森泰遠甜品餐廳 (Closed)

除了觀塘廣場，我都喜歡到不如地方找好野食。今天朋友建議去觀塘工業中心那邊找吃，原來3, 4期一樓都有不小餐廳。今天就去了3期一間叫森太遠的甜品餐廳，LUNCH 是半自助形式的，價錢由$68- 80不等。餐廳不算大，而人也不多，很容易就找到座位。我跟朋友點了ALL DAY BREAKFAST 及熱香餅配雞排，點完就出去自助區域看看。食物選擇不多，有小量沙律、菜、木瓜湯及燒賣，飲品只有凍或熱檸檬茶。熱香餅配雞排$68上菜時熱香餅跟我想像有出入，這個似是大光酥餅外形的煎糕外形可愛，厚厚的糕中間鬆軟，邊沿位置有小小脆口，加上小小熔糖霜及糖漿味道甜甜，不錯。雞排煎的香，入口味道偏甜。我會形容這道菜是中式熱香餅。ALL DAY BREAKFAST $68這個ALL DAY BREAKFAST 一送上就聞到熱藤藤,香噴噴既牛角包,食入口軟綿綿又香口, 其他分別有香腸, 火腿, 煎蛋, 茄汁豆, 什菜 及炸薯角煎蛋係比較家庭式既煎蛋, 我個人鐘意將蛋王當汁同火腿同香腸一齊食, 另一個驚喜係炸薯角, 依個係連皮一齊炸既外脆內熱薯角.

估唔到觀塘都有半自助午餐！超抵食！同場都有好多熟客仔，自助形式真係唔錯，如果喺觀塘返工LUNCH想食飽啲可以過嚟坐下～半自助午餐 $65起~可以叫一個主菜: 焗飯、意粉、牛扒、PIZZA等等！而自助區有湯、沙律、小食、甜品及飲品～我哋叫咗火鍋雙拼＆辣肉腸Pizza😂🍲火鍋雙拼 肥牛＆豬腩肉 可選沙嗲湯／芫茜湯🌱 今次飯腳唔食芫茜，所以揀咗沙嗲湯，上枱時沙嗲味濃濃呢～可選白飯／麵／意粉🍝二話不說揀意粉！第一次打邊爐滾意粉🤪  打邊爐落港式意粉又幾有趣同幾好味😂🤪🤪 好耐無打過一人邊爐，估唔到仲有響鈴🤩生菜、金菇、貢丸、餃子、腸仔、粉絲，都好多野食！🍕辣肉腸Pizza　可選薄批或手工批，當日手工批已售罄，所以揀咗薄批材料好豐富！有辣肉腸、煙肉、免治肉、洋蔥、青紅椒、蘑菇、芝士中間芝士滿滿都有拉絲效果～味道又唔會太辣～因為好多材料所以呢個真喺超抵！

今日突然間想食心太軟 之後喺觀塘區搵 搵到呢間 佢有好多口味嘅心太軟咖啡 榴槤同辣椒我都想試 不過得兩個人就揀咗咖啡同榴槤 榴槤我覺得係驚為天人嘅 而且好鍾意佢用生果做伴碟 仲要唔係罐頭生果不過間餐廳真係勁靜 我忍唔住埋去問啲職員係唔係平時都係咁 佢哋都好無奈咁話真係好靜 我話我喺OpenRice搵甜品舖 佢呢間啲食評實在係太耐之前 最近嘅相都係講緊半自助餐 所以我都有啲懷疑究竟仲有冇甜品食 之後我同佢哋講我幫佢寫個食評 起碼如果有人搵都等人知道你而家有啲咩食啦 真心好驚佢會執 希望多啲人幫襯啦

本身網上想搵觀塘有任食甜品的地方，發現冇咩選擇，只搵到森泰遠，就決定星期五晚，2個人去食半自助晚餐試下～😆叫左2個set, 香辣蝦球意粉同青醬鴨胸意粉，$158加一，跟埋餐湯同多士（多士食左幾塊先記得影相🙈）全部份量好足料😋仲包每人兩杯餐飲自助區有沙律，生果，小食(炸魚餅，炸燒賣，白雲鳳爪，中華沙律，雲耳）。最期待就係甜品😋有好幾款甜品揀，麵包布甸，蛋糕，啫喱等等，好好食家庭式經營小店，店員親切，環境舒適，但成晚只有我地一枱客🥹有心的小店要大力支持先得👍🏻觀塘站行去5分鐘唔駛

平時我好鍾意食甜品嘅，今日做完嘢一個人就諗起去森泰遠甜品餐廳試下佢新出嘅下午茶high tea套餐。一入到去估唔到星期六下晝都冇乜人得我—個，咁我就試下新出嘅下午茶餐先，估唔到份量會咁多😂 鹹點已經有四款，有薯角，雞翼，蝦多士同埋洋蔥圈，食完都飽咗三分一😂。食食下黎埋蛋糕甜品估唔到咁鬼死多，每款都有四種，有楊枝甘露，燉奶，蛋糕，班戟等等，還包一杯飲品😍食完飽連晚飯都唔使食😂，份量真係多到如果兩個女仔嚟叫一份都夠😀。而且味道非常之好，性價比冇得輸真心物超所值，一個人都係＄118真係冇得輸。這間店或者真係地點問題所以比較難發現😐，食咁耐都係最後得一兩枱客人，心諗咁抵食嘅下午茶咁高質素都竟然咁少人😣其實佢哋真係好近地鐵站不過只係隱藏在工業大廈裏，希望可以多Ｄ人認識上去試下啦，因為這類有心小店真的很值得我哋去支持！加油呀！😊😊

之從睇完YouTuber 亞 Data介紹過呢間餐廳，就成日心絲絲想試吓。卒之的起心肝去食，係去之前1日通過openrice訂位。呢間餐廳好近觀塘地鈇站，地理位置超方便。可惜餐廳身處工業中心1樓內，要食環境既人就可以唔洗考慮。我同我屋企人因唔太介意用餐環境。入到去餐廳係無乜特別裝修，勝在静靜地同乾淨光猛，正正常。我地今次主攻既半自助晚餐由6点半開始食到9点。頭盤/前菜同甜品全部可以係自助區攞，任食既。當然貨色係平常大路野，例如炸燒賣，白云鳳爪，云耳，茄子，中華沙律之類既凉伴。唔算太特別。任食甜品雖然只有4款左右，反而每款既味道都唔錯。鐘意食甜品既應該会几開心。主菜選擇由$118至$400內都有，我先生同我媽媽分別叫左雞扒意粉同青口意粉。份量好大碟，味道亦不錯，对得住個價$。而我点左半份既燒豬排骨最有驚喜，似乎個醬汁係秘制，好惹味。最後因為我地通過openrice個網站提前1日訂位，咁会免左加一服務費。同埋仲会送多個甜品火炎雪山比我地晚餐做個完美既總结。順帶一提老闆娘好nice同親切，招乎亦週到。希望繼續多D人支持呢類型既家庭式經營既餐廳/小店。

無意中發現到呢間餐廳….$65個午餐仲要半自助首先佢可以OpenRice訂枱然後去到現場座位都算鬆動舒服👍我記得佢嘅主菜有All day breakfast..炒飯…麵同Pizza等等嘅嘢揀…眼見八成嘅人都會揀All day breakfast So far我見我自己揀嗰個Pizza其實Not bad好大個…芝士仲拉絲出邊自助食物有生果/炒粉絲/蛋糕/蒸包/燒賣/炸春卷/啫喱/大菜糕…凍檸檬茶都係自助嘅我有一個朋友，好鍾意喺酒店自助餐食啫喱但如果佢喺呢度任食啫喱絕對唔會比我鬧埋單嘅時候用OpenRice Pay比仲可以減$20添真係平到CS

朋友介紹下知道觀塘有間食半自助午餐好平就走去試下。地點也好近觀塘地鐵站，行三分鐘就到，十分方便，而且環境好有田園氣息又夠寬敞。Order左all day breakfast，入面有牛角包、香腸、西蘭花、香蕉茄汁豆同埋火腿，每樣材料都好新鮮而且味道比較清淡，啱曬追求健康飲食嘅朋友。另外點咗焗肉醬蛋意粉，無論醬汁用料同埋個意粉味道都好均勻。呢度嘅自助午餐仲有各類蔬、生果、燒賣、饅頭、飲品、甜品等等畀人任食，價錢都只係六十幾蚊絕對係貼地價。

我真心覺得自己好好彩☹天時地利人和樣樣齊帶我嚟到呢間餐廳😥😥😰我真心嬲到粗口都出齊兒童不宜呀☠☠☠☠一入鋪，發癲😹無冷氣，我都支持環保嘅如果冬天又outdoor我覺得ok但呢排真係好q熱囉🙊🙊算啦，坐低咗就唔走啦見到佢地本menu幾靚幾有心思手繪咁靚💕💕我叫個all day breakfast鴛鴦紅豆冰 熱檸水🍋諗住實無死惡夢就咁開始🦖🦖🦖我頂，坐咗半個鐘都無嘢飲搞咩?但所有職員坐曬喺度囉由於廚房玻璃設計我唔見有人喺入面囉🤣🐧好啦，職員終於慢條斯理入廚房有紅豆冰飲啦下?!圖中啲cream呢？無wo!呃人嘅！鴛咩鴦呀咁？仲要熱嘅加冰極其量咖啡紅豆冰囉而且鬼死咁甜😑😑😑之後10分鐘檸檬水終於到啦🍋🍋🍋我想問係味去咗摘檸檬呢？🍋個職員沖檸檬水果陣全程無戴口罩，我差啲想唔要杯嘢飲救命☹☹☹仲切埋啲檸頭檸尾俾我40分鐘搞緊咩呀大佬無冷氣就熱死囉好無？☠個all day breakfast 唉，唔知佢等啲菜種好定點定等雞生蛋🥚🥚🥚🐤熱到唔記得時間仲要勁耐都唔俾餐具我食條毛咩，攞手食啦好無咁咪餐具都唔洗洗囉問職員攞餐具仲死撐：「下我無俾你咩?明明俾咗架wo！」真心想答佢：「你俾x咗邊個呀大佬?成間餐

同事明天31/3 last day, 即時話farewell lunch. 熟悉的名字來嘗試一下。自助沙律吧是簡單的菜蔬沙律，午餐是簡單的幾款午餐。環境清靜簡單，食物偏淡是簡單的。在觀塘要簡單閒聊的午餐，可考慮這裡。沒有驚喜就是驚喜。

同事介紹過這家半自助午餐，能吃到超飽的，而且價格不貴，所以今天和老公來試一試。位置近地鐵站，方便不難找。裝修充滿簡約田園味，環境舒適寬敞。 半自助午餐時間12:30~2:30， 最最能吃兩個鐘!我們先點了兩份午餐後便到自助區拿取食物和飲品。先拿一點雜果沙律和足料靚湯，然後取了點蒸燒賣和蠔油菜心。餐廳期間會不斷補充食物和增加食物種類:蛋糕仔，炸饅頭，啫喱，甜品......沙拉豬扒豬扒煎得香，肉厚而鬆化，配沙拉醬，口感特別。香蒜煙肉意粉意粉軟硬適中， 蒜香味濃， 煙肉香口，很開胃。最後，吃點飯後果，果然非常飽肚和滿足。

今天女朋友生日，來到觀塘開倉購物之餘，累了便來到工廈的隠世食店大吃一頓。進店，簡單的裝修佈置，簡單的餐單，不太難選擇。我和女朋友點了一客香草瑞士雞脾配飯及一客全日早餐。沙律有車厘茄，生菜, 也有燒賣，青瓜絲，紅蘿蔔絲、檸檬茶，可謂麻雀雖小但五臟俱全。主菜的雞脾，手掌般的大小，皮滑，肉嫩，瑞士汁十分惹味；吃完雞脾的份量已有8成飽了；而全日早餐，有西蘭花，焗豆，薯角，煙肉，腸仔及蛋。賣相吸引，味道多種層次感，可以一試。女朋友吃完這一餐後，覺得十分滿足。

打算和家人去觀塘工業中心買完嬰兒用品，經過見到這家位於工業中心第三期的森泰遠甜品店，門口立有餐單，看了一下覺得相當有趣，是半自助餐形式，點了主食後甜品、飲品、沙律水果餐湯都可以隨便吃，而且價錢非常划算，一個餐才$65而已😍😍。炸蝦餅配豆醬辣味湯粉絲 $65蝦餅及湯粉份量都很多，蝦餅炸得脆而不膩，加上薄炸關係，就算燙熱的溫度也能接受。All Day Breakfast $65這個餐非常大份，有牛角包、腸仔、炸薯條等，牛角包相當有咬口，整體質素都不錯。工廈真的夠神奇，這麼平民的價錢都可以享受到自助級別，下次約朋友聚餐又多一個選擇了！😋😋

每逢Lunch time觀塘人都係最頭痛的，又要迫餐廳位，周圍人山人海。今天朋友卜了觀塘工業中心一間餐廳叫森泰遠甜品餐廳，半自助午餐。餐廳環境舒適，位置不迫夾，可以好好享受lunch。半自助午餐一律$65，all day breakfast 非常吸引，而朋友叫了卡邦尼意粉。自助bar 選擇不算多，有沙律吧、菜、包、燒賣、甜品、生果及飲品。主菜all day breakfast非常吸精，最喜歡大大個牛角包令我流口水，充滿牛油味而且熱辣辣。薯角都炸得香脆而且份量多。其他配菜有太陽蛋 (如果生小小更好)、茄汁豆、煙肉、西蘭花及提子，真是大滿足。卡邦尼意粉是各西餐廳或日式cafe必有的一款意粉，看似簡單但要好吃並不是一件容易的事，因為控制蛋汁的分量及熱鍋的溫度都需要一定的經驗，不然便會成為一碟炒蛋意粉。這碟卡邦尼意粉每條意粉都沾上蛋汁令味道變重，雞蛋跟忌廉的最佳比例為1：1 是完美配搭 ，忌廉令成碟意粉變得Creamy ，加入煙肉及蘑菇片 令整碟意粉更有營養美味!!!

2020年11月20日 星期五難得今日星期五，偷偷去接老婆放工俾一個驚喜佢，兼且帶佢去觀塘食飯事前我已經揀好呢一間餐廳，因為網上面有好多人推介，位置都唔算太難搵，地鐵站一出行大約5分鐘就到入到去坐低再慢慢睇餐牌，因為今日係星期五，所以餐廳提供半自助晚餐，可以任食前菜同甜品，價錢仲要同平時出街食嘅晚餐冇乜分別，夠晒抵！！點完餐之後店員先黎一碗餐湯，係粟米忌廉湯，有好濃烈嘅粟米味，而且仲食到粟米蓉添，幾creamy至於主菜我就要左燒豬肋排，份量係半份，燒得幾香，而且唔需要太用力就切得到，肉味幾濃，加埋醬汁好惹味最後當然唔少得甜品嘅環節，既然甜品係自助形式，當然每一款都要試吓，見到款式雖然唔算太多，不過每一款都好精緻。特別想講烤蘋果同麵包布甸，因為兩款都焗得好香，而且牛落去充滿蘋果嘅香味，麵包布甸就唔算太膩，麵包好鬆軟同布甸混合得啱啱好冇諗過呢個價錢都可以食到半自助晚餐，而且甜品仲要咁高質素