阿媽開飯 (Closed)

今日lunch time 諗緊食咩嘅時候，就經過呢間野，俾佢個西檸雞吸引了，而且依家返工太忙，好少機會返屋企食煮家飯，有時食見到主打煮家飯嘅餐廳就會覺得好吸引！因為媽媽嘅心一定會俾最健康，煮好吃的東西兒女吃！所以二話不說入左去～原來佢個午餐有湯，有飯，我就加了＄10 要太子飯，因為比較喜歡吃紅米，升糖指數較低，相對冇咁易肚餓，加上仲有粟米、蛋絲，南瓜粒等，食落更有口感！今日個例湯係金銀菜羅漢果豬腱湯，呢個湯清熱潤肺，生津解渴，好適合口乾、汗多時飲用。飲落冇味精味，好足料，仲有豬腱食！好耐冇食西檸雞，呢到份量都算多，係即叫即炸，因為上枱仲係熱辣辣！但略嫌覺得個粉漿太厚，但係食落一啲都唔油膩，個火喉控制得好，所以迫到哂啲油出黎，所以好juicy嘅肉汁。好好奇點解有生果，原來做緊推廣，凡午市光顧「家常套餐」，可回贈飯前水果一份，雖只是兩片橙肉，但岩哂想均衡飲食，又好懶買生果嘅我！ 

人的劣根性總是那樣，擁有時不珍惜，失去後才知道擁有時的珍貴。不用多說別的，就以家裡媽媽煮的餸菜為例，雖然未必每個人的媽媽都是「鼎爺」級數的大廚，但每個媽媽在家裡為子女準備的，一定是充滿愛心的健康餐，食材不需名貴，菜式不用花巧，簡簡單單，平平實實，只是家常便飯，已是子女們放學、放工後的一頓美味的午餐或晚餐。不過人長大了，總得要自立門戶，成家立室，對不少人來說，阿媽的手勢便只能久不久才可再次吃到。而這天，這間以「愛與家的味道」招徠客人的店舖，便吸引了我入內吃一頓「住家飯」。 例湯是「眉豆花生煲豬肉」，味道自然順喉，喝得出完全沒下味精，感覺舒服。「菜心苗炒鴨胸」是這天我的午餐選擇，菜心苗其實只不過是菜心吧了，稱為菜心苗也許只因為所用的菜心較嫩而已，而這天的菜心炒得頗多，清翠嫩綠又夠爽甜，配以不常用的鴨胸代替常用的牛肉，有點新鮮感，鹹鹹的鴨胸也幾開胃。店子正做推廣，凡午市光顧「家常套餐」，可回贈飯前水果一份，雖只是兩片橙肉，橙肉也不太甜，仍然讓人感到有點誠意。原來，這間店舖的老闆是位教徒，每個星期日這兒都會休業，在上午搖身一變，變為一個教會崇拜的地方，想吃這兒的「住家飯」的話，便要留意了。

今日外出太子工作，想吃個午餐，突然記起阿媽開飯，正所謂："阿媽開飯，野食健康得黎又唔是但"。阿媽開飯呢個名給我的感覺是相當親切、溫馨的，畢竟阿媽是每一個人至親的人，雖然呢個阿媽未必真是你阿媽，但她一定是其中一個香港人的阿媽(當然廚師未必真的是阿媽，可能是阿爸)。午市有6款菜式選擇，價位在$48-$50之間，我叫了一個冬菇蒸雞飯$50，本來想+$10轉太子飯(原粒粟米、菜粒、南瓜粒、沙葛粒、蛋絲)，但我隻耳又聾，見到幅圖又濛，又有我不太想吃的蛋絲，還是耍手扭頭吧。例湯倒上得很快，只是冬菇蒸雞飯等了約二十分鐘，等到我不耐煩，立即催單，催單才即上。雞件比我預期多，而且夠滑，香噴噴飯味，如果去大家樂吃同樣菜式，就需要遷就著來吃，需要幾啖飯一啖餸，阿媽開飯則一啖飯一啖餸，當然，如果這個真的是你阿媽，就變成了只吃餸不吃飯，這就是在家千日好的分別。阿媽靚湯，在整個品牌設計，不論是品牌名，抑或是餐牌內溫馨的字句，提示你在這裡可以"吃得健康...當住家飯...放心吃"。都是一般餐廳相當少打的真心牌，亦符合城市人追求健康的心態，慶幸只此一間，因為從市面上太多品牌餐廳經驗得知，如果當開太多分店時，往往就容易

呢間餐廳 標榜係基督教超窮教會。。。。。。 佢嘅地方係乾淨企理嘅 坐得都叫做舒服， 好近太子地鐵站。 叫咗個下午茶佢跟埋紅豆冰雞髀薯條28蚊 算係咁啦。 好鍾意佢啲menu設計做得好平實。 話冇乜用味精 咁係咪真嘅我就唔知啦不過算係幾好食。 我隻豉油皇雞髀都幾肥肉幾 厚身， 薯條都幾香幾脆， 杯凍奶茶ok嘅 屬於水準之上。 如果離開太子呢附近買建築材料 或者紡織材料買完之後搵達地方休息一下補充體力 呢度ok嘅。 佢又近npv， 如果你隻狗係細隻入咗袋唔得個頭出嚟 靜靜地唔好 張揚 帶埋入嚟都坐得舒舒服服嘅。

凍冰冰 好想飲返碗熱騰騰既湯暖暖胃。聽同事講之前間阿媽靚湯開返啦（改左名叫阿媽開飯）標榜無味精 吃得健康 家的味道。是日靚湯(下午餐加$8 )淮山龍眼蟲草花豬骨湯真係好好味，清甜個飯未食已飲左一半迷你飯薑蔥霸王雞$28雖然話係迷你但份量都唔算少。薑蔥油好香送飯一流雞肉肉質中規中矩為左個湯會再次光顧

It is the first time to enjoy dinner here and we have celebrated the 7th wedding anniversary. The environment is good here, less people when it was 7:00, the design and setting for the beef dishes was pretty. The size of food was enough as we just ordered a fried rice around $150 and the beef around $360. Thanks for my wife go with me everywhere not only different restaurants, but the every moments in my life. She is the best for me. We wish to come here again with two children.

由阿媽靚湯改左名做阿媽開飯食物同服務質素都變哂價錢比以前貴店如其名，湯不再靚，味道好淡，似飲水。京都豬扒（$65)，汁醬多到似湯，味道稍咸，但豬扒係唔錯既。蒸黃立倉（$75)以前一向黎阿媽食飯，都最鍾意叫佢既蒸魚，又平又大條，幾抵食。但依家，價又加左，條魚又細左，連張單都就黎大過條魚...喺呢一句要收$75 真係一啲都唔抵而且啲白飯好爛，口感好差湯又無以前咁好飲睇黎，今次都會係我最後一次黎呢度食飯。

每日出街食飯真係好頭痛架，不過有個好同事真係好重要，會成日推介一啲食店比我去試。呢一日去左阿媽開飯，前身應該係阿媽靚湯吧。我係一個湯怪，所以我幾欣賞佢啲湯，無味精，有種返屋企食飯感覺。今日點左呢個餐 “五柳魚塊”。而惟一我要彈既就係個汁好酸，酸到入口有種拿咀既感覺，希望有改善吧。

今次約咗五位朋友，一齊專誠來試喺太子街坊口中盛讚超抵食的茶餐廳。一入餐廳，年輕的老闆娘就以親切的笑容招呼每一位客人，唔少街坊同長者都同老闆娘有傾有講，充滿人情味！ 食物價錢亦充滿人情味，下午茶平均$25！西多士厚過一般快餐店，外脆內軟，食落去唔油膩，讚！👍🏻👍🏻👍🏻紅豆冰唔甜，奶味紅豆味剛剛好，推介！雞髀略嫌炸得太老，有啲乾。薯條夠粗，好味！原來滷水汁經過特別調較，有心思💖下午茶時段亦有優惠飯食。倉魚成條上，加埋蒸魚豉油豆豉撈飯，簡直係絕配！😋😋😋怪唔知咁有人情味😅

平時幾乎日日3餐都出街食~難免會冇咁健康~但都唔係一定的,因為我公司附近都有間標榜無味精嘅阿媽開飯佢前身叫阿媽靚湯, 係前排改左名做阿媽開飯~佢除左D野冇味精外, 賣點更係佢D靚湯~呢2日想食住家飯~所以就去左食佢咁呢, 其實我係連續2日都去左食佢~因為都真係好唔錯~佢每日都會有5款唔同嘅餸畀你揀~價錢大概都係$4X-$5X。第1日, 我食呢個:三黃雞配甜醬油($48)佢每個餐, 都跟一個白飯, 然後可配一碗是日靚湯,如果唔飲湯可以配熱飲~但來得呢度當然飲湯啦!佢仲要係大大碗, 唔係細飯碗裝嫁!雞, 好滑, 都幾香雞味, 配埋甜豉油一齊食,送飯一流~個白飯都煮得好靚,我最怕食D煮到一patpat嘅飯,但佢d飯都係一粒粒的~但又唔會硬~ good!湯~ 今日係木瓜雪耳豬骨湯~用嘅係青木瓜來~所以唔會話好甜~但冇味精嘅阿媽靚湯喎, 當然要成碗飲晒佢呢, 仲可以+$30轉佢d燉湯的~但我未試過~佢近排仲做緊lunch送生果呀!食完住家飯, 仲有飯後果食! 真心覺得呢度食飯, 唔怕唔健康~所以..我第2日又去左食第2日, 我食呢個:菠蘿生炒骨 ($48)生炒骨份量都幾多, 同埋佢個皮係脆嫁!!

今晚行經太子，諗住試一試呢間無味精住家feel茶餐廳，首先坐低見好多人食涼瓜煎魚餐，但睇落個玻璃芡汁太透明，外觀完全不吸引，所以放棄，揀咗個餸叫”笑春雞”，我以為係白切雞啲friend。過咗一陣，首先黎咗碗湯，第一啖飲落口，發覺唔對勁，似係溝咗水，飲到一半仲發覺有啲口乾乾，應該係落咗味精。好喇！過咗15分鐘，個春雞都仲未黎，問問店員原來係即叫即整，終於又再過多10分鐘，總共25分鐘，隻春雞到喇，唉⋯⋯原來係乾到爆嘅燒春雞，食咗一啖已經覺得好難呑，不過成$88又唔好浪費食物，就乾呑咗佢(因為等左25分鐘所以之前碗湯已經飲晒)，呢間舖試過一次就夠

暖胃靚湯這間小店的前身是阿媽靚湯，我幫襯了10年。感謝現在的新老闆，讓我們可以繼續享受沒有味精的晚餐。新店的食物種類和舊店很相似，聽說仍然是以前的廚師。每天都有一款靚湯及一款燉湯。今天喝了了青紅蘿蔔豬骨湯，很清甜。每次去到，都會吃他的蒸魚。他們的蒸魚感覺新鮮，蒸得剛剛好，不過如果太遲去到就會賣完。太子飯混合了糙米、粟米、南瓜等蔬菜粒的飯，感覺健康。韭菜蝦米炒蛋炒得乾身、香口，撈飯一流。新店上菜沒有舊店那麼快，令我可以慢慢品嚐每一種食物。如果你同茶餐廳比，這裏的食物價格算不上便宜，但以這樣的食材來說，我個人認為性價比十分高。

今日放工經過太子 見到呢間阿媽開飯 門口寫晒嘅晚餐 見到有蒸魚幾吸引 於是就入咗去 叫咗個蒸倉魚飯 咁一黎就上左個湯先 聲稱係無味精 但係都叫有味 算係咁 之後就等左差唔多廿幾三十分鐘條魚同個飯先黎 可能因為即叫即蒸 所以趕住快食嘅朋友就唔好叫蒸魚喇 不過條魚係蒸得唔錯嘅 幾夠味 可惜佢個餐就真係得一條魚 無菜 略嫌單調左啲。

以前間唔屎會去阿媽靚湯，前排知佢執咗有點失望。但聽聞轉咗老闆又開返喇！.間局整體無乜變，係牆上嘅佈置（如餐牌）清簡了一點。其他都無乜仔細再睇。.每日有大約5個套餐。等我食個豆腐火腩飯先！餐湯係粟米南瓜煲豬骨，煲得都幾濃味，佢話無落味精但都有少少「確」喉。而碟豆腐火腩味道係ok嘅，不過有啲偏咸，應該係個汁咸，而啲火腩都幾「岩蠶」，頭頭尾尾咁。$48套餐 一餸一飯一湯，過得去吧....最後想講...唔知點解硬係覺得有少少味精