我鐘意 (Closed)

Amo La Pasta 你會回來嗎？今日想約朋友去Amo La Pasta午餐，在荃新天地一期行了兩個圈，都找不到餐廳。開了OpenRice看看，表示營業中，但原來鋪位已圍上板，未有貼出告示。2月3日我還在這兒午餐，環境和味道也不錯，希望他們會重開。這兒的蘑菇湯很好味囉！

首先見到外面餐牌先入去既入到去竟然話外面果個係午餐依家係晚餐時間晚餐就收返個牌啦！ 先係服務：同屋企人討論緊食咩，我話我想食A餐個侍應唔知趕咩咁要幫我點A餐我話我討論緊咋，又係咁推薦係得果幾個餐仲洗咩講姐，都冇問就收聲啦！諗緊時就係咁打斷我地感覺差到似茶餐廳 到菜色：我地叫左義大利飯、pizza、牛排我唔係好明點解義大利飯要用泰國長米煮？真係成世冇食過咁難食既義大利飯就算唔係用返正常義大利飯既米，都用圓米煮啦！牛排叫左5分，味道ok，就係筋太多咬得攰Pizza就正常d 食到最後侍應黎問我地要唔要叫餐飲一開始已經叫左啦！跟住又去check又返黎話可能冇寫到唔該真係炒左個侍應啦！都點多次算上野飲時又唔講話杯野係咩黎，擺上檯就算杯朱古力難飲到真係不如自己返屋企沖阿華田冇咩朱古力味，都係水我叫熱既，我哥叫凍既，就係一杯熱水同一杯凍水 最後3個人竟然都食左400幾服務質素差食物味道差除左個裝潢靚都冇咩用由頭到尾都冇心睇d裝潢，已經比d服務同野食搞到燥底仲要賣到咁高價出到黎間間餐廳都排緊隊係得呢間冇就知真係中伏千其唔好嘗試都係教訓，以後就算屋企人決定左食邊間，自己都要睇多2眼

平靚正，一份晚餐，湯_包，主菜甜品，加飲品，飲品選水果白酒/紅酒都不用加錢。另外，加了小食半份pizza及沙律。買單只是180元，两人分吃也吃不完。水果酒甜蜜可口，意粉al dente，但煎帶子略咸。pizza鬆脆，沙律不過不失。整体很讚。

今晚同屋企人黎左呢間叫AMO LA PASTA既餐廳, 中文名叫 < 我鍾意> , 個名真係好得意, 又易記餐廳環境不錯, 裝修簡約整齊, 有BB櫈提供, 適合一家大細去食晚餐set價錢大眾化，由$98至$158, 已經包餐湯、飲品同甜品。而散叫嘅食物價錢都合理叫左4 個dinner set 包括 蟹肉天使麵 ($98), 菠菜烤雞薄餅(全份) ($108), 烤帶子伴龍蝦汁蘆筍意大利飯($118) , 烤澳洲肉眼扒 ($158)  跟餐有忌廉湯+ 蒜蓉包蟹肉天使麵 :  味道比較淡菠菜烤雞薄餅(全份): 長方型的pizza, 幾清新, 食完都唔怕好漏烤帶子伴龍蝦汁蘆筍意大利飯: 味道一般烤澳洲肉眼扒: 因為有小朋友食, 唔敢叫太生, 所以order左7 成熟, 肉質還可以, 但當然唔係扒房嘅質素餐飲方面要左一杯橙汁（正價$28，跟餐$0）, 另外Order 左2 杯芒果青檸果茶（正價$32，跟餐+$18） 同埋 1 杯水蜜桃青檸果茶（正價$32，跟餐+$18）, 夠大杯, 清涼解渴另外散叫左 炸香辣單骨雞翼($48）唔係用碟上, 而係用紙袋裝住，好脆口, 食落少少辣,

有日下午去左荃灣行想食個tea但荃新天地啲餐廳都幾貴但見到呢間嘅tea最平最平28加一服務費就有所以就決定食佢味道好唔錯啲醬汁好特別而且好濃味點呢款薯條好夾！薯條都炸得好脆間餐廳本身都幾大所以都好多位食完都坐左大半個鐘因為行街行到攰而且啲梳化位好舒服

荃灣真係太多好野食 很容易令人有選擇困難症最後黎左呢度...由於太肚餓 叫左小食醫下肚魷魚圈 食炸野 炸粉真係好緊要咬落脆口 如果無咁硬口感更佳嘅 另外叫左2個set dinner 同一個單點咸豬手紅蔥頭意粉見幾特別感覺上又健康啲有驚喜 意粉索晒d汁 味道剛剛好 清淡而不膩真係第1次食 意粉比1般意粉幼 麵質煙韌 牛扒叫左五成熟，肉質軟嫩夠juicy呢個價錢呢個味道豬手要等20mins...豬皮脆卜卜肉質嫩滑 配埋酸菜同醬汁簡直一流鮮果茶 都幾大杯 而且有新鮮水果 甜甜酸酸 

一間西餐廳Tea sets做咩時間，未到5:30已話要點選晚餐，一家西餐廳竟然咁早就要做晚餐，係咪只配合長者提早時間用餐呢？人客又唔多，就唔好咁啦！做多一單生意咁難咩？想幫襯一下啫⋯⋯職員態度差到極，算吧啦荃灣區要食下午茶選擇多的是，本人及友人最著重服務態度及食物質素，環境都重要之一。其實佢唔係價錢有點吸引，都無打算幫襯，今次經驗告訴我及所有朋友不要再考慮呢間餐廳，大家可以嘗試同一期另一間係地下嘅泰國餐廳，味道及環境也很好

放半日諗住同同事搵個地方傾下計就揀左哩度因為係lunch時間所以要等一陣先有位唔講咁多廢話 睇野食啦!湯味道還可以 就係普通一個忌廉湯咁不過唔係好夠熱 上枱時只係暖暖地反而個蒜蓉包就要讚下真係有好香既蒜蓉味而且口感鬆軟認真麻麻地 同普通快餐店味道差唔多當然食唔到香蒜紅酒汁既味 著條都係冇咩味 要靠個茄汁哩個好過塊牛扒既望落好似好dry冇乜配料但食落係有蒜香味既哩度環境唔錯既 坐到四點幾都冇人趕我地走

星期四晚約了朋友吃晚飯，荃灣友好吃的東西多得是，這次我們到了荃新天地，荃新天地除了美食廣場外,其他多是中價餐廳。這次去1樓的我鍾意也屬於這個價位。 甫到餐廳，已有驚喜啦！李錦聯居然在餐廳內！聽朋友說，餐廳好像是李錦聯有份的。看了一會兒後，我們便開始點餐了。我們3個人，決定點3個晚餐一起分。一個是魚，一個是牛扒，一個是薄餅。晚餐包了餐湯、蒜蓉包，甜品及飲品。 蒜蓉包和湯很快就來了，湯不俗，不會太濃，味道卻夠。蒜蓉包我很喜歡！有很多蒜蓉醬料，味道很濃，不像有些店醬料薄薄一層。這點要稱讚！ 我點的白酒鮮果特飲也很好喝！酒咪淡淡的，但配上果汁和鮮果很易入口，令人不停想喝個精光！ 3個晚餐先來的是魚配薯蓉！魚很好吃，不腥，但也夠魚味。不過配薯蓉我就不太喜歡了，中國人還是想吃點飯，哈哈！搭麵或意粉也比薯蓉好一點吧！ 然後來的是牛扒，叫了5成熟！這個非常不錯！肉還很鮮，不會煮過了火，很軟腍，好吃！不過又是配薯蓉...... 最後上的是薄餅，也不錯的，但味道不算太特別，然而卻非常飽肚，差點吃不完！ 吃過晚餐後，便到甜品了，甜品實在令我們眼前一亮！很認真

係荃灣行商場行到荃新天地，見到意間餐廳。價錢都幾抵食，就晤諗咁多入去。Set Dinner 價錢百幾蚊，大眾化。環境大，清潔整齊，裝修清新。龍蝦湯，質地香濃，夠鮮味。強烈重點推介意隻脆香豬手。係英國成日同三五好友一齊一路睇波一齊食。人生一大樂事。估晤到係香港食到咁高水準的豬手。價錢$138，超抵食。份量十分大，建議3-4人一齊進食。首先講豬皮烤到無多餘油份，咬落卜卜脆有聲，香港好少地方食到。但肉質能保持嫩滑，其味無比。大蝦闊麵，味道惹味，香煎大蝦香口彈牙。個人好喜歡QQ咖啡，QQ好彈牙，咖啡香濃奶滑。

好耐冇去過荃灣，今次就去左荃新天地揾食，揀左<Amo La Pasta 我鐘意 >呢個餐廳，首先口有稻草裝飾，而餐廳入面以白色為主，裝修好有文青的感覺呢😝呢到嘅Set dinner有六款，價錢由$98至$158 ，有湯有甜品仲有飲品，full set dinner來説都很抵食呢👍🏻先説餐湯,我們將兩個湯都加$10分別升級了黑松露野菌忌廉湯 同海鮮濃湯 黑松露野菌忌廉湯（+$10） 之前見都有好多人話好飲，果然黑松露味道香濃 ，值得加錢升級😊海鮮濃湯（+$10）濃濃的龍蝦味，飲得出是落足料去煲 炸香辣單骨雞翼($48） 外表平凡，簡單用上紙袋裝住， 本身以為是KXC d friend，得知食落有驚喜，味道獨特，微微香辣，連怕辣的我都食得津津有味，一隻接一隻咁食 菠菜烤雞薄餅（$108）這個pizza有別於平時的pizza是圓型的，而是長方型的，上面佈滿菠蘿和烤雞，很有田園風味，很清新的感覺🌿烤帶子伴龍蝦汁蘆筍意大利飯($118) 帶子微微烤過，肉質鮮甜，意大利飯軟硬適中， 淡淡充滿龍蝦汁滋味特級果茶（正價$48，跟餐+$28）呢個特級果茶果然名不虛傳，大大的一杯，份量大，

適逢好友5月生日，便相約她到一間《我鐘意》吃她“鐘意”的生日飯-店内環境氣氛不錯，地方開揚，座位寬闊。廚房更是開放式，透明度高~坐下來就要看看吃什麼好了有不同的dinner set單點的食物也很吸引喔！！最後我們決定點一個dinner set及散點其他食物來分吃-先來的餐湯和餐包餐湯cremy，加烘的餐包外脆內軟不會太乾！合格-跟餐另加HKd$18的精選沙律想不到份量頗多亦新鮮，抵食-接下來到的是單點的煙三文魚薄餅（半份）半份有四塊，味道真的不錯！咸香的煙三文魚配上脆而不乾的芝士薄餅，每人兩片也很快被我們吃光-其後也是單點的食物黑松露野菌長通粉🍴一致獲得我和朋友的好評，醬汁有香濃的松露香，加上大量的雜菌，令我們一口一口地吃不停-很快主菜的烤肉眼扒也到了但這肉眼卻失色多了，令我們有點失望！畢竟之前的菜式我倆也挺滿意的點了5成熟，但煮得有點過熟，肉質偏韌亦為多筋，有不少地方也咬不開。-餐飲方面也另HKd$8點了鮮奶咖啡(抹茶)糊塗的我還以為會是平日的greentea latte 般是抹茶鮮奶，原來這店的是latte加抹茶粉😂😂但味道也不差，也好吧~~-最後當然是甜品的時間在朋友未到前我先到

去uniquo 買衫，經過呢間餐廳。見到裝修幾靚，價錢唔貴，諗住試下啦。點知真係好失望。我同老公分別叫左午餐，一個係龍利柳，一個係牛扒。一黎到d魚同牛扒都好薄，仲衰過美心叫果d扒餐。分量少，d肉無乜味道，肉質鬆散，靠汁吊味。薯條得幾條，係麥當勞果隻細薯條，唔係一般西餐果隻厚身款。汁係港式黑椒汁，係，即係碟頭飯果d。配菜係翠肉瓜幾件，見到咁既配撘好有親切感，以為自己去左食快餐。但都要讚既係d服務ok, 裝修幾新，坐落幾舒服。明白點解呢個價錢，但如果要食快餐，我點解要過黎食呢？

荃灣荃新天地算很多食市，作為荃灣人都是必去的商場。今次就黎左意間叫AMO LA PASTA既西餐廳。Amo la 係西班牙文，意思我鍾意。環境簡約時尚舒適有格調。感覺清新自在，令人放鬆的感覺。晚餐價錢大眾化，只是百幾蚊個set。已經包餐湯、飲品同甜品。Set Dinner 外，其他食物都係大眾化價錢。散叫食物價錢都係百幾蚊。^_^餐湯我加$10轉左海鮮濃湯。好像龍蝦湯般，味道香質地濃郁。我點了晚餐的香煎石斑。賣相鮮豔，外層香脆，魚質香滑配上牛油汁，味道清新開胃。另單點叫左個南瓜帶子意大利飯。味道南瓜帶甜身，香煎帶子鮮甜，配搭味道一流。飯粒煮得較淋身，南瓜汁多，質地杰身。是日甜點檸檬批。口味清新不太甜。餐飲是白酒水果茶，水果味先甜大少少酒味更顯得出。特級果茶呢度比較濃郁，另有三款配料工一起飲用可以增加口感味道香甜。

餐廳地方幾大，座位舒適👍🏼 服務態度良好😁 吸引一家大細黎食。叫左一個dinner set E 香煎盲鰽柳配千邑龍蝦忌廉汁 $158 魚柳好大塊，不過個汁似係牛排汁，覺得同個魚吾係太match 🤔 肉質吾夠嫩滑。好在有得食薯格，同埋翠玉瓜好食！餐湯係忌廉湯紐奧良卡香脆雞翼 $48 /6 隻，吾知個名堂點解，睇落幾特別😂食落都幾好味的，肉質又嫩👍🏼 不過再重口味d同埋外皮脆身d會更好😂煙肉辣茄汁意大利雲吞 $88 有四大粒，皮薄餡靚，微辣茄汁好開胃呀😋 三色椒令到個味道更加提升了👍🏼 芒果青檸果茶 同埋水蜜桃青檸果茶 $32 好fresh ，好冰涼！爽呀！好大杯！超抵飲😂👍🏼Set dinner 跟既甜品，味道不過不失啦.