個價錢的， 但本小妹唔喜歡佢嗰隻燒肉醬汁味火炙宮崎和牛拉麵 無跟套餐 $128紋呢碗牛肉拉麵一上嚟呢，跟個圖片相比實在係 哈哈哈，，， 一碗麵上面就得三塊薄薄地嘅宮崎和牛牛肉， 一塊又不是很大塊， 好似手掌咁大塊度啦， 有少少牛肉味的， 好嫩滑 但可惜肉味不太濃和 超薄 性價比麻麻， 小妹我一個人食一碗是不飽的，呵呵呵 值得讚的是個湯底呢有濃濃的麻油香味同濃濃的豬骨湯鮮味總結埋單呢，加一服務費，就有啲貴

12 月25 日下午和友人往吃飯，只是點了南蠻炸雞，煎餃子及沙律，同朋友一邊聊天，一邊察覺有一位穿著白色製服的先生向我們台上的食物凝視⋯⋯過了幾分鐘，這位先生主動向我們介紹，是餐廳的總廚，他說看到我們的炸雞炸得太過燶了！要給我們換過新的一份！我和友人十分意外！因為已經吃了一半，炸雞的顏色雖然是有點過燶，但也可以，想不到總廚主動道歉及更換！非常感謝！這種高質的服務態度，非常值得表揚及嘉許！well done Chef! 👍🏻✌🏻

又係一個懶洋洋嘅中午，假期每日都可以瞓到自然醒真係好🥳 沖個涼、換件衫時間啱啱好😄朋友仔剛剛到。商場裡面嘅餐廳幾乎都已經幫襯過，醒起一樓嗰層開咗間新餐廳「炙・宴」，之前都有諗過去試，可惜飯市都排滿人龍👉🏻👈🏻 不過呢日個late lunch，剛好比機會我哋去試吓新嘢🤤 餐廳門口有好幾隻豬仔🐷放喺門口做裝飾，下面仲有個假火爐，感覺整個裝修都幾可愛🥰 餐牌上面嘅相影得好吸引，搞到我心大心細，最終我揀咗個 #月見豬腩肉丼 😄 就比自己假期放肆吓🥳丼飯大概喺落單後8-10分嚟到我面前，外貌都真係幾吸晴，加上金黃色嘅蛋黃，#小秘書 未食已經口水流🤤懷著期待嘅心情將 #豬腩肉 一口放入咀裡面，可惜腩肉嘅溫度不似預期，似係一早整起擺喺度備用，到我哋落單就馬上擺上飯面，風味確實令我有啲失望👉🏻👈🏻 本來想再加個 #小食 嘅我哋，都馬上煞停😅 希望呢次只係因為假期生意太忙，下次 #小秘書 有機會再幫襯嘅時候唔會再係咁啦😕

喺鑽石山荷里活廣場新開嘅日式丼飯店，除咗抹茶館同丼丼屋之外，終於有其他選擇！下午4點睇完戲去醫肚，唔使等位直接入得，其實之前都試過佢哋屯門同沙田分店，質素唔錯，睇吓鑽石山點先。我就點咗個月見豬腩肉丼($82)，而同行朋友叫咗宮崎和牛丼($149)。豬腩肉上枱時好香，食落充滿油香，不過食多幾塊就有啲油膩，而和牛食落軟淋，都有少少油香味。兩個丼飯量都唔算好多，女仔食就啱啱好，男仔可能就唔夠飽。飯上面食淋咗少少燒肉汁，整體味道適中。總結而言，味道唔算超好，但有誠意，食材唔係啲好Cheap嘅肉，而且保持到同其他分店水準相約，下次行街諗唔到食咩，見到食間餐廳絕對會再幫襯。