Video
2-min walk from Exit C, Causeway Bay MTR Station
continue reading
Telephone
56860622
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
Above information is for reference only. Please check details with the restaurant.
經朋友介紹，首次到弘文館晚飯 ，順便來試菜一次， 然後再計劃預訂房間和八位朋友食飯 。誰知去到查詢有關包房餐單 ，經理竟然話只能提供a la carte menu， 叫我自己看过後再同佢磋商菜單。 我詢問有冇以前嘅菜單可以參考，佢個答案竟然係嗰啲菜單有個人名喺度，明白！ 即係趕客！ 經過今晚嘅經驗，就知道點解香港食肆咁慘淡。 有客人查詢八位用膳， 每位800-1000元，即接近$8000-10000元的生意，經理都唔太稀罕。今晚全場三枱客，加一間包房。經理服務態度仲仍然趕客一般，真可惜！ 上菜速度亦相當奇怪， 食完頭兩碟餸之後，半個鐘有多都未有其他菜式到來， 再要追問下 才繼續上其他菜， 如果生意旺，都明白 ，今晚只有三枱客，都可以咁樣！我和朋友還反思是否我們叫的菜式未夠名貴，未夠收費高，所以被遺忘！真是為這間酒樓的老板感到可惜， 因為酒樓的食物質素很好， 而其他junior女侍應招呼亦都很好， 唯獨是該位經理的服務態度 ，真係太有趣！！
continue reading
總分：8.43🐑宋嫂魚羹-清幽淡雅-7🐑小籠包-肉汁豐盈鮮香-8🐑清燉獅子頭-原盅燉，肉本身冇乜醃味，食嘅係肉本身嘅原味，夠膽唔落味，先係真功夫-8.5🐑豬腸豆腐-咪睇佢樣衰衰，豆腐係師傅自己做，夠幼滑、夠豆味，豬腸亦鹵得好，有應有嘅彈性，汁底帶少許辣，好醒神-9🐑魚香茄子-唔會好似一般港式嘅咁做到咁油，雖然冇鹹魚喺入面，但仍然做到惹味可口-8🐑揚州炒飯-首先係用嘅米種，叫泰州一號米，內有白米、黃米同紫米，十分幼身，但充滿彈性，飯入面有火腿粒、海參粒，材料可謂非一般-9🐑紅棗薑茶-紅棗、圓肉、薑，簡單配搭做出天下美味，我終於搵到比滬江更好味嘅薑茶-9.5🐑
continue reading
諗住搵信和廣場附近有咩好食，又想地方冇咁嘈吵，又想座位坐得寬闊啲，想環境事事正正，OpenRice map睇吓附近有咩食，就搵到呢間，出奇地評價好少，相信係新餐廳，見到啲相幾精緻，就膽粗粗就去食同行有兩個BB ，冇諗過呢間餐廳都會有BB座椅，同埋BB餐具，雖然國內好流行，但係香港唔係間間餐廳都有，呢個都幾欣賞👍🏻入返正題，總括嚟講啲嘢食都好出色，午市$198/位，食物十分精緻，真係一人一啖，質素真係幾高，個人覺得佢個蝦球🍤好好食，因為係配有鹹蛋黃。好老實，依家大環境，如果平時做嘢食飯未必會選擇，但係假期放鬆吓，一班人聚一聚，見吓客，想要舒服環境，唔想要咁嘈，食物質素又要得，呢間真係銅鑼灣首選🥇
continue reading
早前同屋企人一齊去試呢間新開嘅江南菜館，上到去見到餐廳分開咗好多間房，睇嚟係方便附近公司預訂見客或宴會用，普通冇book 位嘅就坐大廳，雖然地方唔大，但座位間空間都夠大，都坐得舒服，同埋餐廳裝修採用中式優雅風，又放置好多盆栽，都幾適合打卡影下相。我哋總共叫咗6道菜，因為係秋天蟹季，所以叫咗好幾道蟹粉菜式，當中最值得一試嘅蟹粉獅子頭，本身好驚成口肥肉或者好韌，點知係入口即融，口感好鬆化，完全唔似食緊肉丸咁！另外，江南菜中必試嘅一定係河蝦仁，河蝦比海蝦細粒，不過口感比海蝦彈牙好多，配合蟹粉一齊炒，鮮味十足！其他菜式都好食，聽職員講好多食材都係新鮮由中國揚州泰州直送過嚟，以份量同味道嚟講，價錢非常公道，下次如果有新季節菜單，都會想再試下。
continue reading
係朋友介紹，第一次上到黎，都抱住唔大期望去試吓，因為人流唔太多，但其實呢個地方唔方便，銅鑼灣地鐵站勁近，但呢度私隱度都幾高，又有好多 VIP房，最估唔到既係食物出眾😍點咗既餸菜有當季既蟹粉河蝦仁，蟹粉小籠包，蟹粉扒豆苗，河蝦仁食落都幾新鮮幾彈牙；而蟹粉小籠包就是正常水準，都算皮薄餡靚；豆苗份量都算大份，豆苗都幾嫩口，味道不錯 。想講吓個蟹粉獅子頭，入口鬆化即溶，從來冇試過喺香港食過呢種口感嘅獅子頭，一定係必食之選，真係大力推介👍🏻另外都要講吓個揚州炒飯，啲飯超煙靭，口感好特別，聽個名以為普通嘢，但係食落真係都幾驚艷，都係必食之選😋
continue reading