阿純山東餃子

Open Now

Now Closed

已經幾年無寫過評語，今次實在不能忍受！白菜豬肉餃及羊肉餡餅，都是同一個味道，羊肉豬肉都是䶢脢無肉味，肉餡應該是不新鮮及過份餣製，時間過長，作為餃子控，這是近十年內最難吃的餃子！食剩一半便已經放棄，食完只得成囗䶢味，好口乾！此店是標榜餃子，暮名而去，帶著期望，但徹底失望，餃子不是不好吃，而是難食。落單也混亂，要追單！不明白何以要等位，可能其他山東菜好味，店舖名稱應該更改，刪除餃子兩字！絕對不會再去！

早幾年因為實習關係成日要去太子，哩間餃子舖係其中一間我成日去既食肆，因為味道唔錯。幾年後既今日再黎重溫一下當時既回憶，點知大失所望！！餃子冇以前咁好食，韮菜餃冇韮菜既香味。白菜餃更加可以用難食黎形容！1d都唔夠味。唯有叫做保持到水準既都係得酸辣，酸度辣度適中，唔會太酸，料都非常之足夠。但食埋今次，下次唔會再黎啦。

諗住普通食餃子🥟來到發現原來有好多款色，樣樣都想食，可惜我一個人食唔晒，唯有叫我好耐無食過西洋菜餃子麵。等待過程又心思思想食餡餅，又擔心太多肉，所以叫素菜餡餅降低罪惡感。麵來到目測份量比想像中少d，餃子餡味道好juicy，西洋菜味好濃，食得出係新鮮包，並不是早幾日包定，西洋菜味非常香，第一啖有驚喜，餃子皮厚度適中，不會太薄太厚， 麵份量雖然少d，但麵好有質感有飽肚感，見到老闆坐喺收銀處，好高大似係山東人。 素菜餡餅入面有似食春卷咁，但餡好新鮮好滾熱辣，即叫即整，份量都好多好實在。食哂2樣剛剛夠飽(可能我好肚餓)。整體係ok，會再來幫襯試其他食物。喜出望外來到呢間米之蓮餐廳(之前真係唔知，走嗰時先見到)

2 adults, 1 child ordered the following:Large hot and sour soup - nothing special but for it was only 30 dollars for a large bowl Lamb dumplings - highly recommend!!! Cold noodles with shredded chicken and sesame sauce - this is one of my favourite Chinese dish, I would not order it again hereGreen onion pancakes - tasteless, not enough green onions Pork and leek pan fried bun - highly recommend, hot, crispy, and filled with leek and pork! Even our picky daughter wanted more!Total bill was only

叫了牛腩麵，$44蚊，嘩咁細碗；吵谍菜心$58蚊，细碟又梅又冇味，仲要跟隔離枱大细碟，豆角客飯简直難吃，乾爭爭墨鱼餃子简直是不堪，试一次揾笨算了，當做水魚我肯定不会建议friend再去

原本去太子諗住食美味餃子店，點知前面有成22張枱要等，熱到抽筋啦已經，唯有下次再戰～🤦🏻‍♀️轉場時候搵到呢間阿純山東餃子，見到都幾多正評，膽粗粗去試吓～😎雖然話山東餃子，都有好多上海菜。我哋叫咗墨魚餃、酸辣湯麵、尖椒皮蛋、蔥油餅，試一試佢嘅實力。蔥油餅蔥唔算多油味重，我搶咗寶寶食咗三塊😽酸辣湯麵個酸辣味兩者平衡得OK，辣味後勁強，麵條就煮得偏軟，飲晒碗湯～🥳尖椒皮蛋同一般嘅過橋米線鋪頭唔同，佢攞紅椒同青椒加芫荽整出嚟，嗰種味道比較自然，另一種嘅美味✌🏻墨魚餃皮厚身得黎幾好啃～內裏係墨魚蓉再加青菜撈勻，同平時嘅鮮肉餃唔同，口感有趣得多🥟埋單先發現原來佢連續好幾年攞米芝蓮推介，同類型嘅餃子店中，我反而食到多啲嘅人情味，讚呀～🥰-蔥油餅 | $22酸辣湯麵 | $40尖椒皮蛋 | $28青島墨魚餃 | $48

之前幾次都係路過外賣，外賣會比較慢少少。今日唔趕就坐底食啦，但原來都無好快，因為所有餃子都係即叫即包，您絕對可以見到姨姨仲搓緊舊面團。我地2個人，叫左一個麻婆豆腐飯餐 麻婆豆腐主要係用豆瓣醬做，佢係無肉碎version，但都好香唔太辣，偏咸既！ 送完成個飯，都會淨豆腐既另外再叫8隻海鮮餃餐。外面就唔係好睇家喇入面就另一個世界鮮蝦帶子餃，有少少肉，一粒小帶子，一隻鮮蝦。咬碎左既時間帶子會喺口腔失蹤，蝦味就有feel到，口感係爽爽，哩款點醋會更出味。 唔想太heavy 哩個係首選！ 墨魚餃睇落好似好多葱，但又唔係好大陣葱味。墨魚膠無墨魚粒粒既，但您feel到好墨魚味，幾重味。 口感比打邊爐既墨魚滑軟，但不失彈性，我幾鐘意！芥香木耳哩間我第一次食，佢係醋酸味重少少，芥辣味唔重，絕對唔攻鼻，唔辣既。好爽口！ 推薦上枱撈下佢，等佢5分鐘先食。因為佢地上桌前先落味，我第一舊夾入口係啖既。薑蜜可以見到新鮮既薑碎，甜甜地，一D都唔辣，有薑既香味。用熱薑茶做對比，大概係4分1左右！冰鎮蜜糖嶗山綠茶其實唔差，但茶味啖少少，可能因為凍茶。 凍茶會減低茶味揮發，所以要細味先可以試到，甜度比較低。

今天，來到了位於太子站附近的阿純山東餃子店。晚上九時左右來到人不是很多不用等位便能進行。來到這些店服務不用評價，但整體來說服務的阿姐還是有禮貌的。我們點了土豆絲和芥末木耳早前菜，都很有魯菜的水準。之後我們點了個羊肉麵和羊肉夾餅做主食，麵條的水準很高很好吃，湯底的味道很濃郁看下去不像有味精的。我們還點了個酸辣湯和餃子，都是很能做出北方的味道。唯一有點失色的可能是手撕雞，手撕雞裏面有很多骨頭，比較像白斬雞多於手撕雞。

味道不好：芹菜馅的完全没味道；茴香馅的很一般，没有香气；香菇馅的略重口，第二天煮就发酸坏了。饺子皮易化：放冰箱存储的，第二天就粘在塑料盒子底部，快化了性价比低：三打要132港币，深圳的只要30元还好吃的多得多横向类比：隔着两条马路就走饺掂，至少香菜饺子很好吃，价格也差不多（除了带松茸的）服务：包饺子的几位北方阿姨的粤语可能比普通话更好。向一位阿姨询问有无香菜口味，阿姨斜眼看“香菜香菇？”，四个字几乎是连读的，我又问了一句“是两种包在一起的吗？”，阿姨没听懂……买了回去一煮发现只有香菇……

因為要去朗豪坊換貨，所以又去openrice揾吓附近有咩好食，因為已經下午三點幾，又唔想食得太飽，所以就搵咗呢間阿純山東餃子店，試吓究竟山東餃子同我哋平時食嘅廣東餃子有咩分別先除咗基本調味品，佢呢樽辣椒油，我食到麻辣嘅味道，仲有一盒蒜蓉餐具同張枱好襯吓喎酸梅汁～酸酸甜甜但我哋覺得偏甜、豆漿葱油餅～香脆唔油膩韭菜豬肉餡餅四川擔擔麵金牌醬牛展麵韭菜鮮肉餃麵北方小雲吞～湯底有蝦皮幾清甜韭菜鮮肉餃餃子點蒜蓉+醋+辣椒油，又幾好味喎！

今日同朋友出左太子行街，朋友話有間家鄉菜介紹：阿純山東餃子。店內有好多不同種類的餃子，我地試左白菜鮮肉餃麵，皮不是很薄，多汁，鐘意食香口可以加五蚊轉煎餃。芝麻醬滷蛋冷麵，滷蛋亦不算太咸，麵質都幾彈牙，麻醬有少少芥末香。鐘意食素餃既朋友可以考慮香菇木耳素菜餃，木耳很爽脆，香菇令到素餃的味道有所提升。最後試左山東手撕燒雞，佢有一隻、半隻、例牌，我地三個人叫一份例牌都已經好足夠，肉嫩味道剛剛好也不會太鹹。

又到同另一半週圍搵野食既時間今次就黎到入圍過好幾次米芝蓮既阿純山東餃子店餐牌同另一半諗左好耐食咩好，因為太多野想試最後叫左 手抓羊排、韭菜鮮肉餃、京蔥羊肉餡餅、青島流亭豬手、涼拌土豆絲同拔絲地瓜手抓羊排好好食！！有羊味但唔會過騷，煮得好淋食 個醬同片皮鴨個醬一樣 (即係海鮮醬?)韭菜鮮肉餃其實一碟有10隻，不過望落好好食，食左3粒先記得影相即場既手包餃子真係唔同d，食落個皮雖然係厚(山東特式)，但厚得黎一d都唔會好似食緊麵糰咁，好食 下次會試埋其他口味京蔥羊肉餡餅都好食 不過剪定會流灑d肉汁出黎，下次落order個陣會叫佢唔好剪青島流亭豬手凍豬手，好有特式，都可一試涼拌土豆絲本身係酸涼拌，我地加左辣椒醬、蒜蓉同鼓油，變左好惹味既仿口水汁涼拌土豆絲拔絲地瓜另一用心之作 地瓜夠甜無渣，糖皮厚度適中，正！

其實我間唔中都會酸辣湯同雲吞癮發作，咁啱行過阿純唔洗排隊，就入咗去開餐！基本上，太子區嘅酸辣湯或者餃子雲吞我已經食過晒！當中有好幾間我都會encore，呢喥係其中一間！不過食咗今次之後，都應該酸辣湯呢個酸辣湯其實唔算好足料，但味道ok，酸同辣都夾得啱啱好，而且細碗只賣15蚊，其他舖頭一叫要叫成鍋，呢喥就可以叫一碗止下我經常發作嘅酸辣湯癮。香辣海蜇醋味太濃辣味欠奉，我麻麻哋鐘意，最後bf仔自己食晒！XO醬炒麵無咩特別嘅炒麵，味道正常，但偏多油，要快手食，如果唔係凍咗食超濟。北方小雲吞之前試過佢呢喥d餃子，其實都唔知點解會係米豬連車胎人美食，我又覺得一般般，可能我比較鐘意食皮薄果款餃子。所以今次無叫餃子，見到佢有個北方小雲吞，又諗起大陸d小雲吞，於事就叫嚟試吓！呢個小雲吞其實都唔算小，d皮都係算厚，肉就的而且確係細粒嘅，味道正常，唔可以話好好味果種。涼拌土豆絲味道較淡，土豆絲唔算太爽口，一般般。

有日傍晚經過太子見到鋪門口好多人排隊，查一查發現原來係米豬蓮餃子，本身都好鍾意食北方餃子，決定下次經過一定要試下！午市來到門口見無人排仲有位原本好開心，有個後生伙計送上熱綠茶，招呼唔錯👍🏻叫左兩碗餃子配麵，然後。。。隔離枱食客叫個伙計幫手清潔！伙伴仲矇然不知問清潔甚麼？食客好心地，細聲同佢耳邊講：有隻大強係櫈🤮 無影響到其他食客觀感。好彩我就唔驚大強，但已經扣左分（米豬蓮出大強？）麵來了！餃子有五粒，都算幾大隻足料，食得出係新鮮包嘅！但同普通一個識包餃子嘅師奶包出黎嘅可以話無分別！碗麵唔好提！清麵水煮麵線，無味之餘個麵仲硬硬地🤪$4x 碗喎 hea 到爆，唔好話菜都無條，蔥都唔落多😂食完係唔飽，唔駛賺到咁盡呀？因為唔飽，再叫左碟雞絲粉皮，預左伏...粉皮好似橡筋，雞肉片... 唔識形容，總之唔係手絲雞🤪（唔知邊款雪藏雞扒切成片）勁！好失望地俾錢走人認真伏，唔會再入米豬蓮可否擲星？？？

是晚要回教會練歌，那就提早一點吃晚飯吧，想起2014年的必比登名單中包括了阿純山東餃子，小店能夠入榜，實在不容易，那就拉了文迪來試試看。這裡的環境一般，裝修普通，但坐在卡位也算不俗的。看看餐牌，選擇也不少，就揀了三款心水食物分吃。西紅杮(蕃茄)雞蛋餃拼茴香鮮肉餃: 來到阿純山東餃子，當然要一試這裡的餃子吧。要留意的是餃子一客十隻，但大家可以揀選雙拼，照計半價，那就能夠多試一款餃子了。西紅杮(蕃茄)雞蛋餃拼茴香鮮肉餃: 是日我們的選擇是西紅杮(蕃茄)雞蛋餃拼茴香鮮肉餃，當中的西紅杮(蕃茄)雞蛋餃，餃皮不會太厚，西紅杮味道甜美，會是比較輕宜的配搭。山東燒雞: 另外一款招牌菜式就是山東燒雞，由於店方有例牌的供應，就算我們兩口子來吃也無問題，份量剛剛好。雞肉的肉質不會太鞋口，配上青瓜絲同吃，食味不錯。韮菜豬肉餡餅: 最後也來一客韮菜豬肉餡餅，份量十足，熱辣辣，只賣$18，抵食。餅皮煎得幾香口，不算太油，入面的餡料是韮菜配豬肉，當然是很匹配。