AC2 Canteen

Open Now

Now Closed

AC2沙律吧的職員懷疑性別歧視，本人是體型嬌小的女性。兩次前往沙律吧購買餐食職員都區別對待！排我前面的男同學份量堆到一座山咁！到女仔去買既時候職員只比男性同學少一半的份量！比左一樣既錢，憑咩女仔既份量要少過男仔，圖一係我打開個外賣盒，完全冇食過的份量！離曬大譜！我第二次係堂食，冇外賣咁明目張膽！但係比起排我前面拿餐的男同學，簡直係蚊比同牛比！一個字，渣！第一次係意外，第二次就係專登！請問職員是否存在性別歧視立場？男仔比多d，女仔比少d？連canteen食個飯都要「重男輕女」，不可置信同離譜！

今天在城大上進修課程,在教學大樓有一間AC Canteen 與城大食坊的氣氛及裝修是兩種不同風格,AC Canteen 可能身處其中一個人氣低的教學大樓, 位置是較隱遮, 在午膳時間,食客只坐了2、3成,與城大食坊的人頭湧湧是兩回事,感覺上格調高了一個檔次。我選了日式雞扒蛋包飯、面鼓湯配熱啡,收費$48

吃的最多的也就是雙鎹了，每天菜都不一樣，需要自己看一下才知道什麼菜，兩鎹25，三鎹32價格還算Ok，菜有時會比較好，有時會差一點，所以每次都會先去看一眼是不是自己喜歡吃的再點餐紅豆冰加8元，總體來說填飽肚子Ok

係吖你冇睇錯。係多有，係有沙。見ac2 canteen有梅菜扣肉呢啲邪惡嘢食，就緊係要叫，點知就開啟我嘅劣食路份量都okay嘅，大概係一碗嘅飯量，再加4至5塊嘅豬腩肉，肉都算幾肥。但係味道上面，真係極鹹，係鹹到爆。仲要啲梅菜係有沙，好似每食一啖都有啲沙幫我磨緊牙。搞到淨係食啲飯，都唔夠膽撈埋啲梅菜同汁一齊食。驚食到最後冇曬啲牙。因為鹹同有沙，我估計原因只有一個：就係梅菜浸同洗得唔夠。如果沖耐啲、浸多一兩次，一定會冇咁鹹，同埋唔會有沙。希望下次再食會有改善！

去ac2打包個飯食，叫咗個黑松露蘑菇汁原條魚意粉，然後外賣走。外賣佢pack得外觀都幾差😂😂拎起塊「原條魚」嚟睇，其實係一塊幾大塊嘅炸魚柳，有成個盒咁大，都對得住「原條魚」個名嘅。魚炸得脆，入面唔乾，都唔錯。雖然個樣真係差啲啲，不過下面意粉嘅份量都多。汁都夠，唔會食到下面好乾冇汁送。不過佢個汁都好似落好多粉咁整😿😿叫得做蘑菇意粉，佢都有幾多蘑菇嘅，不過佢松露嗰part就真係唔出啦……飲品加錢叫個紅豆冰，但係……呢個係奶加少少紅豆喎……原全稱唔上紅豆冰……得少少紅豆，真係不了。

Ac2最冇伏嘅必然係飯類嘅食品，雖然都係少少頹，但起碼個伏細好多。Lunch叫咗個咖哩炸雞脾飯，食落又果然真係唔伏喎。份量方面，飯都係大概一大碗嘅份量，隔離都鋪住頗多嘅咖哩汁，而且隻炸雞脾都大隻。先講咖哩，佢個汁唔係日式咖喱，似係印度式嗰種，同埋佢個汁係非常辣嘅。會食到流曬汗😿😿佢個炸雞脾，真係有驚喜！冇諗過佢又炸得幾好喎。佢起碼炸到出面皮幾脆，入面肉又唔會柴曬，雖然佢唔juicy，但啲雞肉都食得出有醃過。成個set配嘢飲，都食得飽。

呢度嘅嘢食大部份都係伏同埋難食，例如呢度嘅焗飯你會覺得佢成Pat唔知乜鬼嘢咁，食落去嘅話都係最得咸味，簡單啲來講就係醬拌飯。呢度嘅滷水蛋甚至乎係硬到咬唔郁，阿華田係純粹啡色嘅熱水，係完全冇味。但係，係呢個劣食中心入面，都有一啲好食嘅嘢。例如呢度嘅牛腩麵，湯底入味，呢度啲面好爽身、彈牙，絕對比得上街外嘅質素，所以喺呢度食飯嘅話要謹慎選擇，如果唔係真係會中伏。

真係冇諗過牛漢堡都可以做到咁低質……完全刷新我對難食嘅認知。三十蚊嘅漢堡，完全唔掂……望到都覺得唔開胃……完全求其將肉、包、芝士、茶、薯條，放埋一齊。個包有搽牛油，抵讚嘅，薯條都脆，都抵讚。但係個包，真係唔掂……塊芝士完全係凍嘅，連埋食真係好worse。嚿牛肉我真係食唔出係牛……又硬，又細嚿，冇乜味，仲要入面勁多筋！完全唔知個口嚼緊乜。下面啲菜又多，雖然啲菜就唔差，但係放咁多入去完全唔balance。冇下次

久違既開學，CityU呢個學期開始重新面授課程，學校頓時好多人，周圍都係同學仔，Canteen食飯既情況都可以反映到😂😂Lunch 11點半買飯位都開始排隊，不過勝在canteen夠大夠多位，12點幾我地黎到都有位坐。同朋友都係窮學生🙈🙈，平平地在AC2 canteen買左兩個飯，一個係焗豬扒飯；另一個係雞飯😆 都好抵食😽😽 睇到雞飯今次好彩，比左俾咗雞髀我，不過相信撞手神，唔知其他同學仔有無咁好彩😹 焗豬都唔錯，唔頹👍🏻個人覺得性價比唔錯啦，餓食都好好食，價錢當然比AC1 canteen 貴少少，但質素都好多些😉