AMARE Bistro and Wine (Closed)

想係海邊行下，今次就搵到呢間係海傍嘅餐廳，由於係下午時候去，所以只係試左甜品同小食。Tiramisu同出面嘅賣相好唔一樣。意大利芝士係餐廳自己整，口感好Smooth。手指餅嘅軟硬程度剛剛好，餐應拿得好準!黑松露薯條餐廳薯仔來貨應該有精心挑選過，食落口好脆口，之前未試過呢個口感，同埋放耐些少都唔會好淋，好食到停唔到口。佢仲好細心俾左2隻醬，蕃茄同沙律醬，本身我都唔肚餓，但都好食到食得哂。呢間餐廳每一日都有唔同優惠，想食平啲，就要揀岩日子去試啦。

好普通嘅意大利餐廳~~~~~~~~~~~~喺附近見到呢間餐廳裝修環境都唔錯，就入咗去試吓，我哋叫咗個Pizza同意粉，點知嘢食嚟到嘅時候張枱唔夠擺，職員都即刻同我地換去一張大啲嘅枱，服務都唔錯。-巴馬火腿薄餅($138)Pizza上面有好多火箭菜同車厘茄，parma ham嘅份量都唔算話好少，味道都ok！-蜆肉意大利扁意粉($138)啲蜆肉仲有好多沙，而且意粉都好似唔係好夠味，嚟到最好唔好叫呢個意粉。

🍕 海鮮薄餅 $148大大隻青口但可惜我不太喜愛😅但欣賞佢夠大隻😆仲有蝦、墨魚、蜆肉，薄餅係薄薄的而且超脆邊邊☺️有冇朋友仔同我一樣一定要落芝士粉食😆呢度幾得意，如果你要芝士粉的話，會有個侍應拎個巴馬臣芝士磚出嚟喺我面前刨，你要幾多佢就刨幾多，好正😚望住啲芝士好似落雪咁🤤🍓 Mix Berry Smoothie $58藍莓、紅桑子、草莓，唔太甜幾好飲🍝 黑松露卡邦尼意粉 $148唔..呢個就麻麻地，感覺比較乾身冇咩cream 松露味都唔係好出🙊下次試下其他😆呢度服務態度唔錯，而且坐室外可以對住個海，吹下海風望下途人跑步都幾舒服

今日特登過嚟將軍澳搵下好野食，本來想食佢旁邊嘅jomo，可是人太多，只好過嚟食。我哋坐喺出面，貪有海景舒舒服服～ 不過外面食係唔會有碟，仲要用膠餐具，呢個要留意番，不過唔係我想彈嘅地方～我們叫咗4樣嘢：蟹肉多士，牛面頰，同兩杯野飲。個侍應就懶醒唔寫低我哋叫咗咩，通常都預咗佢會唔記得啦，點知佢就真係唔記得，仲要前後返問咗我哋兩次😅一次係講晒4樣嘢之後，第二次就係過咗一陣佢返來問。其實記唔到冇人會怪你，但好唔好抄低呢... 但佢係幾有禮貌，所以呢樣讚返佢！跟住食物來了，先上的係蟹肉多士，有法包片同蟹肉醬，望落去都還可以，點知個多士真係法包就咁切片搽牛油，焗都冇焗返熱，仲要勁薄啦，浪費晒個菜式... 醬嘅份量係多嘅，因為搽唔晒（或者可能太少包？），但味道就好似用罐頭嘅湯同蟹肉煮埋一齊咁，完全係罐頭湯味...$128食呢個係好袱，但你煮返出水準嘅我會覺得值嘅。跟著牛面珠都上菜啦，有4舊肉左右同焗蔬菜。我知道牛面頰是貴價食材，自己買過煮過，知道口感同肉質係點，所以我有定心理準備份量唔會多，一心都係想比較自己煮同人哋煮有咩分別而已。點知一入口，淡而冇味，肉味都冇，而且口感很鞋，跟我自己吃過的牛面頰

吹住海風食意大利菜咁浪漫？第一次來將軍澳澳南海岸，才發現這邊的餐廳環境都好好啊！有海景有戶外坐位，裝修靚野又好食，無得搭飛機都可以在香港度個靚假。至於來AMARE Bistro & Wine就記得要試任何黑松露菜式，尤其係黑松露心太軟好好食。AMARE 對出係單車徑，再出面就係海，我們平日近傍晚時分去到，外面都幾多人跑步、踏單車和溜小孩，好熱鬧的感覺。有海風吹住、無猛太陽直接曬住的時間，坐出面都幾舒服架。餐廳入面裝修走浪漫路線，感覺好適合情侶約會或者閨密談心。餐廳設有酒吧，當然都有好多酒飲，我見隔離檯大部分人都有配酒，餐廳都好似有做優惠之類。餐廳有很齊的酒類飲品，朋友就點了氣泡酒，我就飲莓果乳酪特飲。其實餐牌上面有幾款milkshake都好吸引，唔怕肥的勇者記得試下。 蘑菇濃湯 HK$68餐廳最出名的是黑松露，除了自己餐廳賣，更是全港大部分餐廳的供應商，所以見到有黑松露的菜式都值得試下。這個蘑菇湯都有加黑松露，喝起來很濃很香很滑，上面還有泡泡夠fancy。 經典番茄意粉 HK$118其實意粉和披薩都一樣，越簡單就越好食，好似這個番茄意粉就單純用番茄做主角，濃厚的醬汁配以羅勒香氣，越食越

將軍澳臨海住宅區相繼落成，沿海單車徑及行人路被颱風山竹摧毀後亦逐漸回完貌，坐在新開的餐廳內望住個海，好有度假feel。星期六的午飯時間，這裡full house，幸好訂了枱，可以好好享受。週末沒有套餐，散叫也不賴。麵包先奉，是高級餐廳的作風，grissini很脆，而那一小片意式飽就稍為失色，飽的外皮雖然脆，卻有點乾，中間位置煙韌軟糯適中。主食是燉和牛面頰，肉質好腍，一絲絲的咬口，醃製的配料微酸，完全中和了肥膩感，蔬菜和薯蓉份量充足，無需潻加額外配菜。餐後甜品是tiramisu，共有兩條，其貌不揚，食落驚喜，甜度剛剛好，酒液混得均勻，沒有弄濕餅底，面頭的朱古力粉微苦，與甜味合奏出共嗚，脆口的朱古力粒四散，增加層次感，一流水準之作。

5月1日假期去將軍澳行吓，撞彩搵到呢間餐廳，入面樓底高，餐廳座位闊落，下晝12點半時都唔會多人到爆，人人都去第啲有名氣嘅餐廳排隊，呢間嗰樣企企理理，見到門口個menu好似係黑松露主打，喺窗口見到啲人食嘅嘢個賣相都好靚，所以就一試。果然比想像中好味，因為係食晏晝，所以冇叫好多嘢食，叫咗個蟹多士，一個龍蝦意粉，餐廳好好，原本menu係飯但佢哋肯改意粉，仲要煮得好好食，仲叫杯Lily咖啡，加埋佢啲麵包，晏晝嚟講已經飽咗。如果多人啲，可以叫Pizza，見隔離檯啲人叫Pizza個樣好靚。亦見有人叫個plater，如果啲朋友鍾意在戶外，叫杯香檳加個plater就好正，好似返咗去美國咁。但今日較熱，所以同朋友冇坐喺出面曬太陽，但啲人帶狗狗嘅，坐露天位置就正。啲櫈好靚呢個係蟹多士，唔記得全名，好正呢個100分，好味到可以一人食一個Lily咖啡價錢超抵

星期日唸住去海邊hea下 食個lunch 見呢間最多人坐 可能近海 服務差不得了吾會再去 食物質素係比錢羅爛壽首先入到去係ordered左一個pork rack 同pizza 加一杯 cuppaccino. 個男waiter 吾使用紙筆marked野 double confirmed pork rack . 點知 來左個pork ribs. 然後個女侍應收走左 。 落單果個男侍應好惡死咁拎返來話 我同你confirmed 係ribs。 我話係pork rack。 勁惡 。痴線 。嚇到我都吾想食 。 個pizza 真係超普通 超少芝士。搞左好耐終於上返個黑毛豬 豬鞍 。 一上就覺得勁伏 白拾豬肉 。

前排無聊行去將軍澳海旁 V媽都幾年無行過去啦見到海旁都變左吾少 仲開左吾少餐廳本身因為疫情關係都無打算堂食但經過AMARE bistro and wine有外賣自取優惠就停低睇睇最後挑選左我老公最愛既燒鹹豬手配脆薯條雜菜沙律😍😍等外賣期間見到店內裝修幾靚仲見到有室外區 坐係出邊睇住海景同朋友聚會談天說地又或者情侶/夫婦黎拍下拖都幾岩架🥰因為外賣攞返屋企都需要時間估唔到隻豬手仲熱辣辣而且外脆內軟 啲肉好淋 咸香味十足連我個吾太中意食肉既女都食左吾少而薯條係有調過味 同埋有連啲薯仔皮味道吾錯 酥脆可口 V媽回程個陣都偷食吾少😝😝有機會會再光顧👍🏻👍🏻大家經過海旁無妨去睇下🥰🥰

今日見好天行去將軍澳海旁，見到這間西式餐廳做緊外賣優惠，環境都是高格調餐廳，如有時間可坐響度食，望住海景都不錯。因疫情關係，都係支持外賣，eat at home, 買了燒牛肉眼扒配薯條雜菜沙律，牛扒燒至7成熟，好多肉汁，配埋燒汁，好夾。脆薯條份量好多，好脆，又粗，好香薯仔味。加了沙律火箭菜，屬於貴價沙律，外賣自取價$118，材料都高質,買新鮮都唔止這個價錢。餐廳門外還有露天雅座，好天真係可以過一個悠閒下午，望住海品嚐美食，或者夜晚同朋友飲杯酒Happy Hour 都好chill，好捨意呀！

今日行完將軍澳大型商場，響海邊方向行下，見到有幾間seaview 餐廳，見到呢間Amare有外賣特價餐，於是買一份返屋企。餐廳環境好舒適，望住個海食午餐，真係一大樂事，下次有時間都可以來嘆下。因今日想叫外賣回家同家人食，叫了燒牛肉眼扒配脆薯條沙律$118，回家後一打開忍不住食左半盒薯條先，薯仔有啲薯皮好脆口，薯味香。燒牛肉係網燒，牛扒高質，肉質有嚼口，燒完都能保留肉汁。加埋沙律菜以火箭菜為主，好新鮮，火箭菜夠濃味。

因為疫情關係，多左自己煮飯食。不過日日煮飯其實都唔係一件易事。一黎要諗食咩，二黎又要洗。雖然依家外賣好普遍，但係價錢相對都係比較貴D，都係外賣自取相對比較化算。今日去開澳南，見到依間餐廳D 外賣自取幾抵食，決定寫低紀錄下。 今日黎開澳南依邊行下，行到咁上下見肚餓，就算自己唔煮飯食，都好少會選擇堂食，見到依間餐廳外賣自取真係幾抵。雖然外賣menu 選擇就唔係好多，但係我地都想食豬手，所以就買左個豬手set 反屋企，都係128蚊。 因為今日天氣都幾好，又有風，而且依家疫情關係其實真係行少左好多，所以我地就決定行多幾步，行反屋企，大約再行左半個鐘左右。 反到屋企之後就打開，有三大盒，咸豬手一盒，薯條一盒，仲有小小沙律菜，128蚊真係超值。雖然都隔左半個鐘，薯條係凍左小小，但係都仲好味。豬手就無切開，要自己切，雖然係麻煩左小小，但係咁樣更可以保住食物溫度。我地切開個陣仲幾熱。咸豬手唔會太肥，而且啖啖肉，味道唔會太咸。沙律菜就少左D，不過都正常，因為通常依D菜都係用黎伴下碟咁。我地想食得健康D，所以就整左個西蘭花食。

疫情下又想同小朋友出下去行吓就只可以去屋企附近比較少人嘅地方今次我同佢哋沿住海邊行散下步平時好少會行過去個邊見到有間門面好靚既西餐廳就吸引左我過去 本來一心只打算睇下因為宜家唔太敢帶小朋友喺外面食飯但見到有做晚餐外賣 又甘難得過到黎就一於買黎試吓我點左個燒鹹豬手配脆薯條沙律🥗個薯條真係好趣卜卜 同埋佢嘅薯條係粗 好有口感而個鹹豬手 外脆內軟啲肉好淋淋 隻豬手仲好大隻 同我仔share 食 超飽 食唔哂🙈個餐仲有埋沙律 好健康👍整體所有嘢食都非常有質素值得我下次再行過去買希望疫情快啲好因為間餐廳真係好靚好適合打卡😍之後就可以喺嗰度堂食

Lunch set包埋前菜既Smoked Salmon同Parma ham salad🥗食落好fresh😙有啲黑醋酸酸甜甜幾開胃😝環境黎講真係好舒服，有室外同室內位揀，可以望住個海🥰-✨Black Truffle Mushroom Risotto $88黑松露好突出，食落每一啖都有好濃既黑松露同芝士味😋稍有不足既係唔夠鹹 但後來問店員攞左啲鹽同黑椒之後 就好左好多🤣-✨Carbonara spaghetti $88好creamy，意粉彈牙，掛汁度都十分高👍個人覺得整體味道好過個risotto😆另外，意粉同煙肉等配料既份量都比得好足。但都係如果鹹返少少會更好🙈

雖則最近疫情嚴峻都無影響我呢個無飯煮婦但唔食飯就真係會餓死所以都仍然繼續出外搵食反則令我找餐廳要求更高地方要夠大要有1.5米 距離又只限四人一枱來到將軍澳唐俊街奧南海岸Monterey Place其中一間餐廳叫 Amare絕對係打卡嘅勝地地方極之寬躺空間感好大 唔會有侷促嘅感覺亦設有戶外區所以如果選擇坐低進食呢一間餐廳絕對係首選最後見到門口餐牌有外賣自取優惠所以最後決定外賣自取真係好吸引叫咗個廚師推介燒咸豬手配薯條雜菜沙律因為外賣嘅關係廚師已經幫你起肉拆骨回家立即方便進食即使唔係餐廳立刻進食外皮都依然極之脆肉質均勻 送酒一流鹹味適中 甘香可口鹹味留有咸香效果回家自己慢慢開支酒自high 一下都好開心吧薯條是用新鮮原個薯仔炸得好香口又夠脆一d 都唔油膩調味惹味粉 食落剛好唔會搶左主腳豬手既味道配合得天衣無縫當然啦食咁多 燒炸物配上雜菜沙律🥗係唔小得既平衡番 燒炸物既口感