小火焰韓式咖啡廳 (樂富廣場A區)

Open Now

Now Closed

今日嚟到樂富廣場既小火焰韓式咖啡廳，入到門口，侍應已經好積極咁歡迎同帶位，態度幾好啵！店面地方好大，大把位坐，私隱度亦十分足夠！好多時諗住韓式餐廳就係食炸雞啦？但呢度既食物種類比想象中又豐富得多！我地就各自嗌咗一個午市套餐試一試佢！（順帶一提，呢度都係用QR Code落單架，仲提供免費wifi，記得帶定電話嚟！）我就叫咗一客「酥炸黑豚肉拌飯」（$62），睇個賣相就覺得好惹味！豚肉十分鬆脆，有咬勁，配埋椰菜絲上面既芝士醬同粟米蓉，味道超級豐富！底下既拌飯係有紫菜配搭既，成個飯多重滋味，又食得飽，好值得試！我朋友就揀咗「泡菜醬燒黑豚拌飯（辣）」（$68），雖然餐牌寫明係辣，但泡菜辣度唔算好高，食開小辣既朋友都可以頂得住，而醬燒黑豚肉同我果個比較更加軟熟，差唔多入口即溶，口感好唔一樣！加埋啲配菜，成個飯既味道好平衡，亦唔會覺得膩！小食方面，我地加咗一客「芝味雞粒」（跟餐加$15）同「泡菜餃子」（跟餐加$10），前者既芝士醬好香，份量都唔少；後者偏辣，食得辣既朋友可以一試！我地不約而同嗌咗「凍咖啡」（跟餐加$3）飲，畢竟係咖啡廳嘛！咖啡大大杯，都好香濃，整體嚟講不過不失啦！最後，我地加咗一人一

一去到呢間餐廳嘅第一個印象就係佢個門口同樓底都好高！一去到張枱已經擺咗一大疊嘅餐牌，我同朋友淨係睇嗰疊餐牌都睇咗好耐先揀到自己想食乜嘢。朋友點左鰻魚烏冬套餐。本身係蕃茄湯，朋友就改咗豬骨濃湯。佢話個湯唔濃豬骨味，但係個鰻魚就好好味。我就點咗韓式芝士炸雞。一份食唔晒所以點咗半份。半分炸雞有四大塊，我一個人都食唔晒，要同朋友share。芝士醬同芝士粉味道濃郁，雞塊本身都好有味，炸得好香脆。朋友嘅午市套餐加錢點咗杯紫薯拿鐵。紫色嘅latte好靚，有淡淡嘅紫薯味. 呢杯曲奇朱古力沙冰特飲就真係好驚喜。一上枱嘅時候見到咁大嘅size同咁靚嘅外表就「嘩」咗一聲。就咁飲啲朱古力沙冰就冇乜特別，要一路食佢上面嗰塊Oreo餅乾，一路飲沙冰。好似食緊曲奇餅雪糕咁，好味好多。除Oreo餅乾外，上面仲有一條朱古力餅乾條，一啖餅乾條，一啖朱古力沙冰特別滋味。杯沙冰真係好大，其實淨係飲杯沙冰都可能會飽。

好耐冇出嚟堂食，今日就趁住得閒同女朋友放工之後嚟到樂富嘅小火焰韓式餐廳食飯，本身都有上網睇過佢嘅相片，見到食物都好吸引，所以就去試下。一去到見到佢嘅裝修好令人舒服，店舖面積夠大，座位唔會太迫，而且亦播住耳熟能詳嘅韓文歌，店員亦都好快咁安排到我哋入座。我哋叫咗個弘大二人套餐，頭盤揀咗醬油蝦，佢嘅蝦好大隻而且好入味仲有豐滿嘅蝦膏，令人一試難忘。之後叫咗個豬手沙律同埋芝士炸雞，芝士炸雞嘅芝士味10分濃烈，而且好大嚿，食完都已經開始有少少飽意。主菜就揀咗雪花牛骨湯同埋豬肋骨泡菜炒飯，兩個主菜嘅份量都好多，我哋最後都食唔晒，而且佢仲有甜品食，窩夫亦都好脆。整體來講都好滿意今次嘅晚飯，因為份量豐富，而且味道亦都不錯

久違既韓國餐廳🤤二人餐有兩個選擇可以揀🙈前菜一一醬油蝦+三色前菜韓國餐廳必備泡菜，酸酸甜甜做開胃菜啱晒。蘿蔔同海帶都醃得夠味🙆‍♀️醬油蝦有兩大隻好肥美夠鮮甜。試過分開食每樣嘢同一次過溝埋曬食，後者感覺正啲🤤豬手沙律雖然係作為前菜沙律，但份量一啲都唔少，豬手有成五六塊左右，軟硬度啱啱好唔會太難咬，菜睇落同食落都夠新鮮。芝味炸雞呢個真係超正🤩一上菜已經聞到勁香濃芝士同炸雞味，佢芝士有芝士粉仲有芝士醬真係好邪惡但真係好好味😭個外層勁脆然後入面肉好嫩又有汁，半份真係唔係好夠喉，下次黎要另外再叫一個全份嘅黎食🤤食炸雞仲好貼心咁有即棄手套唔怕整污糟手👍雪香牛骨湯鍋雖然係夏天但永遠見到熱辣辣冒曬熱氣既野都覺得特別肚餓🤤成個鍋又係勁大個，入面有成四五舊牛仔骨仲有豆腐粟米仔菇最底仲有粉絲，湯底唔會太鹹，配料比例ok，粉絲多到最後食唔晒😂拉絲芝士泡菜炒飯另一個邪惡好味之選😈用料真係一啲都唔孤寒，有三大舊豬肋骨勁多芝士同醬仲有粟米粒，足夠包曬每一粒飯🙈炒飯味道因為有BBQ味醬所以偏甜少少唔會好辣，份量足夠食三個人😂香蕉朱古力窩夫最後緊係有甜品收尾，望落好似好多糖霜，但食落去其實唔會太甜。窩夫食落暖暖地偏軟身

周日去行Apita，掃貨前要先食飽在樂富廣場見到呢間韓式餐廳，翻翻menu好似幾抵食，就入去試下餐廳入面貼滿了Anson Lo 😂😂光線明亮，座位寬敞舒適午市有多款set lunch，而且即使只叫一客套餐，也可上優惠價追加多於一款的小食主食：甜薯咖哩燒牛扒飯（餐：$68，凍檸茶+$3）咖哩偏向日式咖哩的味道，牛扒薄切，有少少筋，但整體易咬夠腍加配：辛辣小杯年糕（$10）煙煙韌韌，少少辣，甜甜地，幾開胃加配：迷你溫泉蛋蟹籽沙律（$15）溫泉蛋處於半流心狀態，沙律面上灑上了芝士粉，撈起來吃很不錯加配：芝味雞粒（$15）少少乾身，十分香脆，啖啖肉炸雞Combo($88)有薯條、辣炸雞和炸雞軟骨。最驚喜是薯條，這兒的醬汁是帶有甜味的芝士醬和芝士粉，一條接一條，最快清碟！雞軟骨好脆！而辣炸雞不太辣，是甜甜的那一種，即使沾滿了醬汁，雞皮仍保持到脆卜卜👍🏻愈坐愈多人。午市沒有加一，兩個人試了多款韓式小食都是$199，抵食之選

呢排睇得多韓劇就好想食韓國嘢。以前去開觀塘分店，今次第一次喺樂富，感覺仲舒服。可能去到未夠六點，所以唔多人可以即刻有位。太耐無黎，原來而家可以用電話落單，方便好多。而且餐牌都有啲轉左，好彩有我想食嘅水冷麵！款式選擇多咗，搞到有啲心大心細。不過今次一早決定好食水冷麵，所以就唔考慮其他選擇住。雖然之前食過呢間餐廳幾次，但都冇食過水冷麵，好彩完全冇令我失望！份量十足，魷魚就彈牙唔會太韌咬唔開。仲有啲蘿蔔同青瓜絲伴住食，小小辣好開胃。另外今次仲試咗個炸紫菜卷小食，非常驚喜。入邊係韓式粉絲，即叫即炸，味道好好，唔需要任何醬汁都好好食。其實佢其他菜色，特別係甜品都好吸引，唯有下次等多啲人嚟先可以一齊試到多啲款式。

今日去左樂富分店食晏,天氣咁熱見到又有雪花冰食 好吸引, 店入面採用QR CODE落ORDER 好方便, 本身見二人餐好抵 不過太多野食怕食唔哂 最後就簡返lunch set-豬五花炒粉絲 $68豬肉唔會太肥太瘦 岩岩好! 肉同其他配料都唔會少 味道都唔錯, 另外可以加$16叫跟餐小食 叫左忌廉蟹肉餅 即炸 外脆內軟-牛肉石鍋飯 $108色彩繽紛 好足少黎到個陣店員好貼心咁問洗唔洗幫我地撈埋佢, 韓式辣醬會另外上, 可以自已簡落幾多, 配料有牛肉、芽菜、冬菇、蛋絲、雞蛋、紅蘿蔔, 口感好豊富 等耐少少仲有飯蕉 正啊! 不過份量好大 自已一個食唔哂.-藍柑白桃梳打 $38超大杯!! 不過味道就偏淡 當梳打飲都OK-草莓3.6牛乳雪花冰 $88大熱天時就緊係要食個雪花冰, 雪花冰配上曲奇雪糕、芝士蛋糕、草莓醬同草莓 淡淡都草莓味 正!

今日去左樂富食LUNCH, 店入面坐位寬闊 坐得好舒服店入面都係用QR CODE落單 十分之方便!-牛肉石鍋飯 $108上菜時店員好好會問洗唔洗幫我撈下佢先 因為上菜時D牛肉都係生生地既 同埋餐牌都有溫韾提示 要牛肉同石鍋緊密接觸閒置3分鐘先好食 幾貼心, 另外會附上韓式辣醬 份量都幾多 可以自行決定落幾多, 味道都好食 都正宗-豬五花炒粉絲 $68可以叫小辣 配料都十足 肉都唔會話太少 味道都唔錯, 另外可以跟餐加小食 我地就加$16 叫左忌廉蟹肉餅, 味道普普通通-曲奇沙冰 $48超大杯!! 味道唔會太甜岩岩好 鐘意朱古力既人可以試下!! 不過要留意沙冰溶得比較快-草莓3.6牛乳雪花冰 $88密綿綿既雪花冰配上草莓醬、曲奇雪糕、草莓同芝士蛋糕 正啊, 不過雪花冰味道冇乜牛乳味 要靠配料搭救 不過天氣咁熱 食雪花冰真係爽

近期韓風流行，形形色色嘅韓式餐廳周圍都有唔少。今次黎到樂富商場既小火焰同朋友食dinner.石鍋蟹籽彩雲拌飯：顏色賣相好靚，而且都幾大碗，蟹籽好多，撈埋辣醬，令人不知覺愈食愈多。泡菜茄子炒粉絲，平時食韓式炒粉絲就食得多，加埋泡菜同茄子就真係第一次食，食落又一啲都唔差，反而多種份惹味。炸紫菜卷： 炸到好香口，幾唔錯既小食！韓式原味炸雞：個人比較喜歡呢種炸法，唔會太多炸粉，雞肉仍然保持嫩滑，唔會鞋拾拾！

是日突然之間好想食韓國菜，於是約左朋友黎樂富呢間小火焰食晚飯。餐廳係商場入面，位置都方便，而且餐廳樂寬敞，座位坐得幾舒服。餐牌食品選擇豐富，都要花少少時間研究吓先決定到。如果唔想傷腦筋嘅朋友，可以選擇佢嘅二人餐或四人餐。朋友有啲菜式想食，所以我哋最後決定散叫。主菜叫咗石鍋蟹籽彩雲拌飯，五顏六色，睇到都好開胃。另外韓式炒粉絲加左泡菜同茄子，食落去又多左層口感。小食方面，試左佢既原味炸雞同好少見到既炸紫菜卷，都一樣唔錯啊！

今晚同咗一位朋友入嚟食嘢店員都好有禮貌咁帶位仲好歡迎我哋自己揀位坐低我哋叫咗三樣嘢食雖然就咁聽個菜名好似好普通咁但係食落真係好大驚喜- - - - - - - - - - - - - - - - - - - - - - - - -1. 脆米豬手沙律豬手咬落爽口彈牙仲食到加咗啲脆米好有咬感配埋個沙律醬成個感覺都好開胃2. 石鍋蟹籽彩雲拌飯望落色彩繽紛咁樣就知材料有幾豐富中間啲蟹籽仲要咁多又好大粒仲有另上韓式辣醬怕辣嘅話可以加少啲啲拌完個飯 食咗一啖完全感到幸福 ♡因為⋯ 有飯焦啊！3. 酥脆蘑菇雞翼佢唔係普通雞翼咁簡單裡面係有加邪惡嘅芝士啊咬一啖啲肉汁咇晒出嚟裡面包滿蘑菇同芝士口感真係超級豐富

同同事去開樂富做嘢，lunch決定去附近商場搵食🍽️見到呢間韓國餐廳就決定試試🇰🇷🌟明蝦水冷麵（$80）見到用水冷麵呢道菜式，就決定叫佢解解暑🧊湯底用上鮮甜嘅蘿蔔湯，非常清爽冷麵麵身彈牙爽滑，有嚼勁🍜配上鮮甜可口嘅明蝦🦐車厘茄🍅水煮蛋🥚夠曬豐富🌟泡菜鰻魚燒拌飯（$78）鰻魚肉質軟嫩，夠曬大條🐟魚肉吸收曬鹹甜醬汁，拌飯一流加埋清脆的紅蘿蔔絲🥕大豆芽、紫菜絲更加香口所有lunch set都配有熱飲，我地另外再加左兩道小菜同甜品～🌟泡菜（+$15）炎炎夏天，食番Ｄ爽口香辣嘅泡菜更加開胃而且配飯配麵都好夾👍🏻🌟甜辣韓式炸雞（+$12）炸雞肉嫩有汁，唔油膩🍗醬汁偏甜，辣味唔算明顯🌟3.6牛乳奶凍（+$10）奶凍滑溜creamy，牛奶味香濃🥛餐廳座位闊落，坐得舒服而且用電話落單，方便又衛生🤓

建議：溶岩芝士記得快打卡就要即刻食 🤣🧀係前個排先知道#小火焰 原來係樂富都開左分店，終於約到Fd子一齊去一戰晚市😂 之前一直都係食開觀塘店，不過人多既時候真係要等好耐先可以入座 （有興趣可以睇番#fifthfloor_觀塘 ）😎樂富店既位置唔算太難搵，係商場A區，Uniqlo 一直向商場行入去就見到。等既時候人唔算太多，舖面大過觀塘店，位置闊落啲👍🏻今次試左：🐔主食▫️蟹黃炒准山麵 (HK$108)▪️蜂蜜提子脆米炸雞 (半份 HK$108)▫️溶岩芝士炸雞麵包 (HK$188)今次試左2️⃣款炸雞：#溶岩芝士炸雞 🐔 同#蜂蜜提子脆米炸雞 🍯 先講下溶岩芝士，依款係平時必點Item，記得要襯熱即食先會做到拉絲效果🧀 而農夫包入面主要係白汁，如果芝士既比例多少少應該會更好😋 白汁咸味比較重而且杰身，加埋炸雞件就有少少偏咸。整體既擺盤都算係幾靚，除左炸雞，仲有沙律同#Doritos 🧀另一款既炸雞就揀左半份4️⃣件既蜂蜜提子脆米，食落蜂蜜既味道有少少唔天然偏死甜，搶左雞肉本身既味道。而脆米反而係幾好既配搭，增加左脆口度。如果份量多少少更加平均，應該會係加分位👍🏻反而今次首試既#蟹黃炒准山麵 有驚喜，

小火焰韓式咖啡廳 (樂富廣場) ♡︎𝗗𝗘𝗦𝗦𝗘𝗥𝗧 & 𝗦𝗡𝗔𝗖𝗞𝗦♡︎餐廳也提供主食$88 芒果布朗尼3.6牛乳雪花冰💚ᴍᴀɴɢᴏ sɴᴏᴡꜰʟᴀᴋᴇ💚🍨甜品吸晴，最頂就擺咗個芒果雪糕🥭，有布朗尼同芒果肉，芒果汁都倒滿成個碗。底下擺咗牛奶雪花冰🧊。食落好泳涼，芒果汁令甜度十足。🍫布朗尼唔算煙韌，比較軟身。芒果肉甜，都俾得足夠。📝店舖環境好寬敞，裝修靚，果日我地星期六中午去食，唔會太多人，可以慢慢坐。食物：7.5/10環境：9/10性價比：7/10📍樂富聯合道198號樂富廣場A區1樓1171-1179號舖#mango #mangodessert #mangosnowflake #ice #summerfood #dessert #brownie #fresh #hkfood #hkfoodie #hkfoodblogger #foodhk #hkdessert #foodporn #foodie #牛乳雪花冰 #雪花冰 #冰涼 #芒果冰 #芒果甜品 #香港美食 #樂富美食 #飯後甜品 #甜品控 #打卡cafe

今日嚟到樂富食晚餐，揀咗一間韓國餐廳，唔係傳統正式嗰種韓式菜，係有啲fusion菜嘅感覺。類似係日本同韓國嘅混合。😋叫咗個照燒雞扒蕃茄湯拉麵，係日式嘅感覺，蕃茄湯味道濃郁，雞扒亦都燒得好香，配菜仲有木耳絲同粟米，整體口感幾豐富。拉麵用咗幼麵，所以比較掛湯，食落去每一啖都充滿蕃茄味。🍅另外仲叫咗個鐵板野菜，菜嘅款式亦都非常多，有椰菜粟米仔翠玉瓜紅蘿蔔同紅椒等等，炒得好有鑊氣，蒜蓉味好香，而且一直用鐵板熱住，唔會好快就到。🤭韓國菜式方面就叫咗雙重芝士炸雞同埋燒牛肉水牛芝士沙律。水牛芝士成個氣球咁，玩味感十足。🤣