城意 (Closed)

葡國菜喺黃埔同紅磡呢頭相對地講比較少見，見到開咗間葡國菜，去試試睇吓有無喺葡萄牙🇵🇹食過嘅味道先🤪-當日去到午市套餐有14款可以揀，每款配任食自助沙律吧、餐湯（南瓜湯）、果茶。（免收加一）食咗：▪️葡國四重芝士烤夾歐包 $78：切開兩大嚿，四重芝士比較膩，一次過食唔晒，揸包拎走做第二餐。▪️葡萄牙巴馬火腿黑松露卡邦尼扁意粉 $88：係加咗巴馬火腿嘅卡邦尼，用扁意粉更掛汁。▪️煎鱸魚柳粟米汁葡國燉飯 $98：鱸魚有兩件，夠送晒成兜粟米汁燉飯，飽肚之選。▪️黑椒草飼牛扒配煎蛋薯條 $98 （每日優惠餐）:見係星期一嘅優惠套餐，同場又有唔少人食，都叫返份扒食。不過肉質本身比較韌，要夾埋隻煎太陽蛋食。薯條有一執。-沙律吧離不開沙粟米、沙律菜、雜果等，可以夾一碗，食住等。送嘅水果茶都比想像中高質，隻匙羹仲係櫻花型。整體嚟講覺得食物味道ok，有落心機喺餐具到。

真係嬲到獻出我生平第一次寫食評！做生意最想了解客人需要-員工做到!可惜越清楚知道你需要咩就偏偏唔俾你要！我哋兩個人本來想試新開日式炸物，但餐廳爆滿而疫情上4000多宗，見呢間唔使排隊兼有三份二座位吉，一入去侍應就帶我去搭枱。我就講話唔想搭枱，問其他吉枱可唔可以坐得？佢話已訂咗，於是諗住轉身走，佢就好勉強話可以安排。一路間中都有一兩位客入嚟都係唔使搭枱。當我落完order就即刻帶一人來搭枱，而令我覺得侍應專登因為知我唔鍾意搭枱，見隔離四人枱只坐一個人本應該搭多一日仲有兩位入嚟可以坐，但偏偏安排坐我隔籬！而當時仲有一半場係吉嘅。咁我唯有早早唔食結帳走人！出去俾錢仲問我點解咁快走，唔食晒啲嘢先！我就話廢事阻住你哋做生意，而佢竟然回應唔使客氣!!唔怪得呢間唔使排隊長期有位！

同友人到意城享用晚餐, 時間有D急所以只係叫咗3款食物, 分別係農夫包, 酒索蜆同一客雞翼好快上菜, 先黎酒煮蛻, 開始食....唔對路, 食一隻, 兩隻...如是者食咗5-6隻, 當中5隻有沙, 根本食材冇完全去沙(煮海鮮食物我真係不能接受)有伙記仲以為自己餐廳食物水準好高走埋黎問今晚食物如何, 如實回答佢完全唔掂跟手佢話同廚房跟進, 之後話廚師講可以再煮另一份俾我地, 但我琴晚真冇時間趕住要走拒絕了(講明冇預佢會CUT單)之後位伙記話單就冇得CUT, 不過送返件蛋糕俾我地....朋友點左件朱古力蛋糕, 我食左半啖都係不外如是.....總結, 一次中伏經驗, 真心覺得餐廳既然冇心機清潔食材就咪賣, 特別係海鮮!

起黃埔開咗唔係好耐 不過位置比較偏僻 起奇趣天地附近 所以少人識門面望落幾靚 好似cafe咁😍唔講以為係高級餐廳 但其實lunch價錢十分之平民選擇超豐富 主要燉飯 意粉 扒類🥩每個set仲包一個餐飲 一個餐湯 同埋自助沙律🥗▶️自助沙律有個salad bar 可以自己任揀 多款生菜🥬另外有車厘茄 青瓜 紅菜頭特別啲有雜果沙律 同埋粟米鷹嘴豆🌽當然可以自己揀醬 有個橙橙哋色嘅醬 (唔知係咪千島醬)幾好食！▶️ 南瓜粟米湯好搞笑 佢係放起杯而唔係碗 唔講以為係橙汁🤣入面真係有一粒粒粟米🌽南瓜味唔算好出質感少少杰 但係又唔算好creamy 味道少少甜而唔咸 應該唔係用罐頭而係自己做👍🏻味道天然啲▶️ 傳統葡國燴雞配小軟法包 ($78)份量好多😮估唔到有成7塊法包咁多平時我少食葡汁 今次都係一個意外黎🙈一開始睇錯以為係葡國烤雞 不過黎到就試吓啦葡汁食落好香椰汁味 入面燴埋洋蔥🧅橄欖🫒 食落甜甜哋 又唔錯喎同埋都有啲辣 但係係接受到嘅程度🐔燴雞份量多 有成7-8件雞 因為用雞髀肉 所以肉質好嫰滑而且啖啖肉 無乜骨 一啲都唔鞋👍🏻仲要面上灑上椰絲 好似人哋椰絲包咁😋更加香小法包原先冇搽任何牛油 預你用

諗緊食什麼就開始下雨，正巧在餐廳門口，見未試過就決定入去。開頭覺得都係普通餐廳，最終食物有驚喜，值得再來。我們叫了 2 個 lunch，職員表示有自助沙律吧，對眼即刻發光有 2 款沙律菜 + 薯仔沙律，另外再有粟米、蕃茄、青瓜、火箭菜等全部食材新鮮，本諗住主食後再夾多少少菜，但已經飽左，唯有留返下次。(當初諗住無乜特別，所以無影相)呢個餐湯，無得頂，椰菜打到碎，見唔到但食得到，忌廉湯飲完無好 "留" & "結"的感覺，讚！有點似意大利飯，飯中夾有薯仔粒。成塊魚柳放面，驚喜，初試塊魚有點咸，但連飯一齊食就岩岩好!甜味適中既花茶，為呢餐作完美既句號。另外值得一讚，職員有禮貌及有善。外面突然下雨，主動提醒結賬客人外面下雨詢問有無帶遮 (可能無帶遮既話會叫你坐低等停雨~哈)

套餐有自助沙拉、湯和main course，適合大食量！做完Gym或打完波最正。同埋想讚佢地抗疫做得好好，擋板都好實正。個阿叔清潔完張檯仲會用手試一試是否仲濕，真係好細節，好細心。👍👍👍

下午茶二人份tea set 188蚊幾抵食 整個份量 足夠兩個人食有兩杯嘢飲仲有沙律吧 沙律吧有三款沙律菜 蕃茄仔青瓜 粟米粒 有橄欖油黑醋千島海鮮醬,三文治有蛋沙律 佢嘅包 唔係平時白色嗰啲三文治包 似法包 口感煙韌 脆口藍色嗰件甜品係木糠蛋糕食落去似雪糕咁 係凍嘅， 有兩件唔同味嘅 Macaron, 另外 啡色果件我都唔知乜嘢味嘅甜品但味道都唔錯 窩夫夠脆口上面有 玉桂蘋果 玉桂味好濃香 另外有一個係牛肉醬加芝士薄脆片， 如果唔食牛肉可以同佢講轉要吞拿魚醬 （餐牌上面冇寫的）, 但佢會彈性處理. 雖然品種冇出面下午茶tea set㗎咁多款式但係不貴多, 整體平均味道亦ok, 性價比高, 人均一百蚊就食到 仲要包一杯飲品同埋 沙律吧任食 真係好抵 下午茶三點至五點半可以叫.

呢日黎到都係新開無耐既餐廳，不過真係少人到好似就黎做唔住咁，見佢跟手都停開幾日咁😪▪️黑椒草飼牛扒配煎蛋、薯條 💲98 午餐係配有任食沙律吧，沙律菜新鮮爽脆，仲有唔少雜果粒，另外有是日餐湯，係椰菜花忌廉湯🥣每日有唔同主菜款式做優惠，禮拜一去到咁岩有我想食既呢個😛面頭鋪上隻太陽蛋，牛扒叫左五成熟，都係偏薄身既，一塊肉質都算嫩，另一塊就略韌，連同黑椒醬汁，味道比較係港式茶餐廳風味🐮薯條係幼腍身似麥當當嗰種，或者可以轉意粉，當日係一大兜既茄汁扁意粉，可惜未煮好偏硬身🍝最後仲包是日果茶，係熱情果籽茶，要左凍既茶味依然重唔會過甜🍹整體勝在一個價全包宴😂🔎 整體評分（6.5/10）

突然提早了放飯迫著要那麼早吃中餐..感覺的確不太好想說吃點甜品糖水也好但太早店還未開（？）然後看到一家粥店但只限外賣 😮‍💨再走幾步再次回到這條街話說這店其實也吸引了在下好幾次因為那圓圓的大玻璃窗還有微粉藍再且已經沒時間了再考慮的話不只是要斷食還會連短短能坐下的時間也沒有..進店吧！掃完針卡後隨便坐也幸好有是日星期四推薦不用選擇困難症萄國香煎脆皮雞扒香菌汁 配薯條 $80熱果茶和餐湯點完餐後服務員會提示可以先享用沙拉吧小小的沙拉吧有好幾款菜本來就沒有很大期望的在下平常心走過去看看結果發現了在下喜歡的薯仔沙律 😍😍😍還有玉米粒光是這2樣東西就足以讓在下再次光顧這次只拿了小小的一點因為..還沒到在下的吃飯時間..然後來了餐湯 和果茶這湯在下是沒有很喜歡味道..不大協調..至於果茶是不錯的只是在下似乎太飽並沒有把它喝完沒想到..不適合的用膳時間還有趕緊厭迫的時間會讓人浪費食物..雞雞也到了皮是沒有脆的可能是因為顧著吃薯仔沙律把雞放了一下的原故不過厚厚嫩滑的雞肉質素很不錯 重點是無骨這也是在下偏愛吃雞扒的原因 😆在雞扒下面有著數十條的薯條在下對這興趣不大最近已經火氣大 痘痘不斷地出世再且..店

同同事一齊出去食飯，行過見到呢間餐廳新開，餐牌睇落都吸引，一於去試下。🔎 葡式烤肉拼盤配薯條（2人用）呢個係午市每日優惠，日日都有唔同選擇。今次就係葡匞烤肉拼盤配薯條，包裝豬扒、牛扒、雞扒同腸仔，全部都好有肉汁。不過腸仔係黑椒味，太辣啦。薯條係蕃薯條，我地大家都估唔到，不過佢好脆。🔎珍珠帶子栗飼巴馬火腿葡國燉飯上枱外觀都算靚，味道就正正常常，不過不失。🔎牛油果芒果蟹肉烤夾歐包成個歐包烘得好脆，配上芒果牛油果酸酸甜甜，但蟹肉份量太少，唔太食得出。以上套餐包括任食自助沙津吧、餐湯&是日果茶。是日餐湯係忌廉湯，幾好果。但佢上枱係用杯裝，進食比較麻煩啲。果茶唔會太甜，都有飲到淡淡既生果味。

New dainty Portuguese restaurant which is a rare find in the neighbourhood.Tried their high tea set for two (3pm-5pm): apple crumble waffles, egg mayonnaise sandwishes, nachos with an impressive meat sauce, ice cream/ meringue alike cakes, other cakes and macarons of the day + free salad bar). Specially ordered a milk tea with a rose-like milk tea ice so the milk tea remains cold but rich. Impressed by their snacks/dessert, warm service and food outlook/ displays. Their high tea set is certainly

上次食完見到有好抵嘅晚市外賣，於是試下。今日外賣左新開葡國餐廳，超抵食😍，238包晒，因為過左200蚊仲送多兩個葡撻。👍🏼超高性價比，味道有驚喜，個餐包左呢啲：～忌廉湯～馬介休球拼葡國辣肉腸拼薯條- 馬介休球幾香，薯條夠脆～葡式烤肉，有雞豬牛。豬無上次堂食豬鞍扒咁多肉汁，但豬扒嚟講都算腍，只係仲係咸左小許，淡返啲啲就好好。～南瓜汁珍珠帶子燴闊條麵。有新鮮菜苗，好綿嘅南瓜汁，只係個小元貝無乜味，其他交足功課～仲有兩個送嘅葡撻。

嚟到黃埔搵食，見到有間葡國菜都幾抵食，佢中午套餐係包括自助飲食沙律吧，餐湯，主菜，水果茶，價錢應該由$78至到$200不等，見到佢咁抵食就入去試一試啦！🥗自助沙律吧 (7.5/10)沙律任飲食嘅，有青瓜，蕃茄仔。粟米粒。同埋三款嘅菜。沙律都算幾新鮮，加埋黑醋都幾開胃！🍴餐湯 (7/10)餐湯係南瓜湯，都幾濃郁，香甜，幾好飲！🍴 傳統葡國燴雞配小法包 $78 (7.5/10)有六件法包，幾多雞件，份量都幾足，葡汁都幾香，但未算濃郁，甜甜地，裏面嘅配菜有薯仔洋蔥同埋紅蘿蔔，雞肉都幾嫩滑，法包配上雞肉同埋葡汁，都幾香幾好食 ！🍴 烤濕式熟成豬鞍扒配薯條 $138 (7/10)豬鞍扒要等25分鐘，即叫即整熱辣辣，豬鞍扒煎得啱啱好，有肉汁，豬嘅香味肉味就冇，但略嫌有少少鬆肉粉味，但呢個價錢就冇得要求咁多，加上個汁係燒汁，都OK！薯條比較幼，都係好脆。🍹水果茶 (7.5/10)水果茶係自家製，甜度係固定嘅，有茶味，幾香甜，有水果嘅香味，入邊有好多生果細粒，個人覺得甜度都OK，可能我唔係好鍾意飲甜野，覺得冇咁甜會再好啲！推薦指數: 7.5/10下次會想食返多啲葡國菜式🤣嚟到黃埔唔知食咩好，呢間葡國菜

行過幾次都比佢門口嘅顏色吸引~ 今日lunch 多d時間終於有機會坐底慢慢食~ 一入門口服務員已經好有禮貌有笑容。今次叫咗3樣食物同同事share ~ order 咗 牛油果芒果蟹肉烤夾歐包，紅標西冷扒同乳豬，另外有餐湯同沙律吧任食~ 個人覺得可以任食salad已經超值，而且沙律菜都好新鮮! 因為一般西餐好少機會會食菜，出面淨叫salad 又唔夠飽，而家可以因個人喜好而選擇真係好難得! 個包我覺得好食~入面幾款配撘都係我至愛。第二款係同事要嘅西冷，我試咗幾塊，食得出牛係高質素，而且外貌烤得好好，入面6成的真的做到6成效果，在期望之內，而且唔會太乾身，有肉汁。如果唔係我搶住試我諗同事會獨食! 第三樣係乳豬，我覺得比得起澳門正宗葡菜，皮係超脆~唔使刀~就咁用更都可以切開~ 可想言之有幾脆~ 一啖食落調味好足夠，質素好好唔會有豬嘅"so" ，第一啖有少少咸~ 但原來夾埋佢配個醬就啱啱好~ 醬好似有少少passion fruit ，但原來都好夾。食完先見到有omakase menu ，而且價錢超平民~ 不過要預定，希望疫情可以快d過，到時再book omakese 試~ ! 好難得食到廚師心機

今日因為疫情爆發，防疫限聚，所以提早在下午吃生日飯，因為六點之後冇堂食，所以預約3:00開始食廚師發板。頭盤拼盤，主菜，甜品，飲品都係精心炮製，用上高級食材，但係坐落喺紅磡黃埔有啲唔夾。開放式廚房乾淨俐落，甜品用心製作。但係我覺得似法國菜多啲，因為餐具和擺盤都很精緻，打卡一流可能因為新開張，這個價錢食到咁嘅質素，性價比及超值，一定要再約一大班朋友嚟捧場，保證唔會失望，木糠布甸有得外賣，帶回家小朋友非常開心。忘記介紹一個溫泉蛋配龍蝦油再加龍蝦湯，保證你未試過。