Alba Cafe (Closed)

I have been occasionally visiting this place with family. Amazing tea offers multiple unique flavors includes different types of fruits and flowers. The taste of Creme Brulee is awesome. The chocolate cake is well made and not too sweet. I love it. Shrimp looks pretty fresh for the noodle, However, the portion of noodles is quite small. Black coffee, Offers milk, no cream,  and the taste is dreadful. The owner might consider serving coffee cream with black coffee.The employees are very friendly.

週末係屋企已經悶到發霉，決定同仔仔老公出去Cafe食下甜品飲下茶。去到新蒲崗Mikiki天橋位就發現到呢間有甜品又有咖啡及花茶的Cafe.地方唔算好大，不過都算係商場中搵到個唔算太多人的角落休閑一下。佢主打幾款甜品有法式焦糖燉蛋，多種口味包括抹茶及朱古力心太軟配Movenpick雪糕。最後我哋揀咗法式焦糖燉蛋配雪糕，飲品呢我哋就選了名叫恬靜心靈的花茶，主要成份有草莓葉、菠蘿片、橙片、香芒片、向日葵花及藍葵花組成。飲一啖花茶真係令自己放鬆了好少，最啱呢一個人人自危，心情緊張的時勢飲用。主菜法式焦糖燉蛋到了，老闆娘特登同我地講佢地係用日本櫻花蛋去製造，成本好高。果然，d 蛋唔單止滑，仲係非常之香，加上上面層焦糖，有脆脆口感之餘，下面果層又滑滑嘅，好幸福啊！甜品之外其實佢仲有午餐晚餐小菜牌，希望下次有機會再試啦！

星期六上午要返工 大約下午兩點返到新蒲崗 諗緊食咩午餐好 於是就去一間我成日經過既餐廳餐廳位於一樓 雖然位置比較多人經過 但友人極力推薦 今日終於有機會試下假日午餐都有好多選擇 有九款 如果外賣自取仲有九折今日叫左兩款試下C) 蕃茄汁雞髀菇扁意粉 $76這個意粉清清地幾好味 食得出不是落了茄汁去煮 而是用新鮮蕃茄再加上好多雞髀菇去煮 👍🏻D) 卡邦尼意大利飯配日本櫻花蛋 $82友人說味道不錯 再配上日本櫻花蛋 意大利飯的口感很滑 但是略嫌醬汁比較多最後午餐包括一杯飲品我地叫左利賓納和熱柚子蜜

⭐️Very satisfying tea time in Alba Cafe⭐️朱古力心太軟配Movenpick雪糕($60)⭐️完全做到流心💯⭐️Movenpick 雪糕選擇多到記唔晒，以為得雲呢拿朱古力呢啲普通口味，仲有Rum酒、Tiramisu、楓葉蜜糖杏仁？⭐️雪糕下面仲有Oreo碎，食落好有口感，有驚喜⭐️雞翼蒜蓉包($46)，新鮮製造⭐️上面嘅茶餐都有配嘢飲⭐️店員有用滴露清潔枱面，而且枱面都好新淨清潔，係白色的雲石枱🎈Got impressed by the chocolate LAVA cake, and the movenpick ice cream

生日飯聚後，同朋友搵甜品店，吹吹水，到mikiki 商場，見一間小店，老闆落力推介甜品套餐 - 一個甜品加一杯飲品，都係56蚊，於是同朋友坐低試試。朱古力心太軟配Movepick朱古力雪糕 - 皮薄，朱古力流心，味道非常濃郁，雪糕好味唔需多講喇綠茶心太軟 配 Movepick雲尼拿雪糕 - 一樣皮薄，好重綠茶味，老闆剛剛經過，聽到我地話好好味，就答，佢地用日本綠茶粉，所以茶味香濃，原來落重本，唔怪得咁好味😋藍莓芝士蛋糕 - 相對芝士味唔濃郁，質地實左少少，有啲失分(所以無post相）朋友仲加10蚊點左杯Cappuccino，（問她味道如何？）總括而言，$56有甜品，有冷熱飲品，性價比相當高，再加上用心做甜品嘅小店，我就覺得值得支持，有機會，我會再試佢地啲意大利粉，到時再同大家分享。

之前黎過餐廳用餐，發現餐廳既自家製蛋糕非常好味，我家小朋友大愛。今年小朋友生日，唔想要高糖+色素+化學劑既蛋糕，我的小朋友喜歡朱古力和士多啤梨，店主很貼心為我們訂造了一個方型蛋糕，方便我們跟朋友分享，而且還用上優質既日本熊本士多啤梨，每件都會有大大粒士多啤梨。蛋糕既朱古力味加埋朱古力慕斯+cream ，有三重朱古力味，食落好有層次感，又唔會過甜，蛋糕好鬆軟，士多啤梨清甜可口，每位朋友都大讚！讚！讚！

2月10日午餐選擇了黑松露忌廉汁海鮮長通粉，番茄大蝦扁意粉，甜品: 芒果慕絲蛋糕，法式焦糖燉蛋配movenpick 士多啤梨雪糕。黑松露忌廉汁海鮮長通粉:黑松露很香不會太濃味道剛剛好，忌廉汁不會太濃，兩者很配合，長通粉煮到煙韌好有口感。番茄大蝦扁意粉:大蝦很爽口，扁意粉煮得好煙韌好有口感。芒果慕絲蛋糕: 用新鮮澳洲芒果製作因當時不是呂宋芒果的時期，用到澳洲芒果很清新的感覺，第一口吃就吃得出是澳洲芒果獨有的味道法式焦糖燉蛋配movenpick 士多啤梨雪糕: 用白沙糖燒做薄薄的焦糖好趣，燉蛋有加入新鮮雲呢拿籽，如果可以加多些少會更香，雪糕是movenpick

一直想食好耐 終於尼食飯後甜品朋友叫左心太軟 佢話好食我叫左豆腐芝士蛋糕 好味呀 甜度剛好玫瑰花茶好香呀 搽茶鮮奶都好味服務好好 埋單個陣問我地覺得好唔好食 仲話我知蛋糕無加化學野 我好欣賞呢一點 因為要做到唔加化學野 成本會這好多仲有連果jam都係自己打 唔係買番尼 聽到咁樣 即刻買多件蛋糕外買番屋企唯一問題係商場中間既座位好大風 天橋位成日有一出入 平均十秒就開一次門 今晚又大風 真係越坐越凍 同服務員反映左 希望商場比佢地加個屏風總括係值得幫襯

終於試到豆腐芝士蛋糕,入口有淡淡清香豆腐味,甜度剛剛好,好滑呀!會再食呀！除了试左個豆腐芝士cake,今天食了個煙三文鱼扁意粉,用白菌芝士汁烹調,好好味!再.來個黒松露刺身带子大蝦長通粉,好满足的午餐啊！

昨天ㄧ班朋友ㄧ行25人去行山,预早卜左位在Alba Cafe晚餐,餐單包括每人有兩杯饮'品,一件cake,瑞士雞翼兩隻,跟住有主餐....日式鰻魚扁意粉...大蝦黑松露意粉.....煙肉茄汁意粉.....安格斯牛柳粒意粉!i好正👍好味👍好飽呀👍！真係一個聚會的好去處👍👍👍

今日又嚟哩間 Alba cafe Lunch啦，今次帶埋大小姐同大少爺一齊❨佢地最中意食蛋糕❩ 。今次轉左 menu啊，但每款 set lunch都係美味，所以大小姐 及 大少各自揀選左 海鮮長通粉 & 手撕雞漢堡 ,我就揀選聖誕餐 ❨因為大小姐想試綠茶心太軟--聖誕餐指定甜品❩ 。今次一樣無令我失望 好味❤ 而餐飲顏色好靚又唔會太甜，蝶豆花青檸梳打！好清新又健康。最後再試佢地嘅每日hand made 美味蛋糕，檸檬乳酪、朱古力三重奏、楊枝甘露 不枉山長水遠由屯門出去食仔女都話無介紹錯呢，哈哈。其實點講都唔及自己親身去嚐試呢

今日約咗好朋友去Alba Café聚舊，呢間餐廳新店開張只有個多月，環境很不錯，食物方面，賣相亦非常精緻，食材好新鮮，各方面質素都做得好滿分。初登場本以為小店所提供的只係Cafe質素嘅嘢食，點知食過兩三次後，每次坐低都有啲驚喜。。我最喜歡小店內既小擺設，獨特精緻既小擺設相信店主人用咗唔少既心思。每次坐下來，我必定會被墻上掛著既插畫所吸引，聽店主人説，佢地每過一段時間就會作一次更新，佢地既理念係希望以藝術融入飲食文化裡，我好欣賞呢種創新藝術既意念，有種文青既筆觸，將藝術塗佈在整間小店裡，好舒服，好感動。。。再值得一提既，墙上還放有我好喜歡既白蘭花，讓清新脫俗既感覺，散落在每個角落。

今日同朋友去茶聚,見到mikiki開左間新cafe,見佢又有主食又有甜品,就諗住試下。雖然我只係食tea但係見到餐牌上面標明用新鮮食材,仲黎自唔同地方,而家好少餐廳著重用料。我地一行3人叫左一件千層蛋糕,店長仲話每日口味唔同,咁岩嗰日就係我最鍾意既抹茶味， 所以叫左一件。蛋糕食落去抹茶cream好幼滑，唔係好甜。同店長講開，先知道原來抹茶千層蛋糕用ge係日本十勝紅豆，同埋美國入口甜麴糖。適逢聖誕，餐廳整左幾款聖誕主題的蛋糕，我地叫左個芝士蜂蜜蛋糕。黎到個陣好有驚喜!!蛋糕面頭舖左一層半溶芝士，上面仲有迷你薑餅人，聖誕樹糖做裝飾。呢款芝士蛋糕唔係平時new york cheesecake 個種，其實係蜂蜜蛋糕為主，但係蜂蜜味好香，配杯熱茶或者咖啡都幾夾。 我自己叫左杯cappuccino，鍾意nutty小小ge食客應該會幾喜歡呢度ge咖啡

已經係第二次到此 Lunch了，以個人口味覺得值得推介，哩間 cafe雖然細少少，但五臟俱全，環境因為在新浦崗區商場內所以都好多人往來，但店鋪比人感覺自然舒服，三五知己或者打工一族都可以係度輕鬆嘆個 Lunch, 店內多張掛畫聽講係有名堂，老板介紹完唔記得了食物方面以高質材料，清新清淡健康為主，少油、鹽、糖份量唔會太多，但唔算少，如果食量較大可以要求加底喎，唔錯唔錯 menu每隔一段日子會轉款，當中一定有一款素食，所以好岩唔同口味嘅食客飲品方面有多款，但暫時我只試左意大利咖啡，但感覺唔錯，好滑，拉花好靚 店中另一主打就係佢地每日新鮮自家制靚靚美味蛋糕呀，每日最少2款口味，有時3款添，實有一款岩，每日好快就賣晒蛋糕嘅材料都係高質，取材自唔同地方、牌子❨menu 有註明❩真係用心。選食套餐可以優惠價享用我好少推介，但我推介得嘅都唔錯，當然人人口味唔同，你地可以試吓架，兩次嘅用餐都食得好開心，蛋糕真係有驚喜。

💓麥提沙糯米糍朱古力慕斯榛子脆餅💓，不過我真心想俾個like佢，無諗過一件cake裡面有齊我最鐘意的脆脆底，麥提沙，上面再加一粒糯米慈😍點都好，欣賞你地的用心，頌有服務態度，期待下個我更愛的蛋糕😘✨牛油大蝦扁意粉好好食啊😍食得出蝦好新鮮，啖啖肉！好正！味道剛好！配一杯玫瑰紅桑子soda，頌可以糖醬另上，好有心！d staff 好nice！值得推薦！