炙・宴 (新城市廣場三期)

Open Now

Now Closed

本身就知道呢間係一間連鎖日本餐廳，都幾有名氣，因為佢嘅食物質素唔錯，價錢又唔算太貴，今日終於有機會同朋友嚟食佢啦睇睇餐牌，我哋見到呢個一人鍋，其實話就話係一個人，不過其實佢嘅份量都幾多，我同朋友豬牛都會食，所以就叫咗一個宮崎和牛拼特上日本團鍋，即係雙拼啦，有牛又有豬，仲揀埋壽喜燒湯底，正呀！之後再見到呢個全新推出嘅特色咖喱飯，大家可以望吓，佢嘅咖喱係黑色架！因為真係好想知黑色嘅咖喱係咩味，所以我哋都揀咗佢！呢個就係嗰個一人鍋啦，大家可以見到佢嘅份量一啲都唔少，性價比非常高，除咗個一大鍋，另外我哋加錢轉左烏冬，同時揀咗壽喜燒湯底，亦都有一隻日本蛋俾埋你添，可以用嚟沾點蛋汁啊大家見到上面嘅日本豚肉及宮崎和牛都非常吸引，因為除咗大大塊，見到佢哋嘅脂肪分布都好平均，同時下面亦有大量嘅配菜，例如冬菇，芋絲及黃芽白等等，份量真係夠晒多，整起嚟都好好食，其實一個人都食唔晒架喎另外我哋加咗一個小食，佢係南蠻炸沖繩雞，呢個只係$58 ，但係雞件大約有五大件，絕對係一款出色嘅小食佢同一般日本傳統嘅唐揚炸雞分別在於，上面有少少配料，有大量嘅沙律醬，所以食起黎感覺冇咁乾，都幾有沖繩嘅感覺再一次睇返我哋呢個壽喜

某日自己一個行經一田醒起朋友推介過呢間餐廳就決定即興入去試下，由於去得比較早，入面唔算多人，店內裝修幾有特色，坐底睇左一輪之後決定直接打大佬，叫左個特選宮崎和牛飯餐，有埋沙律同味噌湯，湯同沙律都係正常水平，無咩特別，至於個飯，牛肉的確無令我失望，燒得剛剛好，有入口融化既感覺，但啲飯就食唔出有咩特別。總括黎講，個牛肉飯的確係幾好食，亦都一食就食得出同一般牛肉既分別，但個飯餐加埋一之後要大概200蚊，如果有多少少配菜會更抵食。

真係好掛住日本…..呢一年都無得飛日本，唯有食日本野止下旅行癮~今日lunch黎到炙・宴ABURI-EN，餐廳採用日式風格設計，大量實木家具，明亮整潔又舒服。燈籠小豬夠可愛，感覺溫馨愜意。主打日式丼飯，另有拉麵、一人鍋供選擇。特選宮崎和牛飯日式飯盒鋪滿油香滿溢宮崎和牛，賣相吸引，令人垂涎三尺!宮崎和牛經炙燒後口感依然嫩滑，霜降比例均勻，脂肪細膩，入口即溶。米飯為宮崎縣「一見鍾情米」，顆粒偏圓夠軟熟，粒粒分明好飽滿。咁好食，忍唔住買多個丼飯外賣做晚餐~Aburi-En 豚肉飯豚肉鮮嫩多汁，充滿油脂甘香，肉味香濃，口感鬆軟，嫩滑有彈性，米飯同樣粒粒飽滿，香軟細膩。午市套餐附送味噌湯同迷你沙律，食物高質，價錢相宜，性價比好高!

同家人入到去，見到環境唔錯，而且冇咩客人，餐牌嘅賣相都唔錯，就叫咗兩款拉麵同理啊碗燒牛肉丼。但係食物質素頗平庸，豚肉拉麵全都係肥肉，湯底太濃郁令人覺得飽濟，十分唔開胃。牛肉丼質素好似加藤屋，肉質都唔似和牛，同一般牛肉冇分別。價錢同食物質素都唔成比例。建議改善食物質素 同價位係沙田新城市應該都有唔少選擇。睇舖面應該都算企理，牛肉質素要值得留意。餐牌標明日本和牛國產級質素，原本滿心期待，但係牛肉肉質太令人失望

話說小編有朋友特別鍾意食日本嘢，呢排無得去日本🇯🇵唯有食住日本野止下癮先，朋友就推介呢間餐廳食午餐，餐廳裝潢走日式簡約風，天花掛住燈籠小豬好得意💜位置都坐得幾舒服_🍖特上日本豚肉飯 $112所有午市套餐都有配上沙律🥗，另外可以優惠價錢加配飲品☺️據炙燒肉係佢哋嘅招牌菜所以今次又叫咗佢哋嘅豚肉飯嚟試吓，每片豚肉帶有一定厚度味道濃郁帶油香，配上旁邊嘅菇菌一齊食配合得宜👍🏻_🍜火炙豬腩肉辣味噌豬骨拉麵 $88拉麵係比較幼身，辣味噌湯底但係有輕微辣味，小編覺得本身如果係唔食辣都應該接受倒豬腩肉十分軟諗入味😍另外入面仲有粟米同金菇等配料，味道都唔錯☺️_🥟沖繩豬煎餃 3件 $22🍗迷你南蠻炸雞 $25午市套餐可以加錢換小食，特別推介炸雞，超級大件，配上沙律醬一齊食好夾，加上旁邊一絲絲嘅彩椒絲，食落去較為清新

沙田新城市廣場勁受歡迎嘅餐廳👏🏼，每次經過都多人過年宵市場🙈，但因為朋友想試下呢間門口咁得意嘅日本野，唯有放工就嚟拎飛，耐心等候啦。我之前係YOHO mall食過一次lunch，覺得唔錯呀，dinner 就嚟沙田食，試吓上次無食過嘅新嘢😚😚一眼睇中咗個名物豚丼，見$78，唔使諗，同見佢嘅裝修全部都係豬，應該要試下豬🥰🥰另外叫咗個和牛鍋🥰😍，有100分嘅水準👏🏼👍🏼一睇個色就知係靚牛，高質牛肉，好值得食呢個和牛鍋，好幸福呢，暖暖的🥰個湯好好味😋，壽喜燒湯底，甜甜的，好日本🇯🇵，有少量嘅蔬菜🥬，同我哋加咗$10，轉烏冬，好夾，如果你叫得呢個鍋，我會話一定要轉烏冬，好match 個湯😍😍😌豚肉丼係幾抵食，大碗，多飯，日本米，有5大塊嘅豚肉，醬汗酸甜，肉質鮮嫩，中上水平，性價比高嘅，不過就普通，未去到好好食，可能呢有另一個高級版，就過咗$100嘅會再好食d😋下次試

好掛住日本呀！早幾日因為太想食日本野就去左屋企附近嘅Aburi-en食晚餐由於天氣涼涼地所以我哋都叫咗火鍋食🔸宮崎和牛火鍋（壽喜燒湯底）（跟白飯、生蛋）湯底可以揀壽喜燒或者係豬骨湯但我哋都係鍾情壽喜燒嘅甜味多啲和牛油花好靚 入口即溶而且牛味好濃 沾生蛋食真係一流真係好似去左日本食咁🔸宮崎特上豚肉火鍋（壽喜燒湯底）（跟白飯、生蛋）豚肉嘅油脂好香 肉質好鬆軟火鍋嘅配菜亦好新鮮豐富口味正宗配埋日本香米食 好滿足🔸火炙三文魚沙律三文魚厚切啖啖肉沙律菜新鮮 配芝麻醋食好開胃🔸追加了沖繩豬肉餃子、帶子餃子是黑椒味的豬肉餃，味道不錯帶子肥美

最近發現有一間平價日本餐廳有飯有拉麵有烏冬有小食仲有打邊爐地方都算闊落結果放工就去咗試吓啦整體而言所有嘅食物份量都好多❣️一定食到你飽一飽🤣⚠️特別推介大家試吓佢哋嘅丼同小食—— 照燒雞肉丼🍚 ——💰 HKD 62如果你唔想食得太油膩呢個照燒雞肉就岩岩好一讚佢地既飯軟身夠黏👍🏻—— 宮崎和牛鐵板漢堡牛扒 ——💰HKD 128和牛漢堡好厚身食得出佢哋真係用和牛打成好有咬口唔會好似漿糊咁—— 火焰宮崎和牛拉麵🍜 ——💰HKD 118 拉麵包左一隻完整嘅糖心蛋🥰通常啲餐廳都係要加錢😵拉麵嘅湯底非常之濃郁👍🏻—— 牛舌 ——牛舌用海鹽調味夠厚身而且爽口—— 帶子 ——💰 HKD 28帶子唔會燒到好乾口感都彈口帶子新鮮28蚊好抵食

同屋企人食晚飯，見呢間冇咩人排隊等位就揀左呢間，好快就有位。入到去三個人坐一排，我地有袋要放，放完後感覺有少少迫，如果唔中意迫就抱住個袋食～個位就會闊落好多~食物叫左宮崎牛火鍋，湯底揀左壽喜燒（配生雞蛋）同豬骨湯底（配醬油）。豬骨湯底ok，似出前xx公仔麵個豬骨湯，好味過壽喜燒湯底。壽喜燒湯底超級超級甜，仲要係死甜我地自己加水落去滾後都係好甜。。。牛肉方面不過不失，有四大塊，牛肉有牛味，但唔係入口即溶/好重牛油味個款，始終成set火鍋連飯或烏冬$169，所以牛肉質素我覺得配得起個價錢。另外，火鍋裡面有蔬菜，類似吉野x個d。成set火鍋份量唔算多，女仔唔大食ok，但男仔食應該唔飽。其他食物，如牛鰻魚飯$169(冇記錯的話），份量同味道都係一般。另外，牛舌好似$5x，有四塊，屋企人話(我冇食）牛舌部位選得好，但有d硬。我地叫左4set火鍋，一客牛鰻魚飯，一客牛舌，冇叫飲品，埋單大概$1100。服務方面，職員問完我地邊個人邊個湯底後都係比錯左，因為初初湯好少我地冇為意，後尾滾起先發現調轉左湯底，本身見個職員冇咩反應，諗住自己換，後尾個職員又走黎幫手將兩鍋湯互換。感覺職員唔夠人性化，唔細心，唔

臨放工收到阿媽whatsapp話無煮飯，叫我食自己，於是我就緊係唔放過可以食好西既機會，返屋企前去左新城市廣場買外賣。見到一田隔離（大排長大龍）既炙宴，做緊外賣自取優惠，就幫襯了。嗌左個宮崎和牛ABURI-EN豚肉雙拼飯同宮崎和牛．鰻魚雙拼飯。一次過滿足三個願望，有齊和牛、鰻魚同豚肉，因為三樣都出名。作為牛魔王，和牛就緊係最吸引到我，油脂香再加少少焦香，再有少少本茹香，聞到都已經想想流口水，入口亦都好惹味。豚肉都燒到好香口，薄得黎有咬口，主要係醬油味比較突出。最後最後當然唔少得蒲燒鰻魚，絕無泥味，肉質紮實，芝麻係最加分。

Lunch 和同事選擇了到這間都有一段時間沒有光顧的日式餐廳 ~ ABURI-EN(ST)炙·宴。餐牌雖然沒有點變，但有加入新食材，就係是宮崎和牛芝士黑咖哩飯喇初初在餐牌上見這款新名稱及相片時，我就知我今日要食甚麼喇這是我第一次接觸黑咖哩好期待，唔知辣唔辣呢？卒之等到上餐了，當侍應經過我身邊並遞上這個黑咖喱飯時，我已經聞到好香好香既咖哩味，放下時，我見到個賣相仲好靚呀！黑色既咖哩好似識閃動啊！香噴噴熱辣辣的黑咖哩加芝士不單只唔辣，配埋入口即溶既宮崎和牛加白飯，簡直一流食材滿滿的蓋著白飯，令每一啖都有食材，平時唔會食晒整碟飯的我，也忍不住口，一啖一啖全部食清另外的叉燒海鮮濃湯麵，湯底比較咸，拉麵個外觀比我既感覺好似某牌子既上海麵，彈牙的也好吃，但海鮮唔多，有兩隻大蝦同兩大片叉燒希望下次光顧時，再有新菜式吧！

ABURI-EN炙.宴 日本炙燒丼飯專門店 🔥 一間行日式簡約風嘅日式丼飯屋 依度舖嘅招牌菜係宮崎和牛同日本十勝豚丼 而佢哋嘅米係用日本宮城縣產一見鍾情米 一見鍾情米特色係比越光米淡味 而黏度比較高 同大粒啲Aburi-En 豚肉丼 HKD75 🐖 依個係北海道十勝豚丼 而店係用日本沖繩黑豚加以用炭燒成 不過小編覺得冇咩炭香 比較似用火噴去燒成 豚肉份量足夠火炙牛舌 HKD58 🐂 火炙牛舌食落去 今次有燒過 而牛舌都好厚身 好有咬口 值得一試Rating5👍🏻為滿）味道：👍🏻👍🏻👍🏻環境：👍🏻👍🏻👍🏻抵食：👍🏻👍🏻👍🏻👍🏻📍: 炙・宴 (新城市廣場) (沙田)沙田沙田正街18號新城市廣場第三期2樓A215號舖📍: 炙・宴 (V City) (屯門)屯門屯門鄉事會路83號V City商場1樓L1-3號舖📍: 炙・宴 (形點) (元朗)元朗元龍街9號形點一期2樓2046號舖

很久沒吃日本和牛了，今次來到<炙・宴>，試了日本宮崎縣和牛 和最有名的豚肉飯，是日本🇯🇵的味道啊！正好一解鄉愁.特選宮崎和牛飯：用日式飯盒裝上的宮崎和牛飯，有多塊🔥炙燒宮崎和牛鋪滿飯上，看到就已經流口水了。來自日本宮崎縣的和牛燒得剛好，油脂分布均勻，肉質十分嫩滑入口即溶，牛肉味濃郁😋。連飯也是用宮崎縣的「一見鍾情米」，粒粒分明又有口感，配蔥花一起食，味道更有層次👍🏻.Aburi-En 豚肉飯：這裡的🔥炙燒豚肉是薄切的，跟一般日本叉燒不一樣。薄薄的燒豚肉肉質很嫩滑，配上甜甜的日式醬汁一流！下面的飯也因為滲滿了肉汁和醬汁而十分惹味，平日不太喜歡吃飯的我也全部吃光🤩.宮崎和牛薯餅：竟然連小食也有和牛❗️雖然是小食，但一點也不馬虎，和牛味仍然很濃，混入脆炸口感的薯餅中，將普通的薯餅帶上另一層次，就是分量有點少.北海道牛油燒帶子：牛油味香濃，來自北海道的帶子超大粒而且很鮮甜美味，必點❤️！.沖繩四季柑：一向鐘意於柑類飲品，這杯四季柑酸甜度剛好，酸酸甜甜十分開胃。吃了那麼多燒物炸物正好解膩。.炙・宴ABURI-EN 沙田沙田正街18號新城市廣場第三期2樓A215號舖

食日本嘢唔一定淨係食壽司同刺身，其實仲有好多唔同嘅種類，炙.宴既丼飯真心好食！餐廳地方都乾淨闊落餐廳嘅招牌菜就係豚肉丼，肉質超嫩滑，好少食到咁滑嘅豬肉，燒得好香，豚肉既油香都好正如果鍾意食牛肉就必定要試蒜味洋蔥日本和牛丼，個牛肉係好滑，牛味勁香，百幾蚊黎講性價比好高洋蔥仲煮得好甜好入味我都幾鍾意食餃子, 所以額外叫左個煎餃子, 即叫即煎熱辣辣, 煎到金黃色夠香口我見到好多人都叫一人鍋, 好吸引呀, 都係幾百蚊, D肉好靚, 下次要黎試試一人鍋!

今日行開沙田新城市廣場，就想搵一啲日本嘅嘢食下啦，咁啱見到呢一間新開嘅照燒當飯，咁就一於試吓啦。在平日星期一來講，正常晚餐時間都幾多人下，入去嘅時候都要等位，但係都係等五至10分鐘就有位啦，裏面嘅座位都坐得好闊落，人同人之間都夾得好夠距離。今次試咗兩個嘢食，第一個就係呢一個店長推介嘅宮崎牛同埋呢一個豚肉嘅雙拼飯，牛肉燒得好好食，大概係因為佢係宮崎牛嘅關係，肉質脂肪比例完美，雖然得三四塊，但係我覺得真係滿分。而嗰個所謂嘅第一嘅燒豚肉飯，我就覺得真係好麻麻哋啦，如果你話$159呢個價錢食雙拼嘅話，早知就試吓宮崎牛拼鰻魚，可能個效果仲抵食過拼豚肉。等我仲叫多咗一個三文魚嘅沙律，坦白講其實都好普通，三文魚都算大份量，但係個醬汁就麻麻哋。整體來講，呢個價錢食呀呢個質素嘅嘢，其他選擇可能好多，不過喺新城市來講，可能樓下一田嘅超級市場仲好食。