亞金7號

Open Now

Now Closed

經朋友介紹，一行四人，第一次幫襯，係樓下街市買海鮮加工，海鮮總款不太多，下次可以去荃灣楊屋道街市買過黎，我地買左5樣海鮮，叫多3個餸，兩個白飯，兩支汽水，兩樣啤酒，連咪海鮮買料，都係$900，平均一人都係2百幾，真係好抵食，出面食海鮮平均都要成4百幾蚊位，所有食品都好有心機去整，賣相好靚，店鋪招牌香煎墨魚餅真係必食，好正，店主應該係一家三口，女店主同個後生仔都好熱情招待我地，香港真係已經好少會有令人再想幫襯既食店我已經計劃下次再嚟

 講真我住深水埗咁多年都未去過呢度，反而其他地區嘅街市熟食中心我哋都有去過，所以我哋果次就本着探討心情上去搵食，我仲記得果日去到街市樓下好靜，一啲都唔似有食市架，點知上到去二樓完全另一番景象，上面原來好旺架，我哋搭扶手電梯上就見到亞金7號嘅伙記介紹，咁我哋就膽粗粗去試吓啦，我哋叫咗三個小菜，其中有我哋最鍾意食嘅沙薑雞腳（真係大碟又好味）仲有泰式豬頸肉，但另外一款忘記咗係咩，我哋仲有叫咗幾枝啤酒飲，其實我當時有影相架，可惜俾我唔小心刪除咗😢而第二次我去哋就叫咗椒鹽軟殼蟹😊椒鹽多春魚，仲有唔少得嘅梗係沙薑雞腳啦！哈哈，今日我帶埋媽媽一齊去食，今次我哋叫咗雞腳（實在太鍾意食所以去親都叫）椒鹽多春魚，冰梅豬仔脾（值得推介^_^），仲有碟菜，跟住我哋飲咗8枝啤酒，埋單都係$286咋，真係好味又抵食👍👍👍👍👍 呢個係軟殼蟹冰梅豬仔脾椒鹽多春魚