小天使餐廳 (Closed)

當行到門口時，看見名轉了有點失望，但看看門外的餐牌竟然跟以前的一模一樣，細問之下原來之前那間餐廳己賣盤，業主自己接手來做。今次點了蕃茄醬伴法國飽、翡翠海螺、煙三文魚凱撒沙律、茸露忌廉帶子扁意粉及House Red Wine。蕃茄醬伴法國飽的蕃茄醬雖然好簡單但因為用鮮蕃茄粒整成，第二間鋪頭食唔到。翡翠海螺好新鮮，亦食到海水味，唔係雪藏的，但美中不足的是，大家也知道出來食飯海螺殼會reuse，但大廚竟然幫我們把海螺的尾部清理好才放入去，雖然細心，但感覺唔係幾好。煙三文魚凱撒沙律好食，但其實唔需要特別技巧，冇乜好講。茸露忌廉帶子扁意粉個汁好好足夠，好怕有些鋪頭的意粉醬汁唔夠，令意粉太乾唔好食。最重要的是，依家食物份量比以前多少一半，但價錢一樣，好抵。

記念日同女朋友由數碼港去赤柱，舊地重遊，想着去Firence食餐，享受老闆殷勤的招呼。來到看見餐廳的名稱換了，店內的服務員亦換了，但店內的裝修依舊，就入去試試。當晚人不太多，可能成9點比較夜。店員招呼沒有了以前老闆的殷勤，但仍然細心，會不斷換碟，難為了清潔阿姐。看見餐牌同以前一樣，就叫了一個套餐，有湯、露荀巴馬火腿卷、乜乜海鮮意粉、飲品，另外再叫一個肋排。湯是標準白湯，無乜特別。露荀巴馬火腿卷的露荀係較頭的部份，夠鮮嫩。乜乜海鮮意粉同以前的味道是一樣，個汁味道一流。肋排比較特別，平時的肋排有好多肋骨，但今次的肋排就有一半係軟骨，啱哂鐘意啖啖肉的女朋友，好味。餐飲叫咗個涷咖啡，見服務員同另一位似老闆的人兄講咗幾句，個位人兄就出去一陣運袋冰回來，就即刻有餐飲出，為我當晚最後一枱客買冰，誠意可嘉！杯涷咖啡仲要係莫卡咖啡，雖然較甜，仍然好飲。飲餐飲時已是晚上10時多，看見廚師們收工，離開前還打趣說：「慢慢食，食到幾點都得架！」都係飲快d比人早d收工。雖然餐廳的名稱改了，但食物質素同誠意依舊，值得一去。