無肉食 (德興街) (Closed)

一向很少光顧素食店，不是不喜歡食素，是因為很多素食店不是油多、味精多，色素又多，什麼齋魚齋肉，整色整水，反而不健康！這間食無肉第一次來，想著80元全無加一的放題，沒什麼好吃，意外地有驚喜，全部菜式沒有任何添加，炒麵、銀針粉、蘿蔔、老火湯、豆腐、菜、菇、等全部都原汁原味，也有水果沙律、甜品、糕點等應有盡有，實在太優惠了！下次試吓晚上來，食品選舉會更多！有一樣飲品：全麥汁，雖然自費$25兩瓶.值得一試

58蚊良心無肉食自助餐!🥦 (有響應過大罷工💛)第二次體驗素食buffet 今次試左呢間無肉食既午市 平日2:15後入座仲平! 60蚊唔洗!! 太抵食了🤯午市有湯 沙律 主菜 炸物 甜品糖水等等都有齊 每樣試少少 兩大碟差唔多試齊所有款 好飽😌我最中意佢既糕類! 芋頭糕 蘿蔔糕 馬蹄糕三樣都咁正!!!!😍 仲有春卷既芋頭餡 茄子 薯仔沙律 豆腐都有encore😇 不過太晏佢唔會再點refill食物 所以最好早d去🙈

個多月前相約的聚會，在風雨和交通不便下，大家排除萬難一一聚在一起，實在珍貴亂得。這數天港鐵時常閒關閉，而地面交通部份巴士線暫停或改道，令大家日常生活需要作出點點考量和改變策略由尖東步行至佐敦，為的是風雨不改的聚會！食館內有著色彩燦爛的畫作為環境加添不少歡樂感；近排心情的確受影響，謝謝這些畫作令人有一刻抒懷！第二次光顧無肉食素自助餐，第一回在北角店，這次是佐敦店，兩回的印象也非常好！食物種類多、質素好好！！！感恩食肆僱主和員工們在不安穩的環境下仍堅守崗位為市民提供有質素的食物和服務

今日放左工，去左尖沙咀佐敦一帶行下街，行到彌敦道附近有啲肚餓，本來想去莊士倫敦度揾野食，點知行錯路去咗佐敦恆豐中心後面，就發現咗依間自助素餐廳 —— 無肉食。餐廳地方乾淨簡潔，以木製傢私為主，地方尚算寬敞。有細枱可坐2-4人，亦長大枱可坐6-10人，唔洗擔心人多坐唔晒。食物種類繁多，應有盡有，款式不時更換，好似荷葉飯，炒麵，炆冬菇，炒白菜仔，亦有多種湯款，冬瓜盅，木瓜湯，小吃，煎堆仔，素春卷，炸豆腐，和甜品，綠豆沙，紫米糖水。仲有不少飲品，例如，檸檬水，橙汁，羅漢果水。雖然味道一般，但贏在食物款式多而且新鮮，而且性價比高百幾蚊食自助餐，雖然係無肉食，但學店內一句金句”其實唔食肉都係一種生活態度”，我諗我都會係之後每個月都會實踐依個無肉生活態度。整體嚟講, 第一次去素食餐廳，比我想像中好食，起初以為無肉食會唔飽，而且好dry會好悶，但原來一切都比我想像中好，包括賣相同味道。

第一次食素食放題，因為某原因，所以要食得清淡點，一入到去係先俾錢，後搵位坐，假日會貴少許，但係合理價錢經過時，已經見到好多款式有湯、炸物、沙律🥗主菜、湯、飲品等，算係包羅萬有個羅漢果茶好好飲，都飲左好幾杯，個例湯都唔錯，點心方面，包點就較為遜色，沙律都食左兩次唔錯，而蕃薯🍠如果係紫心就更吸引啦菜方面種類都有好多食到我都好飽下，生果有西瓜🍉食，我都係食左3碟左右就停左，可能早餐食得飽左點，所以都唔係好食得落下次會再想試其他素食放題大家都可以去一試

早放工同同事一齊去食素食原本都好想食肉但夏天實在太熱 食唔到下午一至星期四價錢每位$70合理價錢 入到去先比隻碟你鍾意食幾多就食幾多 不過最緊要食得晒款式都唔少有熱盤 沙律 炸物 糖品超過15款食物放係你眼前最欣賞係每一次廚房出食物都會有少少不同變相其實可試既款式更加多個人十分推介食銀針粉 唔會好油平時唔係處處有得食豆腐類食品好好味 水豆腐好滑 食多幾塊都得炸春卷及煎餃子可以一食再食一直有熱爐暖住 肉有白菜跟蘿蔔絲 好食最後必飲湯 是日係木瓜湯 甜甜地無肉湯沒有油好飲好多環境方面 個個食完都會收拾乾淨 企理環境 感覺好 下次同家人一齊食岩哂

平時大部分出食飯，餐廳大多數都是以肉為主，想真正食點蔬菜的機會少之又少。朋友提議食素，誰知道walk in 去到另一間餐廳先知道今晚好full，之前要訂位先得。於是我就提議去食「無肉食」，因為上次就跟男朋友食過，味道可以，菜式選擇都幾多既。唔知係咪落雨天，好多食客，我地大約等左5分鐘左右。眼闊肚窄的我，當然每樣自取少少試味，好食就可以encore 。不過在眾多素食中，我最鍾意係：腐皮卷，可能由細到大都鍾意食（情意結）；荷葉飯，好香，味道不錯；木瓜及哈蜜瓜，好甜，好好味。

放lunch四圍搵好野食朋友話不如試下食素啦於是搵左尼個素食放題素食經驗不多印象都係好中式什麼羅漢齋個d入到去睇到素食選擇都唔錯有十幾款有湯有飯有粥有糖水亦有不同既茶水選擇有中式亦有西式沙律前菜個麻辣木耳好正，好正宗既味道甜酸青瓜甜道岩岩好，好開胃有素炸物，春卷腐皮卷炸椒鹽茄子南瓜豆腐⋯一樣都係咁野味好食一試之後尼度久唔久成為我地食堂佢既素湯令我印象深刻幾乎次次去都唔同湯款都係咁好飲既無諗過無肉既湯都咁有味一d都唔寡絕唔會比肉煲出黎既湯差佢上菜都算上得快如果食物無左都好快會補上尼間仲有外賣素食打工仔都可以外賣，有第二個選擇呀好鐘意尼度既自律自助顧客食完要自己清好碗碟垃圾並且將碗碟放到分類箱中好鐘意尼個自律好鼓勵大家久唔久食素支持環保減少碳排放久唔久食素都可以幫助身體排毒有益身心👍🏻

一直都想試試素食, 但是試過幾次walkin都不成功, 要排隊30分鐘以上.所以今次特別提早一晚打電話預約.這間分店距離佐敦地鐵站非常近, 下午時段都見到有上班人士進食.這個自助餐種類選擇非常多, 有粥粉麵飯, 點心甜品飲品.而且店員不時棒出一碟碟食物, 食物新鮮之餘又不怕被人搶光.不過很多食物油份太多, 令人卻步. 作為素食, 健康也應該是其中一種考慮吧. 有提供不少superfood, 紅菜頭, 藜麥.相當多炸物餐廳很貼心在食物附近標示了有否用牛奶/雞蛋/辣, 我建議可以加插菜式/食物名稱和成份供參考.餐廳並沒有好像其他素食店提供齋肉/素肉, 名副其實無肉食, 想食素肉的朋友要留意了. 整體而言, 味道和款式都很多元, 環境都很好, 推薦大家來試試!

來過香港幾次，區區分店有幫襯過，今日無肉食人唔多。冷盤好過熱食，椒鹽豆腐有啲過鹹，個人 OK ，但同父母一齊，老人家唔可以食咁鹹，唔健康！希望無肉食留意下調味，素食者食得清淡 d 。🤭菜式好一般，求奇炒一碟。冷盤凍豆腐，青瓜，蘿蔔好食，杯熱茶好飲。冇咩特別，路過食下 Ok ，想食特別嘢真係唔推薦， $80 蚊冇要求。佐敦分店咁平冇咩要求來過香港食過幾間自助餐，都係自己執碗環境ok ，坐得舒服賣相可以，菜式味道一般

少肉，多菜是現時不少人認同對健康很重要，但會否吃得飽，又滿足，相信這晚沒來錯。自助素食，由取杯碟碗筷，取吃，取飲也是自己動手，最後還需放好污具才完成一餐，當然不要漏了付款。食物區在店的中央，前端冷盤沙律，一旁是熟蔬菜，另一旁是煎炸甜點，後旁有糖水，飲料，這麼多的選擇，今晚$130/位(平日還要平宜一點) ，吃90分鐘，中午也有，時間好像只有一小時。吃了兩三轉沙律菜，紅菜頭，海珊瑚 ...新鮮，可自行加醬汁。冬瓜盅湯，我飲了兩小碗，其實愛吃冬瓜。另外還有一大煲的粉葛湯，裡面還有紅蘿蔔，紅腰豆，節瓜，薑片，雖沒肉味，但清甜煎炸有春卷，芋蓉煎推，南瓜，豆腐 ....甜品是綠豆沙，稠度一搬，不太甜。說到甜品，不能不說他的招牌甜絲糖山配炸蕃薯，蕃薯外糖皮略厚，但個甜山真的很出色，有幾分像藝術品，還有時芝士撻，這晚可能奶粉味重了點。很多款不同的蔬菜，節瓜浦，豬腩肉(冬瓜整的), 還有蘿蔔糕，馬蹄糕(2位美女取不停，清甜，有馬蹄粒才好吃) 等糕點，還有炒飯，炒銀針粉(飽到沒吃到添)，菠蘿片， 種類多，必會選到你愛吃的，今晚有夏枯草(輕甜)，羅漢果水。

終於參見聞名遐邇的無肉食！近年素食自助餐開得成行成市，無肉食早在朋友間傳揚開去，可惜一直沒有機會食，這次跟幾個uncle auntie來試，大家都很滿意！早了一天訂枱，店員很貼心地安排我們坐在凹陷處的10人長枱，私隱度高又舒適。以晚市130元來說，食物款式約有20-30款，而且不斷有新菜，當中8成獲大家好評，沒有「伏野」，極其量是有人說蘿蔔太辣，所以性價比相當高。 種類豐富的前菜、沙律和涼菜，有少見的superfood藜麥和羽衣甘籃。嗜辣朋友一定要試試涼拌雲耳，調味恰到好處，酸辣好開胃！以創意蔬食為主，很少加鹽加醋的素肉，LIKE！香辣蘿蔔和惹味香菇碎茄子也是心水推介後來廚師做了這道拔絲蕃薯，好吸睛！不過打打卡好了呵呵～這裡坐得舒適，佈置頗見心思和溫馨，最適合一家大小和三五知己聚餐，最後提醒大家，千萬別浪費食物，食完自己收拾碗筷啊！

「無肉食」餐廳名簡單易明，它是一間素菜館，肉類欠奉。適逢假日應該頗多人，我跟男朋友就用OpenRice 訂座服務來預訂。我們比預定時間早了十五分鐘到，不過都入店內跟職員確認已訂座。此餐廳是先付錢（每人130元），職員安排座位，再自行到出面取餐具及食物。食後自己要執捨好，把餐具及餘物分類排放。前菜分別有：黑木耳，醃蘿蔔，秋葵，蓮藕，粟米等多種選擇。有各色各樣的素菜，炒面，炒飯，炸物。職員會不斷refill各款食物，務求新鮮熱辣出爐。飯後甜點有紅豆沙，一口芝士撻，哈蜜瓜及涼粉。在素食店都算多選擇。飲品有羅漢果，雞骨草，水及熱茶提供。我喜歡這裡的野葛菜湯，味道鮮甜，不禁再喝兩大碗。而素菜方面就實屬正常。

出面都食過素食自助餐，呢間感覺上唔錯，都算多種類食，味道質素唔錯，而且價錢都合理，整體還算好，呢間係可以試下既素食自助餐。有麵有飯。味道都唔錯，麵係比較有點油不過味道唔錯既。有唔少菜類都有提供，西蘭花，瓜類，豆類都有，味道都可以的。有生果可以食有冬菇可以揀，因為本身自己都會食下，不過自助餐食少少就夠了。飲品方面，有涼茶同薑茶揀。湯都有中西湯，粥可以揀。湯既味精感覺上比較少，湯底都有好多料，所以味道真係幾好既。糖水方面有綠豆沙同甜品。總結想試素食自助餐既不妨試下。

雖然近年嘅素食餐廳越開越多，但係對素食者來講，都係一餐廳難求😭😭😭😭難得呢間餐廳係旺角、尖沙咀/佐敦、北角呢d百物騰貴的地方，用$50/$70就可以任食自助素食午餐👍🏻👍🏻👍🏻👍🏻菜式有多款冷盤、熱盤、湯、飯、炸物，而且一直無限量供應👏🏻👏🏻👏🏻最喜歡佢嘅炸物，暖暖的、脆而唔油膩，適合一啲啱啱開始嘗試食素，或者想將素食放喺佢哋嘅生活裏面嘅朋友們啊🥰🥰🥰另外紅菜頭都係我不二之選，除左係佢的製法令到紅菜頭食啦非常容易入口，更因為紅菜頭係補血養生佳品，有控制血壓及預防貧血的作用，亦有護肝解毒、益氣補血、預防脂肪肝和減少肝硬化機會，係女士恩物😍😍😍多吃，有助補血、抗衰老💪🏻💪🏻💪🏻