阿貴咖啡

Open Now

Now Closed

行完街口渴見到此店門口，直接入內點了兩杯飲品，本身覺得環境幾好方便傾偈，但隔離枱顧客因為冷氣機滴水問題而催促我們轉枱，剛好我也差不多飲完可以離開，但聽到員工說唔好霸住個位阻住哂。想問下cafe shop不就是提供地方給人交流休息嗎，為甚麼你們的員工可以說出這樣的話，飲品冇問題但服務十分差，冇必要不會再來。

其實之前呢個舖位都係做CAFÉ，轉左手之後就一直冇試，星期六中午時段做完運動就醒起佢，環境乾淨，唔洗排隊。不過排氣一般，食完之後全身都好大陣油煙味。🥗All Day Breakfast $114 💫7/10成個Presentation都係好豐盛，色彩好豐富。有滑蛋、薯餅、黑糖麵包、腸仔、煙三文魚、香蕉、沙律、牛油果。麵包係好食，配埋焦糖香蕉一齊食剛好。沙律菜就唔係太新鮮，已經開始變淋唔夠爽脆。煙三文魚都一般般，少少腥。但整體都可以。🍝麻辣蒜蓉蜆肉意粉 $92 💫8/10中式加西式混合版意粉，麻辣味好惹味，好川味風格，個麻香加埋蒜蓉無敵。呢個醬汁撈意粉意外地夾，唔錯，啱哂重口味人士。蜆肉冇沙係細隻D，但起碼有十幾隻。🌟總結：冇話特別有驚喜，想令人想Keep住想去/心心念念。正正常常Café，經過唔洗排隊可以一食。

嗌咗一份全日早餐外賣，入面有兩塊薯餅兩條焦糖香蕉，兩塊牛油吐司，一份牛油果，炒蛋，兩塊蕃茄，沙律菜，一條腸仔，超級豐富。平時好少見有焦糖香蕉🍌，整得好好味，皮肉分離。鍾意食薯餅嘅，我見到有兩塊好開心 食得好爽😂

叫了一個全日早餐的外賣收到賣相還算精緻 點知原來牛油果係壞嘅並唔係一般氧化咗 而係成個都係黑色壞嘅我唔明白點解餐廳見到仍然可以繼續出餐甚至用包同埋菜去遮掩整個牛油果你係咪覺得會睇唔到 咁就可以照出呢？賣成百幾蚊個餐 俾啲咁嘅質素顧客你哋呢間舖都好冇良心 咁都夠膽出俾顧客食 根本就係淨係想賺錢元朗有心做嘅Cafe有大把 咁嘅質素都出比顧客 你哋好唔好意思根本唔係唔小心 而係專登去掩飾有冇搞錯 永不光顧😡😡😡😡😡

中午時段去附近找餐廳，看到這家咖啡店頗乾淨、裝修不錯，而且裏面還有位置，不用排隊，就進去一試了。咖啡店的裝潢很有特式，還設有戶外的區域，適合一眾女士打卡。餐廳的菜式主要是西餐結合了泰國風，味道頗有驚喜，而且大大碟，份量也很足夠。我點的泰式豬頸肉飯很開胃，豬頸肉厚厚的；另一半點了一份泰式鮮蝦意粉，蝦裏面竟然有膏的，很新鮮，味道也很好。我們只點了普通咖啡，味道不錯，不苦也不澀。看得出餐廳有用心經營，而且價錢比其他咖啡店便，值得推介

❣️位置係元朗一啲小巷入面 💚裝修色調&環境都幾舒服 而且價錢非常合理🤗 味道都有驚喜👏🏻🥙烤雞雜菜沙律配柚子醋 $68🌟沙律菜份量夠多又新鮮 雞胸嫩滑 加埋柚子醋 非常開胃👍🏻🥪芝士滑蛋炸魚柳吐司 $48🌟厚炸魚柳🤩 炸得好香脆🤤 魚肉又好滑 加埋芝士滑蛋 呢個配搭超好食😋 有驚喜💕🧋奶蓋泰茶 $40🌟奶蓋口感超濃厚🤤 而且味道獨特 奶蓋係焦糖味 另外下層泰茶味道好濃 兩者攪勻一齊飲 可以中和返奶蓋嘅甜味 味道剛好 唔會太甜 很不錯 都係另一個驚喜🤗

之前喺元朗谷有人介紹呢間呀貴今日就同媽咪嚟試吓先裏面有四張四人枱門外都仲有兩張二人枱都係一般cafe嘅價錢我哋叫咗個A)佢話暫時未有最低消費麵口感比較硬鮮茄忌廉汁好好味雞扒香口媽咪都好滿意Latte正常出品之後再叫咗個香蕉朱古力蛋糕加熱完個❤️都仲有啲凍總括嚟講味道中上鋪頭仔唔好期望有咩服務

#阿貴咖啡位於靜中帶旺的小街，所以唔算太嘈。平日下午茶時間人少，我選擇了其中一個全日早餐，可配上餐湯或沙律，大啡菇很香，牛油果新鮮，最後食唔晒拎走牛角包回家吃！咖啡師用心沖制，有杏仁奶選擇，今次選了焦糖玫瑰拿鐵，看看！拉花非常靚🌹🌹🌹🌹🌹🌹滿足，會再來！

前幾日睇到有人介紹呢間高CP CAFE今日特登入唻試。下午兩點幾到，全場爆哂，不過好快就有位。叫咗 水牛芝士薄餅，辣汁脆雞漢堡配薯條，玫瑰焦糖鮮奶咖啡，特濃朱古力，仲有開心果芝士蛋糕。Pizza係薄脆餅底，餅皮上搽左少少茄汁，原塊番茄上鋪滿芝士，味道淡淡地，唔會溜，感覺輕怡；脆雞漢堡中夾咗片菠蘿，好match，雞肉好淋，但略嫌乾咗啲，不過配辣汁，夠清新；特濃朱古力加咗厚厚嘅cream，唔係好甜，味道都唔算濃；網友推介嘅蛋糕，不過不失啦，芝士太軟，一定要加埋開心果碎一齊食先食到開心果味。適合鍾意淡味嘅朋友。我平時飲americano多，今日食咸嘢多，改叫玫瑰味嘅咖啡，淡淡嘅玫瑰味，雖然係有焦糖，但唔係好甜，咖啡嘅苦味底好出。食啖蛋糕後呷一啖，即刻唔覺肥膩。可能我鍾意飲多苦味嘅咖啡啦，正

綠色作主調的裝修很有特色拿鐵的拉花很美很特別 一款是天鵝 另一款是海馬熱飲的好處 就是可以欣賞咖啡師的拉花香辣芝士炸雞漢堡配薯條份量十足薯片和炸雞酥脆不油膩 整體很好吃明太子醬很香濃 意粉軟硬適中 帶子煎得很香加上飛魚子 層次豐富

今日又入元朗獨樂樂，試試宜間阿貴，門口裝修好有小島度假feel，重點提提佢係寵物友善餐廳，雖然我冇養😂😂，但我鐘意佢地支持，好言歸正傳上網睇過all day breakfast 好似好出色，但今次想試新野麻辣蒜蓉蜆肉意粉🍝🍝 $88麻辣味好香但唔辣，平時唔食辣嘅都可以試試，雖然我食到有1~2隻有沙，但我覺得可接受，佢s 蜆都飽滿同彈牙😋😋Earl Grey  Latte $ 45想要拉花所以決定飲有奶☕️☕️，好香Earl Grey味，唔會俾奶蓋過陣Earl Grey味，個奶都打好滑，滿足👍👍

Starssy cafe執左之後新開既一間cafe室內外環境分別不大坐出面環境都幾舒服不過就係小巴站隔離唔中意既就最好坐入面野食味道唔錯辣雞漢堡好味 薯條都係熱辣辣已經幫襯左兩三次會再黎🐾

算係一間性價比高既cafe 而且可以比你帶埋自己嘅寵物 環境簡潔 比人一種舒服的感覺💕🐇食物方面 都是不錯的🤤🤤🤤意粉口感剛剛好 整體來說 都不錯👍🏻牛角包香脆可口🥐飲品方面，如果你鍾意飲咖啡嘅話我都幾推薦佢哋嘅Dirty☕️濃濃咖啡香 又唔會太重奶味 又好易入口！

元朗新開小清新咖啡店☕️New Cafe Alert 🚨✨今次想介紹呢間元朗新開嘅cafe 位於之前係Starssy 大榮華酒樓附近🤪 店內外以木系、湖水綠色做主題 室內有4張枱 室外有兩張枱 可以帶埋寵物一齊食野😍 環境唔大 不過幾舒服👍🏻 店內仲掛住好多店主嘅寵物相 感覺好溫馨🥰.食物選擇比想像多 輕食有牛角包、吐司等 價錢$22-$38不等😋 主食有ADB、意粉、Burger、Pizza等 價錢$70-$108不等😍 整體價錢唔貴 幾抵食👍🏻🔹原味牛角包🥐推介❤️ 好大個牛角包😍 焗得剛剛好 咬落超鬆脆😋 食個時要注意d碎呀🤪 唯一麻麻嘅就係略嫌唔夠香 如果牛油味重返少少就perfect了👍🏻🔹烤雞沙律🥗烤雞好大塊 唔會好乾身 肉質仲keep到好滑😋 沙律菜、車厘茄都好新鮮👍🏻 個汁用左黑醋 食落好開胃😍🔹明太子忌廉帶子意粉🍝推介❤️ 少有食過覺得好有驚喜嘅明太子意粉😍 意粉份量好多👍🏻 佢落左大量明太子、蟹籽、忌廉去煮 好夠鹹香 但食落唔會好漿口、好漏😋 同媽媽食完第一啖都已經大讚🥰🔹Flat White☕️兩杯唔同嘅拉花🥰 味道正常發揮🤪.整體✨ 呢間元朗新開咖啡店環境雖然唔大 不

今朝終於都試左係元朗新開既cafe👉🏻阿貴咖啡☕️🐶動物友善餐廳🐱食左個好豐富嘅早餐😋個啡菇勁好味‼️超級多汁😂‼️太滿足😎店主勁親民😌牆身貼左好多佢既寵物照♥️成間鋪嘅裝修到十分之溫暖🥰住元朗既朋友仔可以去試吓🤩，