秋田和風蟹宴鍋物料理 (Closed)

行過灣仔電腦城，又心思思要食日本野。兩星期前去完東京冇係築地食魚生丼，今次要補償返。今次試呢間灣仔秋田，睇中佢地d 海鮮丼，有松葉蟹，毛蟹，仲有我最愛拖羅。叫左一個藍鯨吞拿魚腩飯，另一半叫左款毛蟹魚子帶子傻。毛蟹制作需時，先上左我既吞拿魚腩飯，伴菜好新鮮，蒸蛋滑溜，湯非常足料。魚腩厚切，口感令人驚歎不已，一試難忘。再黎毛蟹飯，夠肉地，味道鮮甜。最令人欣賞係三文魚子係先釀製過，非常細心，有淡淡酒香味配毛蟹真係好配搭。總體係愛海鮮丼人既好去處。最後雪糕係日本品牌，曲奇味奶味香濃，豆腐味更係必食。

估唔到係wha chai 都食到好西，環境舒適，雖然等左10分鐘先有得食，但服務攞返分我地撰左三文籽丼$188同松葉蟹丼$178！環境good師傅good外觀good,粒粒魚子爆炸口中，滿滿的。一口菜滿芝麻，爽經理送餐後雪糕，仲多1杯，可能知我唔夠呢隻蟹腳甜到漏

今日最 frd 既同事 last day，last day 果餐梗係要食好d慶祝啦~所以就黎到灣仔QRE Plaza 10樓食餐好，佢最中意食日本野，所以就帶佢黎到秋田和風蟹宴鍋物料理～一坐低睇下個 menu 先，以灣仔區黎講，佢地既日本魚生丼套餐價錢都好合理～套餐有：麵豉湯、蒸蛋、沙律、豆腐、餐茶及雪糕，講真我唔覺得貴既！ 我就叫左個海膽、三文魚子、吞拿魚蓉丼 ♥賣相極之吸引，三文魚子粒粒都晶瑩剔透，吞拿魚份量勁多，海膽又新鮮！一路食，一路都覺得有滿瀉既感覺～ 真心唔錯，值得推介 =] 而朋友就叫左個松葉蟹鮮魚湯稻庭烏冬～松葉蟹勁大隻，而且蟹肉亦好多；朋友話個魚湯都好鮮甜，唔覺有味精！而稻庭烏冬更加係爽滑、彈口，10分滿分有 9 分，對佢有好高既評價 =] 最後一人一杯餐茶，點左熱檸水同咖啡～ 臨尾仲有濃濃既綠茶雪糕，好滿足！Overall 大家都好滿意，服務又好，不停會加熱茶，仲主動問幾時要甜品～

一間經常都食嘅日本料理，原因係好食👍🏻價錢亦合理。今日可能又落雨又凍，喺冇預約嘅情況下，約一點。一去到有好多位，今日食咩好呢？叫咗個牛肉壽喜燒（牛肉一般啦！內𥚃好多菜、豆腐、葛絲等）味道很好！另外一個係鐵板牛柳粒（牛柳粒外層乾脆，內𥚃則相當嫩、好食）2個餐都跟沙律、茶碗蒸、麵鼔湯、飯、茶或雪糕。好飽呢！另外都要讃一下貼心嘅女服務員（由於今日真的有點凍，我話D泠氣好凍啊！佢經常幫我添熱茶，很窩心呢😊

跟同事去食LUNCH，我叫了”錦”極上海鮮丼，先講前菜蒸蛋，蒸得幾滑，而且入面有D茹類，加埋一起食，味道幾好。沙律菜配柚子汁，酸酸地，幾開胃，D沙律菜都新鮮的。主角終於出場，極上海鮮丼，入面有甜蝦、海膽、三文魚籽同呢度必食的蟹肉，望上去已經好吸引，我先食海膽，D海膽都新鮮，有少少海水咸味，幾好食。而甜蝦有3隻，幾大隻的，既新鮮同埋啖啖肉，食唔到腥味。重點蟹肉，D蟹肉好好食，好有蟹味同埋鮮甜，加埋三文魚籽連飯一齊食，口感豐富，有咬口，蟹肉又淋身，一次過食頓時感覺滿足，好美味。不過，餐廳服務一般，店員不太積極。

同女朋友係灣仔食lunch，好多地方都食勻晒，見到朋友介紹話呢間LUNCH最近多左好多野食，二話不說帶佢上去試左,個MENU有好多選擇，真係花多眼亂，唔知食邊樣好,最後我地揀左個叫做松盛合料理SHARE,價錢唔算貴，好合理，呢個SET仲有沙律,蒸蛋，面豉湯同甜品或咖啡茶送，真係抵到爛，好,講番個盛合既野先，裡面有六樣剌身壽司，另外有個煮物，成個餐最好食就係個鰻魚飯同埋個天婦羅，d鰻魚好大舊另外個TEMPURA好脆口，食晒d MAIN之後，有兩件蜜瓜跟埋，可以做飯後果，呢個擺法唔錯，老實講兩舊水價錢，可以食到咁多唔同既野，真係冇乜幾可，同埋d STAFF好有禮貌，有d野唔明問佢地，佢地好有耐性解答比我聽，ANYWAY 呢餐飯我女朋友話係灣仔，食咁多餐以黎，最舒服，最滿足同最開心既一餐，所以我會再帶佢黎食其他野，真係好好食!!!

係灣仔返新工，D同事話一起食lunch ，佢地話這間D野食唔錯。我們一行6個人，去到先知原來佢地轉左新Menu ，menu太多選擇樣樣都好吸引最後我叫左個鰻魚飯。上到來俾佢嚇親好鬼大塊有我手臂咁長。仲依違自己食唔哂，但是因為太好食，我都食哂全個飯。我同事有D叫左吞拿魚丼，鐵板和牛-海膽三文魚子、壽喜鍋,銀鱈魚，佢地一路食一路贊，D待應都好有禮貎。睇來lunch 又有好去處

已經無寫食評一段日子，但呢間餐廳嘅服務真係令我不能接受。年三十晚我同同事一行17人去食lunch，12人叫餐，5人打邊爐。怕打邊爐時間較長，12點半一坐低我哋已經落定湯底。坐咗15分鐘咩都無就問佢攞杯茶，個侍應唔好意思都無句，就話: "無杯" 我地真係呆咗 有個同事反應過來就話"咁你都要俾茶我哋㗎？", 佢先好不滿咁走開，然後一分鐘後遞上用杯裝住嘅茶等到1點都唔見個鍋，就追問經理，經理話就話幫你跟一跟，然後就無回音，10分鐘後再追，再5分鐘後再追，仍然連個鍋都見唔到，得返15分鐘你叫我點打邊爐？所以我哋5個終於忍唔住走咗，團年飯最後去咗食麥記叫餐既又點呢？前菜沙律當大家都話啲菜幾新鮮，其中一個同事嘅沙律就有條蟲郁下郁下，同經理反映之後，經理話贈送甜品同飲品，諗住算啦，點知叫餐嘅同事大部分都等咗45分鐘先有得食，之後問佢攞豉油，次次都係敷衍我哋，追咗3次以上先有，問佢係咪overbook，經理仲好似無嘢咁話"無呀，返齊人呀"有2個同事等咗一個鐘都未有得食，正當起身走人嘅時候，其中一個餐就嚟啦, 另一個餐我哋好嬲話1分鐘後都無就cancel, 有個經理走去廚房返嚟話，"要2分鐘", 都唔知

朋友請食飯, 一行9人再次黎到秋田食活蟹呢度可以即場揀蟹, 揀啱再交俾師傅拎去煮, 2kg剛剛好夠咁多人食首先上檯既係六款前菜:鵝肝蒸蛋每次黎都必叫今次D鵝肝超大件, 唔知發生左咩事柔軟多汁既烤雞泡魚蟹膏豆腐, 不用3秒就被大家掃曬光光海膽, 一般般, 冇乜味毛蟹,新鮮但不甜松葉蟹出場啦, 蒸蟹好甜, 必食燒蟹配膏, 好食到暈火鍋 & 粥蟹靚所以煮完仲好鮮甜, 火鍋同粥既配料冇乜驚喜加左碟牛肉, 好似是澳洲的, 入口即溶超正秋田既食物價錢唔平, 但每次黎親食野都唔會失望, 活蟹非常新鮮, 服務亦都好好, 比起同類型既高級日本餐廳, 我會推薦秋田。

慶祝姨生仔第一年在香港慶生，一家人來到此店品嘗蟹鍋，店舖環境舒適，有板隔分隔每一張枱，感覺有私人空間，一家人聚餐閒談沒那麼嘈吵。我們每人点了$388蟹鍋套餐，套餐非常豐富，一定可以滿肚而歸的。每一樣食品都很新鮮，而且有服務員為我們代勞，非常貼心呢！最後緊係有我地至愛壓軸主角出埸登！登！登！毛蟹出埸蟹味鮮甜美味，肉質爽口最後加上蟹粥，完成圓美結局當然還有一個壓軸登場，姨生仔birthday cake 做甜品過了一個很愉快，很滿足的生日夜

今次是已經第二次幫襯 知道這間是專門食日本蟹專門店， 所以就決定食活鱈場蟹 和風蟹宴， 雖然價錢幾貴，比起日本貴一倍價錢， 但點都要幫襯一次。 因為在香港極少有活日本蟹宴， 結果出來烹調結果也沒有令我們失望由前菜， 刺身 ，燒蟹 ，蒸蟹 ，高湯 ，炸天婦羅， 丼飯， 都做得非常有水準我一路食嘅時候真的好似在日本旅行時去幫襯 專食日本蟹專門店嘅感覺。 真是很難得在香港有機會食到 新鮮日本蟹宴。 我老公話 唔需要飛去日本食日本蟹， 機票都起返到

第一次幫襯 有活毛蟹 活鱈場蟹 嘅日本料理，這個活毛蟹海鮮牛奶湯底火鍋 二人套餐$500每位非常超值！ 火鍋配料食材非常新鮮 而且服務很好 環境很靜地方乾淨，若果大家很喜歡食日本蟹就一定要來這間幫襯。

我響灣仔返工，呢一間餐廳已經唔係第一次來架啦。但係好欣賞佢哋認真製作嘅態度，每一次魚生飯都係新鮮製作。蟹膏蟹腳都好新鮮食得出係好嘅貨。上星期4心思思想食多次蟹腳魚生飯，去到坐低order 毛蟹魚生飯，侍應妹妹話冇蟹飯，然後我同佢講我係特登嚟食毛蟹魚生飯。原來係怕我要等得耐，我話我可以等之後...crazy...竟然拿一隻新鮮毛蟹立即入去蒸，然後拆埋蟹腳肉出來。前後雖然係等左15分鐘左右，不過值得等待！中途可以食住沙律同蒸蛋！其實我食過好多間蟹膏、蟹蓋之類的，呢一間店用呢一個價錢去食一個好質素的魚生飯，真係值回票價，而且我好欣賞佢哋serve客人態度...讚一個!

二人shabu shabu套餐每位$388，抵食過喺日本食👍🏻，每兩位送一隻毛蟹。套餐有魚有蜆有和牛，最後再用牛奶蛋白湯底滾白粥為晚餐劃上完美句號。值得一試，試完會再試😘

came here on a late Saturday afternoon for lunch. it was pretty empty.I asked the waitress what's in the deluxe sashimi don, she said it has botan shrimp and "all the other stuff at the counter" I asked if it has uni, she said no. so I end up ordering the uni and 3 types of sashimi don and my bf got the deluxe sashimi don. turns out that the deluxe sashimi don does have uni obviously she didn't know what it contains and just made up an answer to my question.anyway...the sashimi were tasteless a