亞龍咖喱

Open Now

Now Closed

第一次寫食評，因為太難食，忍唔住要寫。每個人口味同要求唔同，我只係將個人感受實話實說。有野做出佐敦，好肚餓又經過，咪入去食囉。叫左牛筋腩跟鹹薄餅，同牛脷跟白飯。野食:飯-唔講咖喱先講白飯，一睇就知係隔夜飯，依個價錢你比碟隔夜飯我？唔好玩啦。鹹薄餅 - 叮嘅！?仲食到生麵粉味，你叮出黎連薄餅最後嗰小小水份都被你叮走埋，一涷左成個口感真係同樹皮無分別，都係個句，依個價錢你比件微波爐薄餅我，仲唔係玩我?咖哩 - 得個辣字，無咖哩香，香料味好單一，無深度牛筋腩 - 牛筋都叫做正常，但係啲牛腩一係就煮到碎濕濕，一係就乾柴咁，有啲勁耐都吞唔到，唯有lur返出黎牛脷 - 一般。份量夠，夠淋，但係牛脷無咩味服務: 一個字-差一男一女侍應，企係到唔知做咩？入到去你眼望我眼，唔打招呼唔問你幾位唔安排座位唔問你食咩？行埋黎放低兩個杯就走左去...叫野食唔話你知配菜可以揀咩...最重要，你啲飯同你啲咖喱全部都分開上，咖喱黎左等分幾鐘先到飯，再黎一個咖喱之後又幾分鐘先到薄餅....如果唔係最後市頭婆好禮貌，真係會食到一肚氣。完。P.S. 平時極少影相，而且無plating嘅野，仲要啲汁淋到成個碗邊都係，有咩好

好耐都冇去過亞龍呢度食嘢今日忍唔住又再去食下，有左邊同右邊兩間不過人哋話亞龍呢一間先係正版記住係亞洲個亞， 所以我哋都係去咗呢間去到門口佢隔離嗰間完全冇人好大對比相反正版呢間就超爆多人講返先咖喱味依然係好好食不過比起以前加價都加咗好多冇辦法啦食材鋪租樣樣都貴，牛筋腩味道依然濃郁配飯最正！最鍾意整多洋蔥嘅咖喱

開了很久的佐敦，站置不算難找，店裡裝修就是一般老餐廳的模樣，幸好桌面坐位還算乾淨。之前有試過這裡的午餐，印象不錯，在這種不容易的時期，難得有開店就再去食。咖哩鮮魷｜本來對咖哩配魷魚有點遲疑，但老闆對這信心十足，說是用原條魷魚，那就要試試看嘍果然，魷魚非常新鮮，很有彈性，零腥味。咖哩香料十足，說不清是什麼香料，畢竟這種馬基斯坦咖喱用了幾十種在裡頭，但那味道不是平時連鎖店能相比的。唯有的不足的是薯仔要另加，不點是不會有半塊在裡面的，要知道有些人，例如我吃咖哩就是要吃馬鈴薯啊。

咖哩雞飯🥘（小辣）慕著正宗咖哩的名號而來，我不知道正宗的咖哩是甚麼味道，但是這間店的咖哩合乎我口味😋。• 咖哩的狀態是液體狀，有別於港式和日式的那種咖哩，本應以為味道會偏淡，誰不知吃起來卻意想不到地惹味香濃；• 辣味會一直停留在口腔，到後期會愈吃愈辣，喜歡辣的朋友，可滿足到嗜辣的慾望；• 咖哩入味有香料的味道，為咖哩本身帶來更多味覺層次；• 店來用牛作為食材的選擇比較多，但因為本人不吃牛，所以點選了雞。雞肉嫩滑，咖哩汁滲透到雞肉內，非常惹味！期待下次可試下薄餅和咖哩薯仔。

好鍾意食辣嘅我每星期都要食返幾餐辣先滿足🔥 想試呢間老字號咖哩好耐 終於比我食到啦.午餐有3款揀：咖哩雞 / 牛腩 / 牛筋 可選配飯或薄餅 同埋各款汽水(HK$62) 辣度可揀大 中 小.食左咖哩牛筋配薄餅(中辣) & 咖哩雞配飯(小辣) 果然係老字號 一食個咖哩就知佢唔簡單 味道同口感都好獨特 超級香濃 質地係偏濕(最岩撈飯) 應覺落左好多香料同埋無限洋蔥同蕃茄個辣真係堅揪 中辣已經到達我嘅臨界點(正常人建議點小辣) 但食完又唔會有燥熱嘅感覺 真係做到佢牆度寫住”辣而不燥”嘅效果呀 配餸仲超級多 越食越開胃 好快你撈晒碟飯/薄餅！

香港嘅咖哩通常都流質d，口感普遍都麻麻地，而呢間咖哩就唔同。用大量洋蔥同蔬菜熬製而成，所以成個咖哩汁都會有好多洋蔥同蔬菜容係入面，口感比起一般茶記嘅唔同，會豐富好多！今次就叫左羊肉同牛肉咖哩，分別配薄餅同飯。先講羊肉，佢比較肥美，有骨連住一舊肥肉，頭幾舊會覺得好香，d油脂係口中溶化咁，不過始終太多肉，食多幾舊就有d滯！牛肉就普通少少，牛肉無特別新鮮，口感唔爽，但份量幾足，配薄餅食都唔錯，兩個咖哩我地都叫左小辣，同譚仔5小辣差不多，中意食辣嘅朋友可以叫中辣或者大辣。另外，餐廳地方唔大，坐得唔太舒服，建議係閒日去食，會有好d嘅體驗

尋晚朋友帶我去吃咖哩，來到佐敦，看到有兩間，究竟去哪間好了？因為朋友之前吃過另外一間，所以這次決定吃亞龍咖喱。裏面空間不算大，一張張長的桌子。《咖喱雞》首先點了這個咖喱雞配白飯，我們怕辣，所以點了少辣，咖喱味很香，看到裏面好像有洋蔥蒜蓉之類的，但只有兩件雞，雞肉有點乾，失望。《咖喱蝦》另一道點了咖喱蝦，都是點少辣，跟咖喱雞的份量是一樣，只有兩隻🦐🦐，蝦是大隻的，肉質挺彈牙的，比雞好吃，這個配了薄餅。《咖喱牛根腩》還點了這個牛根腩配鹹薄餅，我本身是很喜歡吃牛根的，這裏的牛根很腍，牛腩也一樣，份量比其他兩款多，價錢也相對貴一點點。《鹹薄餅》好大塊，吃起來有一點點麥香味和麵粉味，用來配咖喱一起吃的。這塊薄餅不是我的菜，我會比較喜歡印度的手抓餅那種。

亞龍，在佐敦某條街有兩間相連，但是這次我們去，只有右邊的那家開門，於是就照樣進去，內裏其實可以看到位置不少，但是吃咖喱這些東西，恐防又會汗流浹背，倒不如坐在近收銀處的那張小桌更好。咖哩牛脷，亦都是煮得比較林，但是應該有幾件不同的位置，有些煮得非常之軟林，有些則仍然保留少許咬口。如果深水埗那些叫做巴基斯坦咖喱，那麼這些比較「水嗲嗲」的是什麼式的咖哩呢？這些咖哩，汁很多，而且內裏每一羹都承載不少洋蔥，咖喱的味道有辣味但不算極之濃香，偏向水dum dum的感覺。服務欠佳，就是因為，我的咖哩一早來了，但是不知道是不是因為烤餅要等較久，而飯又未到，其實可先給我另外那個餐的一碟飯也可以吧。這烤餅不像pita又不像naan，味道但係又比較濃麥香，縱使不沾咖哩，空口吃亦都較具麥香。但相對其他印度餐廳，這兒的烤餅，只有薄薄的一片對摺，反而咖喱汁就有一大盤，而且因為咖喱汁比較稀，即使味道夠辣，還是因為烤餅份量太少，令人覺得吃來舔舔脷，不太充足。咖哩鮮魷，雖然鮮魷的份量不少，但是煮到好像非常之林，完全沒有什麼咬口，基本上林到你不覺得是像在吃魷魚的感佐敦吃咖哩，雷聲大雨點小，好像不及其他區域的小店般出色。

同寶寶忽發奇想，繼小店之後決定出一個歷史老店系列，介紹為香港默默付出既店鋪。打頭陣既係位於佐敦既亞龍咖喱，主打巴基斯坦咖喱同蕃茄飯。佢門口貼左好多發黃既報紙，報導昔日既光粹。聞到陣香噴噴既咖喱味，唔攻鼻，即刻叫咖喱飯（一少辣、一中辣）試試佢。冇錯，佢上碟嘅時候已經係咁污糟，似做慣本土生意多。ANY肥，咖喱飯好食，比起港式咖喱洋蔥味濃好多，又唔重口味，基本本用個汁撈飯都已經係享受，我就覺得中辣正好多。至於配料，牛肉都算嫩口，但雞就原舊上，有少難咬開。但為左個汁，食哂飯既同時，就食哂D汁，點都值得一試😋-咖喱牛肉飯 Beef Curry Rice | $77咖喱雞肉飯 Chicken Curry Rice | $70-

2019-01-14有事出油麻地，辦妥後去吳淞街一試『亞龍咖喱』。時間比較早，只有兩檯客人，選了咖喱牛脷跟薄餅。雖然位置是油麻地內街，價錢絕不便宜，上碟後發覺是有大量洋葱，卻沒有薯仔，原來一起落單要加$20，還不能後加的；所以再加了油薄餅，也是20蚊。係叫了小辣，也吃到滿頭大汗，咸薄餅出奇的好吃！油薄餅只是焗完再煎一煎的分別。牛脷薄了一點，都有唔少塊；整體來說，還可以! 連一枝Sol啤酒，總共收$116。老闆娘還問我是不是慕名而來的!

有人話想食正宗印度咖哩，原本係想去深水埗食，由於繁忙時段泊唔到車，最終兜左去佐敦吳松街，揀左食 🐲亞龍咖哩🐲⋯⋯中伏了。 人流唔算多，唔洗等位, 不過個一刻，我見有2位食客，好似我地咁，望住個餐牌好迷網，揀唔到！原因一：餐廳環境殘舊，但價錢較貴原因二：望到鄰座的咖哩賣相平平無奇，再望多次個價錢，真係貴左D喎！原因三：點解咖哩無得揀種類？只得一種我地諗住應該係好味所以先咁貴啫，所以就決定點左 1）咖哩牛肉$77 & 2）咖哩雞$70 加兩罐忌廉$26。食物賣相真的好普通，不但豪無點綴，兩隻載「主角」咖哩既碟都有破損，真係好求其，一款雞，一款牛，但兩碟既咖哩味係一樣，成間鋪只得一種咖哩。可能印度咖哩都係有廚師個人風格，獨家祕制啦！坦白講，我唔喜歡，唔夠香，唔覺得有印度風味，味道比起大乜乜集團既咖哩，只是咸左少少 & 有洋䓤渣囉⋯⋯印度咖哩畀人印象係好香，聞到就好想食，但呢間無呢個效果。

平時好少出九龍食飯，難得有野做走左出嚟，就梗係要搵下好野食今次特登嚟試下呢間阿龍咖喱，好多唔同嘅咖喱配搭可以揀今次食左咖喱雞飯，洋蔥味好濃，咖喱味好香另外加左個薄餅用嚟點咖哩汁食，呢個配搭一樣咁得以我咁鐘意食咖哩嘅程度，下次有機會一定要再過嚟食多次

雖然大熱天時，但諗起好耐無食咖喱，同朋友行完街之後，朋友就帶我黎試依間咖喱。舖頭其貌不揚，比較舊式，但聽朋友講咖喱很出色。我叫了咖喱牛肉，小辣，配薄餅。我朋友就叫了咖喱牛腩，小辣，配白飯。咖喱香，牛肉份量都多，可惜薄餅就得一塊，比較少，如果唔係我朋友叫飯就唔夠飯黎食埋D 咖喱。咖喱的確唔錯，咖喱不錯，小辣其實唔係好辣，下次可以叫中辣。

係佐敦，有兩間咖哩鋪拍住開，一間叫亞龍咖哩，另一間叫阿龍咖哩。前者係老公開嘅，後者係老婆。有熟客男友帶路，今次試下老公咖哩先。餐牌上選擇唔多，只有咖哩乜乜同埋蕃茄物物，餸方面可以揀牛，雞，魚，蝦，蟹同薯仔。小食方面有咸甜薄餅。我地叫左一客咖哩牛腩同咖哩雞小辣，配飯再加一個咸薄餅。咖哩汁底係一樣嘅，叫左小辣關係，送飯好開胃，牛腩煮到好林入味，不過就肥左少少。雞方面就比左上亦位置同一件肚胸件兩大件，同樣地煮到好林，因為雞件好大件，拆左肉出黎點咖哩汁，正。咸薄餅同一般印度薄餅 （nann) 唔同，巴基斯坦薄餅有一陣麥味，感覺似粗糧，我就唔太岩食喇。整體味道唔錯，不過以碟頭飯黎講，兩個人食左160蚊真係有d貴呀。

唔知幾時開始，亞龍咖哩由一間變左兩間，不過唔係分店黎架，聽講係其中一個伙記變節，所以多左間出黎，千祈唔好去錯呀，隔離鋪通常都有個人企響門嗌生曬，搶生意，嗌足咁多年。巴基斯坦咖哩響香港我真係冇食過其他鋪頭，所以話咩叫正宗我真係唔分識，淨係知亞龍咖哩係用左大量洋蔥既咖哩，以前仲會食到個咀又黃又腫，因為又辣但係又好味，所以次次飲到成肚水先走，不過而家食得少少辣先發現其實一啲都唔辣，就冇再成肚水咁走lu。兩個人叫左咖哩魚同咖哩牛腩，可以跟飯或薄餅。咖哩魚係倉魚，時價，結果都要百一蚊，其實都幾貴，得三舊魚，不過好味，魚肉肥美，好嫩。咖哩牛腩，七八十蚊，牛腩唔韌，幾林，不過太多肥膏。咖哩汁全部清曬，因為好好味，不過份量可以多啲，因為食曬啲汁都送唔曬啲飯。