小火焰韓式咖啡廳 (樂富廣場)

Open Now

Now Closed

雞翼d肉柴到傻，野菜鍋d湯只係得番茄醬味，年糕又軟又淋講真難食都算，仲要咁貴，兩個人埋單差唔多$300只能話真係忍唔住要上來comment一下等大家知道唔知咁多好評係點刷出來的但係真係請我食都唔會再去

我去買外賣，問個餐有無得加野飲，果個收銀網紅開住個live，又唔知個餐有無得加野飲，叫人來，人地話無得加野飲，佢又嫌我煩，黑我面！搞到我想加餐都唔加了！以後見到佢做收銀，都唔會走過去買了！

Intro: 樂富商場都幾多野食，呢一次見到地下有一間韓國菜，裝修都幾靚，仲會播住唔同出名韓國組合嘅歌；雖然晚市嘅一人套餐有少少貴（要加一），但整體嘅味道都唔錯～___________________🍽 豚肉雜菜鍋（配飯/沙律）💰 82 （須加一，+$5配紫菜飯）⭐️8/10✍🏻 豚肉嘅肥肉唔多，而且數量多，肉質彈牙又味道唔錯；✍🏻 雜菜嘅數量多，有椰菜同熟洋蔥，仲有唔少吸左湯嘅粉絲，湯底帶點辣又香，真係好飽；✍🏻 仲有個紫菜飯，攞黎送豚肉鍋一流；而沙律新鮮程度一般，落左好多醬；🍽 燒烤套餐（配紫菜飯/沙律）💰 98 ⭐️8.5/10✍🏻 燒烤餐有幾塊牛、椰絲、菠蘿同牛油；✍🏻 啲牛肉真係好靚，攞黎燒就岩岩好，肉汁好夠又彈牙，醃料都岩岩好；✍🏻 菠蘿真係好甜，燒埋更加正；✍🏻 紫菜飯係免費加配，提升左鹹香味，減低燒肉嘅油膩感；🍽 韓式煎餅💰 +15 ⭐️8/10✍🏻 韓式煎餅有兩塊，唔算好油，味道唔錯但餡料道無乜，食得出有啲芝士味。🍽 辣醬炸雞💰 +20 ⭐️7.5/10✍🏻 辣醬唔算太辣而帶點甜，好夾炸雞嘅味道；✍🏻 炸雞嘅口感唔太油膩，肉汁夠。🍽 朱古力雪糕窩夫💰 +20 ⭐️5/10✍

午餐~大醬牛肉粉絲窩与同事一起乘地鐵往樂富搵食,去試下韓式午餐,我選了大醬牛肉粉絲窩配白飯連熱㗎啡,熱騰騰的石頭窩盛載豬骨湯底 肥牛配粉絲,在秋涼甚至冬天必選保暖的午飯。

上次叫咗個芝士薯條同韓式甜辣炸雞，兩款都好好食🤤 芝士薯條外脆內軟，面頭除咗有芝士醬外仲有芝士粉🩷 甜辣炸雞4大件，每件仲連一條年糕仔🤣 甜辣味調得啱啱好🙈 好食！

之前喺觀塘曾經食過小火焰今次嚟到樂富咁啱見到所以去食返個lunch😝不過打食評先知 原來觀塘嗰間已經結業🥺之前見到係晚餐嘅時候觀塘果間一直都好多人🥺雖然樂富呢間係食晏時間都見到有人排隊😝- 大醬牛肉粉絲鍋牛肉嘅份量唔多 入面仲有好多洋蔥 菜 粉絲不過我幾鍾意個湯😝用嚟撈埋啲飯好好味🤤另外加$3叫咗一杯凍檸茶😝- 拉絲芝士烤豬肉伴泡菜炒飯十分多芝士 而且啲肉仲好淋身添😝啲紫菜配埋個泡菜炒飯 做得都唔錯🤤

昨日下午茶時間去樂富廣場這個店位置很好找餐廳面積大，唔擁擠點左牛肋骨拌飯：牛肉好滑嫩辣度剛剛好，醬汁亦好吃配餐還有一枚雞蛋羹同咪飲品價格都幾划算仲點了一份牛油雞翼，翅中都好大隻，多汁好味下次還會來試下其他嘢這個廣場係第一次來，周圍很多店鋪都好逛仲有超市，家居店，街市及各種麵包店，藥店逛了整整一個下午還有周圍交通很方便，近地鐵站，巴士總站，小巴站，還有很多小朋友的娛樂設施在露天廣場，周圍住的居民都幾幸福喔

自從大圍果間無左只可以過嚟樂富食呢個超邪惡拉絲芝士烤豬肉伴泡菜炒飯（小辣）係我必點之一芝士多濃另外有個燒烤醬撈埋一齊食真係不得了泡菜燒牛扒拌飯（小辣）牛扒有牛味唔會太un泡菜唔會太咸同紫菜撈埋一齊食真係想飛轉韓國甜薯咖哩雞腿肉飯（小辣）甜蕃兩粒剛剛好太陽蛋蛋汁撈飯加埋日式咖哩好有媽咪整既味道有時會配牛奶奶凍～好香奶味都幾滑野飲大多叫熱咖啡多奶（有小曲奇跟埋多數比較甜），有時會揀蜂蜜紅棗/柚子茶（凍）同老公嚟就會叫二人餐～

用外送app叫外賣，一共叫左兩個餐。一個下面呢個$88《大醬牛肉粉絲鍋》跟個白飯，加$3凍飲。個盒就咁用返長方形膠盒，份量偏小，個湯底係平時食即食麵既味精粉，超級失望邊值$88？？？？味道都ok,唔會煮到過晒龍，瓜菜都新鮮，但就咁用味精湯真係接受唔到，同埋食完唔飽。另外叫左個下午茶餐，《泡菜黑豚飯》$63，加$3配凍飲。呢個豬好似叉燒，幾好味，又唔會太硬，岩岩好，好味過個大醬湯好多倍，泡菜就唔辣又唔酸偏淡味。兩個餐都配柚子蜜，係凍飲，但係如果另外先用熱水溝開個柚子蜜調配下，先再落外賣杯會好好多，而家就咁凍水完全沈底唔溶，杯飲品仲要唔滿，好求其。外賣app有優惠先幫襯，除返開每個餐四十幾蚊，叫做ok，如果正價就完全唔推薦，我唔會考慮佢，可能堂食會好啲。

朋友突然間想食韓國嘢，又book唔切枱，我哋決定嚟樂富餐廳。於晚間人潮唔多，我哋可以輕鬆咁坐低悠閒地享用美食。 餐廳內播放住熱門嘅韓國音樂，令成個用餐環境更添韓國風情。 餐牌上嘅餐牌同餐廳嘅裝飾都相當吸引人，充滿住豐富多彩嘅色彩。⭐️ 醬油水母 $32水母其實就是海蜇，這道涼拌海蜇配上撒上少許醬油、芝麻和青瓜絲，成為了一道清涼的前菜。 是普普通通嘅一個有味海蜇。⭐️ 柚子蜜糖雞翼炒年糕 🌶️🌶️ $78接著，我們品嚐了一道普通但美味的蜜糖雞翼，加上柚子醬更添風味。年糕的做法也不錯，口感彈牙有嚼勁，份量適中，稍不留神就會食得一乾二淨。⭐️ 泡菜肥牛炒粉絲 🌶️ $78喺今次嘅餐點中，炒粉絲表現最出色。 它散發住香氣，搭配上肥牛嘅脂肪香味同痠甜嘅泡菜，粉絲本身都更加厚實有嚼勁。 食落去，口感豐富，讓人忍不住想一啖接一啖。⭐️  韓式蟹籽卷蛋 $68卷蛋嘅味道都唔錯，內含蟹籽、醬油、沙律醬同其他配菜，炒得滑嫩可口。 不過，如果考慮到一盤需要六十多元而只有四塊蛋，單價廿多元一塊，性價比就有點不划算，還不如自己在家煮來得合算。⭐️ 松露曲奇脆脆3.6牛乳雪花冰 $78非常失望。 松露奶油與雪花冰嘅搭配完全不協調

#搞串個pantry追開我哋 nofoodpantry 都知，我哋一食嘢就要食得到位，一定要有甜品🧁做收尾。今次就去到一間#大圍 、#樂富 、#觀塘 都有分店嘅韓國菜餐廳🇰🇷，而呢度有好多餐點都係重芝士🧀，可以滿足到一班芝士狂迷！今次我哋就嗌咗熔岩芝士炸雞麵包($188)🥯、燴牛肋淮山麵($78)🍜、爐板燒布朗尼($88)🍰。喺香港食韓國嘢，普遍都貴💸，呢間餐廳都係偏貴嘅。熔岩芝士炸雞麵包🌟🌟🌟🌟一堆煮溶咗嘅芝士🧀，用麵包裝住，望落幾特別。炸雞大小適中，食嘅時候，一嘢浸落啲芝士度，都幾過癮㗎😍！！炸雞外皮嘅酥脆程度剛剛好，肉質算鮮嫩。味道方面，浸完芝士之後，滿滿都喺芝士嘅味道，鐘意嘅朋友，一定會鐘意😝！！燴牛肋淮山麵🌟湯底係番茄濃湯🍅，除咗有淮山麵、牛肋之外，仲有木耳絲、粟米粒🌽。淮山麵嘅量好多，湯顯得較少，所以望落成碗嘅觀感唔多好。番茄湯似用濃縮湯底開出嚟，而牛辣嘅口感都唔係咁好，有啲爛爛地嘅感覺🧐。爐板燒布朗尼🌟🌟🌟🌟連同一個小火爐一齊上，擺放得好精緻🤩，非常適合打卡！布朗尼嘅口感唔會好厚實，好鬆化，有好濃嘅朱古力味🍫！混埋雪糕同埋朱古力脆片一齊食，勁正🤤！鐘意芝士，鐘意甜品嘅朋友

叫左個二人set 望落去好似幾抵食咁前菜有醬油蝦及豬手沙律 味道都唔錯 豬手軟稔入味炸雞都炸得幾出色 咬落去有好多肉汁不過個海鮮鍋味道較淡 較為遜色 甜品waffle 也未夠鬆軟 偏乾及硬

比較特別的韓式餐廳有別於一邊一般傳統的韓式餐廳，他們除了非常地道的韓國美食之外，也有一些感覺西式一點的食物，將客人等有很多的選擇 而且裝修非常有特色，今天叫了一個石頭鍋飯 非常好味鑊氣很重非常好吃另外叫了一個意粉，這個意粉偏向西式，味道很特別，最啱一些不止是愛韓國食物的朋友，也不會悶到這裏還有很多其他小食今天沒有點太多，剛剛好就夠了，這類飲品亦都非常豐富我也想了很久才決定買哪一款，因為選擇實在太多了，哈哈，除了外表美觀味道也不錯，很方便地鐵站上去商場就是。

平時炸雞就食得多，但高質素嘅炸雞，老實講，真係唔太多。印象中好似成日都要搵好耐甚至排好耐先有餐好食嘅炸雞，難得老友帶我去樂富一間尋常商場度覓食，竟然有高質炸雞，實在喜出望外。我地首先叫咗個炸紫菜卷，平時我對紫菜麻麻，但呢個我係真係好鍾意，因為炸到鬆化嘅紫菜外層同入邊軟Q有咬口嘅粉絲配合到天衣無縫咁，口感一流又好香口。之後就係重頭戲——麵包芝士炸雞！炸雞嫩滑juicy，完全唔鞋，同拉絲芝士超夾。另外仲有個薯角都勁好味，薯仔味好出，個人認為炸雞配薯角或者畀芝士浸到軟綿綿嘅麵包都一樣咁好味。佢嘅嘢飲同甜品都好出色㗎。我地order咗一個芒果雪花冰，雪花冰軟綿綿有牛奶味，芒果醬酸酸甜甜解到膩，仲有另外叫咗朱古力糯米糍超煙韌，正！

好鍾意食泡菜豆腐鍋啊！上次食已經係世界盃期間了，記得嗰日天氣唔好，仲落雨凍冰冰，咁啱又追緊韓劇，好想食碗泡菜鍋！最近呢幾日天氣都麻麻地，又令我諗起熱辣辣的豆腐鍋🤤樂富呢間《小火焰韓式咖啡廳》其實佢都有其他分店。今次第一次試，餐廳空間夠大，相對等位無咁耐。午市套餐好抵食，六十八蚊食到靚靚的泡菜豆腐鍋，仲有杯熱蜂蜜柚子茶！朋友叫咗《泡菜醬燒黑豚拌飯》，我夾咗一舊豚肉試吓，又腍又夠香，呢個拌飯都唔錯！