全日雞實驗所

Open Now

Now Closed

今日過開海，喺中環搞掂晒啲嘢之後。心血來潮想加餸，突然就諗起呢間比較偏僻小小嘅海南雞店。之前見啲食評寫得咁正，本身雀躍咁搭叮叮落嚟買海南雞。，入到去food Court，見小貓三四隻，心裏有一下係唔係中伏咗？買咗半隻雞外賣，佢個包裝做得好，感覺上幾衛生。不過啲醬汁就少加咗少少，少到就嚟連碟底都差d見得到。返到屋企拆開利是，我覺得市面上有好多海南雞嘅舖頭都好食過呢一間，就連街市買泰國菜嘅小食店都有層次過佢，真係唔明點解咁多人話好食😨

好好味既海南雞💕呢間位於和富美食廣場，裏面食肆執得七七八八，得返好少間，以前有間食日本便當唔錯，有間好叉好味又唔錯，都執晒，真係怕佢人流唔夠做唔住！全日雞實驗所以前好似係西九龍舖排長龍，而家開喺北角和富就唔駛排隊，目測每次超過一半客人係食呢間！呢個美食廣場裝修都靚靚地有心思的，但人流真係算少，基本上唔駛點等位又可以坐得舒服無人理呢度幾乎每次黎都係嗌同一個餐，雞亦雞胸上脾全日飯餐，連3式醬油、碗仔醬油青瓜、又有碗雞湯，全部都好好味！仲有罐汽水，$60都幾抵又好好食！如果轉脾就多$10要$70，不過我覺得唔加都ok因為雞係好滑既！另外，醬油青瓜唔夠可以另點$28一大碟

今日去渣華道運動場打波，搵到呢一間海南雞，見到個名又幾得意，食評都唔錯就去試吓！今次我試咗$60套餐，果然皮好薄，雞好滑，尤其是三款醬汁令味道得到提升。最搞笑一開始我以個人喜好方式去食。食咗兩啖之後。發覺碗底扎住一啲字。好奇望一下，原來有食法架😅當我飲第一啖湯時，湯已經變得和暖😞完全沒有佢所講嘅湯的味道直逼心臟🤣🤣小黃瓜味道清新。唯獨是飯，個人覺得偏硬😔但配合醬油一起吃就滋味無窮。下次我打波搵食時，我會再來😆😆

全香港最好吃的海南雞飯絕對是一場美味的饗宴！這家店的肉餅不僅出奇的出食，而且質感豐富，每一口都是滿滿的滿足感。主廚的手藝讓海南雞肉保持了極佳的嫩滑口感，搭配綿密的香氣，簡直令人回味無窮。而這裡的青瓜小食則是整體菜品的畫龍點睛之作。清脆的青瓜搭配微酸的醬汁，為整體菜單帶來了清新的風味，讓人在沉浸於濃郁海南雞飯的同時，也感受到一絲清爽。這家店以其經典的海南雞飯躋身全香港最佳之列，不僅在味道上深受食客喜愛，而且價格相對親民，為美味增添了不少分數。無論是單人享用還是家庭聚餐，這裡都是理想的選擇。整體而言，這家海南雞飯店以其出色的料理和獨特的小食搭配成為全香港最佳，是美食探索之旅中不容錯過的一站。

以前佢係西九龍中心已經好好生意，因為住得遠唔係平日收工就係星期六日先有得食。上左關住組同結業個時重誇張。故唔到盤左去港島food court會甘冷清，可能依邊選擇多。講返佢啲雞先，都係甘好食，我平時唔係叫半隻就係一隻雞。佢最最最重要係個薑蓉，唔會一絲絲係打成真嘅「蓉」非常之好食。成日都唔夠要問佢拎多啲，個薑蓉真係好野味，海南雞胸唔選柴，都重好juicy，啲雞又起晒骨岩晒我依啲食肉獸。經過一定會再encore。

久仰大名特地來到北角拜訪。溫泉海南雞飯餐，我哋加咗$10轉雞髀。包括有 - 香飯+靚湯+小黃瓜+三色醬+冷泡烏龍茶，唔同部位嘅雞有唔同價錢。桑拿瑤柱肉餅 $12，價錢一般，可接受。海南雞的確幾嫩滑有肉汁，有雞味，雞皮係彈牙爽口，一啲都唔油，好好食，個雞有七至八舊，份量亦都唔少，比想像中多，質素唔錯。油飯幾多，但係就有啲唔平均，好乾又散、無油香。椰子雞湯清清甜甜，都幾好飲，飲品方面鳥龍茶正常夠凍又冇冰。反而老公話肉餅做得出色，鹹甜適中，肉質彈牙。一舊圓波型，食落幾香瑤柱味，食到一絲絲搖柱，好鹹香，好食，聽聞都係必點。整體來講質素都唔錯，雖然冇乜太多驚喜，但性價比幾高。美中不足唔算好近，要入商場再行落去先到。

今日有事黎北角，食到呢間海南雞飯，真係非常好味，雞肉嫩滑有雞味，無骨，新鮮，油飯又好香好好味。個湯吾會好鹹，只怕有0的鹹到飲吾落。0的雞肉仲有分部位，雞翼，雞胸，上脾啖啖肉，吾會比骨你。我呢個就加$10海南雞脾飯。間餐廳係一個小美食廣場入面，裝修仲幾別緻。

🍴雞髀全日飯餐 $70 + 桑拿瑤柱肉餅 $12 (9/10)套餐包括香飯+無味精靚湯+醬油小黃瓜+大色醬汁+冷泡烏龍茶個飯好香唔油，有微微香料味，飯粒粒分明，個湯係幾香嘅椰子雞湯，一啲都唔油，幾清香，青瓜好爽口，個雞有七至八舊，好嫩滑有肉汁，有雞味，雞皮係彈牙爽口，一啲都唔油，好好食🤩同事話肉餅好好食，又加咗份試下，一舊圓波型，食落好有肉汁又彈牙，幾香瑤柱味，食到一絲絲搖柱，好鹹香，好食😋個茶正常夠凍又冇冰！推薦指數: 9/10真心良心價，足料又好食，雞好食，肉餅都好食😍一定會再嚟再食，美中不足唔算好近，要入商場再行落去先到。

大熱海南雞飯搬左黎北角和富中心既foodcourt入面, 裝修好有異國風情🕌又坐得幾舒服, 人流未算太多, 可能比較早去食lunch。 全日飯餐 (雞胸+雞柳) $60飯餐可以揀既部位都幾多, 揀左雞胸加雞柳, 再另加$12桑拿肉餅🍖雖然有雞胸既位置, 但肉質都好滑好好食, 唔會柴👍🏼追加左桑拿肉餅細細件, 油香味好重肥肉應該都佔得比較多既比例, 不過好好食, 細細件夠啦🤭油飯好香, 可以成碗食晒。跟餐仲有碟醬油小黃瓜🥒同碗椰子湯🥥同揀左可樂, 都真係幾抵食。全日飯餐 (雞脾) $70雞脾肉質非常嫰滑🍗雞皮亦好爽滑一D都唔油, 好好食。食海南雞飯點少得三色醬🍽️黑色醬油🧂好濃有少少甜味, 蒜蓉醬🧄切得好幼細味道好香, 辣醬🌶️唔好太辣仲有D甜甜地。總括黎講三款用黎點雞肉都好適合。跟餐都有碟醬油小黃瓜同碗椰子湯同揀左烏龍茶🍵

全日雞由2021年由西九龍中心搬咗嚟現址.不知不覺已經兩年多.其間我嚟過三至四次.因為我住喺荃灣.所以並不會時常過嚟食.講真句暫時並未有人超越佢嘅海南雞好食.皮下脂肪比例少.皮爽肉嫩香滑.可以話係我嘅食過最好食嘅海南雞.今日在炮台山附近食下午茶.食完專程過嚟賣番半隻返屋企食先.依家改咗用獨立保鮮包裝.保正更加衞生！🚶🏻‍♂️👉📌全日雞實驗所 (北角)北角和富道21-53號和富薈地庫B50號美食廣場C1及C2號舖

呢日黎北角附近睇展覽 上網搵到呢間海南雞飯🐔好似唔錯原來係之前係西九龍中心搬過黎 係和富中心既Foodcort入面 呢度Foodcourt d位都坐得幾舒服 同唔算好多人全日溫泉海南雞飯餐  轉例牌(下庄)香飯+湯+醬油小黃瓜+飲品 醬料超級多 滿哂😂呢度既海南雞飯可以選擇唔同部位 例脾下庄份量都幾多同好嫩滑 正正😋 油飯好香 仲有小黃瓜可以fresh下😆除左海南雞飯之外 呢度仲有肉餅飯 所以就試埋加埋個瑤柱肉餅飯餐 都唔錯 唔會好乾

原本就已經聽朋友講話依間嘅海南雞飯好正，但想食嘅時候已經執咗，而近排聽聞它們在北角重開，咁就趁機會去試吓一睇到他們的餐牌就知道他們專注做海南雞，除咗雞之外，唯一可以追加嘅就只有肉餅，可想言之他們是多麼專研烹調海南雞，而且他們把海南雞所有不同部份都分得好仔細，唔會除咗雞髀之外，其他亂咁放埋一碟就算，可以根據自己喜好所選擇溫泉海南雞飯餐（胸+柳） $58 推薦指數🗯️：🌟🌟🌟因為我唔係好鐘意食太肥嘅位置，所以就揀咗雞胸加雞柳，不過就算係雞胸食落都唔會好乾柴柴，但就一定冇雞髀咁嫩滑，但雞味好重；雞柳相對上會比較細嚿啲，但係食落會比雞胸滑他們的湯也好明顯是自己用雞骨煲，飲完唔會覺得喉嚨好乾，而且他們一定好足料去煲，因為我飲第一啖已經覺得好甜，不是放了糖那種甜，是椰子那種清甜，這種甜是不可能靠其他調味料煲出嚟另外，我覺得他們的小黃瓜和三色醬汁也很用心；小黃瓜雖然唔係好貴嘅食材但是一般其他餐廳比的份量就很少，依間就比了整整一碗，而且唔係隨便小黃瓜加少許醬油，而係要提早醃製好，咁樣醬油味先可以深入小黃瓜，食落爽脆而他們三色醬汁中的薑蓉是好軟棉，冇渣餐加桑拿肉餅 $10 推薦指數🗯️：🌟🌟🌟🌟食落味道都唔

今次我地去左位於砲台山和富中心嘅big food court內搵食🍱,差唔多全部人都係食緊同一間嘅餐廳🍗,就係今次我哋要介紹嘅全日雞實驗所啦🧑‍🔬今次叫左套餐，裏面有飯有湯有小食仲要包埋飲品,當然仲有主角就係雞啦🐔😚海南雞飯第一樣嘢梗係講醬汁啦薑蓉 : 配搭香油雞減少油膩感濃黑醬油:質地偏濃厚酸辣汁 : 酸酸甜甜好開胃但係都唔會好辣🐔全日溫泉海南雞餐 ($58)雞肉好嫩滑，雞皮油脂感十足，雞味濃郁，再加上無骨啖啖肉，雞油飯粒粒分明，完全唔會好黏，雞油味好濃但完全唔會油膩。🍗轉雞髀($10)比$10轉髀好抵食，更加嫩滑，同埋份量都好足,數量有限,有的話一定要試下🐷桑拿瑤柱肉餅($10)瑤柱味好足，口感好紮實 感覺好足料，一啖咬落去好juicy 係一個好出色嘅肉餅 個人推薦一定要加黎試吓總結：香港有好多唔同嘅海南雞飯店🐔，作為海南雞關注組黑馬🐔,呢間真係值得一推，仲有一個好值得推薦嘅肉餅🐷，呢個價錢呢個質數，可以話係頂級嘅海南雞 !💯

朋友哥哥介紹話去試下鰂魚涌過去大概15分鐘到環境係一個屋邨商場入面嘅Food Court商場比較新所以都好乾淨然後直行入去就見到全日雞啦🔸海南雞飯（雞胸+雞柳）+烏龍茶 $58其實有得揀雞翼 不過作為懶人嘅我就喜歡啖啖肉成個餐有飯 湯 小黃瓜 雞 同野飲首先講下雞先 份糧足夠 肉質滑嫩 雞味都有醬方面個人推薦甜豉油大於其他飯方面就有味道而唔油膩同埋好大大大兜 我最後食唔哂小黃瓜其實都切得算大粒 小小咸都好食反而湯就差小小 飲得出椰子味其他味就唔太出野飲方面就可以揀汽水或者烏龍茶烏龍茶就似包裝個啲咁冇乜特別💬整體抵食 份量夠 價錢唔貴 環境好

利申：非廣告文‼️唔講唔知呢間餐廳未搬之前係西九龍中心一間熱門餐廳，好可惜佢搬左舖之後好似唔太多人留意到咁😢 而我自己都係係呢頭返工先知佢嘅存在🥲🥲每次幫襯都係openrice外賣自取，外賣黎講質素理應打個八折，但呢間餐廳就保持到水準，每次叫海南雞飯餐，份量足之餘，啲雞起碼有十件，啖啖肉，個飯係椰香飯，會令人想爬多幾啖飯。而且佢亦會送埋椰子雞湯，溫度都夠熱，最後仲包埋杯冷泡茶！重點重點係，佢個海南雞飯係跟左三款醬：泰式辣醬、黑豉油同埋磨到好幼好幼細嘅薑蓉，作為醫汁之鬼嘅我真心推介呢度嘅醬汁，真係超水準🤤🤤我自己好少打食評，今次發表係因為佢真係值得擁有更好！唯一少少挑剔嘅係佢杯冷泡茶可以再濃返少少🤣 希望佢可以係和富呢個死場繼續生存到，有更多人知道呢間高質又抵食既海南雞飯專門店🥹🙏🏻