為食魚海鮮火鍋專門店 (Closed)

石鍋桂花烤魚的味道辣中帶酸，這種酸辣令入口時魚更顯得鮮甜，桂花出名魚肉好滑，魚皮烤了跟平日吃的不同，不再軟滑，而是有點脆但又被湯浸林了的口感，湯底不太咸，魚肉入味十足。芫茜再吊一吊味，魚鯹全消，愈食愈開胃，魚湯亦見鮮甜！呢期工作太攰，補補身，食返雞子先，出街食不用自己處理，抵返呀！粒粒又大粒又有光澤，非常新鮮。灼熟了入了酸辣味，那味口感滑嫩！再叫個豬腰，打邊爐喜歡食呢d平日少食難自己煮的，豬腰淥完好爽口好滑，有魚湯入味冇咁單調！又叫食到飽飽，加多幾粒鯪魚丸剛剛好，入口彈牙冇魚骨，好香鯪魚味，手打鯪魚肉就多見，鯪魚丸更滑口，加入魚湯淥估不到幾好味！

食火鍋最正就係成大班朋友一齊同桌，食下野，吹下水，飲下啤酒，人生一樂也。熱辣辣既夏天最好就係嘆住冷氣食著好嘢。石鍋烤魚（魽魚）原條細細去品味石鍋滲透到，魚肉中的果種特殊濃香味道。用筷子夹入口品嚐， 石鍋魚肉非常鮮嫩，濃郁的香辣夾雜着魚肉的鮮甜，口感特别過癮，入口的香味經久不散，味道回味無窮。大盤手切牛肉，牛肉紅潤光亮，肥瘦相間，肉質細嫩，牛肉味濃郁，口感肥厚而醇香。脆鯇肉質結實，爽滑、韌性，肉味清香可口。手打四寶丸牛肉丸味道鮮美彈牙，牛味香濃非常。墨魚丸口味清甜爽滑，有彈性而不膩。蝦肉丸口感Q彈細嫩，蝦肉鮮甜可口。豬腰花鮮嫩脆爽，口味香美醇厚，潤滑不膩，口感豐富多汁。午餐肉，肉質細膩，口感鮮嫩，風味清香。鮮蝦雲吞入口時明顯感到皮薄，嫩滑，咬到蝦肉時，口感爽脆，飽滿，鮮嫩清甜，感覺充實飽滿而又濃淡適中，恰到好處。

炎熱夏天開住冷氣飲住冰凍既汽水食火鍋，簡直係正到爆，今次同朋友落左旺角區揾左間主打海鲜火鍋既店舖開餐。胡椒豬肚雞 $168令人意想不到的係，豬肚與鷄肉煮左好耐，口感絲毫無受影響，豬肚爽脆彈牙，胡椒辛辣香味，令到豬肚完全冇膻味，鷄皮够滑，鷄肉鮮嫩，鷄味濃郁，煮左好耐完全冇柴的感覺。牛魔王拼盤 $468我地成班係食肉獸，一見到牛拼盤好似疯左咁，三層牛肉肥瘦兼有， 煮熟之後口感更加鮮嫩，牛肉香濃多汁，令人垂涎欲滴。手打蟹子蝦滑隨意舀到鍋里涮煮，入口感覺Q彈爽滑可口，鮮甜味美，原材料的味道香濃撲鼻。 上面鋪上一層蟹子令本已鮮滑的蝦滑别有一番風味。手打芝士丸色澤潔白外皮，一啖咬落去，入邊係芝士，D淡黄色既芝士就會緩緩流出黎，Q彈外皮再加上濃香芝士十分好味！帆立貝（帶子）濃濃的蒜蓉香加上蔥花的清香，將帶子夹起放入口，帶子肉質QQ地，新鮮肥美，香甜嫩滑，食完之後齒頰留香。冬瓜片，肥美鮮甜，鮮嫩多汁，鬆軟易入味。勝瓜件勝瓜 水嫩饱满，皮色翠綠，   爽滑鮮甜，香嫩爽口。

係囉～都係個句。日本人都一年四季SHABU SHABU ，係香港一樣一年四季都會無啦啦有鋪打邊爐呀、雞煲呀、火煱呀等等等等 滾野食癮！所以QT又黎滾喇～～～～今次係雞煲！事關QT行過白布街，見到以前萬發個位變左第2間～叫「為食魚」專食海鮮煱同雞煲～～＝0＝！冇記錯「為食魚」係於筲箕灣嫁？唔通分店～甘QT就不大清楚喇！好啦！又試下先！單睇MEUN又真係同「為食魚」冇大分別可以講近乎一樣！是晚QT 因為只係同男朋友行完街二人行～實在食唔落個推介嘅龍蝦煱，只好點個雞煲TRYTRY！其他就小點個D比較出面少有嘅： 黃沙豬潤／蝦膠奶黃丸／鵝肝墨魚丸～～～雞煲眼睇落不大特別，但聞到味好香～雞件食落都好滑口同嫩～～而且絕對夠入味～～！但QT好欣賞佢地嘅豬潤好新鮮同冇「嗱」生粉！入口有爽而溶化口感！其次鵝肝墨魚丸都好重墨魚味！口感爽彈唔會係粉感！內包嘅鵝肝雖不多但有淡淡咬到會散出鵝肝香味！但食左成晚我最愛係個蝦膠奶黃丸！！！！！！一定要點！一定要點！一定要點！！好食重要嘅要講3次！ 蝦膠打得好足！唔係粉丸而且好重蝦味！！最正係中間包嘅咸蛋流心黃！！！一咬爆出黎個下即食到重重咸蛋黃味仲好滑口！ 飲品方面

白布街特色食店多到有如天上的繁星，九龍人識食一定黎呢度。甜品同正餐一應俱全。呢度竟然都有港式火鍋店“為食魚”，而且仲定期有優惠，呢次系每碟正價送兩碟8蚊美食，包括質素都不錯的肥牛。呢度坐得舒服，個人好impressed既系呢度的飲品比較健康，10蚊一份大大份酸梅水，而且自家製造，酸甜度剛剛好。也有蘋果醋可以喝，不用每次只喝令你肥又無太多營養的soft drinks。為食魚，顧名思義系主打海鮮，不過呢次我地無食好多海鮮。系試左鹹蛋黃墨魚丸（78HKD），好特別，配搭都好食 ,如果蛋黃多d仲好。胡椒豬肚雞湯底好飲足料，好多雞肉塊，唔醒。侍應推薦我們食湯底到差不多完的時候先開始放火鍋配料，因為湯底味道會因為配料而沖淡味道，失去原味。整體來說都ok的，適合一家大細family dinner or 公司/老細包場，包上層場平d，不過價錢我唔記得左，總之價錢正常。

黑布街就去得多，去白布街尋覓美食都是第一次！今晚與屋企人去左「為食魚」打邊爐，有大電視配上用料新鮮的配料，真係吃到好滋味～點了蘋果醋 $38@一支分兩杯則剛剛好，酸酸地幾好飲！湯底選了蕃茄、薯仔$78平日少飲火鍋湯，我都忍不住要番幾啖，試第一啖就飲得出好清甜的，而且見到店子的材料好足料又新鮮！與大多數的火鍋店相似，客人可自選醬料和混醬，調配自己心水的醬料，使食物擁有多重豐富的口感！白鱔片 $88起骨的肉片切得十分薄薄的，夾起一片可透光的薄膜，第一次吃到滑嫩不「諧」口的白鱔⋯⋯雞泡魚乾 $48配上沙律醬一齊吃，第一次吃雞泡魚，口感有點似魚乾，但不會好難嚼，對它的第一感觀還不錯！椒鹽三文魚頭 $48炸得好乾身，基乎上是無油的！撒上少許鹽更惹味，啖啖都是微煎的魚肉，沒有魚腥味～自家製咸蛋黃墨魚丸 @78最鐘意試新野，見到有咸蛋黃墨魚丸即心思思想試，一咬落去，原來丸子內含墨魚粒粒，食落好似花枝般有咬口又嚼口！首先以正價點一款打邊爐料，即可以$8加料點一碟，愈多人去吃，share 番會愈抵食！我地加左+$8 生菜時菜 & +$8 打手鯪魚球，最初以為會細細碟，但其實都好足料！之前去就做緊呢個咁吸

我好鍾意打邊爐，夏天係冷氣房打邊爐是生活態度吧？不過呢日行到去為食魚真係好熱，即刻叫左杯酸梅湯飲雪得好冰涼解渴，唔會死甜，better than expectation👍🏻湯底除左有一般果幾隻，仲有d 特別d 既最後簡左蕃茄薯仔魚湯，開啟左我美妙既一餐湯底味道好鮮甜好好飲，直接飲左d...同d 配菜味道都好match, esp配金菇同生根！炸魚皮打邊爐必食叫左新鮮海蝦 好大隻！差唔多成隻手掌甘長 上到臺仲識郁 勁新鮮！但係朋友勁驚 即刻放晒落去煮😂😂😂特別推介芝士龍蝦丸滿足我食龍蝦丸同芝心丸既需要haha一咬開入面就有芝士流出黎另外，餐廳有晚市$8優惠，每人限叫兩碟 肥牛份量好多 不過係$8既質素@@..$8生菜份量都好多，而且好新鮮 好抵食成晚我不停飲個湯真係好正呀～

用石鍋烤魚黎做邊爐底真唔錯食完條魚，魚湯可以飲，仲好鮮甜我地點左以下幾樣野美國黑豚肉 $88 - 好大塊，脂肪同肉比例一半一半，淥耐左都唔覺韌花枝片 $48 - 切得好薄身，輕輕淥下已經可以食得生菜 $25 - 都幾新鮮，打邊爐食啲菜可以減輕油膩感蝦膠奶皇包 $78 - 蝦膠彈牙，食果時要睇熱，因為咬開會有流心蛋黃流出黎飲品： 加多寶 $13  咸檸七 $18

早兩日同朋友黎左依度打邊爐最初差少少入錯門口，原來佢正門係旁邊最愛食魚的小妹無理到唔食魚既朋友感受點左「石鍋烤魚」，佢有得切片上不過我覺得原條上先有霸氣$298條魚係煎過兩邊先放湯既由於係石鍋傳熱需時，所以都等左少少時間先滾我地點左「手打墨魚丸」 $58墨魚超彈牙，相當足料相信掉落張檯係可以彈起另外仲有叫「本地手切肥牛 」（細） $138價錢都差唔多，牛肉切得好薄身上菜果時都排得好靚肥瘦均等「安格斯牛粒 」$88好好味，唔駛淥太耐就要食如果唔係會韌當然唔少得「韮菜餃」 $58小妹好鍾意食餃既依度啲餃係自己包的，唔算好大粒淥果時唔易散野飲小妹點左「自家製酸梅湯」 $10真係好好飲，我諗暫時飲過最好飲係依間唔會太酸帶點甘，係好解到食完咁多咸野果種渴

打邊爐唔一定係冬天依日同朋友黎左依度試下叫左個石鍋烤魚 （原條） $298魚肉都好嫩滑，先食完條魚，再落邊爐配料落去淥我地都叫左好多配料其中蝦膠奶皇包 $78 真係好特別佢用蝦膠包住蛋黃再放落去淥等蝦膠淥熟後，咬開食果時，入面啲蛋黃會流出黎不過記住唔好淥太耐因為試過有粒淥得太耐，入面啲蛋黃熟晒而佢既自家製作響鈴 $48都真係整得好鬆脆放落湯半秒就可以拎上黎食佢旁邊都仲有一個個魚缸有啲新鮮海鮮可以選擇點既有波士頓龍蝦、元貝、韓國蚌仔、海中蝦、花甲不過今次點得太多其他配料下次再試

之前係fb 見到咳神同港女老婆caca介紹龍蝦火鍋既短片，個鍋好濃又豐富，忍唔住好想試下，即刻打電話去book位先餐廳有上下兩層，下層免加一，上層有幾間獨立房，每房都有電視機同可關門，私隱度極高，都只係多左加一服務費咋，我地當然book獨立房啦當晚一入去下層已經差不多坐滿，我地仲咁岩見到麥包上去上面房仔，本身好想問下佢可否合照，但又唔好意思我地一入行四人，叫左個龍蝦鍋 $298龍蝦係波士頓龍蝦，仲有海蝦，蜆，菇，個湯底呈橙紅色，非常濃郁，值得一讚係食到咁上下無乜湯時會加湯，好多火鍋店只會加奶白色既味精水，而呢度係無限添加龍蝦湯架龍蝦鍋底裡面既海蝦好新鮮，所以我地order左一碟海蝦 $78一上枱見佢地仲郁緊，味道好鮮甜，好爽口，仲有膏添，最後都encore多一碟羊肉片 $78羊肉都唔錯，羊味好夠比較特別有黑松露蝦餃 $88啖啖蝦肉，散發住黑松露既鮮香凍豆腐 $18好平既凍豆腐，打到咁上下，濃蝦濃湯加埋咁多配料既精華，用黎吸湯就岩哂！咸檸七 $18本身想飲果醋，但賣嗮，咸檸七都唔錯呀

石鍋邊爐都係第一次食！仲要咁平添簡左招牌既海鮮，貪佢咩海鮮都有咁濟，包括龍蝦、蜆、鮮蝦、雜菌等等。配料都有好多選擇，點多左份蜆，海水味超濃，食落好鮮味！而且推介必點桂花蚌($88)，滾一滾就熟，食落超爽口！煲到尾個湯超鮮甜，同朋友差啲飲晒啲湯添。仲有韓國象拔蚌仔刺身($48)，作為海鮮迷既我地梗係叫啦！

麻辣雞煲揀咗中辣，開行冷氣梗係食辣啲，出汗都快乾啲！雞煲分量十足，好在雞切得細，容易入口，啖啖肉。雞肉都入味啊！麻辣味十足，好喜歡食完仲有種麻味喺口裏面，中辣我挑戰自己，辣味突出雞嘅鮮味，真不錯！雞肉好柔嫩又唔唉口，愈食愈辣好過癮！焗珍寶蠔用蒜蓉紅辣烤焗，蠔好大隻，肉身好滑好香味，邊隻帶咬口，入囗一咬就支出鮮甜蠔汁，帶海水咸味，原汁原味！食雞煲加左湯，在麻辣湯底內滾下其他食物，陣麻辣味仍然濃味！芝士蝦丸好彈牙，入裏的芝士味好香濃，芝士軟左的質感混合於彈牙的丸中，好味！丸中蝦味都保存到，幾鮮味！再食埋鵝腸，正！變左麻辣鵝腸，入味非常，灼到剛剛好熟左，捲埋左，好滑漱，咬落就爽口，大推介！

週末炎夏黎到旺角白布街食甜品，用後就係晚飯時間，唔想去太遠就在附近覓食。行到接近街尾的為食魚海鮮火鍋，同我一樣為食，門外仲貼上多張明星光顧的照顧，在由而至際，竟見到知名摰人麥長青入去食飯，明星效應=我揀選了你招牌龍蝦海鮮鍋$298值得一試，鍋是石鍋無論傳熱收熱都較均勻，湯內除了有一隻波士頓龍蝦，仲有蜆，菇片，同4隻極新鮮的海蝦，size都算大，而且湯味鮮甜，香濃。享完湯中海鮮後，店員就為我們加湯繼續打邊爐，無錯係加湯，仲要係加反龍蝦湯。時日精選中我們再點海蝦$78斤羊肉片羊味飽滿香酥味是媽媽的最愛脆鯇片花膠茼，墨魚奶皇丸前者賣相比食後感好，因為一向花膠給我的感覺是入口滑，接著是有咬口彈牙，同一種海味的香味，但這花膠茼就好像過膠後者墨魚味濃有咬口丸中墨魚肉同膠的比例剛好，唯獨內裏奶皇餡尚有進步空間。什菌黑松露蝦餃相當好味，餃皮唔會太厚，餡料十足，蝦鮮而且整隻餃又充滿了松露的香，如果是松露愛好者就必點冰豆腐（百葉豆腐）咁靚的湯，那可沒了這豆腐去吸盡佢的精華賣單4人用千圓有找的龍蝦火鍋，下月再來我也願意

胡椒豬肚雞，一大鍋上枱，鍋裏放滿豬肚和雞件，及大大粒紅棗，枸杞，以$178定價，算是物有所值。雖然鍋裏有大量胡椒粒，估計是臨上枱前才放進鍋裏，所以初時的胡椒味不夠濃郁，需要滾上一段時間，黑椒味才漸漸散發出來。自家製墨魚丸，定價要$78一碟，但只有6 粒，的確有點貴。墨魚丸內包裹鵝肝，丸身尚算彈牙，鵝肝屬普通貨名，味道有點像免治肉。薄切肥牛，有一大半都是肥肉，名副其實"肥牛"，肉味普通。自家製響玲外形比一般響玲窄小，顏色亦較為深色，呈淺啡色，賣相不太討好。響玲需放於滾湯中至少五秒，中央部份才夠淋。