泰苑小食

Open Now

Now Closed

有晚我同朋友兩個人去左九龍城,冇諗過食什麼,所以隨便去左街市既泰苑...之後好後悔!叫左:菠蘿紅毛丹冰,冬陰功河,濕炒海鮮河呢杯所謂菠蘿紅毛丹冰,只不過係椰汁溝罐頭紅毛丹,得個甜字冬陰功河...一d味都冇,唔好食終極難食:濕炒海鮮河我叫既明明係海鮮河,何解甘多菜之餘又見唔到海鮮既?反左碟野好耐先見到:幾舊魷魚,一粒青口,一粒蝦米...甘樣賣四十五蚊賺死佢個汁亦好唔掂,我同朋友一致贊成呢碟野係...垃.圾.

考完試順便黎食泰國菜~~叫左:泰式去骨鳳爪-->作為前菜, 酸酸辣辣好開胃, 有d洋蔥, 蒜蓉, 辣椒, 夏天食好正蒜蓉包-->其實係用黎點咖哩食, 不過即叫即做, 好脆, 但蒜蓉不足, 畸左咖哩都唔知係咩味泰式咖哩雞-->佢係用咖哩炒蟹個種咖哩做既, 加左蛋整到杰杰地方便點咖哩食, 泰式咖哩唔同重慶個d咁重香料, 呢度重椰汁味, 亦都唔辣~生菜包-->d生菜好新鮮, d肉碎酸酸辣辣用左泰式香料炒, 好fresh!!兩個人都食左$140, 係街市黎講消費算貴, 但如果去d proper d 既泰國菜館就一定唔只呢個數了*7點已經有人等位, 建議早d去

蒜茸包$18-熱辣辣, 好好味 椰汁青咖喱雞$35-稀稀的青咖喱汁, 用蒜茸包點 d 青咖喱汁食, 好味道 香葉肉碎炒茄子$35-沒有魚香的, 魚香茄子煲 泰式炸蝦魚餅$42-爽脆可口 蝦羔炒飯(冇蝦羔味)$45-有微微鹹香味道, 好好食 菠蘿冰$16-香滑, 好綿, 酸酸地, 醒胃芒果冰$16-好香芒果, 好綿

一行八人 (4大4小)想食泰國菜, 在九龍城食過好多次, 今次唔知食邊間好, 上openrice睇吓食評介紹, 呢間排名咁高, 於是到此一試生蝦刺身 (蝦都算大隻, 夠新鮮, 但個炸蝦頭唔係即叫即炸, 凍咗唔係幾好食)酸辣鳳爪 (酸辣適中, 好味)蝦羔炒飯 (食唔到蝦羔味, 但炒得都好好味, 蝦肉大隻又彈牙)炒貴勺 (好食, 但炒得唔夠乾身)炸蝦餅 (夠彈牙, 好好食)蒜茸飽 (熱辣辣, 好好食)青咖哩豬肉 (咖哩汁較為稀, 好似湯咁, 但又好好味, 而且都幾多料)炒蜆 (蜆夠大隻, 夠新鮮)浸烏頭魚 (條魚都好大條, 魚肉夠滑, 唔腥)香葉茄子肉碎 (好好食)生菜牛肉包 (好好食)兩杯珍多冰, 兩杯菠蘿冰 (菠蘿冰好好飲, 好似思樂冰, 即叫即打, 質感好綿, 但我見好多人叫芒果冰, 相信都好好飲, 有機會下次試吓)八點鐘已坐滿人, 店舖位處市政大樓, 環境略為差少少, 冷氣唔係咁夠凍, 見到小強好忙咁走來走去, 泰姐招呼好好, 價錢便, 無加一收費, 食物嘅味道抵銷店舖環境嘅不足, 可再來試試

以前一個月真係會去一次~因為d野真係好好食~正爆呀!!不過自從之前加左價,d野又縮左水之後……就少左黎…但係…都係心掛掛~都係想去食~生蝦--以前去親~起碼叫3碟~而家d蝦細左好多~同埋偏乾~點解會咁架?冬蔭公--仲keep到!!唔會太咸~好味~~有夠料!!!炒通菜--都係仲keep到水準~好惹味~好香~同埋真係好食食~咖哩--一向都係麻麻~好水…金邊粉--好硬~個感覺得好似咬不斷的…麻麻地鳳爪--嘩~夠哂辣~一路叫辣~一路食唔停!!!正呀!!!芒果冰--好有芒果味~好好飲~~夠哂味又夠凍~正呀!!

無無聊聊搵野食, 朋友話好想去九龍城街市食... 心諗, 唔係掛... 但真係好意外地食到咁好食既泰國菜... 唔錯... 唔錯...

　　　　三五知己相約晚餐必定要食好野 , 因為工作辛苦至在搵黎食丫嘛 , 所以又點可以委屈自己去食一d又貴又唔好味道既餐廳呢 , 雖然係街市上面聚餐並唔特別舒服浪漫 , 勝在食物質素同價錢係超值先 , 往往都唔會令人失望而回。 鐵板煎蠔仔蛋餅 ~ 真係好正好好食 , 蠔仔份量岩岩好 , Size大隻又鮮甜 , 只可惜蛋比較老同多油左少少。 馬拉盞炒通菜 ~ 食到有陣怪味 , 又唔係咸又唔係辣。 生蝦刺身 ~ 新鮮但係份量太少。 蒜泥炒蝦 ~ 蝦身脆d就更加好食。

九龍城雖然出名食泰菜, 但好少隨便試, 老公話呢間之前經過好多人食, 見午餐時間無乜人, 試吓啦, 佢個餐牌同出面有些不同, 我們最後選咗d之前未食過嘅泰式雞肉乾鍋, 泰式肉碎炒飯, 醃豬頸肉沙律三款都好食, 味道剛好, 有泰國人幫襯泰式雞肉乾鍋原來好似炒粉絲咁, 配有雞肉, 蛋絲, 鮮蘑菇, 通菜, 推介泰式肉碎炒飯上得靚, 唔太乾豬頸肉沙律d豬頸肉好吃, 但原來無乜菜, 個汁偏濃

看了食評說這泰苑比kowloon city 其他泰菜平,又好味即管去試下,點知失望1, 佢吾會平過金泰, 2,吾係真係好好食, 3地方, 唉....我吾介意係大笪地, 但係果把風. 扇不停地不停地係咁吹亂我d頭髮, 好煩呀!!!!! 無晒 mood..上菜不分次序我地叫左 Garlic Bread 想用呢點個紅咖哩豬, 點知第一個上就係Garlic Bread, Garlic Bread 係好熱, 又脆但等到最尾上既紅咖哩豬時, Garlic Bread已成為枈皮...吾通佢想我一開始食晒d包, 飽晒食吾到並其他野???tom yum 咸左d...個小爐幾有風味蠔仔炒蛋...趁熱食,吾係吾好味,因為會出水...不過吾夠我地潮州蠔餅好食紅咖哩...其實都好飽啦食吾晒,打包, ok la..不過不失啦!座得吾舒服, 大忌!!!!!!沒有下次..

是晚,好朋友生日,所以出去食餐飯慶祝.其實我都係第一次呢間食飯.不過人流都幾多,地方又幾大.一行十人,但得長,冇圓,所以傾計都唔係咁方便.什錦拼盆:春卷,鳳爪,蝦餅,魚餅,紙包雞, 蝦餅一流,又脆口.春卷就麻麻地. 紙包雞幾好,又唔會炸得太乾身.咖喱炒蟹:咖哩汁做得幾好,又唔會太辣. 而且又香椰汁味.菠蘿炒飯:普通少少,味道亦一般.泰式鳳爪:夠辣,又幾好味.蒜蓉飽:焗得剛好,趁熱食最好,脆卜卜, 配咖哩汁仲正!生蝦:份量少D,但幾好味,個汁又做得唔錯.冬陰功:味道一般,只覺酸,好似唔夠辣.

差不多一年無來過, 今次的蝦餅真係一流, 但濕炒河就無左以前的味道 炸蝦餅 $39 --即炸的保證夠熱, 裏面蝦肉新鮮彈牙, 表面炸得非常香口--酸梅醬夠濃, 唔會溝水 濕炒河 (牛) $38--曾幾何時最鍾意這兒的濕炒河, 因鍾意像麥芽糖清甜的杰獻汁, 大大粒沒有草青味的草菇--可惜今天已完全變了, 味道只有鹹及少少酸, 可能落了喼汁或醋, 已沒有一年前的甜--已沒有草菇, 芥蘭亦少左, 多了西蘭花及椰菜花--不過牛肉的確夠稔, 應該無落到梳打粉, 能保持牛肉濃郁的鮮味

本人十分喜愛食泰國嘢, 以前次次都係識得去黃珍珍, 今次友人介紹, 話街市有間食泰國嘢都唔差, 所以尋晚就去咗九龍城食飯, 去到第一個感覺..地下好滑, 好驚 PK, 好彩最後都無, 7:15左右去到, 都好似無咩人, 唔知係咪太早?? 之後就開始叫嘢食喇:小食併盤 - 有紙包雞 (乾咗小小), 鳳爪 (好辣, 好味), 魚餅 (好多蔥) 、蝦餅 (好熱, 好咪) , 春卷 (好油) 雞牛豬肉串燒 - 不太欣賞, 可能太乾蝦膏炒飯 - 都 ok 既泰式抄通菜 - 小小辣嘢飲 : 我叫咗珍多冰, 好好味, 唔太甜 (好味過金牛丸)我地三個人食, 都食唔哂, 未去過既都值得一試, 不過我未必會再去, 因山長水遠, 唔係好方便 !

朋友介紹下知道泰苑小食，不過因為好鬼爆曾經過門不入，今次由朋友帶隊終於一嘗。地方係街市熟食中心環境一定要就一就，不過食物就真係有水準之上表現，再加上平民化價錢(平均比九龍城一些泰國菜街舖平1/3)，今餐十分滿意。當晚食物:青檸冰 -- 即場打酸酸地好清新好香青檸味冬蔭公 -- 小小淡，配料足炒通菜 -- 一般蒜蓉飽 -- 鬆脆香口咖哩抄蟹 -- 份量十足，D汁點蒜蓉飽一流，蟹肉好鮮甜海鮮芋頭飯 -- 香口，小心食到辣椒，標眼水炸蝦餅 -- 有蝦味咖哩炒魷魚 -- 今晚比較失色，魷魚唔入味

3-2-2009正奇怪街市的 lunch hour 點解比平時少人咁咁咁咁咁多, 行入 d 先發現原來想去的樂園落了閘, 仲大大隻字「初十啟市」, 結果幫襯了呢檔泰菜, 還掂從未食過. 一個人食唔得多, 簡單叫了碗冬蔭公湯河 ($28), 加杯青檸沙冰 ($16) 以備「不時之需」.先0黎青檸冰, 打得好粗糙, 飲到「啪啪」聲, 味道勁勁勁勁勁酸, 勉強飲了三份一杯已放棄. 當然, 叫得青檸都預0左會酸, 但呢杯係酸得「也母」喉嚨, 太啃了. 再0黎冬蔭公湯河... 湯底賣相幾淺色, 橙色「浮油」頗多, 飲落帶淡淡青檸的酸香, 完全唔辣, 椰味比想像中淡薄好多, 冬蔭公? 河粉粗厚, 食落帶點煙韌; 配料有兩隻蝦,「一開二」青口, 大量「灌水」魷魚及幾條碎濕濕通菜, 味道淡淡的, 咬口搭夠.麻麻0地滿意的一餐, 有機會 (?) 再試其他食物吧.

今日lunch去左呢到試......一共6個人~叫左2個麵,2個飯+一碟蝦醬炒芥蘭+蝦餅*先來了一個"蝦餅".....熱烘烘的...都幾好食呀!!*之後來了一碟"蝦醬炒芥蘭"......我覺得麻麻*再之後來了一個"泰式炒飯配雞肉".....嘩...個賣相已經唔係好得...好像雞蛋炒飯加雞肉 之後食落去....係完全冇味囉!!*接著的是"泰式炒河配牛肉".....其實與乾炒牛河有何不同呢!?本人覺得乾炒牛河應該更好 食!(ps...由於被同事ball玩...所以我不能試真這道菜的味),同事說牛肉很難咬喔!!*再者便是"菠蘿海鮮炒飯".....賣相叫ok(但我一心以為有個菠蘿盛著呢)....味道也是不外如 是~*最後是"濕炒河"..這個我沒有試...因為賣相已經唔吸引....總括而言......不用專程去試喔!!!