森泰遠甜品餐廳 (Closed)

放假約朋友食飯，朋友帶咗我嚟一間工廠大廈的餐廳，餐廳名叫森泰遠甜品餐廳，聽個名我初初仲以為只係食甜品。去到門口見到一個綠悠悠嘅招牌，再配合埋個白雪雪嘅門口，頓時覺得自己好似好文青Feel一行入門口，一樣有抗疫三寶，包括要戴上口罩、量體溫同埋用消毒酒精搓手一樣照做足，咁就安心哂。安排好座位後，職員就拎咗餐具比我哋，可以出去拎嘢食，原來係半自助午餐。先有一個主菜，另外有一D餐前小食、沙律、餐湯同埋飲品可以任飲任食。主菜朋友就點咗白汁吉列魚柳飯，而我就因為連早餐都未食，見到有個All Day Breakfast就毫不考慮就點咗。喺等緊主菜期間，我地就行咗出去拎嘢食，呢到都講明要戴住口罩先可以出去拎食物，令到食客感覺安心好多。拎咗個湯，係菜乾湯，飲落好似有D羅漢果嘅味道，啱哂我呢D氣管唔好又時冷時熱嘅天氣下飲，仲要幾好味。先上咗朋友個白汁吉列魚柳，偷食咗佢一啖，個白汁好好味，唔似出面一般餐廳嘅生粉汁嘅感覺。而魚柳望落份量都夠多，我睇到朋友食哂D飯都仲有魚柳未食完，果然抵食!到我個All Day Breakfast，一嚟到我忍唔住嘩咗聲，我真係無見過一個All Day Breakfast嘅牛角包

觀塘工業區寫字樓附近搵食， 往往都人頭湧湧。朋友介紹 這間 cafe西餐廳地鐵站口一出就到， 好方便就腳。觀塘工業中心第三期，見到個牌行上一層樓梯就係。門口招牌係一大片青綠色草地，裏面都好有田園feel～餐廳中午時間係半自助午餐形式， 每款$62， 已包括自助食物。 餐廳其中一邊擺放着 自助食物：湯， 沙律， 點心， 生果，甜品。 當然種類唔算多， 但每款做得好吃美味。 衛生設施也做足， 入門口要量體溫和消毒雙手 ，自取食物範圍都一定要戴上口罩， 而且不能同時多過四個人。各款沙律都有用蓋蓋著， 下面放冰墊， 擺放得乾淨衛生亦夠凍。今日嘅湯係中式冬瓜湯 ，簡簡單單夠清潤。沙律材料蘿蔔絲，青瓜絲， 薯仔蘋果沙律， 支豆，車厘茄。。 新鮮健康。自助飲品有糖凍檸檬茶， 有新鮮檸檬提供，自製一杯熱檸茶也不錯。新鮮水果有木瓜和西瓜。蒸菜肉包，旺菜。甜品有朱古力卷蛋， 大菜糕， 味道唔錯㗎！五香肉丁出前一丁， 再配上炸魚皮， 好有創意！ 魚皮係脆㗎！Cafe 再加茶餐廳嘅feel! 仲配有香脆牛油多士， 好鍾意佢嗰陣酥酥地嘅牛油香， 係茶餐廳嘅獨有～仲有煎香嘅煙肉，👍👍 。 成個餐超讚！ 小朋友都成

今日放假，朋友帶咗我去一間位於觀塘工業中心的上樓食店食甜品，森泰遠甜品餐廳，一聽個名就知道係專門賣甜品。今日叫咗法式蛋奄列，聽個名都覺得好浪漫🥰法式蛋奄列好鬆軟，像疏乎厘pancake，甜度剛剛好，配上多款生果包括士多啤梨、紅青提子、藍苺，賣相好colorful。另外，朋友叫左桂花鮮奶燉蛋白，甜度剛好，桂花味好香，燉蛋白夠滑，鮮奶燉蛋白就食得多，加桂花又好少見。之前朋友嚟食過榴槤炸雞，原來下午茶時段係冇㗎，基於我同朋友都好鍾意食榴槤，今日老闆聽到我地好想食，特別為我哋做一個😋炸雞香脆可口，裏面包着榴槤肉，真係好特別，冇諗過炸雞可以同榴槤夾埋一齊做一個小食😆特別一提，呢度嘅環境裝修令人有一種好舒服嘅感覺，疫情之下，亦會為客人探熱先至可以入去。

觀塘午餐，見到自助餐一律62，半自助點都好啦，就上嚟幫襯下啦， 入門三部曲 ，噴手 照錫額頭呢啲走唔甩坐，落都安心好多 ，跟住除口罩，不過出去攞嘢食就要帶番個口罩啦 。坐落啲容客人陸續入座 ，差唔多爆坐滿堂咁濟 ，好喇咁我哋叫返啲嘢食先 ，叫個C餐燃燒青魚配飯 ，在整個 D餐香蒜雞絲意粉 。自助食品都好豐富有前菜，亦都有沙律，又有甜品又有茶 ，如果加錢加多少少，又可以整杯咖啡飲 。話就話有限時間，但係一般坐落都冇問題嘅 ，傾下偈呢度都唔錯 ，睇返啲嘢食就以素菜為主㗎，各樣都好清淡色水亦都係， 自助餐檯就唔算好多重型嘅肉類嘢，但係一般食蔬菜類就非常滿意啦。 一碟頭加多少少加埋阿主菜非常夠食嘅。 仲有佢有個個湯 ，中式菜湯都唔錯嘅 。亦都有甜品，咖啡布甸， 啫喱有大菜糕， 都算琳瑯滿目嘅。

媽媽很久沒有出外，今天帶她到附近的工廈餐廳吃午餐。餐廳入口擺放了一樽消毒液，顧客入座前必須消毒雙手。半自助午餐每位62元，免收加一服務費。客戶到餐枱取食物和飲品時必須戴口罩。自助食物、水果和甜品全部均有蓋，清潔衛生。沙律吧有生菜、紅蘿蔔絲、青瓜絲、小蕃茄、薯仔沙律和毛豆，新鮮清甜，另有兩款沙律醬供選擇。木耳眉豆雞腳湯，熱辣辣，材料足，湯味清清地，不會太咸。All Day Breakfast。兩片薄多士很香脆，配牛油和果醬，味道很夾。煎蛋又熱又香口。香腸、火腿和煙肉不會太乾，不算很肥膩。香蕉新鮮且甜。炸薯角外脆內軟，十分滋味。麵包布甸配煎雞扒。煎雞扒外層香脆，內層多汁肉嫩。麵包布甸不太甜，符合我口味。甜品有多款，其中曲奇餅和咖啡味布甸很好吃。水果有哈密瓜和木瓜，新鮮，爽脆，甜甜地。飲品有凍檸茶、熱無糖茶、熱咖啡等，全部任飲，其中熱咖啡很香濃，味甘香。總結：清潔衛生，食物美味，價格平宜。

今日又約咗朋友去官塘揾地方食午餐，上網揾下去邊間餐廳，見呢間餐廳嘅評語幾好，又幾抵食，就同朋友去試下😄餐廳佈置清新田園風格，座位寬敞，洋溢住令人身心舒暢嘅氣氛，門口仲放置咗酒精搓手液，俾客人消毒雙手😀半自助午餐一客💰62,有主菜，而自助區嘅餐湯、熱盤、甜品任食，仲有飲品添😄自助區雖然唔大，餐湯、沙律、甜品、小食、生果同飲品，樣樣都有，夠精簡，而侍應姨姨又不停添加，供應充足😄青木瓜排骨湯夠足料，冇味精，住家湯味道😅蘋果薯仔沙律新鮮，蘋果爽甜，咖喱角香脆😋椰汁紫米配墨西哥雞卷，紫米露紫米煙煙韌韌，少甜，咁哂我😋,墨西哥薄餅皮包住香脆嘅炸雞肉，唔多油，配料搭牛油果青瓜條同生菜，雞肉都幾大塊😋朋友要咗鹽燒鯖魚配飯，鯖魚原條煎，再加檸檬汁提鮮😀唔記得幾耐冇食過大菜糕喇，估唔到呢度有得食，梗係要食多幾杯啦😍，佢地嘅咖啡奶凍都好好食，啡味濃，又爽滑😋

放工經過見到有間餐廳半自助午餐都係每位$62, 價錢好抵喎!餐廳係觀塘工業中心, 係觀塘站D2出口, 一落樓梯行前十幾步就到。一於同朋友去食。餐廳叫森泰遠甜品餐廳, 外面及入面裝修好有園林感覺, 簡潔。最重要係乾淨, 入餐廳第一樣係要用搓手液抹手, 然後店員安排顧客坐得隔離一點。而且餐具係另上, 唔會一直放枱面。店員姨姨好有禮貌, 又會同其他食客聊天, 感覺好親切。午餐有7款揀, 全部$62, 仲要唔駛加一。我同朋友揀左:麵包布甸配吉列豬扒窩夫配煎雞扒點完野就出去睇下有乜野食物拎, 職員細心提我地出去拎食物一定要帶口罩, 保持衞生。食物選擇有湯, 沙律, 熱盤, 水果, 仲有飲品。今日飲的係南瓜素湯, 職員講佢地星期一, 三都係素湯, 而且無味精落足料, 叫我地飲多碗。沙律每款都有有蓋盒裝住, 有青瓜絲, 甘筍絲, 沙律菜, 新鮮沙律, 車厘茄。熱盤會不停添加, 當日我食到有燒買, 蒸包, 烚菜。甜品亦有數款, 除了小蛋糕, 仲有大菜心, 啫喱, 布甸。還有飲品可以任飲。主菜的麵包布甸配吉列豬扒, 麵包布甸係即焗, 所以唔會咁快上到, 仲要襯熱辣辣食, 估唔到麵包布甸好大碗, 好多麵包

是日放下晝，搵個地方食野兼hea下先，上網見到觀塘呢間森泰遠有62蚊嘅半自助餐，近近地公司，加上價錢平到咁一試無妨呀，都唔期望好高質，點知食落又有驚喜喎！飲品區同熟食區，飲品有自制檸茶，熱無糖茶，即沖咖啡等。熟食是日係蒸南瓜，蒸奶黃包同一盤西生菜，不太吸引就無試了。湯，沙律同甜品區，雖然少款，但keep得好衞生，啲器皿好乾淨。整了兩杯檸茶，朋友杯係凍嘅有糖，自己杯用無糖熱茶，ok啦，可以無限refill。是日餐湯係中式嘅赤小豆煲瓜湯，素湯來的，清清地都幾好飲。去自助沙律區整左個生菜加青瓜紅蘿蔔沙律，醬汁有千島醬同奇妙醬揀，菜新鮮爽脆無變黑。仲有薯仔沙律（後），主要係薯仔加蘋果，賣相一般但幾好味，醬汁酸酸甜甜調味不錯。前面圓圓的是小形pancake，一口size方便食，軟綿綿有蛋香，好味喎。主菜到了，朋友點了窩夫配煎雞扒，自己點了麵包布甸配吉列豬扒。即叫即整㗎，四樣野都熱辣辣。雞扒煎得金黃色好吸引，皮香肉嫩，勁厚身啖啖肉，正呀。窩夫超正！比起不少主打窩夫的店還好吃，外脆內軟，食落滿滿的蛋香，配上甜甜的糖漿仍食到隱隱的牛油味和奶香味，有誠意之作！自己呢份吉列豬扒大塊到有點驚人，哈哈，全塊肉

響港鐵站出，一落地面見到個廣告介紹有半自助午餐，竟然$62起，於是試下。入到觀塘工業中心，門口好田園，午餐都有好多選擇，有7款，仲要一律都係$62，唔似其他餐廳通常都是有幾個價錢的午餐。叫了韓式牛肉炒粉絲及雞扒叻沙湯烏冬，之後出去攞沙律甜品，沙律有車厘茄，薯仔沙律，甘荀，青瓜絲，淨粉絲，枝豆，韓式牛肉炒粉絲，店員細心地問要唔要辣，我地話少辣，炒起熱㷫㷫上枱，牛肉選了用牛柳肉，相當香牛肉味，面又有芝蔴，粉絲好彈牙。雞扒叻沙湯烏冬，好多蔬菜、有豆卜、鮮菇、金菇、雞扒，湯底唔選辣。熱食還有白菜，雪菜年糕。生果有木瓜同柑。飲品加了$8即磨咖啡，味道香濃。其實出面都有熱茶、凍檸茶同即沖咖啡飲品任飲。甜品有blueberry puff,中間放了新鮮藍莓添，朱古力海綿蛋糕，味道都好濃。

觀塘區如果識得捐窿捐罅隙一定找到好嘢食。今日又發現一間小店，裝璜清雅，小敍好地方。半自助午餐一律$62，包主菜一客和自助區。自助區有沙律，熱盤，水果，甜品和飲品，款式不多，勝在夠精。我就好欣賞老火湯，今天是西洋菜湯，味道甘甜， 材料足，絕無味精。簡簡單單的幾款沙律菜，新鮮又清甜。主菜和友人點了pizza和拿坡里意粉各一款齊齊分享。Pizza好足料，芝士，香腸，蕃茄.....每啖都好有口感。意大利麵條軟硬度適中，充滿蕃茄的香甜。甜品一兩款，少吃多滋味。最後一杯香濃茶或咖啡也不錯。

每次落車行返公司都經過見到呢間餐廳既poster，價錢都幾吸引，所以就約同事黎食一入到去，感覺好乾淨整潔$62 有主菜，又有自助餐食，真係好抵素湯 (逢星期一、三都係素湯）節瓜大大舊架，有好多豆，而家天氣咁濕，岩哂袪濕，好健康呀素菜春卷雖然唔係熱辣辣，但仲好脆架，而且我好鐘意食素菜春卷主菜：香茜皮蛋肉碎泡飯呢個好有住家既味道，唔會死咸香茜味好出鐘意食香茜的就一定好鐘意加上米飯係粒粒飯，又唔會過硬主菜：All Day Breakfast個牛角包🥐係熱騰騰架，仲好軟熟而且好green ar仲有甜品食紅豆糯米糍無得輸

中伏 ! 叫左心太軟 同 厚疏乎里 , 變左心太硬 ,焗到過哂龍， 疏附你仲離譜變咗蛋糕。以後唔會去去😪環境幾舒服， 因為無人 .呢個價錢其實好多地方都大把選擇。。。。。。。。。

觀塘工業中心有好多食店，咁耐都未試過，今日決定去試下。未行到入店前出面環境真係好工廠，入到去就幾靚嘅，12點多dd去到呢度，暫時有好多位，店員仲準備緊半自助嘅嘢食。店員同廚房我見全部都係年紀差唔多嘅姨姨嚟，所以手腳唔算快，比較家庭式，食物出得都幾慢，不過成件事感覺好和諧。嘢食質素ok 嘅，但又唔算得上好吸引，個飯比較淡味，我個全日早餐入面我比較鍾意係佢個牛角包。成餐最正係個筒仔入面嘅咖啡粉，係自助區度拎再去自己加水加奶，好有咖啡味，好香我前前後後整咗兩杯嚟飲

【慢煮春雞配飯】 HKD168依度係用上原隻燒春雞🐔外皮燒到帶少少焦同脆，又唔會有苦嘅情況出現。而且雞肉偏濕潤，尤其是雞脾位🍗好嫩滑，就算係雞胸嘅位置都唔會太乾。配埋黑椒汁就更加惹美。以一間cafe☕黎講，依個味道同份量已經算唔錯。大家得閒就算唔食正餐，都可以上去飲杯咖啡☕聽下音樂🎻都得架😉【豬肋排配薯菜】 HKD188聽個名可能會以為係一間主打甜品嘅cafe☕️不過估唔到啲主菜🍝又幾有驚喜喎。係出面西餐🍴食個豬肋骨，價錢普遍都要二百頭甚至二百中，所以依度嘅價錢都尚算合理。至於份量，大概有十支骨🦴左右，份量大得黎又唔會淨係得骨，都啖啖肉架🤩食落去個味道帶少少甜😋最緊要係肉質好淋好嫩，唔會煮到好老好鞋。所以話，唔好睇觀塘多工廈🏢其實內裡好多隱世美食同小店架😉大家不妨試下捐窿捐罅去尋下「寶」啦。

工作時走過，於是下班後刻意走來看看，是一間甜品餐廳。整間餐廳以白色為主，色彩及擺設，都是會淡色為主，沒有燦爛色彩那種耀眼。舒適環境，播放柔和的鋼琴音樂，令人平靜下來之餘，身心都放鬆，繁忙的感覺也變成很舒服，很想來個輕睡。餐牌看似是手工制作，感覺很特別。要了兩份甜，很快的送上。法式焦糖燉蛋，一般的焦糖只放在燉蛋上，可是這份的焦糖卻是完整的封著整個小碗，這種做不會讓蛋味流失，令燉蛋的味道更香更濃。燉蛋滑滑，入口香濃，焦糖沒有太甜的感覺，甜味配合燉蛋。咖啡朱古力心太軟($58)，長方形的心太軟，還是首次見到，配著白色的香草雪糕，香蕉，士多啤梨，單是顏色的對比，已有一種夢幻的感覺。心太太軟不太甜，咖啡味香但沒有令朱古力味失色，反更突出，香蕉沾上流出的饀，朱古力加上香蕉味道，很特別，士多啤梨則更為鮮明，香草雪糕香濃，不太甜，心太軟不甜，不會影響雪糕的味道。這觀塘這個繁忙的工業區，要找個舒適的環境已經不容易，而且還在工廈中有著這個童話般感覺的地方，完全想像不到，吃著甜品，聽著輕音樂，不其然也坐久了。