Amaroni's New York Italian Restaurant & Café (又一城)

Open Now

Now Closed

同好耐冇見嘅小、中、大學同學慶祝生日，即刻約咗間地點方便嘅又一城餐廳慶祝☺️呢間意大利餐廳嘅Tiramisu好出名，記得大學時間成日搭車過嚟食😙🥂 Chardonnay Wine一坐低，女侍應已經拎咗兩支橄欖油同醋，俾我哋點熱辣辣嘅蒜蓉餐包食，真係Perfect Match😊而且星期一至四嚟呢度食嘢，八點前都叫happy hour有唔同餐酒買一送一😍我哋就當然一人叫咗一杯，Seleted Chardonnay Wine有果香，酸酸甜甜，好易入口🥂🍽️ 招牌小食拼盤話說我哋兩個都唔係好肚餓，所以冇叫到澱粉質，為咗摸酒杯，當然要叫個招牌小食拼盤試一試，呢個招牌拼盤都好豐富好大碟，有酥炸軟殼蟹、巴馬臣芝士薯條同炸魷魚等🤤加埋檸檬百里香蛋黃醬真係配酒一流，總共有四隻軟殼蟹咁多，外脆內軟熱辣辣，炸魷魚真係好滋味😋🍽️ 8安士封門牛柳呢個封門牛柳叫咗五成熟，同朋友太耐冇見掛住影相，差啲忽略咗呢個牛柳，好彩都仲有餘溫，上枱嘅時候已經切好一粒粒，開心share，牛柳牛味濃，就咁香煎已經牛味已經好出😌再配埋mozzarella cheese同埋新鮮蕃茄仔食真係不得了😍同朋友返嚟呢度食嘢，大學嘅回憶返晒嚟，而且

要數九龍塘又一城歷史悠久的餐廳，主打美式意菜的Amaroni's New York Italian Restaurant & Café 由1998年開業至今。內裡高樓底甚有空間感，大型雕像加上吊燈及牆上的藝術掛畫，富有格調。餐牌供應一系列傳統意大利菜，配以美國菜一貫的oversize，由即日起至2024年8月31日還有夏季限定新菜式。入座後就會奉上烘得暖暖的麵包籃，拌以黑醋和橄欖油。蕃茄芝士薄餅 $165 自家打發的餅底是簡乎超薄和厚批之間，吃起來有點像麵包般鬆軟柔韌。這款長青不敗的經典口味Margherita材料非常簡單，番茄醬配上柔軟香滑的Mozzarella馬蘇里拉芝士，灑上羅勒香草作點綴，芝士可以造出拉絲效果。經典意式芝士雞扒 $190作為一道經典的意大利菜，裹著金黃炸粉的雞扒以半溶的Mozzarella芝士舖面。大件厚肉的雞扒已經去皮去骨，沾滿酸酸甜甜的番茄醬中和炸物的膩感。現烤意式南瓜鬆餅派配雲尼拿雪糕 $80夏日限定甜品，鐵鍋上桌從頭吃到底都可保持溫熱，配上一大球焦糖醬雲尼拿雪糕，一熱一冷，衝擊味蕾。利用南瓜的保水性與濕潤度，使鬆餅組織柔軟，口感類似蛋糕，將南瓜的天然甘甜

成日行又一城都經過依間意大利小餐館，一直都冇機會入去試吓，前幾日放工同朋友喺又一城行吓，晚飯時間睇吓有咩食，見到小餐館裝修唔錯，夠闊落坐得舒服，可以同朋友傾吓偈，決定試試！Ravioli Duo (Small) $168————————————意大利雲吞真係好正，入面嘅餡好綿好入味同好豐富🥟依個Dish有兩隻口味嘅Ravioli，分另配上兩款醬汁。乳清芝士同菠菜餡配松露忌廉汁，真係有粒粒松露架☺️另一款嘅餡就特別啲，係茄士、烤蕃茄同巴馬臣芝士配青醬忌廉汁，兩款Sauce都好Creamy，Mix埋食都好夾！Pan Seared Hokkaido Scallop with Mashed Potato $238————————————北海道刺身級帶子煎得香，煎出嘅油香落入咗薯蓉，仲配埋炒菇同煎邊豆，夠晒豐富，薯蓉份量好多好夠飽☺️Garlic Prawn $168————————————份量夠多，而且隻隻蝦都幾大隻，去咗蝦頭，方便啲食🤣重蒜香🧄非常惹味，個底夾咗兩塊吸收晒蒜香同橄欖油嘅Garlic Bread，勁入味！Pumpkin Biscotti with Vanilla Ice Cream

環境舒服嘅意大利🇮🇹餐廳餐前麵包🥖 香軟嘅香草麵包🥖 配上黑醋 橄欖油 味道不錯石榴陳醋烤嫩豬排骨大大份嘅ribs🐷 旁邊伴有唔少烤蔬菜🥬有翠肉瓜 甜椒 鷹嘴豆 食肉之餘亦有足夠嘅蔬菜可以食配上微酸嘅BBQ醬汁 令排骨更好食自家製焗肉醬千層麵每一層麵充滿肉醬 份量大 食完好滿足麵有少少太淋 啱晒鍾意食淋麵嘅朋友

又一城一間老牌餐廳，挨過疫情仍然健在的，一定有實力，有佢存在既理由，價錢雖然偏貴，但係質素有保證，今次襯侄女溜冰比赛完在又一城揾食，週六去都近乎滿座，所以限時1.5小時用攴，套餐份量十足，其中卡邦尼意粉10分好味，抵讚👍，海鮮捲麵d海鮮全部攪爛拌汁放在面，感覺怪怪的，影響正個口感，甜品不錯水準以上，待應服務速度好快，一叫就立刻有反應，一個小插曲，我地柯打一份青口，到差不多吃完都未到問了待應，坦白說忘記落單，有過來道歉，當然說立即做一份，但我地覺得差不多了所以決定取消，我喜歡真誠的道歉，總好過答你做緊就到！

每次行又一城經過呢間餐廳都覺得好靚好豪華咁。今次終於有機會試，點知就中咗伏了。我哋叫咗Dinner set，計埋服務費都成$700幾蚊。一坐底冇耐，未叫野就攞咗餐包俾我哋。之後前菜：沙律一上，見到唔係用沙律菜，而係用普通生菜同西生菜，已經覺得有少少唔對路。😢😢😢等咗10 分鐘左右就上主菜啦。個牛扒叫五成熟，但食落要咬好耐，好韌，而且都冇肉汁，再加上煎到有啲燶燶哋😕😕😕到個risotto就真係食到懷疑人生，睇落似普通米煮出嚟咁，啲飯爆開晒，明顯又係煮得太熟，食落似燴飯咁。😡😡😡跟set有兩杯野飲，好似唔記得咗咁，要提職員先醒起漏咗。最後係甜品Tiramisu，驚喜嘅係有酒香味，但唔夠creamy，啲手指餅一嚿嚿咁，同啲cream好唔夾，食入口好似食緊兩樣野咁😩😩😩呢個價錢但俾啲咁嘅質素我，真係唔會有第二次！

朋友生日，跟住大家揀個中間點去食飯佢話之前經過呢間餐廳都想試吓睇餐牌啲嘢食都幾好食跟住我哋食完都覺得伏伏地野食唔出色都算仲要係唔好食Pizza 好油好油，唔似Pizza底，似麵包底，搞唔掂，跟住啲料又唔係好多牛肉好唔新鮮，好梅，口感好粉，冇乜牛肉味8oz都$3xx,重點係好難食不過我哋唔想嘥咗啲嘢食，唯有食埋佢叫左個Tiramisu 做下結尾點知有雪藏味 ，完全唔似即日做，同埋唔滑身 當中飲品算係比較出色既一款😂 唔會再光顧

好耐未食過amaroni 啦 重拾下細個既味道 好欣賞佢呢度有兩種size ，兩種價錢想叫大份開心share又得，獨獨食又得炸魷魚 （$138）呢份魷魚會連埋炸蔬菜，炸粉薄薄地，好香口，而魷魚都好有鮮味 👍🏻👍🏻 焗肉丸意粉 （$168）有兩粒大肉丸，而佢十分之juicy ！入面仲加入左洋蔥增加口感！而成個意粉既蕃茄汁都好濃郁！而且用咗好多車厘茄，好快就清到碟 🤤👍🏻蕃茄芝士薄餅 （$165）真係好符合呢間new York style 餐廳 🤣 就算係細份都好大！ 薄餅外邊焦香！芝士好濃郁 Tiramisu （$90）係食由細食到大既🤣 依然咁濕潤，入口好smooth，面頭仲有粒粒朱古力，增添下口感

同老公約左係萬聖節一齊撐枱腳🥂感受一下節日氣氛！梗係要揀間有氣氛🎃食物好味又方便就腳嘅餐廳嘆下先得啦！最後決定去老地方🥰就係平時慶祝紀念日都會去食嘅間餐廳啦😆餐廳係九龍塘又一城方便大家收工👍🏻而且食物水準穩定抵食又大份😋啱晒我哋口味！最重要係個皇牌tiramisu超好味😆每次黎都要嗌甜品呀😍🎃萬聖節裝潢好有心機擺設💓員工都cosplay mario服飾😂入面仲有唔同裝潢🏛節日氣氛滿滿💯仲好多打卡位添📸！而且仲有抽獎環節😂抽獎箱入面有昆蟲玩具同糖果🤗有得玩又有得食😂大人小朋友抽到邊樣都開心🥳睇完menu我哋老規矩揀咗二人晚餐set😘因為CP值高又有我最愛既Tiramisu🍽影影下相好快就有前菜上台啦🥗🦑炭烤魷魚筒配芝麻菜🥗意式烤雞沙律作為前菜嘅魷魚筒好出色🦑老公好鐘意佢嘅炭烤味🔥食落超香口！而且魷魚一啲都唔韌！本身以為前菜食魷魚會好漏😅但係佢仲有個特製芝麻醬🤭點埋黎食比想像中更清新✨唔錯👍🏻🥗烤雞沙律有蕃茄、洋蔥、雞肉、橄欖油、煙肉碎、芝士應有盡有！本身食沙律好怕平衡捉唔好🤔怕味道太淡又怕太濃烈！但呢個沙律清新同惹味共存😍煙肉芝士惹味得黎又唔會搶左蕃茄、菜、橄欖油本身嘅味道😌成個尺度捉得

仔女考完試，近近地附近補慶祝生日，旨在搵間坐得舒服嘅餐廳。去到因為唔想諗，見到個二人餐好啱食就決定左。呢間最吸引我嘅地方係佢嘅麵包籃，加埋醋一齊食👍頭盤沙律雞肉夠嫩滑，好大碟，結果我哋兩個人都食唔晒。魷魚加埋個醬好好食，而且唔會太韌。Steak我哋叫medium，嚟到啱啱好，好Juicy，好有肉味。另外我哋揀咗海鮮意大利飯，少少黏黏哋，好飽肚，海鮮好新鮮。飲品我哋揀咗Lemonade，同Ice peach tea。呢間餐廳不嬲最出名就係Tiramisu，咁梗係試埋咁，沙律食唔晒，但Tiramisu食晒你就知幾好味。PS Stephen 好helpful 👍服務唔錯

免費麵包藍-⭐️熱辣辣帶有香草味，加上橄欖油同醋吃超讚歡樂時光🌟白酒一送一。清新。正再加配38蚊小食-⭐️薯條，熱辣辣意大利風乾火腿配蜜瓜⭐️陳年黑醋加橄欖油，火腿有嚼口，夾上蜜瓜一流海鮮意大利飯🌟米飯煮得恰到好處，吸入海鮮鮮香，每啖都有海洋味道，大蝦，青口，帶除子，及魚柳，加入茄膏芝士，酸味適中，香濃可口Limoncello Tiramisu ⭐️檸檬酒芝士蛋糕，面層有開心果醉，內層有檸檬皮香，飯後甜品，正萬聖節仲有活動，又要約定朋友

Amaronis 位於九龍塘的又一城，餐廳內部設計現代而雅緻，給人一種輕鬆舒適的用餐體驗。柔和的燈光和時尚的裝潢，讓人一進門就感受到輕鬆愉快的氛圍。**服務質素** 服務員熱情友好，對菜單上的推薦相當熟悉，能夠根據客人的口味喜好提供建議。上菜速度也相當迅速，不會讓人感到等待的焦慮。**菜品選擇** 餐廳的菜單涵蓋多款意大利菜，包括傳統的意大利薄餅、意粉和各式前菜。特別推薦他們的海鮮通粉，煮得恰到好處，配上新鮮的海鮮，口感滑順，味道鮮美。**味道評價** 海鮮意通粉的調味恰到好處，並不過於濃重，讓海鮮的鮮味得以充分展現。而他們的薄餅也相當出色，薄脆的底部搭配新鮮的食材，令人回味無窮。甜品方面 一有好多選擇，總會有一款適合你

滿心期待呢間意式餐廳入到去坐低就有待應拎左2隻杯同一樽水過黎一開蓋，見到樽口黑色圍邊勁嘔心希望自己睇錯啦點知用紙巾一抹，個樽口乾淨晒🙂睇睇下個樽蓋都係黑色既，痴咗線點解可以咁污糟叫左個risotto 上菜都快，唔洗10分鐘就到左都知lunch time會多人，通常都煮半熟咖啦但係無諗過係煮到過左龍似食緊爛飯多過啲，極難食啲菇有啲又凍既，點食？真係垃圾到不得了個飯完全似係用平時食飯既米黎煮，煮得勁冧懷疑到底係咪用意大利米煮叫野飲，舉手都舉左5分鐘都無人理飲品都要等過15分鐘都未到食到一半頂唔住已經食唔落叫左經理過黎處理一下問佢risotto個口感應該係點都好彩佢答到我可能真係廚房問題啦Anyway 無下次

好小會係openrice到寫食評！上一次係食lunch, 依稀印象都記得呢間嘢嘅態度一般，今次第2次黎食，主要行開呢頭同埋因為帶住bb唸住搵間環境舒服又有baby seat既餐廳就決定食呢間既dinner,入到門口完全無人唸住幫你帶位，面前有同事經過都無任何眼神交流示意等候，企左陣終於等到一位waiter 過嚟安排座位，坐低order完後，枱上面無任何水(目測附近枱面用餐中既客人都有一樽甚至兩樽玻璃瓶水放係枱)，亦無放低任何餐具係枱面，餐包都係等一段時間先放低，所有野都係無主動提供，感覺今次有點被ignore,其實餐具呢啲好基本，但係感覺呢度嘅侍應完全唔會理客人嘅要求，睇現場環境唔算忙，當時亦大概見到好多吉枱，只係覺得佢哋一味掛住忙傾偈？走嘅時候收錢都係完全冇表情，感覺上好似唔想做同埋非常之趕客！應該唔會再有下次！

I had New York classic pizza and hanger steak.topped with flavorful Italian sausage and mozzarella cheese, and a tangy tomato sauce that brought everything together perfectly. The crust was thin and crispy, just the way a New York-style pizza should be, a little dry tho. but still held up well to the toppings without getting soggy.What surprised me even more was the hanger steak. I didn’t expect to find such a well-prepared steak at this place, but it was a delightful surprise. The steak was coo