阿貴咖啡

Open Now

Now Closed

前幾日睇到有人介紹呢間高CP CAFE今日特登入唻試。下午兩點幾到，全場爆哂，不過好快就有位。叫咗 水牛芝士薄餅，辣汁脆雞漢堡配薯條，玫瑰焦糖鮮奶咖啡，特濃朱古力，仲有開心果芝士蛋糕。Pizza係薄脆餅底，餅皮上搽左少少茄汁，原塊番茄上鋪滿芝士，味道淡淡地，唔會溜，感覺輕怡；脆雞漢堡中夾咗片菠蘿，好match，雞肉好淋，但略嫌乾咗啲，不過配辣汁，夠清新；特濃朱古力加咗厚厚嘅cream，唔係好甜，味道都唔算濃；網友推介嘅蛋糕，不過不失啦，芝士太軟，一定要加埋開心果碎一齊食先食到開心果味。適合鍾意淡味嘅朋友。我平時飲americano多，今日食咸嘢多，改叫玫瑰味嘅咖啡，淡淡嘅玫瑰味，雖然係有焦糖，但唔係好甜，咖啡嘅苦味底好出。食啖蛋糕後呷一啖，即刻唔覺肥膩。可能我鍾意飲多苦味嘅咖啡啦，正