阿媽開飯 (Closed)

今日外出太子工作，想吃個午餐，突然記起阿媽開飯，正所謂："阿媽開飯，野食健康得黎又唔是但"。阿媽開飯呢個名給我的感覺是相當親切、溫馨的，畢竟阿媽是每一個人至親的人，雖然呢個阿媽未必真是你阿媽，但她一定是其中一個香港人的阿媽(當然廚師未必真的是阿媽，可能是阿爸)。午市有6款菜式選擇，價位在$48-$50之間，我叫了一個冬菇蒸雞飯$50，本來想+$10轉太子飯(原粒粟米、菜粒、南瓜粒、沙葛粒、蛋絲)，但我隻耳又聾，見到幅圖又濛，又有我不太想吃的蛋絲，還是耍手扭頭吧。例湯倒上得很快，只是冬菇蒸雞飯等了約二十分鐘，等到我不耐煩，立即催單，催單才即上。雞件比我預期多，而且夠滑，香噴噴飯味，如果去大家樂吃同樣菜式，就需要遷就著來吃，需要幾啖飯一啖餸，阿媽開飯則一啖飯一啖餸，當然，如果這個真的是你阿媽，就變成了只吃餸不吃飯，這就是在家千日好的分別。阿媽靚湯，在整個品牌設計，不論是品牌名，抑或是餐牌內溫馨的字句，提示你在這裡可以"吃得健康...當住家飯...放心吃"。都是一般餐廳相當少打的真心牌，亦符合城市人追求健康的心態，慶幸只此一間，因為從市面上太多品牌餐廳經驗得知，如果當開太多分店時，往往就容易