亞龍咖喱

Open Now

Now Closed

第二次過嚟食喇因為對佢個咖哩汁念念不忘😋.佢隔離仲有另一間個名好似嘅不過男朋友就堅持一定係食亞龍🤣想試嘅朋友都唔好去錯啊.咖哩應該係同一個汁 不過佢有唔同肉嘅選擇仲可以揀大、中、小辣我照舊揀左中辣😋.咖哩牛肉飯$77佢嘅份量唔算多 對我嚟講岩岩好想飽肚啲嘅朋友都可以同老闆娘講多飯都得架!.佢個牛肉肉質非常鮮嫩好似打邊爐果種滑牛肉咁!好滑之餘又好入味 岩晒我呢啲鍾意濃味嘅人.佢個精粹係咖哩汁啊!!!!!!!!!點解我咁講? 因為佢唔係普通咖哩汁係有大量洋蔥蓉既咖哩汁我又鍾意食咖哩 又鍾意食洋蔥佢嘅洋蔥仲要煮到好林 所以個汁會有種甜味極度推薦👍🏻👍🏻👍🏻👍🏻👍🏻

去到佐敦廟街，發現有兩間黐埋一齊嘅咖喱店都係叫阿龍咖喱，一間黃色鋪面，一間白色招牌，多咗正宗兩個字，上網翻查，知道正宗嗰一間應該係正宗嗰間，第二間就應該係分拆出嚟嘅。入到去叫咗個咖喱牛腩飯，其實個人就好喜歡食巴基斯坦咖喱，嗰陣時通常都去一間生x 咖喱飯食，不過自從佢哋執咗笠之後就好少食到巴基斯坦咖喱。一上到嚟，嗰啲牛腩飯叫賣相真係麻麻哋，不過食嘢就係食味道，點都會試吓先。果然冇失望，啲咖喱好香，洋蔥嘅份量亦都好足夠，少少已經可以撈多飯食，食得出好多香料嘅味道，唔會太搶亦都唔會太辣，牛腩不過不失，叫做半肥瘦，冇乜特別大嘅驚喜，不過都好好食。下次會再試吓佢嘅牛脷睇吓有冇驚喜先！作為食lunch嘅地方，會再翻食。

亞龍和阿龍咖喱的新仇舊恨, 我也算是倒背如流, 當然亞龍作為正宗的那一家, 咖喱香味更強, 味道更濃. 阿龍的則份量較多, 價錢更抵. 亞龍的老闆也是這裏的生招牌, 從第一次去的金毛大叔, 到現在他已不少白髮, 真是時光飛逝, 但他依然與通天老倌般, 由廚房走到枱面, 再去到收銀, 依然相當活躍.先說其咖喱, 辣勁強, 沒有椰汁的奶香, 甜度和香味主要是依靠大量的洋蔥碎, 咖喱香料和胡椒組合而成, 比其他的自然. 牛筋腩的牛筋和牛腩夠大件, 牛腩肉質夠稔, 筋膜大塊而彈牙, 比起其普通牛腩的碎細慷慨, 只是筋腩份量偏少, 要花一百元吃就不夠物有所值.The story of Ah Lung and Ah Long curry is one of the most arguable street in HK F&B. For me, Ah Lung is the original one with the boss is always active in kitchen and cashier. The curry there is sweet and spicy with abunda

今日中午出街搵野食見到有兩間咖哩舖孖住開，一間亞龍咖哩一間阿龍咖哩，上網睇睇下先知亞龍先係正宗，就試下呢間正宗鋪如何。裝修設計都係普通茶餐廳或者冰室的風格，高端就講唔上，但都算OK。衛生就唔係好好，餐牌或者張臺都覺得好油。嗌左份咖哩牛腩飯，價錢70幾蚊比普通茶記貴。飯份量一般，但份咖哩牛腩真係好大兜，而且聞到都覺得辣（本身都唔係好食得辣但就係鍾意食），牛腩被蒸到變肉碎，睇黎火候好夠但就夾唔起一塊完整既肉。總體都覺得一般般，雖然咖哩有特色。

中午食lunch唔知食咩好，諗起好耐冇試過辣野，久唔久食一次過下癮都好，所以就試下呢間咖哩如何。門面就一般，好似大排檔feel，入到去環境都係差唔多，冇乜特別。好啦可能野食會比較出色。我嗌左咖哩牛腩飯，睇個份量都算唔少，但70幾真係貴左少少，起碼比一般大排檔茶餐廳貴。牛腩就煮得好碎，要搵到完整一舊都唔容易，牛肉就算了，但咖哩味道都唔會好好味，辣味多過咖哩味，只可以話普普通通唔出色。其實質素唔係好好定價太高就真係唔得，總體性價比唔高，一般般。

突然想食刺激野就揾個巴基斯坦咖喱咖喱牛腩(少辣)配 餅第一個味係甜之後辣，中間有點點既香料味夠鹹既😉不過有咩香料就不太食得出感覺 同港式咖喱差不多但係好食既至於配餅就有咬口表面粗糙既質感配餅食既➕分👍🏻#咖喱牛腩#亞龍咖喱

兩間阿龍咖喱開正係隔離左右，我心諗。。。都唔知邊間先，邊間後，呢間相比起隔離果間，我有十足把握係本地薑，咁就入去啦，因為今日想食嘅係港式嘅咖喱。餐牌都係清一色食咖喱嘅，所以千祈唔好去錯地方，我就揀咗咖喱牛筋，咖喱牛腩，叫咗一個飯(唔知有冇得叫佢多飯既呢😛😋) 一個油薄餅 (當日得一款揀)，餐牌個價錢係跟埋一份飯或薄餅嘅。真係幾好味嘅港式咖喱，食落好滋味，你喺呢一度仲可以選擇辣嘅程度，想食咖喱呢個係一個幾好嘅選擇，滿足晒味覺上嘅享受。

不經意行過見到呢間亞龍咖喱，諗起群組有人介紹過，所以走咗入去試試。咖喱專門店除各款配料嘅咖喱外，只有蕃咖汁俾唔食辣嘅人選擇。我哋揀左咖喱牛腩加$薯仔(第一次薯仔要加錢先有, $20都唔平😅)同咖喱牛脷。巴基斯坦🇵🇰咖喱….. 同平時港日泰印式咖喱都非常唔同。咖喱底以大量洋蔥及蔬菜蓉為主再加香料同辣，比較水唔creamy。Rotti都比較硬，這就是巴基斯坦咖喱！鋪頭有好多熟客仔，出出入入都有計傾。侍應姨姨有禮貌，英文又流利👍🏻👍🏻

話說我今日18:15去到，係咪埋位坐的時候，發現座位上有水，叫咗一位着咗制服嘅侍應，告知佢凳上面有水，佢連除攞塊抹枱嘅抹布去抹走座位上嘅水，嗰塊布唔抹過幾多張枱面？當然我梗係自己攞濕紙巾，再重新處理過張凳！及後我們兩人嗌左一份小辣咖喱雞+兩塊薄餅！袋進食期間，又係嗰位着住制服嘅侍應，攞住剛才抹我坐緊嗰張凳嘅抹布佢抹其他枱面，可想言之，嗰塊抹布有幾污糟哎呀？依家全球嘅疫情還未控制到，唔最基本嘅衛生常識都做唔到，相信呢一次都係我最後一次嚟啦！

這家擁有超過45年歷史的港式咖哩店主打巴基斯坦咖哩，比印度辣。招牌菜有咖哩洋蔥牛腩、咖哩蝦、咖哩雞等，醬汁較稀不過辣度十足，可因個人喜好挑選辣度，中辣已經相當啃，適合愛挑戰辣度的食家。

亞龍咖喱嘅故事聽得多，所以話呢個世界幾衰嘅人都有😒😒😒，要搬都唔夠，仲要俾舊業主响原址開返間差唔多嘅咖喱😓😓😓 慶幸老闆真材實料，仲可以屹立到而家💪🏻💪🏻💪🏻太耐冇嚟過，橫掂都係，今日叫個貴嘅咖喱牛筋腩飯（中辣）。味道仲keep到，食得返以前嘅味道，稍為嫌牛筋淋咗少少唔夠咬口，牛腩就剛好☺️☺️☺️舖頭嘅格調同以前差唔多，如果唔係知道佢搬過一定以為仲係以前嗰度😆😆😆不過不得不說，一個咖喱牛筋腩飯買到成舊水🤔🤔🤔其實係老闆本事👍🏻👍🏻👍🏻不過其實真係有啲貴😅😅😅雖然唔可以話係超級好食，不過食嘅係回憶和人情味，下次有機會都會再次幫襯😉😉😉

今日心思思想食咖哩，久聞這間歷史悠久的巴基斯坦咖喱，專登由尖沙咀坐地鐵去佐敦。餐廳環境麻麻，都幾殘舊，伙計擺低隻舊到花哂嘅空水杯，服務基本係零，但收費拍得住高級茶記，一碟咖喱牛筋腩要$103。本來諗住影幾張相，一上菜賣相就打哂折扣，裝牛腩嘅碗崩咗幾忽，啲咖哩汁滴到碗邊邊圍到係，連影相打卡嘅心思都冇哂....食落仲失望，牛腩鞋颯颯起晒渣，仲要大部份係碎濕濕，咖哩汁完全冇香味....這個只有醫肚水準，連大家樂都比佢好得多，真心失望，以後都唔會再來。

以前返工成日食既飯堂，因為朋友早約了去佐敦的燒肉放題，所以今次只是路過但看見此牌此景回想未轉工前的味道在其他地方甚少吃到這種濃郁的咖喱，如此吸引留香！最愛是咖喱水魷！

今日終於去試下多年無食既亞龍咖哩, 就叫一個最基本既咖哩腩, 一如以往係無進步過, 咖哩只是辣無咖哩香味, 可惜。其實, 我覺得附近有好幾間南亞/印度餐廳比亞龍出色得多, 我不會再來。

唔講唔覺，其實佐敦原來都幾多嘢食，小炒、火鍋店🥘、酒樓🥢、茶餐廳🍴通通聚集於上海街、廟街、吳松街一帶。今次經朋友推介下，阿叔👨🏻去咗間港式餐廳食正宗巴基斯坦咖喱！.食咖喱之前，阿叔先要講段故☝🏽，唔知大家有無發覺吳松街有兩間巴基斯坦咖喱黐埋一齊開，一左一右，餐廳名發音又一模一樣喎😮，以為係分店? 錯喇🙅🏻‍♂️！好奇下網上搵資料💻，先知道阿叔今次嚟食嘅亞龍咖喱 (阿叔簡稱右龍) 已有40年歷史，原址開於左舖，即現時阿龍巴基斯坦咖喱(阿叔簡稱左龍)嘅位置。廿多年前，業主突然唔續租畀右龍，原來佢哋決定自己賣咖喱，而且從右龍挖走一批員工，仲將店名改為另一同音字，由「亞」變為「阿」。右龍深信「真金不怕紅爐火」，決定租下鄰舖決一高下！🤜🏽🤛🏽 .呢類傳統港式店舖，裝修唔會特別豪華，食嘅反而係人情味同食物嘅質素。見到食客大多數係附近嘅街坊，同老闆好熟落。呢度嘅咖喱屬於正宗巴基斯坦咖喱，相比起泰國🇹🇭咖喱、日式🇯🇵咖喱味道更辣，更惹味，而且佢哋特別加咗洋蔥🧅，令到咖喱更香🤤。今次食咗佢哋最出名嘅 #咖喱牛根腩($103)，根腩非常軟腍，而且好入味，配白飯🍚食一流。一個價錢包埋白飯🍚或者鹹薄餅🌮。同老闆