AMONA

Open Now

Now Closed

近排有同事升職，請大家食千層酥皮撻，一盒有三款，分別係而家好Hit嘅開心果味、鹹蛋黃味、同埋原味！三款千層酥皮撻嘅外型都好別緻，店主教落攞到返屋企，最好就用焗爐用140度焗4分鐘，留意如果放入雪櫃太耐，時間要再多少少，咁就做到熱辣辣最好食啦！個餅皮真係好酥脆，每一層嘅層次都分明，比食牛角包仲要有質感，三款口味都各有特色！！另外幾欣賞佢可以放落雪櫃，想食嘅時候即刻焗，無論係攞嚟做茶點，又或者係宵夜都咁方便！得咗！

近排觀塘開左好多樓上小店，發現呢間sell低糖、無防腐劑同無麩質既蛋糕、蛋撻。因只限外賣，回家後要用焗爐140度焗4分鐘，酥皮先可以酥脆。層層分明既酥脆外皮和順滑既蛋餡，蛋香濃郁，甜而不膩。開心果口味，香濃開心果醬與蛋漿配合剛剛好。鹹蛋黃口味有創意，鹹蛋黃的咸蛋香撲鼻，口感層次豐富。AMONA成業街16號怡生工業中心H座1樓H10號舖

花花葡撻外觀美美，酥皮的質地非常鬆化有層次感，咬落去好有小驚喜🤩三款不同的口味，每一種都有其獨特的風味。個人偏好原味牛奶葡撻，奶香濃郁，同酥皮非常夾，係好正嘅下午茶🥰。鹹蛋黃奶香葡撻的味道是多層次的享受，鹹鹹的蛋黃和香濃的牛奶巧妙地結合在一起，獨特的口味對比，好有驚喜。開心果葡撻則為口感帶來了不同的層次，開心果醬配合開心果，搭配香濃的奶香，好味。整體三款他味道不錯，欣賞酥皮鬆化，用心小店，下午茶的好選擇。

平時好鍾意食蛋糕同撻嘅我有日喺社交平台碌到呢間小店，見佢新出咗葡撻仔幾吸引就order咗一份。工廠區唔難搵，但上到去原來冇現貨蛋糕睇，所有蛋糕都要提早兩日網上落單，每日新鮮製造。葡撻有三種口味：原味、開心果、鹹蛋，後面兩款都比較特別！😍店主建議140度焗4分鐘左右再食~焗緊嘅時候已經聞到酥皮嘅香味！花花酥皮好靚，切開時酥脆鬆化，一層層嘅口感相當有層次。原味蛋香味濃郁，入口順滑，口感濕潤，帶有少許焦香味，重點係唔會好甜！開心果迷對開心果撻表示相當興奮，食落開心果味濃郁，再配上粒粒嘅口感非常夾。最後係鹹蛋口味，平時食鹹蛋嘢最怕油膩，但係呢個蛋撻一啲都冇。唔油膩之餘鹹蛋味亦唔會過鹹，調校得啱啱好，鹹香加蛋香，真心唔錯！三個撻嘅甜度都唔太甜，非常適合鍾意健康嘅人士！見佢啲蛋糕都係主打低糖、無防腐劑、無麩質，見店主好細心又有心思，下次都可以試吓！😍

全人手製作，多款自家制手工蛋糕甜點，有戚風蛋糕、純素蛋糕、生酮蛋糕、巴斯克蛋糕、純素朱古力、無麩質蛋糕。適合生日、婚宴、派對、回禮禮物 、散水餅、甜品批發。天然成分！無添加！低糖 ！冇防腐劑 ！🌟最新推出三款酥皮撻，方便外賣返屋企，放入焗爐，焗熱效果更佳！🥧鹹蛋黃酥皮葡撻滿滿鹹蛋內餡，真係好香鹹香味，個酥皮好鬆脆。🧁開心果酥皮葡撻開心果控必試，賣相吸睛，面頭有開心果碎、開心菓醬，入面餡料充滿奶香，返焗一下更加酥脆。🥧原味酥皮葡撻原味葡撻，香濃蛋香味，口感軟滑。

依家好hit 好似蛋撻咁，但係用千層撻皮，最種要係外脆內軟！買左3個撻，有開心果味 原味 同埋 咸蛋黃味每個都有佢既獨突，蛋漿香濃細滑，達致小許軟心效果，每件都外皮鬆化香脆。開心果味唔知點解會食到有啲芝士味，懷疑綠色一條條個d係芝士條，食落更好味🤤。鹹蛋黃味係食落口滿滿鹹蛋黃味，爆曬出黎，睇圖都睇到，老闆落足料🤣 原味就食到蛋黃奶香十足，十分支持小店，真係好好食呀！本身落單只可以預先電話訂，問老闆娘佢話之後可以外賣平台有得買，方便好多

Banoffee Paradise女士們很喜歡的焦糖餅乾， 碰上軟綿綿又帶點煙韌的烤棉花糖。 已是幸福心醉的感覺。獨特的咸焦糖醬， 帶出香蕉的最佳獨有風味。 餡料是順滑香蕉忌廉， 香甜的香蕉片， 加上綿密濕潤的巧克力戚風蛋糕， 這就是無懈可擊配搭。💜在朋友的生日會，吃過這個蛋糕， 實在是念念不忘， 預早在whatsapp訂購， 這天來到觀塘， 地點也很方便。 蛋糕真的用心製作 ，而且店主也很友善， 需要嘅時候就可以提供埋凍袋添。

Cake shop: AMONA (觀塘成業街16號怡生工業中心H座1樓H10號舖) @amona.hk 如果想食甜品，但又唔想有好多kcal同高糖份, 一定要試吓呢款健康又低糖既coffee x tofu pudding x espresso cream chiffon cake☕️😋 gluten free蛋糕~ $198 （4吋）一打開好香咖啡味☕️cream好滑，再加埋好鬆軟嘅戚風蛋糕，仲有一層tofu pudding , 識落口感好好😋👍🏻 而且一啲都唔甜，我平時都唔鍾意食好甜嘅蛋糕🍴食完佢覺得一啲都唔漏，同埋因為佢係低糖，所以食完完全冇罪疚感😋🍴不過，如果大家想買蛋糕，記得預先落單先⭐️⭐️⭐️⭐️

呢間手作蛋糕店AMONA，沿路行過嚟個鋪位都幾特別，全層都係一間間房甘間隔。行到H10號舖就見到啦！小店主打蛋糕同蛋卷都係店主每日新鮮製造，無添加防腐劑、無麩質、低鹽同低糖採用天然食材，適合關注健康飲食的朋友，食完都唔會有太大罪惡感。今日買咗佢哋最新推出🆕嘅酥皮撻。賣相都幾精緻，點咗三款唔同嘅口味🤩。🧡鹹蛋酥皮撻面頭裝滿大量鹹蛋，食落真係好香呀，個酥皮都幾脆，就算已經係室溫度擺咗幾個鐘，依然都保持到鬆脆感☺️。💚開心果酥皮撻最近真係好興食開心果，無論係開心果飲品抑或甜品，除咗賣相幾靚之外，入口充滿開心果香🤩💛原味酥皮撻原味一樣咁正，個蛋漿食到好濃郁嘅蛋香，口感十分之滑。

Amona⭐️Coffee x tofu pudding x espresso cremeux充滿住濃濃咖啡味嘅無麩質蛋糕。如果有了解過無麩質蛋糕嘅朋友，應該知道呢種蛋糕嘅製作成本係比較高，而且呢間蛋糕店冇落任何添加劑，所以非常適合過敏體質嘅朋友食。 我呢個蛋糕雖然係咖啡主題，但係佢嘅味道口感都比較輕盈，食落一啲負擔都冇，完全唔會覺得膩。而且我後來睇返蛋糕店嘅介紹發現佢哋嘅蛋糕全部都比較低糖，注重健康嘅朋友仔可以試下。

🍰 **AMONA** 最近我發現了一家精緻優雅的蛋糕店 @amona.hk，這裡的蛋糕真是用心製作的藝術品。店主可愛迷人，當她雙手捧出這些精緻的蛋糕時，彷彿在將自己親生的孩子送出去一樣，充滿了愛與心血。😊我試了他們的**6吋Chiffon cake**，售價$480，蛋糕口感香滑，濃郁的味道令人驚喜。每一口都能感受到純天然用料的質感，完全不含添加劑，讓人吃得安心。🍰咖啡豆腐布丁和濃縮咖啡奶油，這種結合的味道相當特別，既有咖啡的香醇，又有豆腐的滑順，讓人陶醉其中。☕至於配送方面，AMONA提供多種選擇，包括在中環地鐵站A出口的取貨，以及觀塘工作坊的自取，還有送貨服務（貨到付款）。這樣方便的服務，讓我更加喜愛這家店。整體來說，AMONA的蛋糕不僅外觀精美，味道更是令人難以忘懷，絕對值得一試！👍**AMONA** Kwun Tong, H10, 1/f, Block H, East Sun Industrial Centre

🔹咖啡豆腐布丁濃縮咖啡奶油戚風蛋糕（4” $198 for 2 people）一打開已經好香咖啡味 ☕️ 面頭再鋪咗啲可可粉 側邊仲加咗啲咖啡味嘅cream～.第一啖有淡淡嘅咖啡味 當你以為完嘅時侯，去到中度啲咖啡味會湧出嚟，味道濃郁😍😍估唔到豆腐同蛋糕會咁夾，口感好似布丁 蛋糕嘅鬆軟+豆腐嘅軟嫩，再加咖啡嘅香味 不錯吃😋想order嘅話，記得預先去IG落單喔～

#AMONA地址: 觀塘成業街16號怡生工業中心H座1樓H10號舖=====================少女心去吃蛋糕打卡，雪白面層的cream ,加上透明蛋糕盒，很適合打卡放上社交平台 .而蛋糕口味很特別，大家估下是什麼味？是大人向架蜂蜜whisky ,cream 加了蜜糖，翻甜黏黏的，蛋糕很濕潤鬆軟，而中間就是whisky 味的酒心啦，mix 埋蜜糖意外地夾！

手工烘焙的確比工廠大量生產嘅出色，所以屋企人生日都會上網睇吓有啲乜嘢新店可以試吓。呢間Amona 係朋友介紹，予事就訂咗呢個Banoffee Paradise Chiffon Cake嚟慶祝生日。Banoffee Pie是英國的一道傳統甜點，它的名字Banoffee，就是Banana + Toffee的意思。呢個戚風蛋糕就係用同樣嘅材料做出嚟。味道比想像中更好。拖妃唔會好甜，蛋糕鬆軟同拖妃有唔同口感，中間有香蕉襯托多咗一份香氣。6吋人少少食啱啱好，下次要叫8吋食多啲。

觀塘手作蛋糕店AMONA ，蛋糕同cake roll都係店主每日新鮮製造，所以要預早訂購。蛋糕店標榜無添加防腐劑同無麩質，採用天然食材，適合純素同生酮飲食朋友。小編就選擇咗一款大人先食得嘅cake roll 蜂蜜威士忌卷 😆🔅蜂蜜威士忌卷 $198圓碌碌嘅卷蛋，拎上手都有啲重量卷蛋蛋糕口感綿密軟熟中間係一卷卷滑滑嘅忌廉，甜度較低所以食多咗都唔覺膩切開後中心位嘅蛋糕，曾經深深地浸過威士忌一口咬落，一股強勁又濃郁嘅威士忌味道湧入口中溫柔清純嘅蛋糕同忌廉，撞埋酒味十足嘅威士忌層味覺衝擊有趣又特別🤩