咖啡呀唔該

Open Now

Now Closed

2024.4.13 今日適逢去香港大學聽講座於是順道去了阿正開的「咖啡呀唔該」本身諗住會多人 仲打算take away但竟然有位坐 可以堂食👍🏻之前睇食評 見人哋對咸濕咖啡評價不錯所以order一杯試吓☕️The Salty and Wet 其實係有咸柑桔🍊同青檸🍋‍🟩味的咖啡味道有點特別 但夏天飲會好清新 好開胃🍮焦糖燉蛋口感好幼滑 好香奶味 再有少少鹽味刺激味蕾又係好特別的味道如果下次去 要試吓普通咖啡先得～

可能「咖啡呀唔該」不知道是哪家～但「阿正 嗰間咖啡店」 就一定知道🤣西環 由正街走到第一街 最左手方 最橘色的就是那家了～～ 看似小小的一家 不過有夠深長的空空間及位置 還滿多的～ 而且除了咖啡☕️以外還有三文治🥪、鬆餅、餅乾🍪不過這次趕時間 就只買了個巧克力🍫 咖啡帶走咖啡☕️香nuts n smooth 有機會也要試試他們有名的☕️像是很有香港特色的「The Salty and Wet」(鹹濕)/ 「Dirty Gone Nuts」

身為阿正既fans 在咖啡店開店初期已經常來光顧😀鋪面裝修很特別 咖啡和食物的味道都不錯 而且一直以來店員也很友善另外掛耳包也很有特色 買來送給喜愛咖啡的朋友 他們也很喜歡❤️不過最近幾次來剛好碰上同一位女店員在下單和查詢咖啡問題時態度都有種不樂意的感覺☹️不過其他店員的態度還是很友善的👍🏻還是會繼續來光顧和支持的不過在開滿咖啡店的中西區除了食物和飲品需要保持水準也希望能夠在友善的環境好好享受一杯好啡～

呢日放假🚘，作為大西北既人，終於黎到探下店，打個卡喇，終於飲到呀正開既coffee shop喇💓呢日因為好早黎，冇咩人，舖頭環境好新，成間用橙色加白色，又估唔到個感覺好舒服，揀左坐係門口位置，傾下計，打下卡💓，好chill🥰買左杯latte ☕️，我地兩個就坐係門口位，好寫意，我仲買左兩包掛耳式咖啡試下，好鐘意個包裝設計，後面仲好仔細寫埋啲咖啡味道，同咩咖啡豆👍👍，下次有時想送禮同買番公司都好唔錯😙😙有時間要再去下，試埋其他野先😌

啱啱食完附近嘅茶咖里，又去華爾登餅店拎咗新年曲奇禮盒，當然要去DJ阿正新開嘅舖頭叫聲：「咖啡呀，唔該！」不過太飽，就外賣啦。舖頭環境好新，好橙😂全店都係橙加白色，但又估唔到，唔會睇得唔舒服喎連垃圾桶都係橙色，仲有幅特式牆，畫咗好多人物😂高手高手高高手👍🏻門口隔離有5條透明架，畀你慢慢揀掛耳包，包裝上列得好清楚係咩口味，對唔識咖啡豆嘅我嚟講係神來之筆呀🫶🏻咁就揀咗2包，Boring Wednesday 同 Black me up都要即場試吓啲啡，Iced Latte，奶滑啡濃，甜度適中，好surprised咁好味喎😮下次要試只可堂食嘅Diry Gone Nuts ，聽講係喺 Dirty入面加啲花生醬同煉奶，成杯奶醬多味咖啡分子料理咁🤩

今天是星期一，早上 8：30。在第二街處理了一點小事，準備坐地鐵走，想起這間咖啡店。原來上次來已經是9月尾，時光荏苒。到店時，有三位店員，店內卻沒有其他客人。之前在 社交平台有看過這杯咖啡的介紹。餐牌好像沒有，其實我也沒有仔細看，因為3個人6隻眼望著我，於是直接問店員。他說：「有。」盛惠$58。坐在一旁等，順便覆 messages。大約6-7分鐘就做好。是用火灼的焦糖面和一粒薑軟糖，我有點無從入手。咖啡是 espresso 底加入薑汁，微微辣，和咖啡的甘香很夾。我說無從入手是因為喝咖啡時焦糖面仍保持完整然後開始下沉，很難「吃到」那焦糖。最後一飲而盡。喜歡那薑軟糖，記得小時候吃過，好像有一個牌子是叫「新亞薑糖」是這個味道和 texture 的，但已經很久沒有見過有得賣了。一個很寒冷的日子，天文台預測今晚會跌到 7度，可能是這個冬季最冷一天。想起一闕歌詞「如果苦笑比眼淚更真，但願我一樣伴你行」。很需要一杯能暖心的咖啡。

冬季限定咖啡正呀 下面係Espresso ，中間有薑味 ，上面係焦糖成杯咖啡口感好特別，薑味的咖啡，但又好好喝 焦糖布丁，雲尼拿味好重，有雲呢拿籽，但係我覺得覺得稀左少少，可以杰身番少少就好

放假同朋友食完晏就去左 阿正開既coffeeshop朝聖。西營盤比較少去，不過地鐵出口唔係行好遠，都好快揾到。▪︎The Salty and wet▪︎&▪︎Cappuccino ▪︎凍飲有咸檸7味道，都夠fresh同解渴，夏天飲會更舒爽。熱Cappuccino都係正常味道。▪︎蜜柑卷蛋▪︎卷蛋口感唔似平時咁稔身，微稔但企身有少少實叫做有啲咬口，少左平時食坊間卷蛋個種空氣感，如果自己食一件應該都會飽個種感覺，味道唔太甜幾好味，蜜柑新鮮清甜，配忌廉一啲都唔膩，因為平時唔食cream既我就係好憎個種油膩感🤣但呢個我覺得就算一個人食都唔膩！coffeshop主色調係橙色，牆身有阿正既公仔🤣今日平日唔算多人，黎到都有幾張吉枱，但偶爾都有人黎買coffee takeaway，今日埋單兩杯野飲同一個卷蛋total$154~

知道阿正開左coffee shop 好耐啦，但作為新界人，今日先終於有機會黎西營盤試咖啡。同朋友一人一杯signature drink, 我飲個杯"咸濕"好清新，味道好特別，入面真係有一大舊咸柑桔（留意，千祈唔好試圖咬啖，真係好咸🤣），見差不多每檯都有人點，鐘意清新帶果味咖啡既朋友仔可以試下，我覺得好好飲😁星期六預左多人，好在有位，同朋友hea 左一個鐘，講下無聊野，飲下咖啡，真係好chill 好開心💞

❮ 咖啡呀唔該 𝘼𝙃 𝙅𝙀𝙉𝙂'𝙎 𝘾𝙊𝙁𝙁𝙀𝙀 𝘾𝙇𝙐𝘽 ❯📍西環西營盤第二街1號東祥大廈地下B號舖⟣⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⎯⟢ 每次去到第二街都會好struggle因為太多正cafe 唔知入邊間好今次就去阿正開嘅coffee shop店入面嘅裝修都充滿住阿正嘅風格有好鮮艷嘅橙色同古靈精怪嘅graphics真係好鬼正咖啡建議可以試佢哋嘅 signature 𝐃𝐢𝐫𝐭𝐲 𝐆𝐨𝐧𝐞 𝐍𝐮𝐭𝐬故名思義 佢係一杯有nuts嘅dirty佢嘅nut就係用咗花生飲到底會有鍊奶 幾特別而 𝐈𝐜𝐞𝐝 𝐋𝐚𝐭𝐭𝐞 就偏nutty啲 都唔錯▻ 𝐃𝐢𝐫𝐭𝐲 𝐆𝐨𝐧𝐞 𝐍𝐮𝐭𝐬 $𝟓𝟓▻ 𝐈𝐜𝐞𝐝 𝐋𝐚𝐭𝐭𝐞 $𝟒𝟎

今日嚟西營盤飲咖啡☕️DJ阿正一向都鐘意飲咖啡，在2020年成立《咖啡呀唔該》，提供自家製本地烘焙優質咖啡豆、掛耳包及咖啡相關產品。阿正的心血咖啡品牌係西營盤開設了咖啡店，一陣要支持💪🏻店舖logo有阿正搞鬼可愛的樣，Cafe 以橙白色為主調，加上鬼馬公仔作為標記，讓人充滿快樂「正」力量🧡連意大利老牌 La Marzocco 咖啡機同冷氣機都係橙色，時尚得黎又有復古味道☺️黎到當然要試試咖啡！最重要一定要叫返杯招牌連阿正都推介既咸濕😏「The Salty and Wet」 (鹹濕)，即意式濃縮咖啡湯力加入鹹柑桔及海鹽，咸咸酸酸幾開胃，飲完整個人精神爽利🤩Single Origin Chocolate (Peru)男朋友唔飲咖啡，叫左杯朱古力 🤭 佢一口氣飲左好大啖，然後話好好味😂 朱古力味都幾濃有少少可可豆油脂，重點係超順滑😍 抹茶Scone 配Clotted cream and Strawberry Jam🤔🤔 Scone 唔知大家鍾意咩口感我就好鍾意呢個口感，係好厚好脆既曲奇餅但又帶少少軟心，抹茶味好出色，無論係搽唔搽Clotted cream 同jam 都好好食🤤 Strawberr

阿正成立「咖啡呀唔該」品牌3年後，終於在西營盤開設咖啡店。店舖的橙色主調，突顯了品牌與別不同的活潑感覺，亦同樣體現在兩款招牌特飲 - 「咸濕」 及 Dirty Gone Nuts 上。「咸濕」將鹹檸檬加到 Espresso Tonic 中，氣泡與鹹酸交織出清爽感，消暑一流。Diry Gone Nuts 則在 Dirty 的基礎下加下花生醬及煉奶，呈現出茶餐廳奶醬多配咖啡的地踎情懷。Ah Jeng’s Coffee Club has a playful and lively vibe, from its eye-catching orange interior to their signature drinks - “The Salty and Wet” and “Dirty Gone Nuts”, which reminiscing the classic beverages of Cha Chaan Teng with preserved kumquat and peanut butter.

✧咖啡呀唔該✧本身都有聽開商台，前幾年聽　《早！Junior》時就開始留意阿正，知道佢鍾意咖啡，有開網店買掛耳包，到知道佢開埋實體店，一定要去支持吓! 一場嚟到，梗係要試下兩杯sɪɢɴᴀᴛᴜʀᴇ啦!😆鋪頭以橙色為主，都有唔少打卡位呢~ᴛʜᴇ sᴀʟᴛʏ ᴀɴᴅ ᴡᴇᴛ $𝟻𝟻不得不承認，見到「鹹濕」呢個名，係會對杯飲品好有興趣🤣ᴇsᴘʀᴇssᴏ, ᴛᴏɴɪᴄ加埋鹹柑桔，成件事又幾正😆夏天熱辣辣飲係幾爽，有少少似飲緊鹹檸七咁嘅感覺，好ғʀᴇsʜ! ᴅɪʀᴛʏ ɢᴏɴᴇ ɴᴜᴛs $𝟻𝟻煉奶、椰奶加埋花生醬，有驚喜😍好特別，比ᴅɪʀᴛʏ一般甜少少，有細細嘅花生粒，椰奶味同花生醬味好夾🤤曾經聽/睇過阿正講，佢嘅想法係想帶港式口味去咖啡度，試完佢兩杯sɪɢɴᴀᴛᴜʀᴇ後，發現原來兩樣嘢都可以咁ᴍᴀᴛᴄʜ👍🏻而家有埋甜點供應，要再去幫襯下先~❤️

我一直有聽森美小儀電台節目，細細個就好鍾意佢地。後來佢地加入左一啲新人一齊做節目，有講到阿正本身係咖啡愛好者，亦都係入行之前有做過咖啡師。依家到佢真係開自己嘅咖啡店，感覺上真係恭喜佢，所以一定要幫襯下。 🍺Latte 做得好順滑，放得耐都冇起泡，拉花pattern公整，唔花巧但分佈平均。冇多餘苦澀味，入口舒服。 🍺Dirty and wet, Expresso Tonic 加咸甘桔。記住要篤多幾下甘桔，出到多d味，令味道更加豐富。 🍖 甘桔蛋卷，味道清新唔會太甜，海綿蛋糕柔軟香甜，而且食得出質地新鮮，應該係即日製造。 ✨️全個店舖以橙色為主，簡約舒服，牆上公仔雖然表情誇張，但係整齊排列。仍然俾人有清爽明亮嘅感覺。 以咖啡主打配合輕食。咁樣嘅咖啡店，先可以俾到人有chill既感覺。

阿正開嘅coffee shop🧡橙色主調十分搶眼，加埋店舖裡面充滿喜感嘅插畫，成個vibe都好歡樂🤣除咗咖啡及甜品，仲有賣咖啡掛耳包及咖啡沖調工具～-🍊The Salty and Wet $55 呢杯就係”鹹濕”！係其中一款signature drink！Espresso tonic 加上鹹柑桔及海鹽，簡單嚟講有啲似鹹檸七味咖啡🌞同時用上鹹柑桔、海鹽呢兩款鹹嘅材料，所以鹹得好有層次！清爽中帶酸鹹，加上咖啡豆嘅花香，飲落好refreshing好解暑(˶‾᷄ ⁻̫ ‾᷅˵)絕對係男女老幼都會鐘意嘅咖啡☕️-一直都好欣賞阿正💓人前大癲大肺玩得極放，背後係一個好聰明能幹，同時努力為夢想而打拼嘅人💪🏻無論係佢嘅節目定cafe都好值得大家支持✨-咖啡呀唔該 📍西環西營盤第二街1號東祥大廈地下B號舖推介指數：9/10-🍽: 31/7/2023-#sik6faan6laa3咖啡店