AMARE Bistro and Wine (Closed)

唔介意服務差可以一試！我地落完第一次order諗住叫多樣野食 點知要個樣無個樣我地叫左兩次都話無 個waitress就話：“不如我講下有咩我地無架喇”以免我地再碰釘之後我地諗住叫個牛油果沙律因為waitress無講呢樣無我叫既時候 個四眼哥哥眼突突呆左咁話“下呢樣無” 我唔明佢呢個係咩反應 服務態度勁差之後total都係叫左4樣野姐無叫cake但落左cake然後pasta又落錯 我地要蜆肉意粉落左大蝦意粉叫左兩杯野飲又落得一杯睇返張單就知後尾我催飲品佢先落返第一次見咁多甩漏🙄白酒煮青口 $128味道唔錯 不過偏鹹但一啲白酒味都無似係白汁忌廉青口多啲蜆肉意大利扁意粉 $168蜆肉份量都唔少味道清清地 朋友覺得夠味而我重口味開就覺得可以再濃味啲至少飲品方面朋友飲芒果沙冰 佢話幾好飲而我個杯士多啤梨芝士奶昔(聽落好似好正)就...似沙冰多啲而且完全無芝士同奶味士多啤梨味都好淡😔可以唔洗叫

今日同朋友慶祝生日，打算去將軍澳海旁新開張的西餐廳食晚飯。餐廳環境不錯，吊燈都幾靚。餐牌平均150至到200蚊一個餐，主打手作pizza和意大利粉。但很憤怒，因為下了餐很久也沒上菜，等了差不多九個字，吹了兩三次，都冇反應。想買單走人，又話出緊冇得取消。服務態度惡劣，水都冇主動refill。豬扒很難食，好似煲湯的豬肉一般。Pizza還可以。但總括而言不會再幫襯。最後吃了兩個小時才吃完。。。。。。。。

搬咗入將軍澳幾個月，真係個個星期不停食屋企附近既餐廳😆呢間餐廳喺澳南海岸donki附近既餐廳，去donki報復式消費完可以過去食dinner🥰燒安格斯牛柳($238)肉質好淋，保持到肉質juicy，稍嫌燒得唔夠香脆，但已經好好味黑松露帶子（$88）帶子不算十分鮮甜，但係煎得夠香，配埋黑松露就好掂四式芝士pizza($128)好脆，味道都好好，啲mozzarella 唔會蓋住其他芝士既味道黑松露意大利飯($148)黑松露味好香濃，飯既軟硬程度適中，好味到相都唔記得影😂意大利雲吞($128)我本身對意大利雲吞都係一般，只能夠講同喺意大利食既都係味道差唔多 😂都係一舊粉😆蜆肉意粉($148)最唔滿意就係呢碟意粉，味道較淡，意粉煮得太淋，唔夠Al dente😢Overall啲食物質數都好好，價錢唔貴，黑松露菜式明顯同其他食物相比下較出色，鐘意黑松露可以一試🥳而且環境都好好坐，同閨蜜飲杯酒都唔錯👍💡餐廳資料：📍 AMARE Bistro and Wine (將軍澳)將軍澳澳南海岸唐俊街23號MONTEREY Place 地下G02號舖

跟朋友晚上聚餐，餐廳離將軍澳地鐵站大概約15分鐘。可能因為位置較偏僻，人數不算多，晚餐時間全場大概有一半空座。環境不錯，餐具裝修也有高級的感覺。食物味道也不錯，價錢合理。但上菜的時間較慢。如果不太趕時間，慢慢跟朋友聊天也不錯。

一行四人來到將軍澳，原先打算到單車館嘆個下午茶的，可惜心水餐廳排滿了人，老公提議到海旁附近行下，順便看看有沒有好的餐廳落腳。澳南海岸是個靠海旁的屋苑，沿著海邊林立很多食店和露天酒吧，多寫意。可是，有好風景、好餐館，遊人也特別多。我們走了一圈，想找家可以喝咖啡的，看到AMARE 門外擺放了ILLY COFFEE的牌子，估計應該可以坐下來喝杯咖啡吧。在門外等侯數分鐘，店員示意可以坐近門口附近位置，感覺服務欠奉，無可奈下我們隨便點些食物分著吃和飲料歇息下算吧。1.巴馬火腿配蜜瓜: 蜜瓜很清甜，配上PARMA HAM，食得出食材的高級感2.四式芝士薄餅: 熱呼呼端上來，芝士濃而不咸，好吃 3.是日蛋糕 – 彩虹蛋糕 : 打卡可以，味道是可想像的4.萍果汁: 一般果汁味道5.CAPPUCCINO: 沒有很香的咖啡味，就是普通沖出來的味道總括: 這裡食物的質素彌補不少服務的缺欠，估計是遊客太多，眼見店員都不積極、沒精打采、茶記式服務，環境及食物都不錯，如果可以提昇餐廳服務就更加好，食客食得開心也是很重要的。

話說7月頭-8月中左右, 香港咪每日百幾宗確診既, 個段時間期間, 前後, 成日去pop corn呢間野食飯因為近屋企, 又費士出遠, 但又就快屈係屋企屈到抑鬱, 食肆限聚亦18:00收, 總之好多原因下, 造就左呢間野變左星期日的食堂呢間係海旁格離, 幾靚又少人, 咪入下去又幾好食的, 可能意大利菜幾岩我胃口掛-不過唔係話好抵食的, 疫情下佢有85折定78折咁, 都三百幾蚊次數數下食過6次, 都2千幾蚊TOTAL  LOL喇, 所以, 唔好去計同數了, 錢係用既要, 工具黎, 換到咩值唔值之類唯有睇你點睇-呢個意大利雲吞唔錯, 餡同皮比例岩 蟹肉牛油果沙律好味, 你會見到幾幅相都係佢,因為曾經每次都ENCORE呢個PARMA HAM pizza 好好味, 但2個人有叫其他, 再食太飽喇,又係佢-呢個牛面頰意粉好食的, 但都係會太飽呢個就唔太特別了, hea hea地的all day breakfast, 睇個sunny side up都知-呢個RISOTTO, 印象中, 係真意大利米整的lol自從改左叫三文魚沙律, 就冇再叫蟹肉, 我覺得兩種都好味, 三文魚較好-呢個豬腩, 第一次食

知道將軍澳海旁有幾間餐廳又靚又岩打卡可以放假過黎chill下 就特登黎試試實不相暪 本身我係想食隔離個間食甜品但真係太多人等位 所以入黎呢間試下但好有驚喜 一d都唔差餐廳設計用色大膽 好有特色 環境闊落 坐得好舒適打卡唔少得要叫花茶 茶壺好靚☺️餐廳有得揀室內同室外 如果有帶寵物坐室外都係一個好選擇Avocado pizza 係薄身既 每塊上面都有牛油果 好足料😆Black truffle 係呢間餐廳既主打 配上risotto 每粒飯都食到好濃既醬汁好香濃既黑松露味 ☺️Crab meat truffle paste with garlic toast ✨✨✨❤️🤤💕✨✨✨想講極極極度超級無敵鍾意個蟹肉松露醬出面完全無食過呢個味 好濃郁 又多蟹肉 個醬份量好多 4塊toast 都食唔曬d醬好味到我連食risotto and pizza 都有落真心好好食😋 極度推介！餐廳出面係單車徑 同望到海景真係好chill好舒服幾鍾意呢間餐廳既野食同環境會再黎的☺️☺️☺️

香港真係有好多舒適嘅休閒地點！今日下午茶就去咗將軍澳臨海嘅一間餐廳！ Amare！午飯過後嘅時間都要等一等先至可以入座！下午茶都選擇唔多，可以點蛋糕甜品，同埋Smoothies、果汁、咖啡之類。但係勝在環境舒適可以望到海景！我兩個Smoothie都非常之好味！酸甜味道適中！綠茶蛋糕就非常之好蛋糕底係Castella蜂蜜味，綠茶味亦都重！回咁！檸檬批更加出色！酸味清新，加上朱古力嘅批底好好味呢兩款蛋糕都係下午茶首選！如果大家唔怕熱，其實坐室外嘅地方都非常之舒適，遲啲入冬，我就會揀室外啦！

七一回歸假期，唔想離開屋企太遠，決定徒步去到將軍澳南新屋苑的小型商場開餐。近兩三年，將軍澳站對出的填海區有大量新屋苑落成。相對將軍澳其他地區，這些新屋苑的樓宇密度較低、層數亦較少，而且全部附設小型商場，主要租客是地產代理、超級市場、幼稚園/兒童興趣班及餐廳食肆，滿足屋苑住客的日常生活必需。其中當然以毗鄰海旁及單車徑的商場食肆環境最佳，這些餐廳亦盡量利用地利優勢，全部設有露天座位；在香港的炎炎夏日可能不太受歡迎，但每逢秋冬季節就非常吸引。試想像一下，一邊享受悠悠海風、一邊品嚐美食，絕對是一件樂事！今日午餐就選擇了「Amare」，但實在太熱，最終還是坐在室內。餐廳樓底算高。裝修風格簡約、沒有任何假天花，只用特色吊燈兼作裝飾及照明。餐廳全部座椅、梳化又用上天藍色。整體裝修非常配合餐廳毗鄰海旁的地理位置。週末、週日及假期的餐牌不設午餐，只有a-la-carte。雖然只有簡單前後兩面一頁紙，但前菜頭盤、主菜、手工薄餅、意粉/意大利飯及甜品全部有齊。麵包籃有兩款口味，分別是脆身麵包條及鬆化麵包，兩款都是凍冰冰，並非餐廳自家焗爐出品；個人口味亦相對喜歡鬆軟、綿密的麵包。意式煮青口（$88）雖然都有採

今日去食晚餐。見到門面幾靚，環境幾好。所以就入去叫野食。叫咗三樣野，三碟菜都好成功咁令人好失望。可以話劣中之劣～賣相都好一般。首先，四種芝士pizza $148。賣相唔好睇，食左一啖已經放翻低。有一種臭臭既味道，望一望pizza底。哦，黑色一點點。唔講係咩了。之後，慢煮安格斯牛肋骨$168。賣相幾靚，應該係慢煮關係所以個肉係凍既？啲蔬菜應該淨係用熱水燙咗一下，所以有臭草味。最底層既醬，唔知咩嚟。凍既，食到有碎蛋。口感似嘔吐物，幾難食。最後，唔記得呢個叫咩pasta。$148，正常發揮。感覺上食材唔差，但係真係好難食。呢個晚餐我都唔記得自己飲左幾多杯水。掂。各位，去飲下野傾吓計好啦～千奇唔好食野哦，會後悔。

本身諗住去隔離coffee shop點知冇開，見到旁邊呢間意大利餐廳環境不錯，有很多客人光顧，所以就諗住試吓由於天氣頗為炎熱，我們二人拎飛等位後忍唔住留在餐廳櫃位旁等候，期間餐廳經理過來詢問有咩幫到我哋，=_=最後等了20分鐘到有位。 坐低之後，點了黑松露卡邦尼意粉，和蟹肉黑松露蒜蓉多士， 味道尚可但食物份量偏小.

聽聞將軍澳海旁的單車徑景靚易行，藉著假日來走走，雖然沒有踏單車，散步也覺身心舒暢。見有2間咖啡店，一間太多人，便去旁邊的Amare，室外剛好有一張枱。店舖裝修時尚，戶外則有美麗海景。我們ordered 了一杯熱Flat White（$42）, 凍Ginger Ale（$28）及一個Tiramisu （$58）。Flat White 有咖啡味，奶亦打得香滑，不過不算特別香濃，若要俾分，75分左右。Ginger Ale 味道亦較清淡，因天氣熱，始終凍飲令人舒暢。Tiramisu 樣子可愛，與平時疍糕模樣不同。試一啖，面上有淡淡朱古力香，但Cream太多而蛋糕太細，加上酒味不濃，完全無食Tiramisu 的感覺。雖然是店舖推薦，但卻不是我喜歡的味道。它亦有晚餐供應，附上餐牌以作參考。

星期六下午和朋友都想找個地方坐，找到這個位於海濱旁邊、環境不錯的餐廳，地方闊落，座位充足。不過，店員態度不好，帶位和清潔都敷衍，而且連飲品都搞錯來錯。我們各點了一杯咖啡，一份蛋糕，一杯雪糕（不過忘了拍照）。Latte賣相、味道正常Cold Brew咖啡看來非常混濁，喝下去味道非常奇怪，我未試過這樣子的Cold Brew，絕不推薦！是日蛋糕有幾款選擇。我們選了這款，但這個蛋糕竟然是室溫的！ 而且非常甜，除了甜之外，沒有什麼其他味道。總括而言，這間餐廳環境不錯，但食物質素、味道和服務態度都有待改善。

今日見到好多人喺入邊。所以我哋要攞飛排隊。門口四眼哥哥講嘢完全冇尾音！態度非常傲慢囂張！問多佢兩個問題好似嚴重得罪咗佢咁！初頭都冇為意不過之後見到其他客人入到黎佢嘅態度一樣咁過分⋯⋯其他客人想問多佢兩個問題佢直情表情都變埋！老實講跟住已經冇興趣再食。如果唔係旁邊嗰間冇開門，我根本都費鬼事等。最後只係飲咗一杯咖啡。一個小食。食物一般！老實說門口已經咁樣嘅態度，無論幾好食我都唔會返轉頭。叫佢食埋我嗰份吧啦

室外嘅座位一啲都唔迫，好適合帶狗狗去，加上店員都對狗狗都好友善👍🏼👍🏼Main course 有幾款素食，點咗classic tomato spaghetti 同avocado pizza。雖然spaghetti 冇咩餸，但spaghetti 本身口感好正，pizza都好好味，好少食到avocado pizza係有一大舊avocado 😋😋另外叫咗mixed berry smoothie 同mango smoothie ，mango smoothie 淡咗啲，mixed berry smoothie 就好好味！