炙・宴 (MOKO新世紀廣場)

Open Now

Now Closed

一個人想食日本野，唔想太頹，又想環境好啲，就可以選擇呢間餐廳！之前疫情好勁時無咩人，而家 resume normal多左好多人，所以都要等一等先有得坐。餐廳選擇唔係好多，但樣樣都令人好想食🤣 之前揀過拉麵，但份量細，所以今次叫左個月見豚肉飯。可以加$15轉套餐 (I.e. 加沙律同麵豉湯），但因為中女唔想食生冷菜，所以另加炸豆腐🤣。豚肉燒得好香，啲日本珍珠米加埋隻蛋黃，😆yummy! 炸豆腐外脆內軟，新鮮好熱，有驚喜！

今日gathering約咗朋友喺呢度食飯，lunch～ 想食日本嘢又見佢新開所以入去試吓啦！我哋個個都嗌火鍋，天氣凍吖嘛！之後再加啲小食一齊share食 $38嘅芥辣八爪魚好細份！不過好好味，比平時食開嘅夠Wasabi味食正我個飯 $88嘅燒三文魚沙律，都有成八至10片三文魚都正正常常～不過我而家唔係咁好三文魚姐～ 沙律菜正常質素，都fresh ge佢嘅火鍋選擇只有三種，日本和牛，日本豚肉、或者牛同埋豚肉雙拼 ～我覺得選擇太少，因為我其實想食啲瘦啲嘅肉，如果有普通牛肉或者雞肉揀就好啲啦！因為得兩種肉係少啲選擇嘅不過佢啲牛肉好重牛肉味喎！店員話肉嘅份量係磅嘅， 所以會係四至五片好多菜㗎 ！我好鍾意呢一點！不過其實一人火鍋全部都係咁，唔通佢俾晒肉你咩🤣🤣全部食物都不過不失～我哋加$10轉烏冬好好味但係$25.1隻嘅炸蠔好似唔係好值！因為好非常之細粒，粉亦都好厚～好似蠔仔粥嗰啲豪咁大少少🤏啦！不過想提一年嘅就係，呢度所有服務員嘅服務態度都非常之好同埋快所以要讚一讚佢哋

2021年最後一日路過Moko，見有間新開餐廳就試下！之前其他商場都見過呢間餐廳，但次次都見好多人，好彩商場有app 可以預早攞飛，一去到等一陣就有位！👍見到餐牌及餐廳佈置都好吸引，兩個人點左兩個飯！點左炙燒北海道帶子海鮮丼 $138， 加$15 轉套餐，有味噌湯及迷你沙律！可惜冇得加配飲品，要正價買！海鮮丼賣相好吸引，食第一口飯時登左一下！本身個人對米飯有d 要求，呢個飯第一啖，已經好有喺日本當地食飯既感覺，有少少壽司醋味，口感煙韌，真係好好味！魚生又唔會得個凍字，👍口感有少少火炙但又好似冇...食到尾先記得影個飯...😅再點左宮崎和牛鰻魚雙拼飯 $169，加$12 可配温泉蛋！宮崎和牛肉質未至於一入口即溶，但有好香既牛肉味！😌條鰻魚燒得好滑好好味，推介！👍

因為屋企人喺附近返工，放左工之後想食餐豐盛d，行行吓見到呢間掛曬豬仔燈籠又幾得意，老竇提議想食呢間就入左去@@咁我地就叫左一家三口就一人叫左一個飯，分別係南蠻炸雞飯，宮崎和牛烏冬同炙燒三文魚飯。先講炸雞飯，炸雞炸得有香脆而不油膩，而且配上南蠻醬果然係一流～熱辣辣食落，完全就係米飯殺手，沙律配上南蠻醬食都迅速食曬！而和牛烏冬我就食左一啖肉，感覺都幾真材實料，半生熟感覺先係最正！而三文魚飯我都係食左一啖，媽媽就話幾鍾意呢個飯，我都覺得唔錯既，飯凍d就好啦。啱啱見到冇食評，先發現可能新開幕關係，d服務都比較好，而且坐得都幾舒服～