Video
Telephone
23288806
Introduction
This upscale Chinese restaurant serves dishes from various regions of China, including Cantonese, Sichuan, Beijing, and Shanghai cuisine, etc. The team of skilled chefs uses fresh ingredients and traditional Chinese cooking techniques to present the authentic flavours.
continue reading
Opening Hours
Today
11:00 - 22:00
Mon - Sun
11:00 - 22:00
Public Holiday
11:00 - 22:00
Public Holiday Eve
11:00 - 22:00
Above information is for reference only. Please check details with the restaurant.
About Reward Scheme
雪山柚子包。順德順峰的看家名菜。復刻形似，柚子料處理過於簡單，與韓國柚子醬神似。徒有其表。銀芽肉絲炒麵。麵餅油溫得當，勾芡嫌厚。菜牌應提示為“煎麵”。牛展基本好評。後味有陳皮香。京味水餃好評。保持質素。蔬菜、叉燒、鳳爪不過不失。帶位安排欠妥，溝通較生硬。餐廳覆蓋科學園公司以及白石角住戶。週末節假日屬街坊酒樓。甫開業時，質素高、量足，是不少園區公司聚餐宴請、居家聚餐的top之選。希望可以保持質素，提昇服務。
continue reading
叫左個古法拉花馬拉糕，圖片顯示係長方形一層層個種，點知黎到係一底黃色個種另個叫左個紅米海鮮腸粉，黎到竟然係白色既腸粉。同埋叫左個芝麻卷，催左3次都冇黎到，到埋單既時候同店員講話冇黎到要取消，店員竟然話廚房仲有，依家拎俾你啊。催3次都冇黎，到埋單先話有，離晒譜架⋯⋯
continue reading
同屋企人一行四人嚟食冬至飯，叫咗一個砂鍋雲吞雞、原條烤魚、紅燒乳鴿、瑤柱蛋白炒飯 。其實木茶餐廳都唔係非常之忙，但係坐低之後，想搵個人落單都難。最後落完單，等咗半個鐘先上咗碟乳鴿，之後再等多幾個字真係好唔耐煩，一問之下，就話個砂鍋雲吞雞係要好耐時間，然後條魚又落漏單……不過都體諒過時過節忙啲，而且餐廳而家通常都係過節嘅時候搵啲part time 人返工，落單唔熟，都冇辦法。講返食物，乳鴿比較瘦，但係燒得唔錯，皮脆，亦都唔會過鹹。砂鍋雲吞雞個湯都好濃，雲吞大大粒足料，有半隻雞，食落都算滑。原條烤魚雖然遲咗好耐先上，但係都好有看頭，有一個大盤咁樣出，辣🔥得過癮。炒飯，炒得好好，粒粒分明有鑊氣。環境唔錯，間餐廳有戶外座位，天氣冇咁凍嘅時候可以考慮再嚟過坐室外。最後，就係泊車有free三個鐘頭，真係唔錯！
continue reading
看到網上介紹望住吐露港飲茶，就帶住一家大小黎到白石角試一試。依家天氣夠清涼，非常適合坐戶外，遙望大埔觀音像及吐露港景色，像郊游般舒適，令人心曠神怡。🍠午市自選孖寶 $66- 響鈴海鮮腸粉- 鮮竹牛肉球🍠籠仔蒸龍躉頭腩飯 $98🍠水晶鮮蝦餃 $58🍠韭黃鮮蝦腐皮卷 $58🍠川式口水雲吞 $48🍠自選4位優惠午市 $498可自選4款點心、一款燒味和兩款小菜。- 羊肚菌燒賣皇- 欖角蒸排骨- 沙嗲金錢肚- 潮州粉果- 風味黑毛豬叉燒- 一口醋香骨- 涼瓜斑腩煲點心質素尚算OK，比較出色的是煎炸的點心，特別是腐皮卷，皮薄乾脆。而響鈴海鮮腸粉也不錯，配上三醬很惹味。長輩們覺得小菜跟籠仔飯上菜時都不夠熱，菜式加上在室外更加容易變涼，味道OK。叉燒算是出夠菜色，味道入味，但略嫌過份厚切。💰6大1小人均消費 $150-200📍八方棧沙田白石角香港科學園科技大道東16號
continue reading
睇到有網友介紹，點心精緻又可座露天位，周末又無乜嘢做，出發試吓呢間睇就幾好，食就唔知好唔好嘅～八方棧。見到人哋啲相幾正，二口子『出盡力』叫咗六個點心，最後試埋個炒飯。蔬汁金柚雪山包 二人蘿蔔絲酥餅二人前蟹籽蝦多士百醬蒸虎皮鳳爪娘惹海皇春卷(3件)沙爹鬼馬牛肉腸 瑤柱蛋白炒飯蔬汁金柚雪山包～面頭好鬆脆，包軟熟，包入面小小嘅醬加埋柚肉，口感同味道不錯。蘿蔔絲酥餅/蟹籽蝦多士蘿蔔絲酥餅咬落去鬆脆，滿滿嘅蘿蔔絲蓉，都唔錯收貨。蟹籽蝦多士～第一件真係食晒成塊，此終係炸物加面包，面頭真係成層蝦膠，多士食到成口油真係無可厚非，所以我食第二塊時淨係食塊蝦膠算百醬蒸虎皮鳳爪～鳳爪可以話係我哋飲茶必點，一來真係鍾意食，二嚟喺測試間嘢得唔得，呢度得，咬落去隻嘢脹卜卜口感滿滿，最重要不過咸。娘惹海皇春卷～春卷係第二樣必叫嘅，咬落去鬆脆，蝦肉都滿滿，但有一隻味怪怪哋但又唔係唔好食～感覺係小小咖哩味，都ok收貨，因為叫咗太多炸嘢，呢個食咗半條算。沙爹鬼馬牛肉腸～原來個名有沙爹，咁我又食唔出，牛肉加油炸鬼，口感都夾，不過今日真係太多炸野，頂唔順，但個腸粉皮ok, 薄同軟～不錯。既然一場嚟到，試多一樣～瑤柱蛋白炒飯。我呢啲check 精，正常唔會叫呢個，因為性價比太低，料又唔多，但「值錢」，碟飯一放低都嗅到香味，瑤柱大家都睇到，得面頭幾粒，成碟白雪雪，但食落又幾好味，所以呢碟係食「功夫」，我都食咗一碗仔，食淨同其他一齊打包，放心唔會浪費嘢。整體水準唔錯，同埋依家天氣不熱不冷，座出面真係好舒服，只係我哋真掛住想打咭，不知不覺間揀咗幾樣炸嘢，真係『吃不消』，所以大家選擇時都要小心。回頭度：8/10
continue reading