味千拉麵 (第一城中心) (Closed)

味千在香港人眼中，或者是拉麵快餐店的代名詞，直到現在依然有數家分店兀立不倒，自有他的原因今天工作比較忙，回家途中看到味千拉麵第一城店有在提供很專業的拉麵外賣湯包，跟現在很盛行的自熱鍋很像點了一個外賣套餐$88惡魔雞煲拉麵（勁辣），加一份餃子，另一份則是飲品。食物：先把蓋跟雞拿出來，把湯底倒進拉麵跟其他配料中，再把石灰包放到盤子下面加水，他會自行發熱囉！惡魔雞煲拉麵（地獄辣）沒想像中的那麼辣，但也有中辣的辣度，卻挺惹味的雞肉份量不少，比平日吃的叉燒多上不少！味道口感也像是平日吃雞煲那些雞肉另外還有湯底，略略有點油膩，但算可以接受的程度拉麵麵質頗彈牙，很驚喜外賣能有這個質素呢！餃子意外地，非常好吃！皮不厚，裡面的肉香濃而且吃不出來有味精，配特製醋吃很不錯整體來說質素令人意外，因為完全不比堂食差！

今日自己食下午餐，咁就係公司附近度order左個外賣， 咁我就 叫咗最平嘅下午茶餐食，加咗一罐coca cola 飲，咁其實佢啲面倒是還可以的，但我覺得就豬肉偏硬同肉就有少少fat，不過個湯就Salty咗啲， 希望佢哋呢一間餐廳個湯可以改良D，又或者可以新鮮做湯， 不過佢價錢的確非常之吸引， 可以講係窮人嘅恩物， 所以下午茶餐我覺得係還可以的。

咁啱喺沙田第一城附近做完嘢，就順便喺商場搵嘢食，見到好多年冇色嘅味千拉麵 ，突然間想懷緬下，睇下依家有咩新嘢食店舖環境光猛四正，而且有好多卡位，坐得好舒服 餐牌好多嘢食喎......有拉麵，沾麵，鐵板飯，咖哩飯，小食，飲品等等...仲有專畀小朋友食嘅兒童餐㖭~~六點前仲有人下午茶，廿零三十蚊有拉麵炒飯，包埋飲品超抵食喎同同事每人叫咗杯飲品，分別係白桃乳酸梳打同埋巨峰乳酸梳打~~兩杯嘅味道都唔會太甜又夠氣，我本人就鍾意巨峰多啲，提子味出啲海陸拼盤(魷魚和雞翼) $42賣相好吸引，魷魚同雞翼都炸到卜卜脆！！ 魷魚爽口一啲都唔靭~~雞肉就夠嫩滑日式炸雞 $36 炸雞比想像中好食！！ 外皮炸得夠香脆可口！而且雞肉幼嫩，咬落好juicy一啲都唔乾炙燒豚肉拉麵 $65有三大塊大大條嘅豚肉，燒得好香呀！食落一啲都唔會覺得膩~~ 湯底濃，拉麵軟硬度適中，唔會太淋有咬口味千沾汁麵 $65 沾汁麵湯底夠濃郁但唔會太咸，每條麵都可以沾到濃濃嘅湯汁食沾麵既好處就係汁同麵分開，麵唔會被浸淋

其實對上嗰次食味千拉麵已經唔記得係幾時 今日咁啱我喺第一城見到 就諗住懷緬過去食返一次先， 我哋叫咗 兩碗拉麵 一碗就係 赤火戀 因為我鍾意食辣🌶️， 另一碗係味千之霸， 兩碗嘅湯都非常之濃厚 好有豬骨嘅味道 拉麵軟硬適中 好有口感 叉燒又唔會好乾👍🏻👍🏻， 我哋仲叫咗shake shake薯條 餃子，我成日以為只有麥當勞有得食🤣， 估唔到味千拉麵整呢個都一樣出色 非常脆口 我覺得好食過麥當勞🤣🤣， 味千餃子皮薄👍🏻， 啲肉唔鞋多汁 呢個都唔錯 最後加埋兩杯嘢飲 飽曬

呢半年同風箏兄去好多唔同地方食沾麵..實在好耐都無食過拉拉拉拉拉拉拉麵啦～朋友係要日日都見嘅所以快閃揸車去食..食飽飽又係時候繼續努力去面對人生喔～-Diced Beef with Garlic Flake ($43)蒜片牛肉粒 ($43)有濃濃嘅蒜香味 而蒜片亦炸得非常香脆可口～牛肉粒食落口感好鬆軟 配上蒜片特別惹味啊～-Salted Chicken Wing ($25/2 $46/4)鹽燒手羽 ($25/2 $46/4)外皮炸得好香脆 仲有淡淡嘅胡椒同鹽味～附加咗檸檬汁 怕熱氣嘅朋友仔可以落咖～-Cutlet Pork Chop Ramen ($75)吉列豬扒拉麵 ($75)豬扒超級無敵大塊 真係飽曬～外脆內軟又多汁 但拉麵麵質一般～-Pork Ramen ($58)豚肉拉麵 ($58)-Grass Jelly Milk Tea ($20)仙草奶茶 ($20)-Fruit Tea ($20)水果茶 ($20)茶中有芒果 藍莓同士多啤梨 味道不算太甜～仲有陣陣嘅水果味 啱晒炎炎夏天 消暑解渴～

就因為你地員工要食lunch.，所以就要求食客換位，甚至搭枱，都真係幾有素質，仲要在非常時期搭抬，你地知唔知好危險。服務態度真係好惡劣！！唔通覺得中學生好蝦？下次唔會再食

今日收工返屋企，點知係第一城落錯左車，咁唯有將錯就錯，係第一城揾食。行行下，見到間味千拉麵，真係好多回憶，係我記憶中，佢應該係香港拉麵既始祖，以我認識計，其實自從市面上多左好多唔好既拉麵鋪，真係少食左，今日既然行過見到，緊係要再回味下，但由於要趕番屋企，唯有外賣。原來味千都有沾麵，不過今日想食湯麵多d,點左個"味千之霸",咁耐冇試，緊係要試下佢個招牌la。以前細個食就覺得好貴，依家大個左發覺其實價錢都幾平民。幾十蚊食到。原來依家味千咁先進，真係始祖冇講錯，佢真係比人行先一步，以我認知，除左依家d即食火煱會咁包裝外，香港冇應該冇拉麵鋪會咁樣處理個外賣拉麵，依個火煱形式既拉麵真係好拎我驚喜。佢仲好細心，有埋教學教你點加熱番個麵同湯底。佢地d湯底都係現裝落袋，唔係話預先整定冷藏俾你再翻熱。你睇下d豚肉，又厚又大塊，個蛋仲好糖心tim.既然要食緊係要食好d,肥牛金菇卷，好好食，牛肉夠淋，金菇吸晒d肉汁，超好食。食完個小食，個麵剛好加熱完成，真係夠晒熱，唔會好似其他拉麵外賣咁，拎到返屋企都唔熱，已經係暖，味千真係抵讚，夠貼心，外賣都可以食到好似堂食既風味。

住石門行去第一城其實好近，突然興起過去食嘢，原先諗住食吓炸雞，行過見到味千拉麵，原來同太座都未食過，好，今晚入去一試!睇吓餐牌價錢又唔係好貴，一心以為平D冇人地咁好食啦，飲咗啖湯底已經知道咁諗係錯，湯底夠料!“味千之霸”睇個名就知係招牌之一，對於我呢D第一次嚟食嘅當然係首選，豬軟骨鬆軟入味，好骨膠原feel，流心蛋有蛋味，叉燒入口即溶，瘦肉部份唔鞋，但總覺得日本所講嘅叉燒唔夠廣東叉燒咁正，哈哈!“赤火戀”係全場唯一辣嘅拉麵，至啱太座，但佢話好味不過唔夠辣，可以再辣D!“味千餃子”上枱熱騰騰，肉汁ok，唔錯!“ShakeShake薯條”估唔到咁出色，叫咗海苔味，唔食薯條嘅我都食咗大半，一定要試!埋單見到好多外賣用foodpanda，職員話做緊買滿100減30嘅優惠，嘩!下次我都叫foodpanda送嚟屋企喇!

呢段期間都好少出街食飯，但今日收工經過味千拉麵見好耐冇食過即刻想入去坐低食返碗麵但係見到幾多人又唔想除低口罩，都係叫外賣返屋企慢慢歎但又怕拉麵外賣返到屋企凍左或浸住d麵唔好食，當猶疑期間侍應話麵和湯底會分間盛載，最終都係決定買回家享用選左一個拉麵、小食和飲品黑忍者拉麵：拉麵好彈牙，糖心蛋好creamy叉燒半肥瘦，蒽、肉碎和木耳絲增加囗感至於個湯底係黑蒜醬油湯底，飲落幾濃幾好味，而且有d黑糊椒嘅辛辣味金菇牛肉卷：啖啖肉，牛肉好甘香，金菇好爽口白桃乳酸蘇打：有d白桃粒碎，入口清甜酸酸味味，食完個麵飲返杯，解渴一流下次可以再試其他，係我等外賣期間發現除左外賣自取，原來還可以叫foodpanda送外賣，而且係滿$100即減$30，下次唔使自己去攞，可以一次過叫多d和屋企人分享

屋企人同朋友都提話Foodpanda外賣獨家優惠可以滿$100即減$30。不過都想堂食，就叫朋友食左先先上佢度玩貓。因為佢有沾麵，所以我唔想拎上去食。哈哈，我要超熱辣辣同加下湯，享受沾麵！健康炒雜菜 $35Fried assorted vegetables 四季豆、椰菜、冬菇、紅蘿蔔、洋蔥、青椒同金菇！最香口嘅係加咗蒜片！咸左少少，不過可接受！金菇牛肉卷 $38Beef enoki roll金菇牛肉配芥末醬？一開始仲蠢蠢以為係沙律醬，哈哈！加芥末醬多了一種辛味都幾特別！金菇爽爽聲，牛肉有d厚道唔係薄薄的！味千之霸 $72Ajisen ultimate combo豬軟骨同好多叉燒，肉類勁重份量！有一隻溏心蛋，點解既？！沉沒係湯當中。叉燒半肥瘦好邪惡！勁多件，朋友分左件比我，軟過我沾汁麵既叉燒咁。味千沾汁麵 $65Tsukemen溏心蛋配沾汁麵係無走雞，流心咁既蛋黃痴去麵到一流！魚介豚骨味湯底，唔太咸！筍無異味，姐係好「酸粟」個種味道！比一般拉麵粗身少少，掛湯能力相對強d！叉燒硬身過拉麵個個叉燒，肥感減少。+$11 白桃乳酸蘇打 White peach calpis soda上台一陣桃味！

味千之霸🍜：＄72人氣首選，包含最受歡迎的材料，有五片豬腩肉、兩大舊豬軟骨、兩邊溏心蛋(全隻)。豬腩肉肥瘦均勻，肉質軟綿綿。豬軟骨炆製時間長，完全入味，極重骨膠原。溏心蛋蛋味香濃，是拉麵的好拍檔。拉麵口感彈牙，配合白豬骨濃湯、木耳絲和蔥花令拉麵更香，更加滋味！豬軟骨拉麵🍜：＄65豬軟骨分量十足，除了豬軟骨之外，重點是贅沢豚骨白湯，加上秘製的千味油，100%呈獻最原始的熊本拉麵味道。味千餃子🥟：＄30 餃子是招牌小食，一客有五隻，個人喜歡他們的餃子汁，酸酸的提升餃子味道。餃子餡料飽滿，咬下去豚肉多汁，非常好吃！趣脆薯條🍟：$22 shake shake 薯條不一定只有英文字母餐廳專利，這裏的口味富有特色：海苔、櫻花蝦、洋蔥味。這次點了櫻花蝦味，令薯條帶點鹹香，很特別啊！巨峰乳酸梳打🍹🍇：$28 巨峰提子特飲酸酸甜甜，加上大量的冰粒，有喝不完的感覺。白桃乳酸梳打🍹🍑：$28 白桃乳酸非常特別的口味，同樣酸酸甜甜，反而這杯白桃調校得特別出色，很好喝！最後結帳時，看見宣傳單張foodpanda外賣獨家優惠，滿$100減$30。喜歡外賣的你不可錯過機會。

好耐都冇黎食呢間連鎖日式拉麵喇~見鋪頭入面唔多人, 又坐得舒服, 就入去食啦....而家既拉麵選擇好似比以前集中D~唔會再咁花多眼亂~  揀款都易D除左拉麵之外仲有飯~有幾款小食揀~~~~仲有套餐添而家學生可享星期一至五6折優惠, 超抵呀!!藍莓乳酸梳打 乳酸酸酸甜甜幾開胃, 梳打又夠氣, 仲有藍莓粒食添呀!!海陸拼盤 (魷魚&雞翼)呢個小食好好味, 值得推介!!即叫即炸熱辣辣....炸得好脆口, 又唔會油淋淋魷魚一D都唔韌, 雞翼肉嫩日式手造餃子餃子皮厚度剛口, 餡料足長崎海鮮拉麵有幾款海鮮 (蝦, 帆立貝, 魷魚, 蟹柳等 ), 好豐富~~仲有好多菜添喔~~ 湯底又夠鮮味拉麵比以前好食左~麵既質感冇咁淋, 硬返少少, 口感返晒黎味千之霸有豚肉&豬軟骨~~份量都唔少喔.....豚肉甘香, 豬軟骨入面又唔會太淋.最鍾意佢既糖心蛋, 蛋黃完全係流心丫

行街行到好攰心情超差 即刻走要食啲嘢補充能量 唔理三七廿一眼前有間野就即刻衝左入去坐低 原來入左尼味千拉麵本來都冇咩期待㗎啦嗌左一個面一個飯諗住食完就走 點知又有啲驚喜喎 全盛拉麵個芝士竹輪真係拉得出絲😍😆😋😋湯底都香 跟住個鰻魚炒飯真係唔使講冇得彈 可能我肚餓啦 真係覺得好高質 滿滿嘅鰻魚醬啲飯同埋鰻魚撈埋一齊 好正呀～～～ 之後食到咁上下覺得唔夠飽encore左兩個小食一個係蟹子沙律另一個係蒜香牛粒 都幾唔錯 蟹子沙律同出面普通食嘅質素差唔多 但係個牛柳粒幾香同埋佢炸嘅旋片全部都係脆㗎！有驚喜👍🏻 撈埋落我嗌嘅鰻魚飯食一流 最後兩杯嘢飲都OK 水果茶比較出色 好感動🥺哩餐飯除咗解決咗我餓到爆嘅肚仔 仲解決咗我壞到爆嘅心情 所以👌🏻👍🏻👍🏻

夜晩餐廳好多人，都唔係好放心坐低堂食！拉麵點樣拎到返屋企都熱辣辣？就係靠加熱包啦！唔係少少熱，係真係熱到好似啱啱煮好咁樣外賣好企理，拉麵同埋湯會分開，唔需要擔心浸到林晒小食嘅賣相都好精美！拎到返去就要處理呢個加熱包！跟着指示打開之後加少少水，好快就會熱到出煙等大約5分鐘就食得！好似堂食咁原汁原味拉麵依然爽口，湯底味道濃郁！叉燒肥瘦均勻幾好食惟一美中不足嘅地方就係炸蝦浸淋咗呢個設計幾好，外賣去遠啲嘅地方食都冇問題

️【充滿回憶】再次品嚐味千拉麵⭐️👍 品質保持水準👍 比起其他好多拉麵店抵食好多講起味千拉麵，真係勾起好多童年嘅回憶。我記得以前細個，去唔到日本嘅時候，就去食味千拉麵，一碗熱辣辣嘅味千拉麵真係可以暫時滿足想食拉麵嗰條癮。事隔多年今日再去食過，質量仍然保持水準。環境闊落不特止，依然保持着當初的本心，價錢仍然係相對地實惠。我點左個全承拉麵、手作餃子同埋水果茶。我覺得食啲咁豐富嘅拉麵一定要飲番杯清新嘅果茶。拉麵軟硬適中，豬骨湯濃郁得來唔太肥膩，手作餃子新鮮。不知不覺已經成立50年嘅味千拉麵，見到佢仍然有不同嘅優惠去符合唔同年齡層嘅人，的確係一個唔錯嘅選擇。