無肉食 (德興街) (Closed)

那天没想到吃素食自助餐，经过德兴街时，店员走出来推销，就糊里糊塗的走进去了。根据他们说，价钱已经做了特价，午餐自助餐才80元。以前曾经在北角分店吃过，周末好像是100元，反正是便宜了。就是在附近快餐店吃快餐，也要60-70元。沙律、炸物和热菜都是分开放，东西放得很整齐。但感觉食物的种类少了，而且比较单调。主要是蔬菜类，少了一些花款菜如素鸡、素肉等等，而且水果也不多，添补得比较慢。感觉比北角店遜色，可能也是因价就货的原因。其实单以价格而论，整体是没问题，起码可以便宜的吃一顿健康午餐。

受到疫情影響 已經五個月沒回台灣了 身為一個素食自助餐狂熱者當然要試試這家餐廳以吃到飽來說 價錢可以說是非常佛心了 八十塊吃到飽 善哉善哉大廚悲天憫人 怕大家吃不慣齋菜 把素菜炒成葷菜 希望大家在重油跟重口味中細細的體會齋菜的層次 炒西蘭花 我感受到了大廚想反轉先前油膩重口的印象 淡而無味體現出西蘭花的新鮮爽脆 我佛慈悲 烤南瓜 大廚延續先前的風格 以無味主導 希望食客們能體會烤南瓜的烤味 畢竟叫烤南瓜 沒有味道是可以理解的 菜心名副其實 只有菜心梗而無菜葉 涼菜體現了餐廳惜食的好習慣 就算是有點酸 都希望大家不要浪費 糕點的擺盤也很藝術 看得出來是前天吃剩的再擺在一盤 心思不言而諭啊 揶汁西米露喝起來異常清新 不虧為一碗好水 炒麵異常的喜愛 跟我平常在小吃店買的一模一樣 欣喜之下連拿了兩次 羅漢果茶也甚是喜愛 總結 以價格為導向 還是不失為是一家良心餐廳的啊

無肉食我已光顧過無數次，主要是旺角和佐敦自助餐店，但一次食評都沒有打過，實在愧對這間服務態度如此好的食店，因此yumyum豆決定歌頌下他們！這次去吃的是佐敦店，因為在旺角店拿到coupon -$10，所以變相$60食午市自助餐，相對於食茶記都$50以上的價格，這個自助餐簡直超値。自助餐有前菜，主食，湯和飲品，我最喜歡是他們的前菜（或開胃菜）十分用心，蓮藕，木耳，紅菜頭，涼拌麵，藜麥，應有盡有，個人認為味道比主菜更好，可能因為自己較喜歡酸酸甜甜的味道😊。主菜是不同的菜類小炒，都是跟茶記的味道差不多，但面對如此親民的價格，還計較什麼？至於服務態度方面，店員看見地下有不小心跌下的菜，自助吧檯上有污漬，都會很快清理。記得在旺角店吃時，有一位店員常常叫客人“慢慢吃”，“吃得開心點啊朋友！”非常有親切感。如果有空，一定再去光顧如此有人情味的素菜餐廳🥗🍲🥦🥒🥬🌽🥑🧅🍠。

第一次食素食自助餐，唔記得book位，但假日等十五分鐘都有位，要先畀錢再入座，入面客人都唔少食物選擇幾多，蔬菜、炸物、粉麵炒飯、甜品、飲品一應俱全，但食物質素真係一般，唔係難食，但都唔係特別好食，係食完就會唔記得嘅味道而且有啲食物味道都比較古怪😂唔知食梗乜嘢咁而且環境都比較嘈吵，同坐對面嘅朋友傾偈都聽得唔太清楚因為入面都幾多人，所以有時要等一等先夾到餸，不過抵讚嘅係佢refill得都幾快，好快就有新嘅餸菜小建議係可以喺餸菜隔嚟標明係純素定奶蛋素，咁就可以方便唔同素食朋友喇～

It costs 130HKD/head without 10% service charge on Saturday and Sunday with 90mins buffet. It is a self-served style buffet which you pay before you dine, and you will go get your dishes by yourself around the buffet corner. After finishing you dish, you will have to return the dirty plates and leftovers at designated boxes as well.星期六日收費130HKD一個人, 90分鐘, 唔洗加一, 全自助形式, 在入座前要先付款後用餐,再到自助餐區夾餸. 食完用過的餐具及剩菜要自行收拾放到指定收集箱.They got a large variety of food and there's always something that you will like! Inc

朋友心血來潮，話要去冇肉食試吓食下齋，一直都係食肉獸嘅我，都要放低一啲心理包袱。但係睇到OpenRice啲相，覺得選擇都幾多，所以都係去試吓個自助午餐。係好熱嘅一日，所以去到都係食好多涼嘅食物，例如凍蓮藕，沙律，雲耳，冷麵等等，再加上一杯羅漢果水，解下渴。當然都會試吓佢哋嘅炸物，春卷，腐皮卷，炸豆腐，都好好食。我好意外我唔太抗拒一啲齋菜，食咗好多菇類嘅食物，其實本身我都好鍾意嘅。最後我飲咗碗紅豆沙再加一碗涼粉作為甜品，好飽好滿足， $80嘅自助餐其實都幾抵食。

最初是被這間餐廳的的餐牌吸引，套餐的第一項就是「未來漢堡」，在其他餐廳食要百幾元，但這裡比較便宜，還連半自助餐。結果我們沒試未來漢堡，反而吃了素pizza 和咕嚕肉。最驚喜是咕嚕肉，如果盲測，可能真係唔知係素食，味道、咬口和外觀，均和平時吃的咕嚕肉一樣。至於pizza，什菌比想像中少，又有菠蘿，未必啱所有人口味，但勝在份量夠，比一般的一人pizza大。半自助餐主要是沙律菜和少量炸物，可能是因為午餐。紅菜頭湯也好好味。今餐消費$180（二人）。

今日同朋友下午茶時間想食素，黎左呢間舖頭🤤原來佢哋做緊特價，一個人只係要$50!!!一嚟到門口見到無肉食個肉字原來係塊葉☘️嚟，好特別😝入到去第一樣要做嘅嘢就係探熱，確定大家冇發燒俾咗錢就可以自己揀位坐低! 呢樣野都做得幾好咁大家就唔使擔心食緊飯旁邊嘅人原來發緊燒🥺🥺亦都會提我地食完之後要自己執番啲餐具🍴可能因為已經係下午茶時間，所以嘢食種類唔算太多，但整體都好食嘅！尤其係幾推薦春卷，入邊係芋頭碎，幾好食！仲有佢哋嘅麻醬豆腐同埋茄子四季豆等等，全部都好入味🤤唯一一樣就係覺得有啲太油，食完成個碟都係油😭😭總結:性價比高，嘢食平得來又好食😋唯一一樣就係要自己執返啲碗碟，不過食完自己有首尾都未嘗唔係一件壞事呢！

朋友想食飯，竟然想約食素食，我平時最怕就係啲扮肉嘅假齋，又唔似肉又唔好食，但朋友極力推薦，就去試下呢間素食自助餐。一入門口首先比錢（星期五晚$128），環境都算闊落，我同朋友兩個人可以坐四人枱慢慢食。大約有三十盤食物任揀，由沙律、涼菜、中式菜餚、飯麵、煎炸野，到湯水、甜品都有，選擇都幾豐富，而且都係以菜/生果為主，無過重調味。飲品除左水，仲有羅漢果茶任斟，感覺都幾健康。個人好鍾意紫米露，又香又唔會死甜，即使食到好飽都忍唔住Encore多碗。如果偶然想食少啲肉，呢間都係唔錯選擇。

成日係ig見到d素食buffet好似好吸引咁 我地咁岩經過排唔到壽司郎就去左食呢個😂😂·假日lunch time buffet $80呢個鋪頭係少d花巧野既 真係以蔬菜為主 但係都好食既 可以係假日清下腸胃😈我最鍾意佢個蛋散 做得超出色 個椰子湯都好好飲😍😍·📍佐敦德興街8號地下📍旺角洗衣街88號2樓📍北角堡壘街10-16號華曦大廈地下B舖

最近光顧的黃店絕大部分都是第一次幫襯，今天這間卻是舊相識了。無肉食三間分店我都去過，當中以旺角分店最好坐，食物質素則三間也不相伯仲。跟以前相比，現時的食物總類較為普遍，都是一般的菜呀瓜呀菇呀沙律呀等等等等，不過整體水準還是不錯的，當中推介必食三寶包括：1. 凍豆腐和椒鹽炸豆腐2. 麻辣木耳和牛蒡3. 煎堆仔另外，今天供應的西洋菜湯也令人頗為驚喜，想不到無肉的菜湯都如此鮮甜。至於牛油果籽茶則新鮮感十足，不過味道就很普通啦......午餐的用膳時間為 75 分鐘，飽餐一頓後，基本上整天也不再有餓意，又是非常抵食的一餐😆😆。

最近每晚都去支持黃色小店，而無肉食是我過去經常幫親的良心小店，最重要是佢地都係黃色經濟區，仲要平靚正，當然都要去幫親下佢地。以前每晚都座無虛席，呢加得番3 4成入座率。有問後生店長，佢都話生意大跌影響好大。我6點半入座，店長都話除非有人排隊，如果唔係都可以坐到關門，岩哂我同朋友聚舊慢慢傾計。食物方面，雖然人少左，但味道依然出色，仲有好多以前未試過送菜，睇得出佢地在這困難時刻亦都用心去做。 特別最近天氣凍，新出既薑醋蛋真係一流。希望咁多間黃色小店都可以同香港人一齊捱落去，大家一齊支持小店。

環境：個地下痴笠笠。食物：好似款式，仲要有空爐，兩款主食都唔得，炒飯有怪味，星州炒米椰菜多過米粉 米粉乾&，硬到好似未煮過咁，菜 白烚 冇味 黃，連野飲 薑茶咁簡單都要開粉，1:100咁 冇味 ，全部好難食，食左半個鐘都冇就走

呢一間素食自助餐屬於新派，唔係剩係得烚菜炒菜煮下節瓜茄子豆腐嗰啲，我最欣賞佢嘅沙律吧同埋佢啲油炸食品（冇錯，大家千祈唔好以為素食一定健康），我覺得佢各樣野味道都唔錯，當中最鍾意嘅係佢啲炸嘢，包括春卷、蔬菜天婦羅、蛋散等等，另外佢嘅煎蘿蔔糕同埋馬蹄糕都好食，仲有一樣野都幾好食，就係佢嘅薯仔沙律，真心推介。其實依家約朋友出街食飯，尤其是食晚飯，最少每人都要$150 ，就算去茶餐廳食可能都要每人$70至$80，所以點解我話呢一間素食自助餐抵食就係咁解，星期一至四晚餐每位$108 ，星期五先至加多$20。另外我想講千祈唔好諗住食齋會平，你去齋舖試過就知道。

今次係我第三次黎食，比起第一二次，菜式普通左好多😞之前有麻香味好重嘅芽菜炒豆腐、椰奶味香濃嘅咖喱芋頭等，都係一D我係其他新派素食buffet冇見過嘅😋😋但今次黎，呢D算係比較特別嘅菜式都冇左，全部熱盤都係好家常嘅菜式、味道亦係好家常，令人冇乜衝動夾黎試試，莫講話再次幫襯🤔🤔好在今次都仲有炸蛋散，好味不過唔係呢間野整得特別出色美味，只係我個人鐘意食炸蛋散XP我三次都係黎食Lunch嘅，我見佢2:15 定 2:30pm 開始有下午茶，D野食同Lunch一樣嘅，但係去到3pm左右就唔會再refill任何食物，所以諗住食下午茶嘅，記得早D到啊🏃🏻‍♀️🏃🏻‍♂️