味‧壽司 (Closed)

本來打算同男朋友去禾花亭七點上到去已經有十幾廿人等位我地二話不說調頭走落到去北海道活壽司都有十個八個人等位以佢咁既食物質素仲要等位no way結果一走出創紀見到呢間"正壽司"有位本著好又一餐唔好又一餐既心態就試下la環境-->鋪面一般小型港式日本餐廳feel一行入去經過bar table一陣魚生味鍾唔鍾意就見仁見智la原來有二樓經過窄窄既樓梯上到去感覺比樓下寬敞一點角落頭有個四呎高既聖誕老人怪怪的整體清潔okayFood-->1) 三文魚壽司三文魚色澤比一般的鮮橙紅色為淡肥美鮮甜推介! 2) 蟹棒壽司蟹棒大大條味道和質感跟其他地方的差不多沙拉醬分量剛剛好可以一試!3) 赤蚌壽司赤蚌肉質超爽味道清淡可以一試!4) 鰻魚壽司暖暖的鰻魚片掃上一層的燒汁正!5) 甜蝦壽司甜蝦新鮮的但飯的size比蝦大太多飯味蓋過蝦的味道一般6) 帶子壽司好大粒帶子味道鮮甜可以一試!7) 芝士蟹子軍艦別的地方沒有的芝士+ 蟹子這個組合聽落有點奇怪而且本人不太喜歡蟹子竟然出乎意料的好吃幾特別值得一試!8) 龍虾沙律軍艦吃不出龍虾味道一般9) 八爪魚仔本人覺得醬汁太杰男朋友就話個汁好味見仁見智la

這是一篇憤怒的食評昨天與朋友光顧此店。朋友點了一碟拖羅，滿碟是血及油，狀甚恐怖。便向侍應查問，她建議我們取消此碟，我們亦同意。過一會，一位男經理拿回剛才給侍應送了進廚房的拖羅，向我們查問，經理堅持沒有問題，並說這個拖羅是高級貨，跟一般不一樣，若然沒油沒血的便是次一等，又說來貨要三十多元，你們現在取消了，便很浪費…..省略一千字朋友解釋以前也試過別店的拖羅，但從沒見識過這麼多血及油的，實在吃不下去，若不能取消便換一碟，經理本說可以，轉頭又說來貨三十多元，換一碟也是一樣…….省略一千字，(即又不想換，又不想取消order)。我們也不想跟他糾纏，告訴他這樣的服務態度我們不會再光顧，他才悔氣地說這碟當作他請客，然後很生氣地衝入廚房跟侍應說三十幾蚊(因我們坐正廚房門口位)……省略一千字。我們並不是挑剔的食客，食了那麼多年壽司是第一次要求退貨。對於其食物質素沒有太大的意見，但他們的服務態度絕對是劣等。

小弟第一次寫~寫得唔好多多見諒la~~環境方面:雖然鋪仔細細~但唔會覺得好迫~燈光柔和~地方清潔~加上流水擺設~感覺令人舒服食物方面:食物新鮮~即叫即整~定時定後收起放得耐ge壽司~軟殼蟹手卷好抵食~^^份量十足~!!價錢方面:以這個價錢~食到這個質素~已經好過好多其他壽司店~起碼好過元氣好多~超值總括來說~物超所值~服務都算唔錯ar~冇黑面情況起碼有d笑容~但三人同行就要諗清楚la~因為見到三個食過d真係等得幾耐...

食物用料新鮮, d食物份量又足.d waiter服務都好好,D炸軟殼蟹手卷即叫即整,食物種類又多.

前陣子瘋狂的愛上日本料理於是來這店子吃壽司很精緻而且不像大型連鎖壽司店只有機製壽司我喜歡這種手握的值得一試

已經係第2次去d間手握壽司店，2次感覺都好好!!食... ...三文魚:好味鰻魚:好肥美又多汁^^b劍魚腩:今日0個舊有根、上次食就冇帶子到d帶子好厚肉的，加埋青檸汁好好味^^b火炙三文魚:上次整得火炙完都好滑，今次無咁好芝士蟹子:幾得意，但係有d滯!!小柱沙律:好味^^b軟殼蟹手巷:好新鮮^^b，d到係$35 2件架，如果叫就要留意。另外，如果需要薑要問侍應lor!!

三文魚, 墨魚,鮮帶子,火灸三文魚腩, 鰻魚, 甜蝦, 海膽etc. all are tasty except 海膽and deep fried shrimp. the fish was thick and quite large. price from $8. not expensive. the most tasty was 火灸三文魚腩, very fat.

見大家都讚, 日同細佬試呢間壽司店, 入去即有位,叫了數款,因為都係幾星期前既一餐,所以不太記得食左啲乜.　但質素係唔錯既.　不過又冇話好食到令我記得囉.價錢不算便宜,　都要成百六蚊一個人.　但喺太子嚟講係可以再去嘅.　但我諗我下次會試吓對面間北海道活寿司先。　

夜晚同朋友食飯兩個人都鍾意食sushi又唔想等位就黎左呢度記憶中叫左三文魚,火灸墨魚,蟹棒,北寄貝,鰻魚,劍魚腩,甜蝦,鮮帶子,火灸帶子,味之戀,象拔蚌,吉列蝦卷,唔知咩三魚卷全部味道唔錯夠新鮮飯份量較少但握得唔會太緊太鬆好!!最impress係火灸墨魚,鮮帶子,火灸帶子同象拔蚌墨魚難得地唔韌一咬即分帶子夠鮮甜,加埋青檸汁更突出鮮味象拔蚌又鮮甜又唔韌推介之前忘記上黎做功課唔係一定會試下佢個螃蟹糕醬軍艦唯一唔好係款式太大路無乜太多新款服務亦好反應快又有禮貌至impress係我地落錯單佢都會主動話轉番俾我地

補返個評語啦！之前我去依間壽司店係佢新開張o既。見到裝修幾靚咪入吓囉(我自己都成日食壽司)個知客姐姐超有笑容& 禮貎。仲做埋侍應，忙死！但超有禮貎，勁！有sushi set ($55), 見幾抵咪試吓。有10件sushi, 一碟涼拌螺肉同麵鼓湯。個麵鼓湯同螺肉真係一般來貨貨色，麻麻！啲壽司用魚不太新鮮，麻麻哋。同元祿差唔多。味道直係麻麻。俾著平時我一定覺得唔抵。但係見到知客姐姐真係全程有笑容同超有禮貎，救返唔少分！依啲service直係難得。另外個侍應姐姐都幾好。不過，應該都冇下次，因為有太子有和花亭，好食好多！

食過兩次。每次都覺得普通。今日食左Uni, Hamachi, Kanbachi, Salmon, Mirugai, Aka gai, Ika, Tai。老實講﹐好似想整到好精緻﹐但係連最基本既都錯貝類飯係要多D架麻仲有D白身魚唔係好新鮮價錢OK﹐比我撿個區﹐我會係禾花亭-->呢間-->北海道活

十二月四日的補記@味‧壽司當日,兩口子六點左右到了味‧壽司。去到,坐在迴轉檯前,看著四五個師傅整壽司,絕對不是某壽司店的機器bear出來的所謂壽司飯再貼上一片肉,不會散散的。綠茶非常之香,見微之著,一分錢一分貨。三文魚壽司- 好新鮮而且又厚身大 塊!!!!!!連一向不吃魚生的老公也忍不住要吃,還大讚好正~鮮帶子壽司- 一直以為是圓圓的生帶子放在壽司飯上,原來非也~~~加了數滴的青檸檬汁辟腥,從肉質已經知道十分新鮮~螃蟹糕醬- 螃蟹糕配上洋蔥絲,味道非常濃郁甘香而有點清新,(我想洋蔥的作用也是辟腥)老公不停大讚,但我不知是否有少許飽,覺得有點膩。蟹親子- 我想是蟹肉絲混入螃蟹糕,我試了少許,覺得十分美味無比,香味在齒間久久不散。芝士蟹籽- 雖然我分不清芝士味,但又真係出奇地夾!蟹棒- 不如我們平日吃的蟹柳,但又不知如何形容才好,加上沙津醬,其實貌相並不特別,我只試了少許,覺得肉質有D怪,好似「粉粉地」。還有不得不提的味之戀!!!!非如一般的花之戀,而是以三文魚、沙津生菜包著蟹籽和飯,有少少沙津醬在上面,材料好豐富,真的好正!!!又係一句,三文魚萬歲!!!!軟殼蟹手

和幾個朋友在這店食生日飯局, 感覺如下:先講食物:剌身: 帶子/杜丹蝦/三文魚/吞拿/北寄貝....還有幾樣,各種都幾新鮮,我地有d仲re-order多一次tim壽司: 海曼/蟹羔/海膽/芝士蟹子/象拔/鮮蟹腳/墨魚/魚子/鵝肝.....樣樣都幾得幾ok,魚生都幾大片,飯不會鬆散也不太實小食: 炸軟殼蟹/燒青魚/燒三文魚頭/天婦羅都幾好服務: 雖然此店不是太大(地舖+閣樓), 但要贊既係服務員好有禮貌,侍應醒目re-fill荼好快,order野不用客人等價錢: 都幾抵, ($ 8/1x/2x/3x/4x ) 整體: 食物水準好過元X的好多, 價錢OK

二友傍晚同行到上址光顧,樓下通道與壽司之間狹窄,樓上比較好坐.侍應招呼都算積極,但有時可能電視聲浪較大聽不到.點菜菜單如下:牡丹蝦(OK新鮮),生蟹腳壽司(雪得耐太乾身,無鮮味)海膽軍艦壽司(OK)及其他魚生刺身都算新鮮.傳菜不太快,可再改進.漏單情況不多,可以接受.若不是要食比較特別的壽司或刺身,價錢一般都算相宜的.

近來的壽司店似乎流行「單字熱」，自「峰」壽司後，看到「活」壽司、「羽」壽司，現在太子則有「味」壽司新開張，在報紙看到介紹，週末便特意前往試一試。味．壽司門面雖然不大但算是觸目可見，進去後發現不算是一般迴轉壽司店的格局。店內以黑紅二色作主調，燈光柔和，面積倒不算大。沒有細數，大概有三四張吧，迴轉帶座位在店內一隅呈反Ｌ字形，壽司師傅在內工作，所以客人在任何位置前方都會看見前後兩條迴轉帶，比一般壽司店師傅相距較遠，至於迴轉帶的座位可坐約十多人。在下午光顧，三位師傅在壽司吧上忙個不停，觀察一番發現樓上應該還有座位。看看迴轉帶上的壽司款式，帶子($20)比板前更小但賣相不俗，三文魚則不算突出，其他賣相也是一般，偶爾碟上有幾個蓋子尚無人整理。拿起餐牌，價目分為8、12、15、20、24、28等等，大路款式居多，手卷不到十款，除了壽司軍盤手卷外，此店還有拉麵及魚生飯供應，看到鄰座的吞拿魚腩壽司飯，$30頗大碗似乎幾抵食。不過個人一向往到壽司店只為吃壽司，便不加考慮。向侍應要了一碟在生果報看到推介的味之戀，個人至愛的芥辣八爪魚軍艦及蔥吞拿魚軍艦。期間看看迴轉帶內，兩名師傅負責壽司，一位似乎是炸物之類，