弘文館

Open Now

Now Closed

早前同屋企人一齊去試呢間新開嘅江南菜館，上到去見到餐廳分開咗好多間房，睇嚟係方便附近公司預訂見客或宴會用，普通冇book 位嘅就坐大廳，雖然地方唔大，但座位間空間都夠大，都坐得舒服，同埋餐廳裝修採用中式優雅風，又放置好多盆栽，都幾適合打卡影下相。我哋總共叫咗6道菜，因為係秋天蟹季，所以叫咗好幾道蟹粉菜式，當中最值得一試嘅蟹粉獅子頭，本身好驚成口肥肉或者好韌，點知係入口即融，口感好鬆化，完全唔似食緊肉丸咁！另外，江南菜中必試嘅一定係河蝦仁，河蝦比海蝦細粒，不過口感比海蝦彈牙好多，配合蟹粉一齊炒，鮮味十足！其他菜式都好食，聽職員講好多食材都係新鮮由中國揚州泰州直送過嚟，以份量同味道嚟講，價錢非常公道，下次如果有新季節菜單，都會想再試下。